إقتباس الرسالة الأصلية كتبت بواسطة اليكس11 الحين ناقضت نفسك .. في أول ردك تقول مايأثر على الفريق والحين تقول يأثر ..؟ حنا نقاشنا عن كريس .. تتوقع يتأثر الفريق أكثر بغياب كريس والا فيدا ..؟

أخوكم من رابطة الأرسناال ورده



::


::

.. كل عام وانتم بخير ..
* اللي يبي يهنئ برمضان هالتصميم فدوهـ *

^^^

ياشيخ انت كفو

يعطيك الف عافيه علىالتصاميم الروعه

السلام عليكم
مبروك عليكم الشهر
وكل عام وأنتم بخير

إأخوكم : فيصل

-
-



السلام عليكم ورحمة الله وبركاته ,,

مبارك عليكم الشهر ,,
ويارب إجعلنا ممن صامة وقامه إيماناً وإحتساباً ,,
وارزقنا العتق من النيران ,,


,,


وكل عام وانتم بـ بخير ..


,,


ورده

السلام عليكم ..

ابو فراس ..

إقتباس بالنسبة لغياب كريس أكيد إنه مؤثر وهالمسألة مايختلف عليها إثنين لكن هل تأثيره يأثر على الأداء العام للفريق أكيد لا

الحين تقول كريس غيابه لايؤثر على مستوى الفريق ..

إقتباس كريس غيابه مؤثر على الفريق بشكل كبير ليش ؟؟ !! لأنه ليدر النص وله أدوار هجومية ودفاعية وأحيانا يلعبه السير راس حربه يعني الفريق يعتمد بأغلب طرقه الهجومية على كريس

والحين تقول غيابه مؤثر ..

........

استمتعت بالنقاشات ..

بالتوفيق لليونايتد لتقديم أفضل المستويات بدون كريستيانو رونالدو ..

مساعد مدرب السبيرز : كل شي سيتم غدا ..!




لم يجب مساعد مدرب السبيرز بويت عن موضوع برباتوف .. لكنه اكتفى بالقول : كل شيء سيعرف غداَ ..

sky

مبـــــــارك عليـــكم الشهر الكريم

أعاننـــــا الله وإياكم على صيامـــه وقيـــــــامه وختم قرآنه

وختمه لنـا بالعتق من نيــرانه

ودخــول جنانه

كــــــل عـــــــام وإنتـــــــــوا بصحة وســــــــلامة يارب

ورده





أخــــوكم / نــوّاف ورده

إقتباس الرسالة الأصلية كتبت بواسطة اليكس11 مساعد مدرب السبيرز : كل شي سيتم غدا ..! لم يجب مساعد مدرب السبيرز بويت عن موضوع برباتوف .. لكنه اكتفى بالقول : كل شيء سيعرف غداَ .. sky

بكرة آخر يوم من سوق الانتقالات ..
ان شاء الله يجي ..

من بداية السوق وحنا نطالب به ولا جا ..
ليش ؟

طالبنابه من زمآن ولا جا .. الله يعين بس والله يستر من بكرة ..
والله ما ظنيت انه بيجي للاسف .. ..

فيرغسون .. صح انه فكر وعطى الموضوع اولوية تامة .. لكن مو ذيك الدرجة .. لو انه عطى الموضوع اولوية وفكر وتطآق وكل شي كان هو مانشسترآوي من زمآن ..

شبآب فكرو معي اللحين لو جا للمان يونايتد ترى رآح يفيد الفريق كثير .. لو غآب روني او تيفيز او جاتهم اصابة لآ قدر الله رآح يلعب بدآلهم .. وهو لاعب سريع ومهاري وخطر في منطقة الجزآء ..

لكن آآآهـ .. لو اني فيرغسون كآن اترك مهمة التدريب وكلش على المسآعد مسيكين .. وآروح اقطمه قطم من توتنهام ..

لكن ياليتني بـ المان يونايتد ..

الله يعين .. ..

.. ورده ..

عزوز يقولكم انه جته سفره لمكه وتأكد حجزه قبل شي

بالعربي انه يسلم عليكم ويقول تامرون بشي من مكه

وهو ماراح يطول الغيبه ان شاء الله

المصدر

بسم الله الرحمن الرحيم


وبعد:


اخواني انا واحد جديد في هذي الرابطه وارجو الترحيب

^^

الله يحيك فرقسون .. ياليت تشوف القوانين بأول رد بالرابطه

الله يستر على ابو الزوز ويرجعه بالسلامه .. ورده

***

هذا ردي بالموضوع هناك .. صرنا نوزع منشورات

××


عزوز

لو اقول كلام من ذهب .. ابشرف الذهب بهالحاله .. < القلب للذهب

ابقول شي ما يوصف وبس

إقتباس فمن التفاهه عندما يغيب عن لقاء ما اكثر من 5 لاعبين بعضهم حضر بجسده فقط !

قلتها سابقاً لعبود .. وشيء يعني لي الكثير لما نتفق انا وياك على عبود خخ

العناصر المؤثرة الغائبة تعدّوا الخمسة بينما البعض يذكر كريس ويتجاهل
البقية ..

لو كان كريس موجود بوقت كانوا الاغلب سيئين وش بيصير ؟؟
ما اعتقد بيتغيّر اذا كانت المجموعة اللي معاك موب بيومهم

كريس له تأثير .. لكن موب لدرجة ان كريس = مانشستر

إقتباس أهنيك .. هذا كل اللي أبي أقولـه .. كل فريق لازم يكون له نجم يعتمد عليــه .. موب عيب ترا .. لأني ألاحظ ردود البعض شوي ويلعنون خيري ..

ما توصل ينلعن خيرك وانا موجود ياحياتي

الفريق يعتمد عليه وعلى غيرهـ واتفق معاك انه الابرز .. وهالشيء ما ينكرهـ
أحد وموب معنى إنه الأبرز يعني الفريق صفر بدونه ..

ميلان مثلاً الأبرز فيه كاكا .. لكن موب معناهـ إني اتجاهل نجوم ما يقلون عنه
وعن اللي يقدمه للفريق .. جاتوزو وبيرلو وبالاخص الأخير .. أشوف إنه أهميته
مثل اهمية كاكا لكن مهضوم حقه بسبب مركزه ..

ايضاً نيستا وغيرهـ .. وايضا الكلام ينطبق على اكثر الاندية ..

في مباراة زينيت ولعلها هي اقرب مثال .. مشكلة الفريق كانت ازدواجية أدوار
المحاور .. ومشكلة المحور هذي اضرت بالفريق ككل .. وأجزم إنه لو تواجد
كاريك بجانب سكولز بيختلف الوضع كثير لأن أساس اي فريق منطقة الوسط
والمقصود بالوسط المحاور موب الاجنحة .. لأن المحاور حلقة وصل بين
جميع الخطوط وقوتهم تقوي وتريِّح اللاعبين اللي قدامهم بالذات لاعبين
الوسط الهجوميين ..

يعني كاريك = مانشستر ولا يكثر < طبعاً امزح ماله داعي يفطرون علي الشباب

شفنا يوم دخل اوشي وخذ راحته سكولز مسكنا اللعب وخلقنا فرص وتحرك الفريق
وقربنا كثير للتعادل بينما قبل التغيير الكوره ما نمسكها الا بالمناسبات .. والفرصه
ماشفناها الا مرهـ وحده وبمجهود فردي فقط ..

إقتباس قلت مانشستر يعتمد على كريس .. واذا غاب كريس يغيب مستوى المان .. واذا حضر كريس حضر مستوى المان ..

عبدالله موب شرط .. ترانا الحين ببداية موسم والفريق ما بعد وصل للتوب ..

ارجع للموسم الماضي وش مستوانا قدام ريدينغ ؟؟! المستوى تصاعد شوي
قدام بورتسموث والثنتين كان رونالدو موجود .. قدام السيتي بغياب رونالدو
الفريق قدم مستوى افضل من الثنتين بالرغم من انه قابل فريق اقوى
من هالاثنين وخسر .. وخلق فرص بالجملة ومسك اللعب بدون رونالدو ..!

قل إنه يقِل معدل التهديف اقول لك اوكي .. ( يقل موب ينعدم )

أنا مانيب اقول كذا اقلل من رونالدو .. لكن حرام وموب منطق اربط مستوى
فريق كامل بلاعب واحد مهما كان حجمه ..

إقتباس طيب لاحظوا كل الهزائم الا مباراة او ثنتين دايم كريس يكون غايب فيها .. تتوقعون صدفـه ..؟

الموسم الماضي وصلنا اظن لجولة 32 على ما اعتقد وكان كل مباراة يلعبها
روني الفريق ما يذوق الخسارة .. صدفه ؟

إقتباس تتوقعون فيـه لاعب يقدر يسجل لكم 42 هدف .. غير صناعه الأهداف .. ...؟ فليتشر ..؟ والا بارك ..؟ والا جيجز ..؟ والا ناني ..؟

مستوى ولا اهداف ولا نتائج .. !؟

موب شرط عشان اجيب هالثنتين يصير عندي لاعب مسجل حول الخمسين ..
هذا برشلونة جاب الثنتين قبل موسمين وما اخبر ان ايتو ولا رونالدينو سجل واحد فيهم
حول هالعدد .. تشلسي الموسم الماضي ضاعت ببلنتي + تعادل مع ويقان ولو توَّفق
بهالثنتين راحت علينا بطولتين .. وما عنده لاعب سجل هالعدد ولا حولة ..

واذا على مستوى .. قدمنا مستوى به وبدونه في مباريات كثيرة .. ومباريات بدون
مستوى به وبدونه .. والنتايج فاز وخسر معانا وفزنا وخسرنا بدونه ..

مؤثر لكن موب كل الفريق ولا نص الفريق .. فيه مدرب و لاعبين بكل الخطوط
غيابهم مؤثر مثله تماماً ..

إقتباس نعتمد عليـه خاصةً في التهديف اللي ماعندنا غير كريس هداف .. ممكن اذا جاء برباتوف يكون غياب كريس مؤثر لهالدرجه ..

تهديف اوكي مؤثر في التهديف وهذي ميزة فيه .. لكن موب معناهـ استحالة نسجّل
بدونه .. فليتشر وطقته فكونا من هزايم وتعادلات ..

إقتباس أنا أستغربت منكم انكم تتوقعون المانيو يحصل على الثنائيه في الموسم الماضيـه بدون كريس ..

موب لحاله اللي لو ماتواجد قلت فرصنا بهالبطولتين ويمكن تضيع .. اكثر من لاعب
بالفريق كلهم مؤثرين وموب كل شي التهديف ..

ابسط شي شف غياب ريو ووش يسوي بالفريق ..

لو تواجد راس الحربه اللي عليه الكلام .. قلت اهمية ميزة التهديف اللي يتميز بها
كريس ..

إقتباس بالنسبه للتكتيك .. وين تكتيك السير في مباراة نيوكاسل ..؟ ومباراة بورتسموث في الدرع ..؟ ماشفنا تعويض لغيابه ..

السير يلعب على خيارات متاحه قدامه .. موب لحاله اللي غايب ..

هاري + تيفيز + روني راجع لك من اصابه + اصابة كاريك وجيجز + ايقاف
ناني + عدم جاهزية بارك ... ليه يغفل غياب 7 او ما شابه له ويذكر واحد فقط ؟

ما اشوف ان كان فيه حلول تذكر عند السير ..

إقتباس والحين تقول غيابه مؤثر ..

عن مؤثر ما يختلف على هالشيء اثنين .. مثله غياب ريو يؤثر على الدفاع ..
غياب كاريك او هاري " اثنينهم " يؤثر على النص .. غياب تيفيز او غياب روني
سواءً غاب كلياً او غاب مستواه يؤثر على الهجوم ..

كذا لاعب بالفريق غيابه مؤثر بس موب لدرجة ان المستوى ينعدم والفريق
يتمهزل على لاعب واحد من هاللي ذكروا كلهم ..

إقتباس ثآنياً : مباراتنا في الدوري أمام نيوكاستل .. 1/1 على أرضك وبين جمهورك ..؟ مااتوقع ترضي أحد ... تتوقع لو كرستيانو كان حاضر كانت بتنتهي 1/1 ..؟

شيء علمه عند الله .. كان حاضر رونالدو ضد بورتسموث في الجوله الثانيه
من الموسم الماضي وبغينا نندق وطلعنا 1-1

إقتباس رابعاً : زينيت في نهائي السوبر .. مهزوميـن .. نتيجه ومستوى .. تتوقع لو كريستيانو موجود رآح يكون نفس هالمستوى ..!؟

يس ..

إقتباس 1 - خسارة من الغريم مانشستر سيتي 1/0 ..

اعتقد قدمنا مباراة حلوهـ ووقف لنا الحظ والحارس والعارضه والقائم

إقتباس 2 - فوز بهدف يتيم على ارضك وبين جمهورك على توتنهام ..

تعادل مع توتنهام بآخر الدقايق بالاياب وتمهزلنا مهزلة بوجودهـ

إقتباس 3 - فوز بهدف وحيد على ارضك وبين جماهيرك على سندرلاند الصعد حديثا..؟

تعادل على ارضك وبين جماهيرك قدام الاسوأ من سندرلاند الموسم الماضي
اللي هو ريدينغ

عبدالله لو بنعد زي كذا منتب خالص ولا حنا بنخلص .. لأن النتائج موب ضروري
تعكس مستوى الفريق بمباراة معيّنه ..

انا هنا مانيب اقول انه زلابه لكن مافيه لاعب ما يخسر

إقتباس اليونايتد بدون كريستيانو ماراح يحققون اللي حققوه الموسم الماضي ..

وبدون ريو ؟؟ أو سار ( لاحظ " أو " يعني حداهم .. )

إقتباس طيب لو كريستيانو يلعب تتوقع ماراح نتعدى الهدف الواحد ..؟

وليه بوجوده ما سجلنا بالافتتاحيه .. والمباراة اللي عقبها ما سجلنا الا قول واحد
ومن سكولز ؟؟

قدام فولهام ضربنا بالثلاثه وخارج ارضنا وبتشكيلة احتياطية تقريبا ..

لكل مباراة ضروفها وحظوظها ..

××

ياحبي لكم وانتم تتهاوشون

××

عبدالله .. ترا تفرق لما تقول لاعب مؤثر .. عن انك تقول لاعب يضيع الفريق
بدونه لحاله

مافيه فريق يتوقف على لاعب واحد مهما كان .. أما إذا كانوا 7 او 6 وكلهم
مؤثرين بتتأثر غصب ..

إقتباس في النهاية الي ابي اوصل له حل وسط بينكم وهو ان كريستيانو مهم ومأثر غيابه على الفريق لكن ماتشوف ولا شفنا قوة ومتعة اداءه الموسم الي راح الا بوجود كاريك واندريسون وهاري وتيفيز وروني وقيقز يعني الكل يكمل بعض

عزوز .. تؤبرني يا ابضاي .. ان شاء الله نشوف هاليوزر يقدر بما
يستحق .. تروح وترجع بالسلامه يا بعدي

عبود نقاشك مع الشباب عسل

كل الشباب من ابو حميد لمحمد هاري وسعد وابو فراس والدحمي .. استمتعنا بهالنقاش
الحامي .. واستمتعت اكثر بردودكم