.
.
السلام عليكم ..
تعرفون معطل لي يومين وابي اسولف بـ العربي .. رابطتكم وناديكم ومدربكم يجننون تهبلون ماشاء الله عليكم ..

المهم نبدأ بـ السالفه :

متوقع لـ فريقكم بمستوى قوي السنه القادمه , بس بطوله الدوري تبطون عظم مافي امل في دوري قوي مثل الدوري الانجليزي تحتكرون الدوري 4 سنوات ورى بعض ..
وخوفي ان يطلعون الناس ويقولون ان خروج كريس هو السبب ..

ماراح اقول السير مثل ماطلع كريس يطلع غيرهـ واقعد اعدد الاعبين الي راحوا وجا بدالهم نجوم , ولا حتى راح اقول ان الفريق الكبير ماراح يوقف على لاعب واحد !!
لكن هذي سنه الحياهـ او بـ الاحرى هذي هي كرهـ القدم المحترفه , كريس سوا عين العقل يوم طلع من المان و انا كنت من اشد المطالبين بـ خروجه من المان وتجريب مغامرهـ جديدهـ ونفس جديد يخليه يزيد من ابداعه ..

السنه الجايه ماراح اشوف فرق كبير ولا راح يختلف الفريق اختلاف جذري , بـ العكس البدائل ممتازهـ وفالنسيا مع اني لست متابع جيد له .. لكن اتوقع له موسم ناجح خاصه انه جا بدون ضجه كبيررهـ ..
وجود ناني وطرح الثقه بـ روني واستمراريه بربا .. راح تصنع الفارق ..
.
.
عندي نقطه اتمنى اتمنى اني اشوف لها حل في المان !! امنيه حياتي اشوف لاعب مثل مايكون في المان , مع احتراماتي لأجتهادات براون واوشي وحتى عدم نضوج رافاييل <_ نسيت اسمه .. هـ الخانه مسببه قلق لي دائماً ودائماً ماتكون مسدودهـ سد وبـ العنوهـ !!

لما اشوف البرشا والانتر ويكون مفاتيح لعبهم الفيس ومايكون انقهر على المان ..
وربي اني اتابع البرشا <_ اكيد الاهم هنري , لكن من اهم اسباب متابعتي للبرشا هو الفيس وكيف مسوي جبهه مجنوونه ..
تخيلوا معاي جهه يمنى جامدهـ وربي هذا الي ناقصكم !!
.
.
تيفيز , انا متأكد ان التصاريح الي سمعناها في الفترهـ الاخيرهـ وخاصه خبر ان السير ديكتاتوري انها مملحه شوي وفيها فبركه كثير لكن :
اعتقد انه جاب العيد وكل الاخبار الي سمعتها تدل على عدم احترافيه في مخ هـ الاعب !! يعني على العين والراس في بعض الامور تزعل مثل الجلوس على الدكه !! لكن اني اسمع تصريح ان بربا هو سبب انتقالي <_ هذا العجب العجاب !!
يعني لاعب دولي وكبير وكل الانديه تبغاك مفروض تكون عندك الثقه في النفس وتريح بربا على الدكه ..
.
.
خلصت السالفه ..