ღღ رابـطة عـشـاق تشـيـلسـي ღღ Chelsea Fans 2008-2009 ღღ - صفحة رقم 473 - نادي الهلال السعودي - شبكة الزعيم

ҜђâŁЗđ 88 · #7081 06/02/2009, 01:47 AM

هلا اخوي الفيلسوف وجآري الارسآل <- مآصدق

..

وبالنسبه لشبآب المهندسين

.. انآ مستوى رابع مع شويآت خآمس يمكن يكون معآي الترم هذا الا اذا كآن شآيب متعديني

..

ونعم والله بشبآب الهندسه <- اقويآء حنآ

..

وعلى دروقبآ والله يجيني مهآجم ينهيلي اهم المبآريات ولا مهآجم يجي هداف الدوري ومآينفعني بريآل في المبآريآت الكبيرهـ <- ممكن هذا دورقبآ ..

وايسين

<- قصمن مهستر هالخآل ..

كانكورد · #7082 06/02/2009, 01:50 AM

إقتباس

الرسالة الأصلية كتبت بواسطة فيلسوف


	اها ... توني افهم وش قصدك اي مباراة ... مباراة الدوري ما اذكر له لمسات واضحة ... الا ان كانه ادى واجبه الدفاعي المعتاد ... ووجه ركلات ورفسات للضعيف فيديتش ... اوكي اوكي الوعد تومورو ...

نسيت رفعته لبالاك اللي جر المدافعين معه وموه عليهم وراحوا يم فيريرا وتحرر بالاك وجاء الهدف

والا نسيت طول المباراة وشلون كان مشغل دفاعهم طول المباراة .!!

رح شف المباراة قبل لاتنوم

ҜђâŁЗđ 88 · #7083 06/02/2009, 02:08 AM

إقتباس

الرسالة الأصلية كتبت بواسطة كانكورد


	طبعاً اكيد برشلونه يعيش فترة ممتازه ومن اهم اسبابها مثل ماقلت النفسيات بالنسبة للفريق كامل العام الماضي مع خرانت حسبي الله عليه كنا نلعب بفريق احتياطي كامل تقريباً في بعض المباريات ومع ذلك كنا نفوز مع مورينهو عانينا من اصابات بالجمله ومع ذلك عدينا مع سكولاري الفريق يلعب شبه مكتمل الا بعض الاصابات اللي تعودنا عليها كل سنه وبعدين سكولاري ليش طلع حوالي 8 لاعبين ولا جاب الا بوسينجوا وديكو .!! هذي اكيد يتحملها يكولاري مع ان ابراموفيتش ماقصر معه ودعمه بالفلوس اذاً تبقى غلطة سكولاري

الله يهديك أنت مصمم ان العله من سكولاري

..

وللمعلوميه ترا انا ماالومك ولا اقول انك غلطآن تبقى وجهة نظرك ..

لكن هل تعتقد ان الادارهـ دعمت سكولاري بهالقوه الي تقولهآ .؟! مآ اظن وتراهآ غلطت نفس غلطه ريآل مدريد وكلهم جآبوا العيد ..

أصرارهم عى التعآقد مع الاعب الواحد <- ريآل مدريد كريستيآنو و تشيلسي روبينهو .. أثرت على الفريق ومآخلتهم يستفيدون من سوق الانتقآلاات ..

انآ وربي معآك بكل نقطه لكن مو حصر المسئوليه كلهآ على سكولاري .. في اشياء كثيرهـ مآسآعدت هالمدرب وهنآ النقطه المهمه جداً جداً ..

كانكورد · #7084 06/02/2009, 02:16 AM

^^

انا ما احط اللوم كامل عليه لكن اعطيه 90% من تحمل المسؤولية

طيب اذا كانت الادارة غلطانه انهم ركزوا على روبينهو وهذا متفقين عليه

طيب ليش جبت ديكو .!!؟

وانت عارف ان بالاك ولامبارد مع بعض مسوين زحمه واضطروا انهم يلعبون موسمين
عشان يتأقلمون مع بعض .!!

حتى روبينهو ماطلع الكلام عنه الا نهاية الصيف والا السفرة الاعدادية كان معجبه الفريق
وكان يقول ان الفريق مكتمل !!

طيب مالودا وشلون يقعد ولا يجاب له بديل .!!
وشلون يطلع هذا الكم الهائل من اللاعبين ولا جاب الا 2 بس

زد عليهم فابيو بايم ومينيرو اللي ماادري ليش جابهم وهم ماطقوها

!!!

مما خلى الفريق يعاني احياناً من النقص الواضح في اكتمال الصفوف .!!

طبعاً الكلام كله وجهات نظر ومحترمه من الجميع
لكن كلن يخرج مافي جعبته

الا يا مستر خنبقه لعاد تدور رابطه ثانية

خلاص خلك معنا وشجع البلوز من الحين واسحب على الباقي

ҜђâŁЗđ 88 · #7085 06/02/2009, 02:37 AM

إقتباس

الرسالة الأصلية كتبت بواسطة كانكورد


	^^ انا ما احط اللوم كامل عليه لكن اعطيه 90% من تحمل المسؤولية طيب اذا كانت الادارة غلطانه انهم ركزوا على روبينهو وهذا متفقين عليه طيب ليش جبت ديكو .!!؟ وانت عارف ان بالاك ولامبارد مع بعض مسوين زحمه واضطروا انهم يلعبون موسمين عشان يتأقلمون مع بعض .!! حتى روبينهو ماطلع الكلام عنه الا نهاية الصيف والا السفرة الاعدادية كان معجبه الفريق وكان يقول ان الفريق مكتمل !! طيب مالودا وشلون يقعد ولا يجاب له بديل .!! وشلون يطلع هذا الكم الهائل من اللاعبين ولا جاب الا 2 بس زد عليهم فابيو بايم ومينيرو اللي ماادري ليش جابهم وهم ماطقوها !!! مما خلى الفريق يعاني احياناً من النقص الواضح في اكتمال الصفوف .!! طبعاً الكلام كله وجهات نظر ومحترمه من الجميع لكن كلن يخرج مافي جعبته الا يا مستر خنبقه لعاد تدور رابطه ثانية خلاص خلك معنا وشجع البلوز من الحين واسحب على الباقي

كل هالي قلتهآ سلبيآت تؤخذ بعين الأعتبآآر ومن الاسبآب الي ماذكرنآهآ وحنآ ركزنآ على النفسيه اكثر

بالنسبه للروابط

.. يآخي تراكم احرجتونن بالمرهـ

..

ان شاء الله اني معآكم واتشرف والله لأن هالنقآش وربي استفدت منه كثيرر ويكفي انه عرفني عليكم ..

انا اشجع البلوز ومعآهـ مآنشستر وارسنآل وليفربول

,, وفي الدوري الايطآلي الميلان واليوفي ورومآ اخرهم مو مره الانتر

وفي الاسبآني برشلونه ريال فالنسيا والاهم اشبيليه

..

يعني انسآن متلوون

.. بس لا والله في الكره العآلميه احب ادور المتعه واتآبع الكل .. والقلب مآفيه الا الهلال الله يرجه من فريق هبلبي

..

بس أن شآء الله اكون معآكم متواجد وببثركم لآ تخآآف

..

وللمعلوميه تراني احب مالودا <- بيتصفق

..

تحيآتي حبيبي

<- خآف على عمرهـ من بعد مالودا

كانكورد · #7086 06/02/2009, 02:48 AM

إقتباس


	اخرهم مو مره الانتر

اجل دور لك رابطة ثانية

<< امزح

والله ذيب يا سامي · #7087 06/02/2009, 02:56 AM

^^^^^^^^

لبى قلوبكم على هالنقاش

والله يا شباب أعتقد كلنا نتفق على إن سكولاري أخطأ يوم استغنى عن هالعدد الكبير من اللاعبين في الصيف وفترة الانتقالات وما دعم الفريق إلا بـ 3 لاعبين برتغاليين !!

يعني بصراحة مو معقولة ما يكن عندنا ظهير أيسر إلا جو كول وإلا محور إلا ميكيل !!

نتكلم عن الهلال مثلاً ، عنده حول 5 محاور وهذا الصح ، أما تجيب لي لاعبين فقط محاور !!!

شوفوا مانشستر يونايتد عنده 6 محاور

سؤال آخر يطرح نفسه ، هل سكولاري لا يريد أن يستقطب لاعبين أم أن الإدارة لا تدعمه ؟؟

سمعنا عن أن النادي يعاني من أزمة اقتصادية تتمثل في مالكه أبراموفيتش

لكن هل هذا يعني أن أبراموفيتش تخلى عن النادي

فيه أمور كثيرة غائبة عنا كمشجعين ولا يمكن التنبؤ بها

بالنسبة للنتائج السيئة ، أكيد سكولاري له دور كبير فيها

مورينيو مثلاً كان يلعب بتشكيلة ثابتة لمدة 7 أو 8 مباريات وبعدها يقوم يلعب الفريق الاحتياطي لأنه يثق فيه

أضف إلى ذلك أن مورينيو كان في كل مباراة تقريبًا يدخل لاعب شاب في التشكيلة

سكولاري يلعب بتشكيلة ثابتة وأنا أتفق أن هذا شيء إيجابي ، لكن مستحيل أن تطالب اللاعب بأن يقدم أفضل ما لديه وهو مهلوك بالمباريات

وأتكلم عن ميكيل ولامبارد وبوسينغوا وآشلي لأنه أكثر من صبوا عرق في الموسم

الثبات على تشكيلة واحدة جابلنا إصابة كارفالهو اللي مدري ليش المدرب مصر يلعبه قبل ما يكتمل شفاءه

وكذلك جو كول اللي انهلك مسكين حتى جته الإصابة

أنا أعتقد فيه سبب مهم هو اللي أدى إلى تغير نتائج الفريق وهو رحيل ستيف كلارك

أعتقد ما فيه شخص عاقل يقدر يقول إن رحيل كلارك ما أثر

بصراحة من أفضل المساعدين في العالم ، وتكسيرا ما راح يفيد الفريق وهو شنبه

والله يا جماعة مدري وش أقول بس إنك تأتي بمدرب يعمل لـ 8 سنوات مع المنتخبات وتأتي لتجعله مدرب لأحد أفضل نوادي العالم !!

أعتقد صعبة شوي

عمومًا أنا برأيي الحل هو إراحة اللاعبين في بعض المباريات والتعاقد مع لاعبين من طراز عالي وما ناقصنا فلوس

إلا إذا كان الروسي بيتمنذل

رابطة عشاق الميلان · #7088 06/02/2009, 02:57 AM

بإنتظار تشريفكم

ҜђâŁЗđ 88 · #7089 06/02/2009, 03:07 AM

إقتباس

الرسالة الأصلية كتبت بواسطة كانكورد


	اجل دور لك رابطة ثانية << امزح

<- فآطس من الضحك

.. بس ترا الانتر له قصه معي هي الي خلتني كذا

بعدين اذا شبكتك اقولك

<- برى لو سمحت

..

بالنسبه لـ : والله ذيب يآسآمي ..

يوم اقولكم تشرفت بهالنقآش مآتصدقوون الي خلاني اتكلم معآكم وانآ اعرف متآبع واعرف قوتكم بهالمنتدى

..

ولي رجعة لكلامك بس بصراحه خلنآ نعطي الشبآب فرصه خذينآ ثلاث صفحآت من الهذرهـ

..

لكن اذا كآنوا لاهين بأختبآراتهم ومحد درى عننآ بنرجع نهآيط <- قصدي انآقش

..

فديت قلووبكم وربي

والله ذيب يا سامي · #7090 06/02/2009, 03:45 AM

.. [ مبـاراة تشيلسـي القادمـة ] ..

(ضمن مباريات الجولة 25 من الدوري الانجليزي الممتاز)

التاريخ : السبت - 7 فبراير 2009

الملعب : Stamford Bridge

الوقت : 6:00 مساءً

القناة الناقلة : Show Sports 1&2

المعلق : فهد العتيبي

البلوز قلب لندن · #7091 06/02/2009, 07:13 AM

ستامفورد بريدج استضاف الفريق الاول والذي اقام حصة تدريبيه نظراً لعدم جاهزية ملاعب الكوبهام بعد تساقط الثلوج على ملاعبها .
والبرازيلي لويز فيليبي سكولاري اختار تبديل أماكن واعطاء اللاعبين فرصة لإبراز مهاراتهم .
التدريب بداء بالاحماء البسيط ، بعد ها قسم سكولاري اللاعبين واجرى مباراة بينهم ليلاقي الخيارات في تشكيلته التي تواجه هال ستي يوم السبت.

مشاركة كبيرة أيضا من ريكاردو كواريساا في ثاني دورة تدريبية مع فريقه الجديد الذي لعب ركنية لـ جون تيري وسجلها في الشباك . انها واحدة من العديد من اللمسات الجميلة من جناح انتر ميلان الايطالي ، الذي قدم سرعته ومهاراته العالية .

وكان عدد قليل من الشبان حالفهم الحظ في تواجدهم في التدريبات، الذين كانوا يقومون بجولة على الملعب . بعدها اخذوا مقاعدهم تحت غزراة من الامطار المتواصلة .
واخذ سكولاري فرصة التوقف لتبادل الأفكار ، في حين أن الشباب بريكدت وتوماسي شارك قليلاً في نهاية التدريبات .

نهاية التدريبات .

نهاية التدريب ايضا ، استغلها كل من ديدييه وميروسلاف ستوك و فرانكو دي سانتو وانيلكا في التسديد على الحارس الشاب ريس تايلور .

المصدر
http://www.chelseafc.com/page/Latest...546799,00.html

زعيم يازعامه · #7092 06/02/2009, 01:20 PM

إقتباس

الرسالة الأصلية كتبت بواسطة "


	المعلق : فهد العتيبي

راح يزيد المباراة روعه هالمعلق دايما احس أنه تشلساوي

ما أدري ليه ..

ــــــــــــــــــــــــــــــــــــــــــــــــــــــــــــــــــــــــــــ

شكل التدريب مشعلل اليوم ,, بالتوفيق للبلوز

بكرا ,,

وبالتوفيق لكواريزما بتاعنا بتقديم مباراة جيده وخدمه مصلحة الفريق

وليس نفسه ,,, ركز على نفسه

لـكـــــ

ــــــم

al.blues · #7093 06/02/2009, 01:30 PM

وش رايكم نغير من رابطه تشلسي الى رابطه سكولاري والاداره

سعود .. ترى سكولاري ماله دخل

يا خنبقه انت ... سكولاري افشل منه مافيه .. حق منخبات قويه وبس

محيميد ... لا انا محيميد .. انت محاميد .. لاتقعد تكول ان سكولاري هو المخطئ .. تشلسي باع لاعبين كانوا ثقال عل اكتفهم ورواتبهم عاليه ... ونستفيد من الشباب ... ونسدد بها بعض الديون ... وغير كذا كنا نبي نمول صفقه روبينهو .. لكن قدر الله وما شاء فعل

<< كذا اللي يخشون عرض دايم ..

تبون الصدق ... صراحه سكولاري ما اعتقد ان له ذنب في الي صار كله ... هو جاي واللاعبين متحطمين نفسيا من المباريات والنهائيات اللي انهزمنا منها الموسم الماضي ... 3 نهئيات خسرناها

.. واي فريق يسويها

سكولاري كان عليه تهيئه اللاعبين نفسيا .. وبقوه بعد .. قبل ما يهئهم جسديا ...

اعتقد التهيئه النفسيه حاليا ... نحتاجها اكثر من اي وقت راح ....

اما عن مصروفات النادي ... الادارة لي مازادت 5 مليون عن عرض السيتي ..

ماكانت بتضرهم ..

سكولاري جا وكان فيه عده عوامل واقفه في وجهه ... واكبرها واهمها .. حماسه اللاعبين تلاشت .. بسبب اصرارهم العامللفوز بالبطولات الثلاث .. ووصلوا لاخر خطوه فيها .. لكن كان خصم واحد واقف في وجههم .. وهم الشياطين الحمر

اتمنى اكون افدكم

<< هذا النقاش ولا بلاش

أسيــ الزعيم ــر · #7094 06/02/2009, 01:37 PM

والله الشباب مشعللين .. يا شيخ من زمان عن هالمتعة

عسى الله يديمها بس

بسم الله نبدأ

إقتباس


	إذا على فيريرا : والي مآيعرف بوسينقوا يقلقله .. هلآ حبيب ألبي تراي خقيت أني اكلمك شكلك ختير ومأنتك <- وش رايك فيني .. بالنسبه لسكولاري ,, يمكن الشبآب يعرفوا رايك بسكولاري لكن انا مآعرفت رايك ولا تسمع بالاجآبات الدبلومآسيه ..

أول شيء خلني أتكلم عن بوسينجوا و فيريرا .. اللي حاصل في أغلب الأندية الكبيرة .. انك تلقى ظهير هجومي و ظهير دفاعي .. أحياناً يتوفر ظهيرين عندهما هذه الميزة لكن المدرب يوافق بينهم في المهمات الهجومية

في تشيلسي عندنا آشلي كول من تالي صاير هجومي بشكل كبير الى درجة انه يوصل إلى خط الستة أكثر من مرة و بـ فرص شبه محققة .. مو انطلاقة و بس .. الا تلقى الكورة تجيه عرضية من الجهة اليمنى

أما بوسينجوا و بكل صراحة أشوف عنده كرات عرضية جميلة .. لكن تغطيته الدفاعية سيئة .. و الأسوأ من ذلك انه اذا يبي يسوي فيها مارادونا الظهير الايمن

من جد اذا شفته يسحب احس اني اشوف مباراة قديمة .. يطق الكورة يسار اللاعب المنافس و هو يروح يمين

قديم قسم بالله

و فيريرا ممتاز جداً في الظهير الأيمن .. و ولد النادي

و لا عمره قال لا .. يا اخي قدره و لعبه بدال هالعالة بوسينجوا .. فيريرا أفضل ما فيه التغطية الدفاعية و اذا ساند هجومياً نعم سيء .. لكن يجي منه .. و لاحظ فيريرا يجي منه في الهجوم و بوسينجوا يجي منه في الدفاع

فرق !

طيب انا وش ابي من الكلام اللي راح .. انت يا سكولاري اعتمد على ظهير أيمن دفاعي و الأيسر هجومي .. و هذا الافضل لأن آشلي تبيه في الدفاع و الهجوم يعطيك .. هذا في طريقة اللعب عاد كيف كـ مستوى لـ بوسينجوا اللي كل ما له يدحدر !

اللحين نجي على رأيي في سكولاري .. رأيي عموماً أن المدرب حتى الآن ما قدم لـ تشيلسي إضافة .. لم يكن هناك سوى بداية قوية استبشرنا بها خير .. البداية كانت هناك طريقة لعب مختلفة و متعة لكن اختفت بعد ذلك !

كان له كثير من التخبطات في الفريق هـ الموسم .. أشوف الشباب يقولون ماكاليلي و هـ اللعيبة .. ما أدري ليه احس انها رغبة لاعب أكثر منها رغبة مدرب في الاستغناء عن ماكاليلي لأنه من المستحيل انه يجيك مدرب حتى لو انه [ لوح ] يستغني عن ماكاليلي !

الفريق بشكل عام إذا اكتمل و ابتعدت عنه الاصابات بتشوف فريق مختلف و ما راح نفكر في استقطاب لاعبين .. لكن الاصابات و الايقافات سبب كبير في ما يحدث للفريق الآن

اللحين بيجي سعود يقول توك تدافع عن سكولاري

.. سكولاري دافعت عنه في مباراة ليفربول فقط

كلمة أخيرة عن سكولاري في تعقيبي هذا .. و هو ان المدرب يجب أن يُعطى فرصة أكبر .. مدربين كُثر حينما يأتون إلى دوريات جديدة لا يُصرحون أبداً بالتخطيط للحصول على الدوري .. لأنها تكون سنة صعبة غالباً

إقتباس


	مستقعد لك ذا اليومين يا ابوعابد اللاعبين اللي فازوا بخمسه هم هم اللي فازوا العام على الاربعة الكبار وهم هم اللي ترقعوا ذا الموسم من الاربعة الكبار اللاعبين موب داخلين المباراة وهم خايفين .. لاعبين كبار في فريق كبير موب والله ويجان بدع مع الصغار ويوم جاء ضد الكبار ارتبك وضاعت علومه .!! هذا تشلسي الفريق اللي كانت كل فرق العالم تحاول تتجنب ملاقاته .!! لكن الفرق ان المدرب امام مدربين الفرق الصغار يستقوي عليهم ويوم جاء ضد مدربين كبار ضحكوا عليه ..!! هذا هو الفرق في وجهة نظري

يعني اللحين النقاش الاول خلص

سعود حبيبي

تحبني

طيب المدرب اللي رفعنا فيه بداية الموسم من هو ؟! .. لا يكون مورينهو

يا اخي الموسم اللي راح موسم استثنائي .. و اللي قبله كان فيه لاعبين مختلفين حتى الموسم اللي راح فيه لاعبين مختلفين .. يا اخي حتى مستويات بعض اللاعبين متغيرة .. الدعوة مهوب على اسماء اللاعبين المسألة على مستوياتهم .. خذ لك مثال جون تيري .. خذ لك مثال غيابات دروجبا .. خذ لك مثال إصابة إيسيان .. خذ لك مثال اصابات جو كول .. خذ لك مثال مستويات كالو المتفاوتة .. خذ لك مثال عدم ثبات قلوب الدفاع .. فرق كبير يا سعود

إقتباس


	لكن اذا قلت ان اللاعبين هم هم طيب يالاعب يوم انك تفوز امس على الفرق الكبآآر وين أدائك ذاك اليوم وبنفس قوتك ليه مالعبت فيه .. يعني المدرب ماهو بيدهـ نكبآآت تيري هاليومين الي استغربهآ منه بصراحه مآهو المدافع الجهنمي الي يرعب المهآجمين .. قل عطائه شووي <- مآ أقوول هالكلام تحآمل لا والله .. بس لأنه أفضل مدافعي العآلم بصراحه , عندك لاعبين كآنوا يصنعون الفآرق بشكل كبيرر السنوات الي راحت وكآنوا ينقذون مدربينهم .. وينهم الحين !! ..

تثير ثديقي

إقتباس


	هل يوجد طرف ثآلث محد فكر ان يحط اللوم عليه , غير المدرب واللعيبه ..؟؟

أكيد لكن هو مُسَلَم به .. و هو الحكم

إقتباس


	تشيــك آشـلي <<< الوصخ ذا قاهرني ... تيري ... أليـكس ... جوزيـه ميـكل ... إيسيـان لامبارد ... بـالاكـ كـواريسمـا <<< ما أدري يصـلح يلعب بريحاته ورى المهاجمين و إلا لا !؟ دروغبــا

يصلح ليش ما يصلح .. و اذا ما يصلح خليته يصلح لعيونك

يا اخي استح على وجهك

تحط أليكس .. طيب دامك تتمنى حط كارفا يا اخي حرام عليك

إيسيان ما ظنيت يرجع قبل مباراة اليوفي عشان يجرب هـ التشكيلة .. خلنا نشوف كواريزما اللحين هو يستاهل و الا لا

إقتباس


	إلا على طاري اليـوفي : أيـوب كيـف إحسـاس الفوز بالبـلنتيــات هـو زيـن ؟

الفوز بالبلنتيات .. وش هالكلمة الدخيلة على الرابطة

إقتباس


	نعم , بوسي لديه إمكآنيآت رآئعة , ولآزآلت لديه المؤهلآت الدفينة ولآزآل أيضاً هنآلك وقت ليظهرهآ , ولكن هذ1 لآ يدل على أن ينفي شخصاً هلك من كثرة الجلوس على دكة البدلآء

قالها نواف .. لازم ينقرص و يجلس على الاحتياط عشان يحسن لعبه

إقتباس


	إذن السبب الرئيسي لكل هي { الحآلة النفسية }

هـ السبب ممكن هو اللي يلخص كل شيء .. الحالة النفسية ممكن هي السبب في هبوط مستوى أداء بعض اللاعبين

برجع لكم بعدين .. كتبت هـ الرد و عارف منيب مكمله لكن قلت اكتب شوي في الوقت اللي اكون فيه .. اذا رجعت كملت

Abo khald · #7095 06/02/2009, 02:14 PM

لالا مايصلح كذا انتم قاعدين تتناقشون عن سكولاري وبوسينجوا والفريق بشكل عام وآنا نذاكر

أطالب فهود بقفل الرابطة الى عودتنا من الأختبارات

السلآم عليكم

من خلال ماشفت من ارائكم الي يلوم سكولاري والي يدافع عنه

أنا بعتقادي سكولاري يتحمل مسؤلية كبيرة لية تبيع لاعبين خصوصا فارت فيلبس تدري مافية بديل للجوي الا فيلبس الحين جاء كوكو

وجوي مصاب ايضا الآن مافية بديل له مافية غير العاهـ مالودا ..!!!

الفوز غدا على هال واذا ابدع كوكو رغم انها صعبة يبدع لكن اذا ابدع اعتقد بتكون دافع كبير للبلوز لفريق يحتاج له لملمة اوراق الفريق ميكيل لازم أحد يساندة مو معقوله هذا الكلام ارهق ارهاق شديد جدا وهو الوحيد الي يغطي ها المكان من بداية الموسم

لدرجة انه مل وسكر ماينلام خلوهـ يستانس

صراحتا غريبة انتم تنقدون بوسينجو يوم كان مايغطي مركزهـ بالكشل المطلوب ماجاهـ الانتقادات مثل هاذي

ا أنا مأدافع عنه لكن اشوف انه بدى يتطور في الخلف وبدى يغطي مكانة ومعد نشوف من أهداف كثيرة اللاعب بدى يطور مستواة لازم ندعمه ولانتقدهــ .!!

دروغبا صراحتا الي تكلم ويقول فاشل والي يقول بيعوهــ ارد عليهم اقولانتم لاتفقهون بالكرة شيئا

بضرب لكم مثال الحين ياسر بالهلال لو لعب العنبر اساسي وهو احتياطي له وش بيسوي

افضل منه تهديفا مهاريا كل شي وهو يصير اساسي انيلكا لعب اغلب المبارايات وأمام الفرق الكبار ماذا عمل في خاصتا أمام الفرق الكبيرهـ المان والارسنال والليفر ..!

دروغبا لابد انه يلعب اساسي قبل مباراة اليوفي ليرجع لمستواة الطبيعي بأذن الله ويرعب الخصوم

عندي كلام كثيرجدا عن الفريق والحالة الي يعيشها لكن لى مابعد أجلها بعدين الى مابعد الأختبارات

مستر خنبقه

منورنا

وعجبت بقلمك الرائع وياليت لو تواصل معنا ..

الأختبار بكرة الله يعين الجميع ابغيب في ها الفترة منتوب شايفين يوزري ابد من غير شر او بالغلط مرهـ مرتين

وماأحرصكم على الرابطة نبي اخبار الفريق ونقاشات كل يوم صفحتين تمر شي اساسي هذا

بالتوفيق لكم وللبلوز غدا وفي قادم الايام ..

فمآن الله ..