نواف
صباح الفول والتميس
هاه اقتنعت ان روح الفريق ينكب بكل المباريات سواءاً كبيرة او صغيرة
واقتنعت بأن دروجبا مثله مثل أنيلكا مايطلع بالمباريات الكبيرة
بس انيلكا يطلع قدام الفرق الصغيرة
نجي للجد ...
سكولاري ,, انا معك يا نواف انه دخل بتشكيلة ممتازة وافضل الحلول لعب فيها اللي ممكن تسيّر المباراة لصالحنا ,
لكن ابقولك شي ... هل كل مدرب لعب بتشكيلة ممتازة مؤهل انه يفوز ويخطف الثلاث نقاط !؟
لا والف لا ! المدرب مهامه عديده غير اختيار التشكيل المناسب , ومن اهمها الاعداد النفسي وغير كذا لاتروح بعيد ,
توظيف اللاعب في الملعب ... مثلا يطلب من بالاك مراقبة رونالدو ويطلب من ديكو مراقبة جيجز ويطلب من لامبارد مراقبة بارك أنا اقول مثلا .. يعني كل لاعب يوكله بمهامه بحيث ان المتابع للمباراة يشوف تكتيك المدرب مرسوم على ارضية الميدان
مثلا عندنا في الهلال اذا قابل الاتحاد نشوف عزيز يتمشى مع نور وين ماراح وين ماجاء يعني اتضح لنا تكتيك المدرب بعكس تشيلسي مباراة المان ... الشوط الاول هجومي بحت وحاشرين المان بملعبهم لكن للأسف مافيه تنظيم وبالتالي كسب المان اهم نقطة واللي هي انهاك لاعبين تشيلسي وبالتالي يدخل الشوط الثاني ولياقته توب وبكذا يتحكم بالمباراة !
ارجع لنهائي الدوري (حقنا لاتروح بعيد
) السنة الماضية بتحصل الاتحاد الشوط الاول يلعب بمنقطة الـ18 حقت الهلال وانتهى الشوط الاول بسلام وبداية الشوط الثاني جاب الهلال هدف وريح وبالتالي شفت الاتحاد كيف يلعب وهو ضايع يبي الهدف بأي طريقة , صحيح تشبيه يفرق عن تشبيه لكن انا ابي اوصل لك المفهوم واعتقد فهمت وش اقصد ,
بالنسبة لي اشوف اكبر خطا يسويه تشيلسي في مبارياته هي اللعب بمحور ثابت وحيد !
وبالنسبة لي اقول ميكيل ماعنده خبرة أو قدرة تؤهله انه يلعب وحيد ... صحيح نشوف مساندات من بالاك وديكو ولامبارد لكن هذا لايغني عن محور ثابت مساند لـ ميكيل ... واشوف ان اهم مركز محتاج الفريق فيه اللي هو المحور ويجي بعده الباك اليمين وبعده الهجوم
اتمنى تكون فهمت مقصدي
بالنسبة لـ25 فبراير
نشوف ناديكم العريق وش بيسوي
ياخي يكفيه شرفاً انه كان الحصان الأسود للتشامبيونز خلال الـ5 سنوات الماضية
بعدين ماتلاحظ ان مباراة المان راح عليها حول اسبوع
يالله اجل احس اني قرقرت واجد ووراي شغلة ...
عالطاري ... فهد
وابوغامد
وعبوشي (بووشي)
وانســـان
وينهم فاقدينهم
الدب ابوغامد شايفه امس بموضوع سكروب حق اللي سادت وبادت واللي بيكون تشيلسي فيها عما قريب
وليد ...
<< يغني عن الكلام
فمان الله
الوضع العادي
