|
الجرسونة والطـفــل .. قصه .. ليست قصه بل موقف ولكن ماذا عنكم ........؟؟ سلام ُ ُ من الله ِ عليكم ورحمة ً منه وبركه بداية ً ســ أطرح بين أيديكم قصة قصيره لا لا .. ليست قصه .. بل موقف +_+_+_+_+_+_+_+_+_+ في أحد الأيام دخل صبي يبلغ من العمر 10 سنوات الى مقهى وجلس على الطاوله ، فوضعت الجرسونة كأساً من الماء أمامه فسئل الصبي : بكم آيسكريم بالكاكاو ؟ أجابته : بخمس ريالات .. فأخرج الصبي يده من جيبه وأخذ يعد النقود فسألها مرة أخرى : حسنا ً وبكم الآيسكريم لوحده فقط بدون كاكاو ؟ في هذه ِ الأثناء كان هناك الكثير من الزبائن ينتظرون خلو طاوله في المقهى للجلوس عليها فبدأ صبر الجرسونه بالنفاذ ، فأجابته بفظاظه : بـ أربع ريالات فعد الصبي نقوده وقال : سآخذ الايسكريم العادي فأحضرت الجرسونة له الطلب ، ووضعت فاتورة الحساب على الطاولة وذهبت أنهى الصبي الآيسكريم ودفع حساب الفاتورة وغادر المقهى وعندما عادت الجرسونة إلى الطاولة إغروقت عيناها بالدموع أثناء مسحها للطاوله حيث وجدت بجانب الطبق الفارغ .. ريال واحد أترون .. لقد حرم الصبي نفسه الآيسكريم بالكاكاو حتى يوفر لنفسه ريالا ً يكرم به الجرسونة / \ / ما دعاني لطرح هذا الموقف أو القصه القصيره هو مقدمة لطرحي فـ كثيرا ً مانقع في حرج أو نتسبب في شحن نفسي تجاه أناس آخرين نحمل لهم الكثير من الحب والتقدير ولكن الإستعجال بإصدار حكمنا عليهم يتسبب في فهمهم بشكل خاطئ فـ كما رأينا .. الجرسونة نفذ صبرها لأن الصبي أخذ يبدل رأيه بين الآيسكريم العادي أو بالكاكاو وظنت به ِ ظن السوء دائما ً نتسرع بأتخاذ مواقف نجدها لاحقا ً خاطئة لا نملك الصبر ولا نعطي مساحة للغير في الكثير من المواقف في الحياة سواء ً في العمل أو في المحيط العائلي أو في محيط الحب :: : :: من لدية موقف حدث معه بهذه ِ الطريقة فلا يبخل بذكره هــُنا لــ رُبما نتحكم في حكمنا على الغير دُمتم بعافية .. |
وعليكم السلام ورحمة الله وبركاته.. اممم ماقد مر علي اني قد حكمت على ناس بالبدايه..أو يمكن يكون فيه بس نسيت<<من متى وانتي ماتنسين من يوم يومس وأنتي نسايه:razz:>>لايكثر الموووهم أكيد مررر ماني ملآك:yes: أعتقد بالمحيط العائلي حكمنا ماراح يكون بالبدايه <<مجرد رأي>> لكن بالعمل والحب على قولتك..يووووه مشآكل:razz: أرجو تكون قطتي بمووضوعك لها فايده..:d لك مني صاله بدون مكيف مليانه ود وإحترآآآآم:naughty: تحيآآآتي:smilie47: |
أهلين نوارهـ هو أكيد فيه بس نسيتي :d شاكر ومقدر مرورك ودي ..، |
وعليكم آلسلآم ورحمة آلله وبركآته ،، // بصرآحة تحصل لي كثير هآلموآقف ،، يمكن آقربهآ كآنت مع آبن عمي ( هو حفيد عمي لكن للآختصآر نقول ولد عمي :d ) ،،! \\ شفته في ملكة آخوي قبل 3 سنوآت ،، وقتهآ كنت من زمآن مآ شفته ،، يعني تغير آلولد 180 درجة ،، آنآ آشوفه ،، وآقول وش ثقيل آلدم ذآ :D.. سآلت آلي معي .. من ذآ ؟ قآلوآ لي ولد عمك فلان ،، قلت آلله يآلدنيآ :d،، صرت ثقيل دم يآ مهندوووهـ :d ،، ومن يومهآ وآنآ آقطع فيه :d:D // // عآد حج آلعآم آلمآضي جآ يحج بحملتنآ ،، قلت آلله يعيني عليك بسس .. وآلله يوم شفته بآلمطآر ،، قلت بدينآ بثقآلة آلدم ،، آلمهم مرت آلايآم ،، ولآ آلرجآل تحفة .. وردة ( نسخة مني يعني ) وآلله آني ندمت على تصوري عنه ،، بعد مآ رجعت من آلحج .. تمنيت آنه سآكن آلريآض ،، عشآن آجتمع معه يوميآً :d،، <<قلبهآ فلم مصري \\ وووبسسس .. سآمحنآ ع آلاطآلة :d |
إقتباس:
هههههههههههههههه أجل طلع الرجال وردة مثلك :d يقولون مادح نفسه .. :naughty: ياهلا فيك نورت وطول خذ راحتك البيت بيتك :stoned: |
وعليكم السلام ورحمة الله وبركاته القصه مرره راائعه حبيت الصبي اللي فيها:d للاسف المواقف اللي زي كذا معاي كثييره:no: كثيير اسيء الظن بالناس خصوصا اللي اول مره اقابلهم اسيء أشك انها صح:d منهـــــــــــــــــــا خــالي كان مره قريب مني ودايم اكون معاه :) المهم تزوج خالي وجت مرت خالي اول ماشفتها مادخلت مزاجي وحسيت انها بتبعدني عن خالي ومره من المرات سألت خالي وينها اقرب وحده من بنات خواتك اللي تكلمني عنها وقالها انا حسيت بهذيك اللحظه انها حااقده ومرره متكبره ...<<يمكن من الغيره :d مع الايام طلع العكس تماما صرت اقرب وحده منها وتسولف لي دايما ومره حبوبه وطيووبه ظلمتها في البدايه.. تقبل مرري ورده وآآسفه على الاطاله |
إقتباس:
تغار منك :d ايه خير ان شاء الله :razz: طيب علميها أنك ضنيتي السوء فيها وخلينا نشوف يمكن تسحب عليك :d << يدور الشر :naughty: شاكر مرورك ودي .. |
بصراحة أحزني موقف الطفل ... وكلامك سليم المفروض إننا ما نكم على الأشخاص من أول وهلة .. |
إقتباس:
شي رهيب.......... انا مااتوقع اني مر علي موقف فهمت احد خطا......... لكن انا دايما انفهم غلط..... اخوي صاحب الموضوع.......طلق منتدى الجمهور الهلالي الى الابد.........واسكن هنا.....بالمجلس العام........ مواضيع تثري المجلس..... ننتظر رائعة من رواعك....... تحياتي |
وعليكم السلام ورحمة الله وبركاته :razz: احزنني جداً موقف الصبي .. لدرجه اني تخيلت شكله قمة البراءة :smilie47::razz: كلنا نقع في هذا الخطأ ,, وهو اصدار الحكم على الغير من خلال المظهر او سلوك لم نفهمه ..!! عندما كنت طالبة في الجامعة صادفت فتاة مظهرها الخارجي ينتباه نوع من الغرور ولم استلطفها ابدا .. حتى اذا رأيتها في الزواجات اتحاشى الجلوس معها ..:d لكن بعد ذلك اضطريت اني احتك معها في مجال معين .. واكتشفت حقيقة شخصيتها النقية البريئة ..:smilie47::smilie47::smilie47: !! زعيمهم كلهم !! استطعت عن طريق موقف ما.. ان توصل الينا الفكرة باسلوب سلس ..s60s وانا مع الحربي .. طلق الجمهور الهلالي وأقِم معنا هنا ..:d شاكرة لك موضوعك ..ورده |
إقتباس:
ياهلا فيك داني أسعدني مرورك لا عدمتك ودي وتقديري ..، |
إقتباس:
هلا في بن عمي الشكر موصل لك نورتني بحضورك لا خلا ولا عدم ودي وتقديري ..، |
إقتباس:
أبغض الحلال عند الله الطلاق ويمكن أتزوج القسم العام زواج مسيار أو وناسة :naughty: يعطيك العافيه على المرور لا خلا ولا عدم بساتين ودي ..، |
زعيمم كلهم الله يهديك يااخوي مااقصد هي تغار مني اقصد انا يمكن غرت منها:d |
بصراحه احزني موقف الطفل وفعلا لا يجب علينا ان نحكم على الناس من اول وهله احترامي |
إقتباس:
أدري انها ماتغار منتس مافيه شي يستحق الغيره :d ياهلا فيك نورتي وآنستي ودي .. |
إقتباس:
ياهلا فيك شاكر ومقدر مرورك ودي .. : : |
مرحبا ترحيبة مثل عدد قطرات السيل بالموضوع وبراعيه :d << لاعمرك ترحب :d انا ابقولكم موقف صار معي :naughty: هذا الله يسلمكم واحد من الجماعة :d واحد من نفس العائلة لكنه بعيد :d يعني و بكل صراحة نلتقي في جدنا السادس او السابع :d والرجال برضه يقرب لي من خط ثاني :d جدته [ ام ابوه] تصير عمة أمي :d ولنرمز للرجل بـ[س] :d بين قوسين نقرب لبعض على شارعين ويقرب من جهة جدته أكثر من قرابة اسم العائلة :d بس الناس يظنون ان قرابة اسم العائلة اكثر من قرابة جدته :d المهم الرجال كنت انا وياه مانكلم بعض واذا شفنا بعض كل واحد يصد عن الثاني << من رداكم :d و على هالحال من يوم حنا صغار ليش كذا وضعنا ؟؟ ماادري :d وجت الاقدار و صرنا بجامعة وحدة و مبنى واحد وامر من عند ربعي يوم من الايام ووقفت اسلم عليهم واذا بي اشاهد هذا المدعو [س] :d طبعاً ولأول مرة بالتاريخ الاسلامي والعربي اسلم عليه و نتصافح يداً بيد :d واليكم الحوار أنا : بالخير [س]: هلا حياك أنا: كيف الحال؟؟ [س]: الحمدلله بخير... انت وش اخبارك ؟؟ انا لاحظت ان الحوار طول واخذ وقت :d قلت يارجال كمل وشف نهاية الموضوع :d أنا: الحمدلله... أمور المعدل ؟ [س]: الله يستر من المعدل... وانت بشر عن معدلك ؟؟ ودار حديث طويل و بعد نص ساعة رحنا افطرنا انا وياه الحالنا :d وصرنا صديقين و صار من أقرب الناس لي كـ علاقة :d والحمدلله على كل حال :d حتى كل يوم انا وياه لازم نكرر هالدباجة :d: تذكر يوم كنا ما نسلم على بعض :d ايه اذكر والله ياحنا دبش لو سمحت انت الدبشة... انا الحمدلله مضبوط :d عموماً كلنا دبش... بس انت ادبش :d اقول امش قدامي ولايكثر قرقك :d |
إقتباس:
الله من الدباشه <-- اوووص بس :d :d ترى تصير في كثير من العوائل المحافظه والغير محافظه :d سلم على ( س ) وعلى نفسك :d نورت ولاهنت ودي .. |
بصراحة موقف الطفل جداً محزن:( وخصوصاً انه صدر من طفل أكيد بيكون تأثيره أشد:( انا مع الاسف في اشخاص بحياتي حكمت عليهم قبل ماتعامل معهم وبعد فترة من احتكاكي فيهم اكتشف ان وجهة نظري فيهم عكس كذا تماماً :) تقبل مروري المتواضع |
مره موقف الطفل احزن بي فرق مره بين المعامله ومشكور اخوي ع الموضوع الحلوو |
إقتباس:
هلابتس أحلاهن نورتي ولاهنتي ودي ..، |
إقتباس:
العفووو الحلو مرورك يابنت شمـّر لاهنتي ودي ..، |
مرحبـــآ .. حيا الله الموضوع وراعيه ودام الخير بمساعيه < نشيد أول إبتدائي خامس :d :smilie47: والله أتذكر قصة صارت لي وأنا في صف ثالث متوسط مع مدرسة الرياضيات :upset: :d المهم أنا كان كرسيي وطاولتي بأول الفصل < يعني طاولتك بلحالها :razz: وكانت حصتها الثانيه عندنا ذاك اليوم المفجوع :d :smilie47: طبعا وهي تشرح تناظرنا شوي وتكتب على الصبوره واجد :d يعني يمديك تاكل الذبيحه وتغسل يدينك وتتابع لك فيلم وهي ولا جابت خبرك :d عاد أنا ياحبني لي :smilie47::smilie47::smilie47: < مازالت تسمع بالترفيع الذاتي :razz: ما تخلص الحصة الأولى ألا وأنا ميته من الجووووع :upset: :d بدأت الحصة الثانيه مع مدرسة الرياضيات (مصرية الجنسية) :yes: وهي اللي تدخل وتسلم s13s :d وهي اللي تطلع أدوات الدرس :clap: وهي اللي تكتب الدرس على الصبوره :d وهي اللي تكتب وتمسح :d وهي اللي تمسح وتعود ثاني وتكتب :razz: وهي اللي مادرت ألا وأنا مطلعه سندويشة البيض :smilie47: :d وأنا اللي أفك علبة عصير دانيا :smilie47: :razz: وأنا اللي أدخل المزاز فيه :d وأنا اللي آكل السندويشه وأشرب من ذا العصير :smilie47: :d:d:d وأنا اللي أمز بقايا العصير بكل ما أوتيت من قوووة :razz: وأنا اللي مابقى من سندويشتي ألا آخر حبه للي تحبه :razz: :d:d وهي اللي تلتفت علي :bigeek: وهي اللي تصرخ بعالي الصووووت :bigeek: يامفقوووووووووووووووووووووووووووووووووووعه :bigeek::bigeek::bigeek: < بالمصري :d قسم روووووعتني :bigeek::bigeek::bigeek::bigeek::bigeek: :d ولا خلتني أتهنى بآخر لقمه :razz: :d:d:d ومن رداة الحظ رسبتني بمادتها ظلم وتظلم علي :upset: < مانيب قالبتها مناااحه لا تخاف :razz: ماغير أتوجد على الماضي :smilie47: :d وهكذا الدنيا تسير بما لا تشتهيه الأنفس :yes: s13s ولا تحط رحالها إلا عند كل ماهو شين :d:d:d الله يعظم الأجر بس :razz: زعيمهم كل أبوهم :stoned: تسلم على الموضوع المأساوي :yes: اللي قلبته لك نكتة المجلس :d بسبب مشاركتي البايخه :smilie47::smilie47::smilie47: :d لآهنت خيوو ورده متابعه كانت هنا وطسّت :razz: الله لا يعوقها بشر :smilie47: |
اولا اشكرك اخوي على الموضوع s60s لاكن انا مسكين دايم انظلم وانفهم غلط :stoned: بس فيه شي قاهرني وودي اعرفه هذا الموقف اوهذي القصة صارت بالسعودية او برا السعودية؟ مع اني اشك انه نسج من الخيال :naughty: تقبل مروري وموضوع هادف تشكرعليه :) صعب المنال 20:smilie47::smilie47: |
حبيت ادخل واقراء قصة الطفل مرة اخرى.......... واشكرك للمرة الثانية |
:: " محزن " .. جدآ .. هذآ .. الموقـف ...... !! وأقرب .. " مثآل " .. لــ ( إحسآن الظن ) ..... !! لآسيمـآ .. أن .. " موصل الرسآلـة " .. ( طفل ) ....... !! :: يعطيك العآفية ورده :) |
إقتباس:
هلا يامتابعتنا بسكات بصراحه أنا مدري وش علاقة موضوعي بالسالفه اللي قلتيها :d :d أقري الموضوع مره ثانيه وأتركي البيض عنتس شوي يمكن تفهمينه :naughty: عموما ً سالفتنس زينه يامفقوعه :d لاعدمت هالطله ودي ..، |
إقتباس:
العفو عزيزي أما عن مكان حدوث هالموقف ما أقدر أقولك أخاف تروح تنتقم من الجرسونه :d نورت ولاهنت ودي ..، |
إقتباس:
ياهلا فيك وبحرب كلهم :smilie47: العفوووو بس ودي أعرف الحربي 2004 وش يعني 2004 هذا فخذ جديد ولا وشو <-- يمزح لحد يشره نورت .. |
إقتباس:
عافاك المولى عز وجل ثق تماما ً بأن وجودك يضفي على طرحي تميزا ً آخر لا هنت ودي .. |
إقتباس:
2004 هذا وقت التسجيل اناسجلت12/10/2003 لكن عديت لشهرين وكتبة 2004 وسلامتك |
ياهلا فيك ونعم فيك وبحرب كلها حبيت أمزح معك بس ولا القصد واضح ودي .. |
هههههههههههه انا اكثر واحد صارت معي هالمواقف :razz: كل اخوياي تقريبن اللي حالياً امشي معهم كنت اشوفهم بالمتوسطة اول كنت مادانيهم ابداً ابداً والحين اعز اخوياي ويوميا معهم :yes: بس في نفس الوقت فيه ناس العكس :upset: تشوفهم تحس انهم كلهم طيبة ورقة << ايوا؟ :d وفي النهاية اكتشفت انهم أخس ماخلق ربي :upset: زعيمهم كلهم واصل نشاطك << عشان تصير احسن عضو :clapping: |
ياهلا فيك يا الفهد وأعتقد أن غيرك كثير صارت معهم مثل هالمواقف أما عن نشاطي وأحسن عضو فـ أنا ما أسعى لـ هالشي أبدا ً ولكن أتمنى أن يكون وجودي إضافه ودي ..، |
| الوقت المعتمد في المنتدى بتوقيت جرينتش +3.
الوقت الان » 03:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd