حنا في عطله وهذا الرقم هو سلاحك940
 

كما وصلني

لا تغفل عن الرقم


940


سالفة صارت أمس وقفت عند احد مطاعم وأنا كنت انتظر الطلب

وقف راعي سيارة ونزل وطلب



الشاب سئل العامل ليه لابس قفاز واحد جاوب العامل هذا اشتغل فيها وهذا أحاسب والعامل وهو يتكلم

كان ماخذ الخبز بيده اللي بدون قفاز وحطة على الطاولة وقال الشاب وهو يضحك طيب ليه تمسك الخبز
باليد اللي ما فيها قفاز العامل أنحرج وصار يبرر تبريرات مالها معنى وقال الشاب المفروض اللي يشتغل
ما يحاسب يكون واحد ثاني

وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في
المحل والعامل شوي بيقوله مالك دخل تبي تأكل ولا اطلع برى والشاب طايح فيه

أسئلة المهم من ظمن الأسئلة اللي كان يسئلها وهو يضحك سؤال حسيت العامل منجد بينفجر وسؤال هو ليه
منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة
استفهام وتعجب كبيره



وقال معك مفتش الصحية وتعال شوف وجه العامل من زود ماهو احمر من النار

يوم سمع كلمة مفتش الصحية صار وجهه

تقول طماطة وشهب وجهه في نفس الوقت المهم أن الرجال دخل المطبخ حقهم وصار يعطي الملاحظات
وطلع واحد من العمال

مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني
شهادتك الصحية قال ما معي قال اطلع برا أنت وياه

المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم
ومصلحت الزبائن لو الواحد جاه تسمم أو أي مرض انتقل عن طريق العدوى راح يدعي عليكم



ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف
علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال

شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار
بعينك



يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون

أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن
أي مطعم عليه مخالفات





تحياتي لكمـــ ..

بيض الله وجهه وجهك ............ والله رقم احتاجه كثير <<<<<<<< ناوي المطاعم والبوفيات .

^^^
لاتقطع رزقهم يابوعتب خخخخخخخخخخخخخخخخ :d

عساي مانب مطعم عندك بس :d


ياخي والله بعض المراقبين يبون من يراقبهم :)


حولنا مقصف والمراقب يفطر مجانا وش رايك ؟ :surprised:


يمكن ياويلي فقير المراقب ويتصدق عليه الهندي ! :naughty:


جزاك الله خير اخوي ورده وان شاء الله راح ابلغ عن اي مطعم مخالف

بس ياخي قبل فتره تصكر مطعم عندنا يمكن اللي عندنا ببريده يعرفه

( الكـــــــوخ ) المهم فتره ويفتح مره ثانيه متسممين منه

ناس واجد ليه يعاد فتحه ؟ :surprised:

والله يمكن يالغالي هذي اسمها امانه في العمل وإن شاء الله يكونوا عند حسن الظن وسررت بمرورك يالغالي

بيض الله وجهه وجهك ............ والله رقم اول مره يمر على


بعدين ادعولي انجح من المعهد و اصير واحد من المراقبين

بيض الله وجهكـ وان شاء الله من قريت الموضوع الى وانا داق عليه الحين >>>>حاقد



مشكوووور وماقصرت

بييييض الله وجهــك .. !! والله الصيفية بأقيضهــا ب لــندن أذاا ششفت شئ قلت لكــم .. !! =p :d

بيض الله وجهك على الرقم
والله يعطيك الف الف عافية
ـــــــــــــــــــ ــــــــ ــــــــــ

على فكرة الرقم هذا اللي هو 940 لجميع انواع الشكاوي

مثلا

انا جاري غاثني عندة كلب الله يقطعه ويريحنا المهم

دقيت عليهم واشتكيت

................................................... ماوسخ الدنيا الا العمال

الله يجزاك بالخير

وهذا الرقم خزنته في جوالي وسميته ياويلك يالمطعم

وانشالله اننا نقدر نخدم بعض والوله باللي نقدر عليه

وفعلا من رأى منكم منكر فل يغيرة بلسانة

وانشالله اذا لقيت نكره في هالامور منيب متردد مااااااره

وكلنا جنود للوطن ونحن والشعب يبدا بيد >> تهيض الولد راح يجرب على مطعمه المفظل


يعطيك العافية المغيري على الرقم وجزاك الله خير
وتقبل مروري ومودتي لك
سيد الملوك

ههههههههههههه شكلك ناوي على المطاعم الله يعينهم عليك

الله يجزاك خير هل معلومه نسيت اقولها مشكور يالغالي

امين الله ينجحك ويوفقك وتصير مدير المراقبين...................

يؤيؤيؤ

والله شيء جيد صراحه

كلنا جنووووود للوطنٍٍٍٍِ << ^