مقاطعه الرياضيه والرياضي - نادي الهلال السعودي - شبكة الزعيم

ابو فروحه · #1 18/04/2002, 09:49 AM

يجب على الجمهور الهلالي مقاطعه هذه الصحف مقاطعه نهائيه لانها بصراحه
مسختها فهذي الرياضي تحاول ان تثير المشاكل وتفرقه بين اللاعبين والاداريين
وراجعوا اللقاءات مع الغشيان والشريده وابو اثنين ناهيك عن مدير القسم الرياضي
المنافق المتسلق (الخراج)
والرياضيه اه اه بس......
اكبر صحيفه مفبركه في العالم اقسم ان 99/ من اخبارها مفبركه وعمري ماشفت لهم خبر صحيح واخرتها خبر ان الهلال تنازل عن دخل المباراه الى الطائي واليوم امين
صندوق وعضو نادي الطائي سعد الصعب بين ان الخبر يخلو من الحقيقه وانه مملوء
بغمز واشاره غير واضحه ترمز الى ان الطائي ترك المباراه للهلال لكي يستفيد
ماديا 0................
ولاتنسون خبر ايقاف سامي الجابر 3اشهر على ذمه تصريح مفبرك لعضو الاتحاد
الاسيوي عبدالله حمزه وذلك في ذروه منافسه الهلال .......
ولاتنسون وقاحتهم العام الماضي وسالفه المدرب الصربي اللي انقلب زي الحمام القطيفي وصار يوغسلافي يوم خذه المنتخب......
ولاتنسون بعد خروج الهلال الظالم العام الماضي بعد بلنتي جونيور وعدم احتساب
ضربه جزاء الكاتو والمباراه انتهت بالتعادل على الصفر
قامت الرياضيه وسوت عنوان تذكرونه ياقراء الرياضيه (عصروهم عصر وكسروا
ظهورهم وبالدموع ودعوهم)
مجرد ماتقراء العنوان تحس ان النصر فايز باربعه او بخمسه ايه هين بس هذا
كله من فرحتهم
ويوجد الكثير والكثير من الاخبار المفبركه التي تضر بالهلال
ونجد الاخبار عن النصر والاتحاد تاخذ طابع العقلانيه
وهذا سببه معروف .....
لكن من اليوم يجب ان نعمل مقاطعه للرياضيه والرياضي يامن تحبون الهلال
حتى ينتهي الموسم الرياضي فهم الان مهتمين جدا الان بارقام المبيعات
خصوصا هذي الايام (سوقهم) ويجب ان نعمم المقاطعه بشكل اوسع
واللي مابدا يبدا اليوم او بكرة تراى هذي فرصتنا لان مع اقتراب نهايه الموسم
ومع مباراه بكره راح يطبعون زياده وخل الحمادي والجماز يعرفون
جمهور الزعيم زين وخل احمد الهلال وشلته (المفبركين) يسوقون الاعداد
الزايده اللي راح تطبع بكره................

BLUE HOUSE · #2 18/04/2002, 09:56 AM

don't worry since i am in usa, i have no problem with them

انشاء الله ان الكاس هلاليه

هلالي حتى النهايه · #3 18/04/2002, 10:05 AM

الله يعيننا على الصحف المعاديه

برق الوسم · #4 18/04/2002, 01:06 PM

يأخي أبو فروحه
فيما يخص الرياضية فهي جريدة مع من غلب وليس لها خط ماتجاه معين يعني مثل (.......) أخجل أن أقول هالكلمة في هالموقع.
وأحسن حل هي ان تتصفح هذه الجريدة في أي محل وترميها حرام أن تدفع قرش واحد فيها لأنهاماتستاهل.

assir · #5 18/04/2002, 01:27 PM

كلها مع الخيل ياشقراء خاصة الرياضي .

قرقاص · #6 18/04/2002, 01:49 PM

ياشباب جريدة الرياضي تتميز بنوعية الورق اللي تنطبع عليه ويشابه جرايد مصر‍‍‍‍!! اللي يستخدمونها في لف الكباب

T E R R Y · #7 18/04/2002, 02:36 PM

المشكله ان الرياضي كل اللي فيها صحفيين من فريق حمير جحا اعزكم الله والمشكله الاكبر ان مالك الجريده هو نائب رئيس الهلال السابق الشهيل ( يعني اني محايد) الله يخلف ..

اما الرياضيه فالحمادي يخاف من جحا ولسانه وعيارة (ابوشامه ) التي اطلقها عليه بعدها خاف يجيه اكثر وجحا ما يهمه احد ودلا يرضي جحا بالاسائه للهلال
وجحا يمدح الرياضيه هالايام والحمادي مبسوط ( افتك منه) !!!!!!!!
علشان كذا انا مع المقاطعه ...

ChairMan · #8 19/04/2002, 03:55 AM

Forget it man

ChairMan · #9 19/04/2002, 03:55 AM

u r right

الزعيم الأبن · #10 19/04/2002, 08:16 AM

الرياضي نعم نعم نعم اما الرياضية لألألألألألألأ

ابو نورة2002_ · #11 19/04/2002, 10:52 AM

الرياضية من افضل الجرايد واسعها انتشار واكثرهاكذب ولا له طعم الا بفبركتها

EM ـ ريـ1403ــم ـ RE · #12 19/04/2002, 11:10 AM

كــــــــلــــهـــــــم قــــاطـــعــــوهــــــم حـــــســــافــــــه فـــيــهـــم الاربـــعـــه ريــــــــــال !!

## قرقاص ## هههههههههههههههههههههههه حلوه حكايه كباب مصر

متيم بالزعيم · #13 19/04/2002, 03:57 PM

عم نعم جريدتين كذب وزور وفبركه وووو إلخ من الغباء الصحفي ولا تنسوا عالم الرياضه

الادفوكاتو · #14 19/04/2002, 04:16 PM

انا معك خصوصا الحاقده( الرياضي)... والمؤسف ان مالكها عضو شرف هلالي(الشهيل) بس للاسف همه الربح ...والباقي وسع صدرك...

راوؤل الهلالي · #15 19/04/2002, 04:29 PM

اخوي ابو فروحه

مابقى جريده ماقلتوا لا تقاطعونها هههههه
الرياض وقلتوا قاطعوها والجزيره ماسلمت قلتوا بعد قاطعوها
قبل فتره عامل الرياضه وعكاظ
والحين الرياضيه والرياضي ..

وش بقي نقرا البلاد و الندوه خخخخ