الجراح اللي اجرا عملية لركبة نواف التمياط ......
 

بسم الله الرحمن الرحيم

السلام عليكم ورحمة الله وبركاته

اخواني الزعماء

بعد الشر عنا وعنكم وعن جميع اخواننا المسلمين

والله يحفظ نجومنا جميعا من جميع الاصابات

ياخواني يازعماء

اطلب منكم خدمة انسانيه

والله يجزاكم خير

انا مصاب في ركبتي من عشر سنين

واجريت 4 عمليات

1 عمليه للرباط الصليبي الامامي ( والحين الحمد لله تمام)

3 عمليات للغظروف الهلالي الداخلي (وهو اساس المشكله ومازلت اعاني منه)

والحين مقررين لي عمليه لتصليح انعواج الساق للداخل وذالك بسبب تاكل الغظروف

الهلالي الداخلي من جراء العمليات السابقه ...


ياليت الله يعافيكم احد يعطيني اسم ومكان الدكتور اللي اجرا عمليه لركبة نواف التمياط


والا اسم ومكان دكتور ممتاز ومشهور في الخارج

لاني بصراحه مسوي العمليات كلها هنا بالسعوديه

في مستشفى الملك فهد الجامعي ( التعليمي) بالخبر

تحت يد الدكتور عبدالله العثمان

ولكن للاسف اخر عمليتين لم تنجح


لذا قررت السفر للخارج مهما بلغ الثمن


بالله يااخوان لاحد يبخل علينا بالمعلومات الطيبه


والله يجزاكم كل خير

اخوي اولا الله يشفيك
ثانيا افضل طبيب للإصابات هذي هو الدكتور / باسكال وهو موجود في مركز سليمان الحبيب الطبي

اتمنى اني قدرت افيدك

مــاتشوف شر ياخوي ..,,

أنصحك بالذهاب للدكتور الزهراني الي بمستشفى الطب الرياضي بالرياض..

هو من عالج كثير من الاعبين السعوديين ..

بس على مــاأعتقد لازم تكون تعرف احد بالرئاسه العامه لرعاية الشباب لأنه تبع الرئاسه..

تقبل تحياتي.. دعواتك لي ولوالدي..

اللله يشفيك إن شاء الله ..

طيب أنت رحت لـ دكتور صالح الحربي ..
في الرياض ولا لأ ؟؟

أذا مامريته أنصحك تمر وتكشف عنده .. يمكن تلاقي حل عنده ..

والرجال ماشاء الله عليه .. فاااهــم ,,, وأنا قبل فتره صار عندي أصابة في الركبة .. وكل مستوصف أروح له يقولي عندك كذا وكذا !!! ويعطيني علاج .. وأستمريت 5 شهور ولا فيه فااايده ..

وبعد مارحت له الحمد لله .. قال مافيه إلا أرتخاء في الأربطة ويبغالها شد بس !!

حتى علاجات ماعطاني يقول ماتحتاج لها .. فقط سباحه ،، وحمل أثقال ،، لشد الأربطة ..

والحمد لله اللحين رجعت ألعب كورة .. بس تدريجياً ..

مانقدر نقول الا الله يشفيك ان شاء الله

وييسرلك امرك

والاخوان مايقصرون ان شاء الله

اخي الكريم البرفيسور العالمي باسكال يقوم بزيارات متعدده لمركز الحبيب الطبي تقدر تمر عليهم وتحجز موعد
والدكتور سالم الزهراني بمستشفى دله .
بعدين العبره اخي الكريم ليست بالعمليه بل بالعلاج الطبيعي والتاهيل وتمارين التقويه للركبه والعضلات والتي قد تستغرق ست اشهر متصله.
والالن تخرج بفائده من العمليه وشكراً

مانقدر نقول الا الله يشفيك ان شاء الله

وييسرلك امرك

والاخوان مايقصرون ان شاء الله

أسم الدكتور اللي سوى عملية نواف هو فرنسي وإن ماخاب ضني إسمه أريكسون

لكن ترى فيه بالسعوديه دكاتره حلوين مثل اللي بسليمان الحبيب وفيه بمستشفى الملك فهد دكتور شغله ميه ميه ( مجرب )

أتمنى لك الشفاء وأتمنى ماتجرب على نفسك تسأل قبل كل شي لأن هذي ركبه مو لعبه :(

عسى ربي يشفيك ويشفي مرضى المسلمين

مآتشــوف شــــــــر


عوإفـــــــــــــي

هلا اخوي اتمنى لك الشفاء
واتمنى اني افيدك في الموضوع

فيه عندك الدكتور خالد نعمان في جدة
وفيه الدكتور صالح الحربي المستشفى الجامعي بالرياض

مـــــــاتــــــــشــــــــوف شـــــــــــــــــــــــر

بس لازم تنتضم فالعلاج