إقتباس الرسالة الأصلية كتبت بواسطة مغرم كتابه اخوي الحوت 99 يعني ماسك علي شيء الله يهديك ذكرتني بأيام خاصه وبعيده وش الي يمكن يفض إشتباك بين منتخب وآخر خصوصاً في مباريات خروج المغلوب - في حاله عدم تسجيل اي هدف .؟ سؤال ذكي أكيد ضربات الجزاء .. إذن ايطاليا تعلم جيداً بأنه من الصعوبه - مجاراة فرق أقوى منها ( مهارياً وفنياً ) وربما تتفوق عليهم ( تكتيكياً ) لكن من شبه المستحيل ( مجاراتهم ) والفوز بطريقه اعتياديه وسهله وسحب المباراه إلى ركلات الحظ .. اقول سهله كما فعلت فرنسا أمام البرازيل بنهائي حديث هو 98 بالثـــــــــلاثه

انت تقول يصير عندهم عيد .. وان اللي اعرفه ان الناس تفرح في العيد
والتاريخ يقول ان ايطاليا عانت اكثر مما استفادت من ضربات الترجيح .
بعدين شلون ماسك عليك شي؟؟ وش دخل البرازيل وفرنسا ؟؟.

امسك هذي ورده حطها مع اللي قبلها

يا سيدي وجهة نظرك و نحترمها

لكن ايطاليا و المانيا لما تلعب تبغا تلعب عشان تجيب بطولات و تفوز موب عشان تمتعك وش راح يفيدها متعتك

بعدين في مدارس بكرة القدم

مدرسة انجليزية الي تعتمد على اللعب الرجولي و اللياقة
و المدرسة البرازيلية الي تعتمد على المهارات
و المدرسة الايطالية الي تعتمد على الدفاع و الهجمات المرتد و الضربات الحرة

وغيرها من المدارس يعني تبي ايطاليا تتخلى عن المدرسة الايطالية وتلعب لعب برازيلي لاجل عيونك تخيل ماتيرازي يسوي مراوح ولا بانوتشي يسوي حركة رونالدينو

يعني ايطاليا و المانيا طريفتهم هدي خلتهم زعماء اوروبا

اما البرتغال و هولندا وش فادتهم المهارات و اللعب الممتع على قولتك هولندا من بداية كاس العالم و هي تحاول تجيبه و مافي فايدة ما عندها انجاز غير بطولة وحدة في امم اوروبا
و البرتغال ما عندها اي انجاز
و اسبانيا بس بطولتين اوروبيتين

في النهاية

الايطالي مكانه في القلوب غالب و مغلوب

اتنمنى انك تتقبل وجهة نظري

السلام عليكم

إقتباس لذلك قد لا يبدو مهماً لدى ( المشجع الايطالي او الالماني ) نظره الآخرين لمنتخبهم بقدر مايهمهم { الفوز ولا شيء سواه } .. سواء بالغصب بالطيب لازم نفوز .. حتى لو استدعى الأمر المخاشنات والالعاب القذره .. المهذّب جداً ماتيراتزي وبالاك كأبرز الأمثله على اخلاقيات لاعبي المنتخبين أجمع ، بإستثناء الخلوق جداً بوفون.

معليش وانا أخوك ،،
وياليت تحترم وجهة نظري ،،
يعني الحين زيدان محترم !!



كلنا ماننسى مباراة السعودية وفرنسا لما دعس على فؤاد انور وطرد بسببها ..
ولا أنسى ماكان يفعله مع اليوفي من نطح وضرب ،،


الاخلاق في عالم كرة القدم لا يخليك تبعد عن فريق تحبه
كلنا نعرف مشاغبات يوسف الثنيان ولكننا نحبه حتى الجنون !!


إيطاليا ستبقى إيطاليا وستبقى ثاني أفضل منتخب في التاريخ بعد البرازيل ..

أما مسألة الدفاع فهو ليس عيب، مافاد البرتغال اللي طول عمرها تهاجم ولا حصلت على اي لقب !!
ولم يفيد اسبانيا التي لم تحصل على اللقب الا بعد أكثر من 45 سنه !!


إيطاليا لم تكن في مستواها
فرنسا لم تكن في متسواها
ألمانيا لم تكن في مستواها

وإلا ربما كان هناك بطل غير اسبانيا ..






للمعلومية فقط : إيطاليا أكثر منتخب أجنبي شعبيه في السعودية ..
والدليل اللي نشوفه بالمنتديات وكل مكان ..

مشكووووووووووور على المقـــــــال
::::::::::::::::::::::::
تــــــــح ـياتي
مشعل

اخي مغرم كتابـة :
انت ذكرت في ردك يمكن تتفوق .. هذا دليل على شعبية ايطاليا حتى الآن .
من قال لك اننا نستخدم قاعدة ان لك تكن معي فانت ضدي .
ذكرنا ان وجهة نظرك نحترمها .. لكن لا نؤيدها ..
وهذا يؤكد التزامنا بقاعدة اختلافنا في الرأي لا يفسد للود قضيـة

نفس كلام باسكن

إقتباس الرسالة الأصلية كتبت بواسطة مغرم كتابه اخوي scalambo نو كومنت .. وبعدين تقول ماتكلمت في شخصك .. اجل وش سالفه عبارات / ياخطير .. وممكن رقمك .. وطفش ومدري ايش ..!؟ بجد لاتعليق .. ! اخوي zkroo تبقى وجهات نظر .. وشكراً على رحابه صدرك اخوي الحوت تبقى وجهات نظر .. وتسسسلم على ورودك ، بفتح مشتل فيهم .. .. انا وضحت وجهه نظري وانتم بعد .. والرأي للقراء والأهم انه مافي اختلافات وزي مابدأنا الموضوع ننهيه / بدون زعل .. عندي كلام بس احتفظ فيه لنفسي لأن الموضوع صار فيه إعاده ومد وجزر قد لا يفيد. شكراً للجميع استمتعت كثير بالنقاش الرائع ..

كييفك ياسييدي
شوووفت كيف انت زعلت
انا لمن كتبت الكلام وارسلتو قلت شكلو الادمي لو قرييي كلامي حيقلبها زعل
رحت اعتذرت على طول
يعنييي ياهوو قد كدا اعتذاري ما يمشييي
وعلى فكره كلامك طفش
امزح معاك

//


أول شي أحب أشيد بأسلوب كتابتك المميز وإن كنت شددت شوي على الآزوري والمانشفت


شف ياخوي ما تقدر إنك تحكم على المتعة الكروية حسب منظورك الشخصي


يمكن أنت وغيرك يحبون التسحيب والكعوب لكن أنا شخصيا رغم إني ما أنكر استمتاعي بها

لكن أستمتع أكثر بالتكتيك المنضبط وأحب أشوف شغل المدربين بارز على أرضية الملعب وأحب أشوف المواجهات الشخصية بين اللاعبين


يعني لو تسألني وش أفضل مباراة شفتها للهلال الموسم هذا أبقولك مباراة الشباب الإياب بكأس ولي العهد

رغم إن الهلال ما هاجم بشكل ممتاز وحتى الهدف من غلطة مدافع لكني استمتعت بتميز لاعبي وسط الهلال بتضييق المساحات

على وسط الشباب


وبما إنك شبهت الكورة بالأفلام أبمشي على تشبيهك


فيه ناس يحبون أفلام الرعب وناس ما يحس إنه يشوف أفلام إلا إذا شاف أكشن وكل واحد وله ذوقه


وأسلوب إيطاليا تغير بالسنوات الأخيرة وتخلت عن طريقة الكتناشيو التقليدية


أما من ناحية جماهيرية الآزوري فما أشوف إنها قليلة لكن انقسم الجمهور المتابع إلا قسمين


يا مجنون بإيطاليا أو كاره لها إلى حد الثمالة


//

الموضوع نزل للصفحه الثانيه .. ومدري من رجعه ههههه
لكن حسب مافهمت من الردود الاخيره بالذات ..

من المستحيل إنك تلقى شخص ( يفضّل ويشجع المنتخب الإيطالي ) ومعه منتخب آخر .. من المستحيل ان نجمع بين حب إسبانيا مثلا وإيطاليا .. فلا يحب الازوري الا ( مشجعيه فقط ) ..
انا ماقلت شي .. انتوا الي قلتوا ..

في وقت قد نحب فيه البرازيل والبرتغال معاً .. او هولندا وتركيا معاً .. الخ

.





يالبى قلبك والله إنت وموضوعك يالغلا

لكن ترى ماأوافقك عليه إطلاقاً ، وجهة نظرك واحترمها ويجب عليك احترام وجهة نظري أيضاً

تمنيت أن يكون السؤال هكذا :

هل تحب البرتغال لأنها البرتغال أم لأن كريستيانو رونالدو أحد لاعبيها ..؟

هل تحب هولندا لأنها هولندا أم لأن فان نيستلروي أحد لاعبيها ..؟

هل تحب أسبانيا لأنها أسبانيا أم لأن سيسك فابريجاس أحد لاعبيها ..؟


لأن يا أخي العزيز محبي ألمانيا وإيطاليا يعشقونهم لأجل المنتخب وليس من أجل لاعب معين

بينما الجيل الجديد ( على قولتك ) يعشق البرتغال من أجل كريستي ويعشق أسبانيا

من أجل سيسك فابريجاس يعني حبهم وعشقهم لأجل لاعب معين فقط وليس للمنتخب

فعند رحيل هؤلاء النجوم هل سنجدهم أوفياء لمنتخباتهم المفضلة وسيظلون يعشقونها ..؟

( طبعاً أنا هنا أقصد البعض وليس الكل من محبي هذه المنتخبات )

يعني ياحبيبي هؤلاء مشجعين للاعبين وليس للمنتخبات وهنا الفرق ..! >>>> وجهة نظري


وبعدين لدي تعليق بسيط على هذه الجزئية من أحد ردودك :

إقتباس الرسالة الأصلية كتبت بواسطة مغرم كتابه الاخ اللي ذكر بأنه يحب محمد عبده رغم صغر سنه اعيد له نسخ عبارتي في المقال الاساسي / وقليل من يستمع لذات الفنان ممن تتراوح اعمارهم في سن المراهقه. اعتبر نفسك من ضمنهم .. فمن المستحيل ان تقارن مابين الجيل القديم والجيل الحالي وتجد نفس ( العشق والمحبه ) .. وين رابح .. خالد .. عباس ابراهيم حتى هههه هل فهمت قصدي .؟ يعني فيه محبين لكن ليسوا كمحبي هذا الزمن وهذا الجيل ،

أخي العزيز هذا ليس مقياس .. هل لأنه كبير بالسن لن نجد بين جماهيره من المراهقين إلا القليل ..؟

يا أخي العزيز آخر حفلة أقامها فنان العرب محمد عبده كانت في مهرجان فاس بالمغرب

قبل حوالي أسبوعين تقريباً وحضرها قرابة ( 20000 ) شخص ..

هل جميعهم كبار في السن ..؟ ارحم عقولنا يارجل ..


وتقبل مروري المتواضع يالغلا ورده





.

اعتقد ان الأخوان zkroo و اليوفي و بس كفو ووفو

ينطيك العافيه