|
تعبــــــــــــــــــــت!!! اولا السلام عليكم ورحمة الله وبركاته يمكن تسألون وش عندها :bigeek: بس الكتاب باين من عنوانه :shutup: بقولكم قصتي طبعا انا ماادخل كثير المنتدى بسب انشغالي بالدراسه على قولة ابو طلال انتي تغيبين كم شهر وتجين تقولين نجحتي :d>>>هذا بسبب الكرف والدفاره والقلق (وجه متقطع من البكي) وهنا تكمن المشكله الي عندي وهي دراستي لو تجون الى الصدق والحمدالله الله من علي اني اطلع وادرس برا السعوديه وادرس طب اسنان والحمدالله ودراستي ماشيه وماحملت ولا ماده وباقي هالفصل بأذن الله وانتقل سنه ثالثه طيب وين المشكله ؟؟؟ المشكله ان كل فصل ماينتهي الا بعد ماتطلع روحي من الانتظار وتلف الاعصاب وحالتي النفسيه ماتوصف تقولوا عادي كلنا نعاني نفس الشي اقولكم لاء الوضع بالغربه اصعب بكثير لانك تحاتي كل شي مو بس الدراسه فـــــــــــــــاصل ونكمل المشكله اليوم وانا بالمحاظره الدكتوره تعطينا بريك وتسولف عن اي شي عام المهم في طالبه قالت ان المسلسلات التركيه مخربه الدنيا وكذا المهم الدكتوره تسولف الا طالبه ثانيه قالت ان في 35الف سعودي رايحين يتسيحون بتركيا والمشكله بس انا الخليجيه السعوديه في القاعه والله مدري وين اودي وجهي :surprised: كل هذا عشان لميس ومهند:naughty: والمشكلة الثانيه طبعا انا توني راجعه من السعوديه بعد اسبوعين اجازه :bigeek:>>كثيره صح:d ودايما اول ماارجع من السعوديه نفسيتي تتعب كثير على مااتأقلم على الجو الجديد:no: وانا هلايام اعاني كثير ماانام ولا اكل مثل الناس حالتي النفسيه زفته :surprised: ترددت كثير اني اكتب هالشي بس نفسيتي زفته حيل وحبيت تواسوني شوي لااحد يقولي كان ماطلعتي برا الله مقدر ومكتوب لي هالشي:) ودمتم جميعا |
الله يعينك.......... وخذيها قاعدة الضب لا يعيش الا في بيئة صحروية....... |
حمدالله عالسلامة يا فتاتنا :d أتذكرك من صورتك بموضوع الصور حق أبو طلال :d الله يوفقك فـ دراستك وكل الناس تمل آخر السنة بس وش نسوي ! انتي بنت فـ ما عليك الا تفضفضين لأحد قريب منك وتبكين شوي وصدقيني بترتاحين :d أما بالنسبة لنور فـ شوفي مين مستأجر القصر حق مهند :d الناس هنا ملحوسة بهالمسلسل لدرجة ام بي سي فتحت قناة خاصة لمسلسل نور :d s34s |
العمر كله لحظات ستمضي حتما انت ذهبت لتحقيق هدف سامي:naughty: يالبا قلبك سامي الجميع سيكون فخور بك عند العودة بنجااااح أنظر لنصف الكأس الممتلئ واتركي عنك الكوب :d الفاضي ندرك أن الغربه قاسية ولكن الوحدة أقسى فمابالك أذا أجتمعا أحرص على تكوين علاقات وصداقات مع بنات جنسك :naughty: فقط سيكون الوضع أفضل اتمنى لك حياة مميزة وسعيدة .. |
الحمد لله على السلامه و لا تشوفين شر ما لها دخل لكن هذا اللي عندي .... |
يلبى قلبك انتي كبري اجل بتروحين ان شاء الله سنة ثالثة:smilie47: ياقلبي احسن شي كوني لك صداقات هناك والافضل مع بنات خليجيات عشان تقدرين تندمجين معهم اكثر s60s ووبالنسبة للغربة والدراسة لاتفكرين بالي جاي فكري انك خلصتي سنتين يعني صرتي الحين ثلث دكتورة:razz: >> هذا اذا دراستكم مثلنا 6 سنين:stoned: موفقه ياااارب |
إقتباس:
الله يغير الحال تسلم اخوي ماقصرت |
إقتباس:
|
الله يوفقك و يسهل عليك دراستك و يهون عليك غربتك و يستر عليك و يبعدك عن الشر والفتن هناك << هذا اللي عنده |
اختي شهاده علشان نحصل عليها لازام نتجرع التعب والمراره مقدما واذا تخرجتي ذاك اليوم صدقني بيتحول تعب السنين الى عسل على القلب ...[اسالي مجرب ]:yes:وخلاص هانت وقربيتي من النهايه [لكي تتذوقي حلاوة الشي لابد من التذوق مرارته ] ومافي عرب معك؟ اذا معك عرب تعرفي عليهم على قوله العرب اخوان ..الوحده العربيه. احمدي ربك تحسي بالغربه في بلد مو بلدك ...لكن تحسي بانك غريبه في بلدك ومجتمعك ينظرلك كالغريب اللي تايه عن دياره ...[هذا هو الاصعب ]حالك افضل من حالي http://vb.alhilal.com/images/icons/icon16.gif وسنوات الضياع تضيع اللي تضعيه بس لايعممون علينا متابعته والتاثر به ماحبيتهم ولاجبت خبرهم ومانيب حولهم ....مقهوره تاريخيا منهم هم احفاد الدوله العثمانيه :upset: اتمنى لك التوفيق مستقبلا ياطبيبه المنتدى:clapping: وتقبلي تحياتي اختك:عطر الصمت |
إقتباس:
اولا الله يعينك طحتي بعين ولد عمي ابو طلال الترم الجاي تبي تحمليه كله عينه شطة تباسكو :naughty: بالنسبة المشكلة الاولى لو انا مكانك ارفع يدي واستذان من الدكتورة واقول ممكن دكتورتي العزيزة عندي تعليق على الكلام اللي طرح انه 35 الف مواطن سعودي راح يتوجهون الى تركيا بتقولك اكيد تفضلي ( بطول عليك :d) المملكة نفسها ما عندها كم عدد الشعب كيف عرفت اللي نقلت المعلومة انه 35 الف بيطلعون تركيا ممكن تطلع صاحبتك مسلونة وتبي ترد بتقول من مكاتب السفر والسياحة عاد انت بكل ذكاء تقولي انه المواطن السعودي هو احلى واحد يحجز مقعد لكل الدول بس ما يروح :naughty: ويكون كذا العدد تقلص من 35 الف الى 35 شخص المشكلة الثانية عاد انتي دكتورة اسنان وتعرفي قبل ما تجي ارض الوطن ههههههه غصب اضحك خوذي كورس مضاد حيوي لمدة اسبوع :d وترجعي بالسلامة |
إقتباس:
|
اشتري لك جهاز العاب عشان تتسلين فيه هناك وتظبط امورك .. |
وعليكم السلام ورحمة الله وبركاته الله يوفقك صلي كثير وكوني علاقة مع القرآن وشوفي أقوات الإجابة وادعي هذه طريقة مجربة وراح ترتاحي كثير كثير بس أنا مستغربة خلصت الاسنان عندنا ورحتي تجيبيها من هناك |
هلا بفتاة الهلال:smilie47: , ع البركه النجاح يالغاليه وعقبال ما نناديلك دكتوره وترفعين رووسنا كطالبه سعودية تدرس في الخارج , الحالة اللي أنتي فيها طبيعية جداً , ما ترضين بغير النجاح وهذا ثمنه كبير , بذلتي مجهود كبير وعانيتي أكثر والحمدلله ما راح تعبك هدر , ياغاليه , الكل له غاية وهف يطمح للوصول إليه , وأكيد الطريق مو مفروش بورود زي ما الكثير معتقد بس نقدر بإرادتنا ننثر بعض الورود اللي عبق رائحتها يعطينا إسترخاء ودافع لنكمل المشوار , أنتي بإجازة اللحين وحق جسمك اللي تعب وسهر انك تكافئينه بحاجة ترد له الروح من جديد , مارسي هواياتك (رسم , كتابة ,رياضة) , اكسري الروتين , سوي اللي نفسك تسوينه من دون تخطيط أو تردد break the rules قاعده مهمه لإنعاش الجسم والتخفيف من الضغوطات الناجمه عن تقيدنا بقواعد لنجاح حياتنا . فاجئ نفسك وجسمك بعمل ما كنتي مخططه له ولا كان ع بالك . ما ادري كم لك من سنة تدرسين في الخارج , لكن المفروض تكوني مسويه سيستم لحياتك هناك وهنا , لا تقولين ما تأقلمت , هنا أهلك وناسك , هنا صديقاتك وقريباتك , المفروض يكون لك برنامج معد مسبقاً تستمتعين فيه بإجازتك , وغربتك , علاجها سهل , كوني علاقات مو بالضرورة تكون صداقات ولا أنصحك فيها لأن العادات والتقاليد تختلف فالبتالي طريقة التفكير رح تختلف ايضاً وأخشى التأثير السلبي عليك . تغربتي عشان تدرسين لكن برضو هذا ما يمنع أنك ترفهين عن نفسك شوي وهذا أمر سهل . تذكري غربة بعيده عن الوطن أهون بكثير من الغربة داخل الوطن , ودايم رددي ((رب لا تكلني إلى أحد ولا تحوجني إلى أحد واغنني عن كل أحد يامن إليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد)) الحياة لحظه , وكل ما فيها من أحداث تروح سوالف , اعطي كل ذي حق حقه , ربك ثم نفسك , أهلك , قرايبك , صديقاتك وبإذن الله بتعيشين مرتاحه .. أن الله اعطاني عمر أن شاء الله أبارك لك تخرجك وأجيب كتاكيتي تعالجي أسنانهم انتي:stoned: . متشوقه أسمع أخبار أحلى منك , كل الأماني لك بحياة معطرة بأجمل احاسيس ليز:smilie47: .. |
| الوقت المعتمد في المنتدى بتوقيت جرينتش +3.
الوقت الان » 01:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd