الرسالة الأصلية كتبت بواسطة هجمة خطيرة (مشاركة 8888340)

هلا بـ صديقي .. لا يالغالي انا كنت يومياً اسيّر عليكم بالمبنى الجديد حقنا
اللي اخذتوه منا (وجه معصّب) ..

< - - طالب في الحاسب الالي مستوى خامس ..

:)

الرسالة الأصلية كتبت بواسطة وناستنا في دراستنا (مشاركة 8888552)

موضوع جميل انا راح اتكلم عن السنه التحضيريه للكيات الصحيه
السنه هاذي على ماسمعت انهم استحدثوها من ست سنين فقط في جامهة الملك سعود !بمعنى اخر قبل كان كل واحد يقدر يدخل الكليه اللي يبغاها سواء طب بشري او طب اسنان او صيدله او علوم طبيه على حسب معدل الثانوي !
يالله خلونا نتخيل اننا تونا مخلصين الثانوي:d وطموحنا طب اوصيدله لازم حتى نحقق الطموح يكون المعدل العام للمواد العلميه فوق التسعين بعدها تسجلون في موقع القبول الالكتروني في جامعة الملك سعود يطلبون فيه اسمك كاملا ورقم جوالات ورقم السجل المدني ودرجاتك في كل ماده ومنها راح يحسبون لكم المعدل العام في المواد العلميه وبكذا صار لك حساب على موقع الجامعه وراح يطلعلكم بعد كذا يوم انكم مقبولين للدخول الاختبار التحصيلي ومحددين لكم اليوم !!
طيب واذا انقبلت وش نسوي بعدها!!
تروح لبنك الراجحي على ماذكر انكم تدفعون مية ريال ويعطونكم وصل!!!كيف وشلون وليش مدري اسألوا ابوي:stoned: هذا الوصل فيه رقم كبير حوالي ثمانية ارقام تحتفظ بالوصل لانك بتجيبه معك وقت الاختبار
بعدها يبداء الاستعداد للاختبار التحصيلي
طيب عن ايش يتكلم الاختبار ؟
الاختبار عباره عن مناهج الثانوي العلميه (كيمياء ,احياء ,رياضيات,فيزياء,انجليزي)ويتخللها اختبار قدرات
كيف نجهز للاختبار؟
يختلف التجهيز من طالب الى اخر بعضهم دخلوا دورات اعتقد انها في المستشفى السعودي الالماني وبعضهم اشتروا كتب عن اختبار القياس عني جمعت كتب عيال حارتنا حقت الثانوي:clapping:واخذت فره بسييييييييييييطه وخلصت الثانويه العامه في اربع ايام:clapping: ----->فله
الموهيم تخشون الاختبار في اليوم المحدد على الفكره الاختبار كان سهل يعني لاتخافون!!
بس الاله الحاسبه ممنوع استخدامها:naughty:
بعدها راح يقولون لكم ان النتائج بتطلع في يوم كذا انتم ماعليكم سوى الانتظار !
بعد القبول اللي راح تعرفون به من حسابكم اللي عملتوه راح يحددون لكم وقت المقابله الشخصيه عاد هاذي ماراح اتكلم بكلمه وحده عنها ولاتسمعون كلام احد ادخل بطبيعتك وشخصيتك واضمن لك القبول !
بعد المقابله بايام بتعرف انك انقبلت من حسابك في الجامعه!
كذا خلصنا الخطوه الاولى:d
عاد اقعدوا لين تجي الدراسه
ماراح اتكلم عن المواد ولاعن صعوبتها او سهولتها لانك مادخلت الا مقتنع برغبتك في المجال الصحي
اهم ملاحظه لازم تعرفونها ان المقبولين في السنه التحضيريه من 600ل700 مئه منهم يخصصون طب بشري 30اسنان للبنات والبقيه يتوزعون على الصيدله والعلوم الطبيه والاولاد200بشري ومدري كم اسنان:surprised:
عارفه اني طولت في الكلام لكن يوم اني كبركم:razz:
كنت اتمنى احد يوجهني
واي شخص او شخصه عنده (ها)استفسار اسدحوه هنا وابشروا باللي تبغونه

الرسالة الأصلية كتبت بواسطة الابنوي (مشاركة 8888589)

الرسالة الأصلية كتبت بواسطة BOSS20 (مشاركة 8888634)

لا أخوي أنا في جامعة الملك الملك سعود....والملك سعود من الصعب إنها تدخل في التصنيف من ضمن الـ100 جامعه الأولى على مستوى العالم......

ولو تبحث عن التصنيف بيتعرف أي مركز هي وبالآلآف بعد.....

تحياتي لك..

الرسالة الأصلية كتبت بواسطة A.K.N 505 (مشاركة 8888733)

هلا بالدريبي..ورده

بحكم أن تخصصي هندسة كهربائية ...أقدر اقول أن التخصص يعتمد بنسبة كبيرة على الرياضيات ..ثم الفيزياء..والتخصص مطلوب بكثرة في سوق العمل

تنقسم الهندسة الكهربائية إلى عدة فروع منها :

طاقة (power)

إتصالات (communication)

الكترونيات (electronics)

تحكم (control)



اخوي.. أعتقد أنك جانبت الصواب فيما كتبت بالأعلى...أنا طالب في جامعة البترول..ولا يتميز طلابها باللغة فقط...بل

حتى الجانب الأكاديمي....فبرامج كلية الهندسة معترفة دوليا ومن منظمة " أبيتا" للبرامج الهندسية ....ولعل أكبر

دليل هو تهافت الشركات على خريجي الجامعة وتفضيلهم على غيرهم...:)


هذا لايعني نقص بالجامعات الأخرى ...لأن الجزء الأكبر بنظري يرجع للطالب واجتهاده..:yes:


دمت بخير..

الرسالة الأصلية كتبت بواسطة zezo الهلالي (مشاركة 8889586)

أولا شكرا لك عالموضوع اللي بالذات أنا محتاجه كثير لأني ناوي أدخل حاسب وما أدري متردد

أنا في أبها وما أدري أنا أدرس في جامعة الملك خالد (اللي ما عندها سالفة) والا أروح البترول

ثانيا أنا خريج السنة ذي وناس نصحوني حاسب نظم معلومات ولا أدري فيها شي مدري ايش

تعني وهل فيها مستقبل مضمون وأبغى أسأل هل فيه نسبة محددة لازم أحصل عليها في الاختبار

التحصيلي والا مع الجمع (الثانوي مع القدرات مع التحصيلي والنسبة الخاصة) أبي توضيح

لاهنت..