نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   موضوع للنقاش (مستويات لاعين نادي الهلال) + حملة لا للقراءة فقط.+ فكرة (http://vb.alhilal.com/showthread.php?t=600769)

عاشق البرنس الليبي 27/06/2008 02:34 AM

مشكورين على الردود
والمرور وبالاخص غادة الهلالية :d

Hilaaaaly M0oo0t 27/06/2008 03:11 AM

مشكوووووووووووووور ياصالح على الموضوع وواصل أبداعك

عاشق البرنس الليبي 27/06/2008 03:14 AM

اواصل ابداعي على ايش؟


والله انك منسم خخخخخخخخخخخخخخ


مشكور على المرور

عاشقة للسعوديه 27/06/2008 03:26 AM

اللهم وفق الهلال بس نحتاااااااااااااااااج جهد كبير لنحصل على الأسيويه
.................................................................................................... ...

عاشق البرنس الليبي 27/06/2008 04:29 AM

مشكوورة على المررررروووور.................................ز

الآسيـ الحوت ــوي 27/06/2008 05:23 AM

نسيت عبدالعزيز الكلثم بعد قلبي هو ...

أفضل من المهاجمين اللي ذكرتهم عدا ياسر ...

ملـــ المنتدى ـــك 27/06/2008 06:13 AM

كل الي قلته حلو

بس في شي عيب عليك ما قلته

وين الجوكر الخثران

والله انه مبدع

ومشكوووووووووووووووووووووووور

عاشق البرنس الليبي 27/06/2008 06:32 AM

والله شبااب ما اقدر اجيب اللعيبة كلهمم مرة وحدة

ولاعبين الزعيم على العين والراس

مشكورين على المروور

يا(20)سر 27/06/2008 07:33 AM

نورتوا الصفحة بردودكم ونبي تفاعل اخوي تكفيني الذكرى تصدق نسيت الصويلح ...!!

والله من جد هجوم الاصابات

.،.،

دميـ ازرقـ 27/06/2008 02:45 PM

مشكووووور اخوي على الموضوع لا عدمناك

نبدأ بالحراااس
الحراسه في الهلال رااائعه بوجود محمد ,بدرالدعيع لكن اتمنى ان يستفيد بدر من عمه وان يتعلم من اخطائه ليصبح مثل عمه
اما محمد حاااامي العرين اجد نفسي عاااجزة عن التعبير ..
وبوجود الشمري لاخوف على مستقبل الزعيم لكن مين الحارس الي يجي بعد الدعيع ؟؟
هنا السؤال ؟؟

الدفاع ..
راائع بوجود خيرات الذي يلعب بطريقه "تيفا"
المرشدي وانا معجبه جدآ بأداء هذا الاعب لكن لايلتفت للإعلام والجمهور ..
هوساوي نتمنى ان يقدم مستويات رااائعه تليق بالزعيم واتمنى له التوفيق
المفرج رائع لكن الاعلام والجمهورهما من ظلما وحطما هذا الاعب ..للاسف لكن لانقول تحطيم ربما هذا الموسم لم يأخذ فرصه كبيرة في المشاركه
الهليل ارجو ان يقدم مستوى اكبر من هذا المستوى واتمنى له التوفيق

الاظهره..
الزوري ما شاء الله عليه مبــــــــدع
نامي بطل ورائع واتمنى له الشفاء والعوده بقوه بعد الشفاء
الياس نتمنى منه تقديم المزيد والقحطاني كذالك
ومعهم العنقري لكن لايلتفت مو للاعلام والجمهور للجمهور والاعلام للاسف ..
ورونالد رالديس ننتظر ان نراه يبدع في المستطيل الاخضر واتمنى له التوفيق

المحاور..

خالد عزيز مبدع ورااااائع وبطل واصل الى الامام وعمر الغامدي كذلك

الوسط ..

الشلهوب يالبى قلبه بدء يرجع الى مستواه تدريجيآ واتمنى له التوفيق
الفريدي راااائع بكل ما تحمله الكلمه من معنى لكن لاتلتفت للجمهور وحاول ان تستفد من من هم اكبر منك وعندهم خبره ..
التمياط قدم مستويات رائعه وننتظر المزيد ..
التايب المظلوم اعلاميا لكن الناجح دائمآ محارب واصل ولا تلتفت لهؤلاءانت مبدع وبطل

الهجووووووم ..

يــاسر القحطاني لاتعليق ماشاء الله عليه
الصويلح متى ترجع ؟؟ اشتقنا لك ..
المسعود بطل والى الامام وحاول ان تستفيد من القناص
الخراشي بطل ولكن يحتاج الى خبرة وايضا ان لايلتفت للجمهور

الم تلاحظون ان اكثر الاعبين يجب ان لايلتفتو للجمهور ؟؟لماذا ؟؟ لان للاسف فيه بعض الجماهير
الهلاليه يحطم ويجرح الاعب وهو ما يدري او انه مسكين يحسب انه يرفع من معنويا الاعب !!
الاعلام ومتعودين وما همونا لكن الجمهور هم الوقود الحقيقي للنادي وللاعبين بشكل خاااص ..

فيه بعض الاعبين لم تذكر اسمائهم لان هؤلاء الاعبين هم من اردت ان اعلق على مستوياتهم

تمنياتي للهلال بالتوفيق وحصد بطولات اكثر لان مثل ما قالو جماهير الهلال لاتشبع ..
والهلال هو من علمنا هذا الشيء ..

مودتي.. وكلامي كله وجهت نظر تحتمل الصواب وتحتمل الخطأ ..

عاشق البرنس الليبي 27/06/2008 04:14 PM

مشكورين على المرووور نورتوا صفحتنا مع الاعضاء


تحياتي

zo0oz rocks 28/06/2008 08:12 AM

مشكور عاشق ع الموضوع

بالنسبه لحملة لا للقراءه فأعتقد بعض المواضيع ما تستحق انها تنزل في

منتدى الجمهور الهلالي ابدا وياليت يرجعون الى نظام ان الموضوع ينزل في منتدى

(ماادري اذا له اسم) لكن اللي ينزله هو مشرفي منتدى الجمهور الهلالي
بعد ما يشوفون ان الموضع يستحق التنزيل

بالنسبه لكلامك عن مستويات اللاعبين

الحراسه

بوجوداسد اسياء وعميد لاعبين العالم وانا من مطالبين ناصر الجوهر برجوع

العميد محمد الدعيع لصفوف المنتخب وما فيها شي بالنسبه للحراس العمر ما يفرق

اهم شي مستواهـ ومحمد ما شاء الله عليه من ناحية المستوى فهو بعد توفيق الله

من المساهمين في تحقيق بطولة الدوري وكأس ولي العهد واللي يقولن عمره كبير

شوفوا مستوى فان در سار وكم عمره 38 واكبر حارس في كأس العالم كان زوف

حارس ايطاليا كان عمره 40 ومحمد لسى عليه

طلعت شوي عن صلب الموضوع

فهد الشمري اقدر اقول عليه افضل بديل لمحمد ولو كان في فريق غير الهلال كان

اساسي بدون مبالغه

خط الحراسه من اقوى خطوط الفريق

خط الدفاع

تفاريس كان في الموسم الماضي هو الثابت والبقيه متحركون مثل نادي الهلال ثابت

والبقيه متحركون بعد رحيل تفاريس وقدوم اسامه و المحترف البوليفي رونالد

ان شاء الله يكون قد المسؤوليه وبالنسبه عبدالله الزوري ما شاء الله عليه

اول موسم مع الفريق الاول ويلعب في المنتخب الاول هذا ان دل فيدل على

المستوى الكبير منه بالنسبه لظهير الايمن افضل لاعب غطى الخانه يمكن نامي

اما العنقري فأن لا اتفق معك انه لاعب يجيد العرضيات ما صلح ولا هدف للهلال

الا واحد والياس لاتعليق ابدا وكذالك مسفر

اما قلب الدفاع المرشدي مستواهـ ممتاز يقدر يمسك خانه اما بالنسبه لفهد المفرج

اقول له شي واحد ما قصرت واترك الفرصه لغيرك

والنجم القادم حسن خيرات فلا انسى مقولة تيفا عنه وهذي اكبر شهاده لـ حسن

عبدالعزيز الخثران ما أدري هو من الدفاع ولا الوسط لكن بقول عنه جوكر الفريق

فهو ان لعب ظهير ايسر ممتاز وكذالك محور ولا ننسى انه كان لاعب جناح ايسر

فهو ممتاز في اي مكان في الملعب ولا ننسى تصريح المدرب كوزمين عنه

هذي اكبر شهاده لعبدالعزيز كلاعب

خط الدفاع يعتبر من اضعف الخطوط وخصوصا الجهه اليمنى اما الجهه اليسرى بوجود
الزوري فـ هجوميا ودفاعيا افضل من اليمنى بمراحل

الوسط

من الناحيه الدفاعيه (محاورت الفريق)

افضل محورفي المملكه خالد عزيز ماشاء الله عليه الله يوفقه وجعله دوم لنا

عمر الغامدي ثنائي كبير مع خالد لكن لا حظت في الفترهـ الماضيه في الدوري

ان المدرب احيانا يلعبه كوسط ايمن مع وجود عبدالعزيز الخثران محور ثاني مع

خالد عزيز

لكن عمر ادائه دفاعيا افضل بالنسبه لي ممكن اتفق مع احد وممكن لا

سلطان البرقان اقدر اقول عليه تكملة عدد في الفريق لاعب صراحه غير جيد

وماله الا حسنه وحيده في الفريق هدفه في نجران في كأس فيصل (الفاول)

عبداللطيف الغنام كابتن المتخب الاولومبي من ناحية الدفاع فهو فنان وهذا دوره

اما هجوميا فلا اعتقد ان له دور هجومي مع الفريق

بالنسبه للوسط الشق الهجومي

الفنان طارق التايب لا تعليق ابدا على ادائه لاعب ما شاء الله

لكن عيبه واضحه وجلي لنا كـ جمهور هلالي وايضا للاعبين فريق الخصم

الا وهو نرفزة طارق وسرعة غضبه فياليت طارق يهدي شوي ويروق في

الملعب ولا يعصب على الحكام لانهم ما عندك احد

محمد الشلهوب :smilie47:كثير يقولون ما قدم مستوى ابي اعرف بس وشلون ما قدم مستوى

يكفي انه يلعب مع الفريق هذا اكبر مستوى عندي تخيلو لاعب في نفس السنه

تتوفى امه بعد فتره يتوفى ابوه والله ياناس انها تهز جبال كيف بلاعب مثل الخلوق

محمدالشلهوب فأستمراره مع الفريق اكبر من اي مستوى يقدمه اللاعب

الفريدي لاعب اول ما طلع اعطوه الجمهور زخم ومدح كبير انا ما اقول انه ما يستاهل

لكن شوفو بعد نزول مستواه كيف الهجوم الرهيب عليه

ولا انسى تصريحه بعد الفوز بـ كأس الدوري تصريح فيه نوع من القهر على الجمهور

لاعب لمساته حلوه وتفكيره حلوه لكن يعيبه البطء احيانا

عبدالعزيز الدوسري لاعب ما شاء الله عليه من وهو صغير فنان والدليل مثل

ما قلت عاشق اول مره يلعب وياخذ جائزة افضل لاعب واعد

عبدالعزيز الكلثم اصلا في الاساس هذا اللاعب مهاجم رأس حربه داخل الصندوق

لكن المدرب كوزمين له نظره ثانيه انه يلعب كـ جناح ايمن وبالفعل عبدالعزيز قدم

اللي عليه ومستواه ممتاز صراحه على انه يلعب في مركز غير مركزه

فهد مبارك لاعب اخر الدقايق يمسك كوره ويروح ع الطرف احيانا يقوم بأشياء

ما تتوقعها واهداف صعبه يسجلها واحيانا العكس فرص سهله تضيع منه

سعد الذياب بديل ممتاز في الفريق من ناحية الدفاع كظهير ايسر او من ناحية الهجوم

كـ لاعب وسط ايسروبعد لمساته حلوه وعرضياته واحيانا تجي من فاولات

نواف التمياط ما اقول الا حسبي الله عليك يامحمد نور ماطلع هذا اللاعب الا بعد

اصابة نواف برباط صليبي وهو اللي سببه له او المحترف الاتحادي في مباراه

كأس ولي العهد

نواف صراحه بعد الاصابات المتواليه اعتقد وهذا شي خاص فيني انه ماراح يرجع

لمستواهـ لكن هناك بعض اللمسات اللي فقط تذكرنا بمن كان نواف قبل الاصابه

بشكل عام خط الوسط معروف عنه في اي فريق انه رئة الفريق الحمد لله خط وسط الهلال

من اقوى خطوطه مع حراسة الفريق

الهجوم

عندما يذكر خط هجوم الهلال فقط اللاعب اللي يتبادر الى ذهن اي مشجع

هو ابو سعيد ياسر الكاسر لاعب بما تعنيه الكلمه فنان ومخ كروي بمعنى الكلمه

لا تعليق ابدا على ياسر

الصويلح :smilie47:لاعب جيد ومناسب كـ مهاجم ثاني واحيانا كـ راس حربه ذكي وسريع

لكن الاصابه يابو حميد وش تقول عنها ما اقول الا ننتظرك الموسم الجاي

محمد العنبر لاعب داخل المنطقه فقط لاتقوله استلم برى الصندوق عطه كوره

داخل منطقة الجزاء وبشر بعزك اللي يعيب محمد العنبر هذا الشي

فأذا كان الفريق غير قادر على توصيل الكوره داخل المنطقه يختفي

على عكس ياسر عنده حلول مثلا المهاره الفرديه تخدم ياسر كثير

ومحمد عنده الارتقاء ممتاز ولا ننسى هدفه على كوريا الجنوبيه

الارتقاء العظيم والوضعه الرائعه

خط الهجوم يعتبر من الخطوط الضعيفه في الفريق لانه ما يوجد البديل الجاهز

والبديل اللي في نفس مستوى الاساسي وبعد شي ثاني الصابات لعبت في مهاجمينا

واكبر دليل الخراشي الله يحرم ايامك اول يامحمد والله العظيم الاصابات لعبت

فهـ الولد ما اقول الا حسبي الله على الاصابات اللعينه


اخوي عاشق البرنس الليبي

حسيت اني طولت في الموضوع فـ اعذرني ع الاطاله واعذرني اذا كان في اخطاء

املائيه عندي نفس المشكله الجاهزعندي يعلق وش القصه :d

تقبل مروري .......

عاشق البرنس الليبي 28/06/2008 10:22 PM

إقتباس:

zo0oz rocks
أشكرك على الرد الكامل على الموضوع النقااشي


إقتباس:

حسيت اني طولت في الموضوع فـ اعذرني ع الاطاله واعذرني اذا كان في اخطاء


املائيه عندي نفس المشكله الجاهزعندي يعلق وش القصه :d


هههههههههههه

تشكر على التفاعل مرة ثانية

عاشق البرنس الليبي 29/06/2008 07:42 AM

طوفتلك لين شفتك حيل متمادي
والحين بردلك كل الي طوفته

zo0oz rocks 29/06/2008 08:02 AM

عفوا اخوي عاشق لكن ما ينبغي انك تكتب مثلا هذا الكلام

في صرح مثل شبكة الزعيم ارجو انك تكون فهمت قصدي ولك ودي واحترامي

:)


الوقت المعتمد في المنتدى بتوقيت جرينتش +3.
الوقت الان » 08:12 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd