السلآم عليكم ورحمه آلله وبركآته ..


كيف الحال .. آخباركم ..


نبدأ بالموضوع :

إخوآني آلهلآليين .. قبل عده شهور .. كنت ألعب في إحدى آلسآحآت ..
وشا فني آحد كشافي الهلال .. أو انه له واسطات بالنآدي ..
قال لي انت يا عبدالله .. لآزم تلعب بآلهلآل ..
وانا قلت له آبشر .. بس خل اكلم الوالد والاهل ..
وكملتهم .. الوالد قابل بالرفض الشديد .. قال مستقبل درآستك اهم ..
و جاء آكثر من شخص عندنآ بالبيت .. لكن آلوآلد متمسك بقرآرهـ ..
وراحت علي الفرصه الاولى ..

قبل اسبوع تقريبا .. رآيت نفس الشخص اللي شفته قبل وبنفس المكان ..
و لاحظ تطور كبير بلعبي .. قال حآول بالوآلد مرهـ أخرى .. قلت له آبشر ..
واللحين ما بعد كلمت الوالد .. وش رآيكم وش اسوي .. ؟؟!

علما باني اذا ما دخلت الحين ما اتوقع بادخل بعد اللحين لأي نادي .. لاني باشيب ..

أخوكم : عبدالله ..
مواليد : 12 / 12 / 1412 ..
الطول : 183 سنتيمتر ..
الوزن : 60 كيلو ..
المركز : العب في مكان المحور والوسط .. لكن أجيد مركز الظهير الايمن اللي هو موقعي الاساسي ..

اتمنى منكم اخواني .. تعطوني اي طريقه لاقناع وآلدي ..
لان اذا مادخلت اللحين ما راح ادخل طول حياتي ..

أخوكم : عبدالله ..

* ملاحظه : الذي يريد التأكد من لعبي .. فليأتي يوم الجمعه الساعه 9 الي اكاديميه برشلونه .. عندي مباراه هنآك ..

والله وأنا أخوك لازم تطيع والدك بس هذا ما يمنع أنك تحاول معاه وحاول وإذا الوالدة الله يحفظها لك موافقه خلها تكلمه ممكن يرضى

ويارب أن ابوك يوافق يارب تقبل تحياتي أخوك إسماعيل
مجنون الموسيقار

والله ياخوي هذا ابوك وانت اعرف بطبعه
لاكن لاتفقد الامل وخل امك بالاول تقتنع علشان تعاونك على ابوك

قله بيمستقبلك اذا لعبة الكورة ووش يسير اذا اثبة وجودك وقلة من ذالك كلام



وقلة بس في العطلة العب واذا وافق بسير عنده شي عادي ايام الدراسه


وان شالله نشوفك تلعب بالهلال ضد برشلونة ههههههههههههههههههههههه

عندك طويل العمرالامير بندر بن محمد عرفت وش قصدي

افا اخوي معقوله ابوك بيطير منك الملايين اذا صرت لاعب في المستقبل
الوالد اكيد ما يعرف شي عن الاحتراف الا راح يوافق لان الدراسه ما عاد تضمن الوظيفه
بس انت حاول وحاول وراح تنجح معاه صراحه بداية الكثير من اللاعبين المشهورين نفس بايتك يعني ما يوافقوا الاهل في البدايه

قله ادخل النادي لكن الدراسة تكون رقم واحد واهم من النادي ............................

خذ نصيحت مجررررررب انا كنت مثلك بس مو الهلال عرض علي الشباب لكن الوالد رفض وبشدة


حاولت فيه يمين ويسار وجاء معاي ولد عمتي يحاول بس رفض


بس نصيحه انشب له

عبدالله اقولك حب على راس الوالده وقعد
عندرجولها وتكفين ياامي كلمي ابوى
والله لتنهي الصفقه مع الوالد وابكل اقتدر
طيع شورى اسئل مجرب ترى الوالده
تحزن على ولدها اكثر من الوالد والله
غيرتفرم الشايب فرم ولوالد مستحيل
يزعلها خذكلامي

وعليكم السلام
ليه ماتطرح على الوالد اقتراح وهو ان تلعب سنه مع الهلال وتجرب اللعب والدراسه معا واذا لم توفق في دراستك فالاولى ترك اللعب لان الدراسه اهم ويتحدد عليها مستقبلك ...
واذا وفقت في دراستك ولم يتاثر مستواك كثير فلا مانع من اللعب وصدقني فكره التجربه سنه تبين لك ولوالدك مايخفى ..
واهم شي تتحدث باحترام لوالدك وتختار وقت مناسب واعلن لوالدك انك تريد ان تلعب سنه كهوايه والتجارب لكي نتعلم منها لابد ان ندرسها فبالتجارب نتعلم
هذا راي اختك الكبيره وبلغنا باخر الاخبار ..والله يوفقك ..
اختك:عطر الصمت

قله انك بتكمل دراستك

مع لعبك لنادي الهلال

يعني اوعده انك ماراح تخلي دراستك وانها اهم
ووضحله انك مهتم بالدراسة

وان شاء الله يوافق

يعطيكم العافيه ..

وانا باكلم الوالده اهم شيء ..

وباقول للوالد ان العب وادرس سنه كتجربه ..

ونشوف ان شا الله وش اللي بيصير ..

وارد لكم خبر .. ان شا لله

دعواتكم يا اخواني ..

ورده

اخوي ترا الفررررصه ماتجي للواحد الا مرة او مرات محدوده

فاستغل الفرصه بجدارتك باقناع اهلك..

الله يوفقك ان شاء الله..

تبي الصراحة هالفرصة جت لي من مصادر مقربة لي في النادي فقلت يالله مو شرط الهلال يمكن التدريبات طويلة ومباريات كثيرة

فجاني آخر من نادي الرياض ..

لكن موقف الوالد نفس موقفك وراحت علي الفرصة والحين فريق حارتنا ويخب على وجهي ..