|
عودة الإدعشري.. يالبّى قلبك يابومعروف حياكم (لا تشرهون ترى تصير باحسن العائلات) قاتل الله الفراغ.. عز الله راحوا فيها اهل المعرس.. ثلاثين جمس وست جيوب ناصين الاستراحه وانواع البواري والازعاج.. واذا جبنا طاري الازعاج ما لنا بالطيب نصيب عند جامع الراجحي بعد الجمعه.. والجمعه بعد العصر ياهو طفش ودك تشق الفنيله من الغثا.. والفنايل هالايام رابصه بالعرق.. والعرق ما ينزف من الجبهه صح الا بعد ماتقرط ذاك القرن الاخضر مع صحن قلابه على الصبح.. وعلى الصبح هالعالم نفسيات وكل واحد يقول الحرش عندي.. ولاتحارش الباكستاني اذا ما زبط لك الماصوره ولا تسوي فيها قدامه تراك تبطي وربي.. ياكثر اللي يبطون عن العزايم ولا تفوتهم طقة بلوت بالاستراحه.. وعلى طاري الاستراحات كل يوم والثاني هات التنظيم رد التنظيم وتاليتها بنغالي زابن داخل غرفته.. والله يلعن البنغاليه بكل كتاب.. وقال ايش معرض كتاب؟؟ ياعمي لايكثر بس اي كتاب واي معرض عسانا نقرا الجرايد ايام الدوري وسلم لي عليها اذا خلص.. وسلموا لي على راعي الدكان اللي مازال يقاوم بين مطرقة العثيم وسندان السدحان.. والسدحان والقصبي حالفين هالسنه انهم ماراح يسوون طاش علشان ما تمل العالم بعد 12 سنه متواصله.. والتواصل بين الجيران على كيف كيفك بس لا تسأل احد عن اسم جاره منعا للاحراج.. واذا تبي الاحراج صح اعزم الرجاجيل وقل للمعزبه تراني مانيب جايب شي من برا انتي اطبخي خصوصا اذا كانت من بنات العشرين.. والعشرين ناقص عشره يساوي اربعين في نظام القروض البنكيه عندنا لأنهم يساعدون المواطن على مشقة الحياه جزاهم الله خير.. والخير قدامك على طريق الشمال وانت وضميرك تغتال كائن حي مسكين ووديع اسمه بعير.. والكائن الحي عموما لايمكنه ان يتجاهل روعة التنسيق والازدهار اللذان تعيشهما احياء جنوب الرياض.. وآآآآه يالرياض يابعد طوايف جدي انتي والله انك بعيني احلى من كوالالمبور هاللي اشغلونا عندها كل من فقس من بطن امه قص جواز وراح لها.. والجواز السعودي مهم جدا وله احترام غير طبيعي عند اخواننا في سوريا.. وما دام وصلنا لديار ابومعروف اسمحوا لي انتخي بذاك القرم.. يالبّى قلبك يابومعروف.. محبتي فهد |
انا اقول مبروك لعلي المطلق http://www.alwatan.com.sa/news/image...spo.p32.n9.jpg بالنسبة للإدعشري http://www.al-akhbar.com/files/image...3_pic.full.jpg انا اشوف ان فؤاد بخش افضل منه http://www.alyaum.com/images/10/10886/10886_74_1.jpg موضوع محششين http://filfan.filbalad.com/images/Ga...ALY-BALK-1.jpg ناقصنا اللمبي |
كلامك في الصميم ماشاء الله عليك كنك داري فيني وعلى فكرة فيني ينافس بابرز ذا الايام وذا الايام كلها حر والحر يجي بعدة برد والبرد لازم تتدفا واذا ماتدفيت تمرض واذا مرضت بتروح الدكتور وياخذ منك فلوس واذا اخذ منك فلوس بطفر وبعدها بتجوع واذا جعت ولا كلت بتمرض مرة ثانيه ولامعك فلوس لأنك مطفر الين تموت واذا مت بتحاسب ويا جنه ويا نار يعني ماشاء الله عليك انت حاس فيني انت حاس فيني ........ يا محشش يا فاقد يا توك مخلص اختبارات وفاضي اذا تبي امرك ماعندي مشكله بس واللي يرحم والديك لاتلحسنا مرة ثانيه |
إقتباس:
هههههههههههههههه اما توي مخلص اختبارات هذي بجد اللي في الصميم.. :d تدري متى آخر اختبار دخلته ؟؟ :) يوم اني في معهد الاداره قبل 10 سنين.. :upset: وبيني وبينك.. لحسة المخ مع الصيف طبيعيه :clap: |
هلا و غلا بالمبدع هلا و غلا بالمواضيع الحلوه لكن انا ما فهمت شي .... |
إقتباس:
لو من غيرك هالكلام كان صدقته.. من جدك ريكو منت فاهم ؟؟؟ |
لحد يلحس مخ احد الاعضاء المنلحسين في ازدياد في الشبكة كثرت في منتدى الرياضة ومنتدى المنتخب وبدت في الانتشار في المجلس اللــــــــــــــــــــــــه يخرجنا بس |
ههههههههههههههههه اجل هونت منيب مارّك واذا على حر الصيف يحقلك |
مافهمت شي بس بعززلكم... كنا رايحين الشرقيه بسيارت ابوي اللي هو ولدجدي .جدي هاذا كان بطل مثل كلانديزر والابطال الاقوياء ودوري ابطال اورباء فيه حاجه حلوه .التنافس والاجتهاد والمذاكره والمواضبه وعدم التأخر في الطابور الصباحي المدرسي . عشان المدير ما يهاوشك ولا ينقص عليك درجه وتبتلش وتاكلك الديون وتروح فيها وتفلس ولا يمديك تشتري اغراض ولا تاكل كبسه من بيت الشوايه اللي في مخرج 7 مثل رقم راؤل قونزالس .اللي في اسبانيا على فكره ابوي راح لها . تراي في كامل قواي العقليه .. هع |
ممكن سؤال ..؟! اي نوعية تستخدم انت ..؟! شكرا ً لـ تعاملك معنا .. :) |
قريت نص الموضوع وانلحست شكل الموضوع حق محششين خلونا نكمل تحشيش شباب انا ابي اسال عن شارع يقاله خط الخدمه اللي عند كوبري الرياض تكفون اللي يدله يقولي لاني اليوم ابروح ومادري انا يمديني ولا لا لان الساعه 9 بعد العصر ابصلي الفجر وامشي لان فيه دب كرشه كنها مخدة هندي عازمني وبالنسبه لادعشري ماضافوه بباب الحاره ثلاثه ولا لا <<<<قسم بالله مادري وش كتبت:d |
وش سالفتكم توني جاي من الطائف وكل الجماعة يقولون لا تجي الرياض خلك في جو الطائف بس الحنين للرياض مليت في الطائف وش اللي خلاني اجي واتدبس في هالحر المويه حاره الساعة 9 م تروشت بالمويه وانا اتشهد خخخخخخخخخخخ <<<<<<<<< لازق في خشة المكيف بيات صيفي قدم المكيف |
اقول يالحبيب ؟ تعرف احــد يــعــرف احــد ؟؟؟؟؟؟ |
بكره اختبار كانجي ولا ذاكرت واللي ما يعرف الكانجي وفي راسه خير يقراء ذا 僕はいい学生ので毎日勉強している والله انك بطل يا راعي الموضوع نبي تحشيش مع اختبارت اليابان |
ولله منت بسهل تصف حكي هههههههه على طاري طاش يفكونا منه يارجال شخصيات مكرره ومواضيع ماصله اما بالنسبة للجواز تصدق حدي البحرين يوم انا صغير صاف مع اخواني 3 بجواز واحد خخخخخخ بس شكلي بروح مره وحده ماليزيا بس درج ومتردد لاني ماعمري رحت وفكنا من الرياض للحين ماتأقلمت ودي اهج من الزحمه ههههههههههههه موضوع رايق تحياتي لك |
| الوقت المعتمد في المنتدى بتوقيت جرينتش +3.
الوقت الان » 11:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd