|
الحوت الأزرق يا هلا بك .. ويا هلا بالزعماء والله أنا من يوم ما نزل موضوع الغشيان في المنتدى وطرح أزرق كايدهم الحوار وسوى زحمه وبما أننا شعب من ضمن الشعوب العربية المنخدعه بالإعلام واللي كأنها قطيع تسوقها الكل بعد الحوار اللي نزله أزرق كايدهم سب الغشيان وقال عنه كلام الله بس يحللهم منه يعني المشكلة اللي ما يعرف بواطن الأمور في البيت الهلالي يتكلم وكأنه عايش وسط النادي ومسوي فيها أن له اتصالاته .. وأني أقرأ الردود وأضحك بيني وبين نفسي .. المشكلة أن هؤلاء الذين يحسبون أن الغشيان راح للرياضي وسوى اللقاء ما يدرون أن الحوار قديم جداً وأن الغشيان قال وفعل وغيره وغيره يعني ما يدرون أن الرياضي جريدة ما لها شغل ولا مشغله إلا الركض ورا الزعيم وورا زلاته ، وأكثر ما ضحكني أللي يقول أن الغشيان عبيد عند آل سعود ، ولا أدري هل هذا الذي تكلم عن الغشيان وعائلته ما يدري أن خال فهد الغشيان هو الأمير هذلول بن عبد العزيز رئيس أعضاء شرف الهلال ؟؟ ما يدرون هذولا أن الغشيان أيام ما كان موجود في الهلال كان مكافئات النادي يعطيها العمال المتأخرة رواتبهم ؟؟ ما يدرون أن الغشيان الآن هو أكثر لاعب سعودي يساعد زملائه اللاعبين السابقين ويجمع لهم دائما تبرعات ؟؟ يعني والله يا شباب الغشيان ما كان يستاهل منكم كل هذا .. ولو أنه في زمان ما أثر عليه أصحاب السوء فهذا ما يعني أن نسفه فيه هذا الأسفاف .. بدال ما نذكر نجومنا بالخير وكيف كانوا يخدمون الفريق .. نرجع ونعدد أخطائهم بحق الفريق ولو دققنا في الأساطير الهلال لوجدنا إن كل لاعب وله هفواته بس الغشيان بس عشانه أنتقل للنصر وعشانه أنسان صريح جداً ويمتلك عزة نفس كبيرة خلاص صار من المغضوب عليهم عند الجماهير .............. الله يذكرك بالخير يا غشيان بس .. |
كلام جميل وما يحتاج توضيح مشووووووووووووووووووور أخوي على هذا الطرح الرائع |
فهد لاعب كبير ويكفيه انه احترف في الدوري الهولندي مع الكمار على ما اذكر وقدم مستوى رائع وكان مطلوب بس كان تعيبه المزاجية الزائدة واتمنى ان يطلع فهد اخر بدون مزاجية |
ياخي الحوار واضح انه مفبرك وانواع التلفيق... بعدين الغشيان يعشق الثنيات لحد الجنون...ويحب الهلال ,,, ويقول ندمت للعب للنصر... وقريب من سامي كثير .. كيف يقول عنه ذا الكلام... يعني وشلون يسبهم بالسب القاسي... حتى ولو صار مااتوقع ان الغشيان يطلع منه ذا الكلام... لكن خذتوا المصدر من جريدة معروفه بخمبقتها ونصبها وعدم مصداقيتها ... ولا وشذا المحاور اللي الف مره يعيد الاسئلة ... كل شوي سامي ثم يوسف ثم ماجد.. كلام فاضي... وبربسه.. |
الله يذكرك بالخير وأنا كنت اسأل من زمان ايش اللي خلاه يروح للنصر وانت ما قصرت وضحت لي بعض الأمور لكن الغشيان على ما تقول شكله ندمان والدليل ما طول معاهم ومشكور يا الغالي |
اخوي انا لا اعلم اي حوار تتكلم عنه لاني قريت مقابله له مع جريدة الرياضيه وكان متحامل على سامي كثيرا ويوسف الثنيان وانا بأذني سامع له مداخله في قناة الرياضبه اثناء لقائهم بشقيق سعد الدوسري كان بوضع ( مزري ) عقليا واخذ يسب في رجالات الهلال وغيرهم وطلب منه المذيع ان يكون ضيف عليه الاسبوع القادم واخذ يتلكك .... فهد الغشيان لاعب لن يتكرر وانا احبه كلاعب فقط ...... وليس اخلاق ولاكن الله يشفيه من ماهو فيه |
[QUOTE ولا أدري هل هذا الذي تكلم عن الغشيان وعائلته ما يدري أن خال فهد الغشيان هو الأمير هذلول بن عبد العزيز رئيس أعضاء شرف الهلال ؟؟ ما يدرون هذولا ][/QUOTE] مشكورعلى غيرتك على فهد الغشيان بس خاله هذلول كبيره مره يعني نفهم من كلامك ان الملك عبدالله خاله بعد ... ارحم عقولنا نعرف من يكون فهد |
إقتباس:
أسأل الله أن يحاسبك على ما كنت تقصده في الاقتباس أعلاه برنامج مداد في الرياضة في قناة الأخبارية عندما استضاف أخو سعد الدوسري وكانت فيه مداخلة لفهد الغشيان وكان يتكلم بحرقة على اللاعبين المعتزلين وكان يقول بعد ما عرض فيديو كليب لمصطفى أدريس وهو حارس أمن ويقول أنه هناك لاعبين أوضاعهم أردى من أوضاع مصطفى أدريس ولكن عزة نفسهم ما تخليهم يطلعوا للإعلام ولا جاب طاري الهلال ولا جاب طاري رجالات الهلال فكفاك وكفى غيرك تضليل الغير وقول غير الواقع بعدين الغشيان ما كان يتلكع كان مصر العجمه على استضافة الغشيان والغشيان كان يبغى يتكلم عن اللاعبين وبعد ما وعده بمقابلة الاسبوع اللي بعده ما حضر الغشيان وأنا كنت متأكد ان الغشيان ما راح يحضر لأنه رجال بالمختصر المفيد يكره الإعلام ويكره اللي يطرودون وراه |
إقتباس:
فهد الغشيان خاله الأمير هذولول بن عبد العزيز ولو تسأل القدماء في النادي يعلومونك منهو الغشيان .. وفهد الغشيان أبوه من أكبر التجار وعندما توفى الله يرحمه ورث الغشيان ورث كبير جداً خلاه يترك الكورة |
إقتباس:
ماتهمهم الا الشهره واخذ يسب ولاتزعل ... وبعدين افهم من كلامك ان ام فهد الغشيان من بنات الملك عبدالعزيز .. يمكن تلخبطت عليك الامور يجوز ان فهد من خوال هذلول وهذا اقرب الى التصديق وغيرها لو تحلف من ايوم لبكره ماحد مصدقك ... واذا انت صادق اذكر اسم امه ( صاحبة السمو الملكي ) |
إقتباس:
أزعل من إيش ؟؟ بعدين يا بن الحلال الرجال ما جاب حتى طاري الهلال ولا رؤساءه ؟؟ الحلقة هذه عشان بس أصحح معلوماتك مو في الرياضية كانت في الاخبارية في برنامج مداد في الرياضة وكان مووضوع الحلقة عن حال اللاعبين المعتزلين الغشيان كان ما يتحدث إلا عن حالة اللاعبين المعتزلين وكيف صاروا والمذيع تركي العجمة كان راح يلتقي معه عشان الملف هذا مو من شان الهلال ولا غيره أنا خايف بس لو يطلع الغشيان ثاني مرة في التلفزيون يحلل مباراة ولا يهني أحد يمكن بعد تقولون ما طلع إلا عشان يسب الهلال ورؤساءه ؟؟ ترى فهد والله ما همه أحد يقول الصدق وصريح إلى أبعد حد مع الجميع مو بس مع الهلال هذه نقطة أبيك تفهمها ويفهمها الجمهور الهلالي اللي تنكر لفهد .. إقتباس:
أم فهد مو أخت الأمير هذلول من الأم والأب أم فهد أخت الأمير هذلول من الأم فقط .. عاد تصدق .. عشان اللغط المستمر هذا بحاول بفهد عشان يطلع وأسوي معه لقاء ولو أني متأكد أنه بيرفض ويقول لي يا رجال تقهو بس |
واللــــــــــــــه الغشيـــــــــــــــــان فنان وكان لاعبـــــــــــــــي المفضل لكن ياخســـــــارة بس |
الله على اياك يا بو غشياااااااااااان ......................... |
والله مايندرى هلوقت .................................................................. |
إقتباس:
هههههههههههههه ههههههههه كيف الحال اخوي..؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 10:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd