السلام عليكم ورحمة الله وبركاته

بما أنك أغلب رواد المنتدى عاشقين لها المنتخبين أقول:


لو أنك مدرب هولندا وفريقك متأهل متأهل يعني ما تفرق معاك

و تخاف من الإصابات والإجهاد والكروت

هل بتضحي بهالأشياء كلها علشان ما يجيك إيطالي أو فرنسي ويقول أنك وقفت ضد تأهلهم

وش رأيك؟؟!!!!!

يعني لو لعبت هولندا بكرة بالصف الثاني وخسرت بيجيك ناس تقول:

أوروبا تخرج إيطاليا للمرة الثانية!!!

بعد ما فعلوها في يورو 2004 هاهم يكررونها في يورو 2008

لله درك يا فرنسا.. بعد أن عجزوا عن إخراجك في الملعب.. دبروا خروجك من مكاتبهم!!

.
.
.
.


طيب وبعدين الفريقين ماقدموا شي يستحقون أنهم يتأهلون يعني لو تأهلوا بتكون هولندا تصدقت عليهم

يعني بدون تعصب يوصل لدرجة التخلف


يعني خلك متعصب مثقف

مهب زي بعض الجماهير كل ما خسر قال تحكيم قال ظلم قال العالم ضده << ما يقصد جمهور الجار ترى..

أتمنى تتقبلون موضوعي بكل رحابة صدر وأنا بالنسبة لي متعصب لإيطاليا لكن اللي ما يأكل بيده ما يشبع وإيطاليا ما قدمت اللي يأهلها للقب.. أو حتى المنافسة

وأتوقع النهائي هولندا * البرتغال

وأتمنى التشامب البرتغال إن شاء الله

سلام

ايطاليا مين وفرنسا مين

الاسبان هم الابطال ان شاء الله

كلامك عين العقل
وانا مثلك من متعصبين ايطاليا

صحيحي ايطاليا لم تقدم مايشفع لها للمنافسة على البطولة ولكن لاتنسى ان اللظلم التحكيمي كان موجود ضد ايطاليا ، خصوصا في مباراة رومانيا .
يعني لو فازت في تلك المباراة بتكون ضمن التاهل بنسبة 70 % وراح تتغير حسابات المدرب دونادوني للافضل .

اشكرك على طرحك وتقبل مروري .

بصراحه رغم اني اتمنى تأهل فرنسا واعشق للمنتخب هذا

الا اني على يقين ان خروج فرنسا شيء طبيعي حتى لو رافقتها ايطاليا

طبعاً بحكم غباء مدربين هالمنتخبين

دومنيك عنده مجموعه كويسه بس للأسف ماعرف كيف يحط التشكيله المناسبه


حتى بداية اليطوله وهو قاعد يجرب لعيبه وتشكيله جديده ما رسى له على بر ! !

ومدرب ايطاليا غلط غلطه ماراح يغفر له عشاق الآزوري وهي غياب دلبييرو في مباراه هولندا



بس نقول يارب نشوف فرنسا بكرا غير

ما قدمت مستوى قدمت مستوى إيطاليا حرمت من فوز مستحق على رومانيا بسبب التحكيم سواء مقصود او غير مقصود ... أعطيني حقي و بعدين نتكلم عالمستويات و الأحقية بالمستويات ...

شوف حبيبي .. أنا عندي كلمتين بس ..

الصف الإحتياطي .. للـطواحين .. موب سهل ..

آرين روبن .. فان بيرسي .. جون هتينغا ..

وأكيد راح يكون الحارس فان دير سار .. يعني موب معقوله بالتشكيله هاذي .. راح تنطق هولندا بالـ 2 والـ 3 أهداف ..

وأكيد حتى لو لعبوا بإحتياطهم .. راح يفوزوا عطفاً على مستوى إحتياطهم أو على الأقل التعادل ..

وموب بعيد يفوز الرومان ..

كل شي وارد .. لكن مجموعة الموت في كل مباراة خطأ تحكيمي .. ولايجي واحد مصفي طبلون ينبرش علي ..

أنا ماأقول كل شي سببه التحكيم .. لكن 50% من ضعف نتائج الآزوري أخطاء تحكيميه ..

منتخب إيطاليـا ماقدم أي مستوى يشفع له إنه يتأهل
بغض النظر عن خطأ تحكيمي ولا ظلم ..
مستواهم بالمباريتين كلها ( سيء ) ماكأنه منتخب إيطاليا اللي يلعب ..
فخروجهم من البطوله هذي مو غريب بمستواهم هذا ..
تمنيـت النهـائي بين البرتغال وإيطاليـا ..
................................

إقتباس وأتوقع النهائي هولندا * البرتغال

نفس توقعي وإن شاءالله الكأس برتغـالي ..

أحس إن بلاتيني هو من سيحسم أمر التأهل لصالح فرنسا

يكفي التخبطات الحاصلة من التحكيم وخصوصاً في مباريات إيطاليا


ولكن :: الله عالظالم و المفتري ::

صدقني لو أنا مدرب هولندا اني بهزم نفسي 100%

ومو ألعب بالصف الثاني بس اخلي 9 هجوم و2 فقط دفاع

ولو مدرب هولندا ذكي يهزم نفسه لان فرنسا وايطاليا لو تأهوا يمكن يقابلونه بالأدوار الجايه

وبكل تأكيد ماراح يكون نفس مستواهم بيتغير ويكون أقوى وكمان تكون ثأريه

ولا تنسى ان خبرة المباريات القويه والكبيره لصالح الديوك والطليان على حساب هولندا..

وانا أتمنى تأهل فرنسا وتهزم الطليان شر هزيمه

وان شاء الله البطوله فرنسيه أو هولنديه او برتغاليه<<<ياكثر اللي تشجعهم


مشكوووووووووور أخوي

الصراحه واذا تبي الجد ,,

المنتخبين كلهم ماقدموا مستوى ,,

وبيني وبينك لاتستغرب طلعتهم كلهم بكرا ,,

رومانيا مستواها حلو ويمكن تفوز على هولندا ,,

وساعتها قول لزمان يرجع يازمان ,,

ايطاليا سحق لكي خيبتي امالنا الكبيره ,

كلاهما لايستحقان التاهل ،، بما انهم اول والثاني على العالم ؟!!

معقوله هالمستوى الدنيء .!!

اتمنى تتاهل مع هولندا رومانيا ، " لعيون كوزمين " ، .!!

اللي ماياكل بيده مايشبع
ولو ان فرنسا أو ايطاليا قدمو مستوى من البدايه ماكان حطو أنفسهم في هالموقف
انا أتوقع فوز رومانيا بصرااحه لأنهم بيدخلون هالمباراه المصيريه لهم بكل حماس عكس هولندا اللي مثل ماذكرت بيخافون من الأصابات والكروت

يالحبيب الفرنسيين حالهم حالكم ... ما فيه فرق ... يعني الطليان ما ودهم يطلعون الفرنسيين ... خلنا واقعين ... هذا كلامك مب كلامي .. لازم تكون متعصب مثقف ... وليس متعصب بس ...وبعدين تاهلت فرنسا تاهلت ايطاليا ... اهم شي نشوف بطولة رائعة ... وانا اقولك انا مشجع لفرنسا ... وتقبل مروري ...