كل مادخلنا المنتدى لقينا كم واحد كاتب ان موبايلي تكسب اضعاف ماتدفعه في عقد الهلال وانها المفروض تزيد العقد
على اي اساس حكمت ياالمحلل الاقتصادي انها تكسب اضعاف
لااحد يقول راشد الفوزان قال وقال راشد الفوزان تصريحه كان قبل بداية العقد واستند على مشتركي عدد الجماهير الهلاليه في الاتصالات ومعه حق
بس بعد التوقيع كم عدد المنتقليين لموبايلي بسبب الهلال
عدد مشتركي جوال الهلال بالاتصالات اكثر من 250 الف وعدد مشتركي موبايلي لا يصل الى نصف العدد ويمكن اقل
الاتصالات كانت تاخذ 80% موبايلي تاخذ 50% هذا بالنسبه للاشتراكات
بالنسبه للحضور الجماهيري 50% لموبايلي بس هل الحضور هذا الموسم كان متوقع اسوء موسم هلالي من ناحية الحضور الجماهيري واتكلم هنا عن المباريات في الرياض لان الي خارجها دخلها مو لنا
ولا ابي اعدد كل المباريات المهمه كان الحضور يفشل منها الشباب ولي العهد الوحده كاس الملك الدوري عد وغلط
دعايات اللاعبيين ماهي مجانيه تدفعلهم قيمتها ياسر الشلهوب وغيرها اخذوا كم مليون عشان الدعايه والاتصالات عقودها تجبر النادي على الدعايه
حفل سامي دفعوا 6 ملايين رغم ان العقد يخليهم يسوون الحفل غصب ومجانا
وتقولون تكسب
اغلب الي يطالب بزيادة المبلغ متاكد انهم الين الحين مانقلوا جوالاتهم لموبايلي
اذا وصل عدد مشتركي موبايلي الهلال 250 الف كما كان في الاتصالات تعال طالب
تدرون ان في نادي حاليا عدد اشتراكات جوال ناديه ضعف عدد اشتراكات موبايلي الهلال

على العموم لا احد يتفلسف ويسوي اقتصادي
اول موسم كان دخل موبايلي من الهلال من اشتراكات القناة ومن حضور الجماهير
وانتم لااشتراكات ولاحضور في الملعب
وانا متاكد ان موبايلي الود ودها تنقل مباريات الهلال كلها برا الرياض