|
اندلاع حريق في مكافحة المخدرات بالملز حياكم راجع من دوامي اليوم الظهر.. الساعه 3 تقريبا.. ولما وصلت اشارة مكتبة بحر العرب بالملز كانت الدوريات ساده الطريق وحوسه غير طبيعيه.. وباصات زي حقات حملة الحج تضف من العالم داخل مبنى مكافحة المخدرات والدوريات يمين ويسار.. حفله بمعنى الكلمه.. وسيارات الدفاع المدني تصول وتجول.. وسألت العسكري قال لي فيه حريق بالمبنى شكل الحريق مفتعل داخل عنابر المساجين.. لأن المبنى الخارجي مافيه أي اثر والله اعلم ملاحظه: الموضوع كبير من جد وليس للاثاره.. تماما كحريق سجن الحاير في العام الماضي |
هلا و غلا الصخرة الله يستر و الله يحمييييهم يا رب . لك تحياتي .... |
إقتباس:
يمكن تستغرب وتقول ليش منزل هالخبر هنا؟ اجاوبك: لأن ربعنا يتكتمون على اشياء وبلاوي كثيره.. ومن حقنا جميعا ان نعرف الخوافي ونكون بالصوره.. بالله عليك جاوبني: حريق العام في سجن.. والكل تحدث عنه وكان فضيحه اعلاميه.. ويتكرر نفس المشهد اليوم.. الشق اكبر من الرقعه وانا اخوك.. فيه خلل.. بس وين؟ |
الله يستر عليهم ويحفظهم ....... وعلى علمي ان المبنى هوالمقر الريئسي وايضا يجرى فيه التحقيق فقط وليس سجن ... وشكرا |
يعطيك الف الف عافية على الموضوع مشكور ومقصرت الله يعين |
إقتباس:
لكن التحقيق مايتم في ساعة او ساعتين.. يستمر اوقات اسابيع.. فيه عنابر ومليانه اخوي.. وانا متأكد من كلامي 100% وغير كذا انا بعيوني الثنتين شايف الباصات (عددها خمس تقريبا) تحمل من المبنى وقوات الطواريء يمين وشمال |
عسى مافيه إصابات بين هالموظفين والموقفين ؟؟ اتمنى تزويدنا بآخر الأخبار ... بس اخوي الصقر .. ترى مافيه عنابر مليانه على كلامك ؟؟ من قالك ؟؟ يعطيك العافية |
نسأل الله السلامة أهم شي لايهجون المساجين :razz: ذكرتني بالحريق اللي صار قبل يومين بالمصانع اللي عند مخرج 18 يارجل الحريق كان يوم الجمعة ليلة السبت واليوم الأثنين وأنا جاااي من الكلية إلا الدفاع المدني إلى وقتك هذا وهو يطفي فيها :bigeek: بصراااحه استغربت وبنفس الوقت عرفت إن المصنع حق ورق يعني تطفي وإلا ماتطفي مولعين مولعين نسأل الله السلامة ,, شكراً أخوي الصخرة وافنا بالأخبار أول بأول يامراسلنا :razz: |
طيب أخوي الصخرة ليه ما تقول هاذي خطه من المساجين من أجل أنهم يهربون !! |
إقتباس:
توني مريت من هناك والوضع طبيعي لكن المبني فاضي من داخل مافيه الا ثلاث دوريات برا وعدد من رجال الامن.. واذا مافيه عنابر وش تفسر لي خمس باصات تم تعبئتها بالكامل امس الظهر تحت اشراف قوات الطواريء؟؟ وكل اللي ركبوا لابسين ثياب ومكلبشين.. ولاحظ اني طول ذاك الوقت واقف اتفرج بالسياره لأنهم منعونا من العبور حتى راحت كل الباصات.. والاهم من هذا كله ان العسكري قال لي : فيه حريقه داخل بالتوقيف.. كل شي جايز اخوي وبعدين انا الـصـخـرة من وين جبت الصقر الله يسلمك؟ تمون عادي الصقر قوي |
الله يستر.. شكراً اخوي الصخره على ماأظن؟؟ |
| الوقت المعتمد في المنتدى بتوقيت جرينتش +3.
الوقت الان » 08:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd