صور وتعليقات .. من مباراة ( ألمانيا و تركيا )
بسم الله الرحمن الرحيم
رساوي برساوي من جديد << تكفى يا مصطفى ألاغا
أنتم وشلونكم << اخلص علينا
المهم
مباراة تركيا وألمانيا اللي أمس << متى تقابلو غير أمس
المهم لا تقاطعونني خلوني أكمل كلامي
ألمانيا وتركيا أمس قطعها مركز البث الدولي << الظاهر ان الجزيرة تلعب علينا
عاد أنا قلت أبنزل صور لجماهير الفريقين
تعويض عن الانقطاع اللي أمس
عموما كالعاده
موضوعي مايحتوي على الكثير من صور الجنس الناعم
تعرفون الأعضاء ماشاء الله عليهم مهب يحرصون على صور البنات
ياليتها بس أمم أفريقيا والله لا أنزل لكم من صور البنات لين تشبعون ( بنات الكاميرون يالبيييه
)
عموما طولت عليكم << توك تدري
يالله بسم الله نبدأ
هذا علم جديد
تعرفون الأتراك كثير بألمانيا
وطوال الأيام الماضيه كانت الصحافه تنشر مقالات وأخبار ( الصحافه الألمانيه والتركيه)
تحث على الأخلاق الرياضيه وانه كلنا اصحاب سواء فزنا أو انهزمنا
تعرفون الأتراك مهب مشاغبين ومهب راعين مشاكل
مشغليننا وماعندنا الا الحلاقين ومعلمين الشاورما
شلون اللي عندهم ملايين
المهم ورانا سرحنا عن الموضوع
هذا علم تركي ألماني
خلاص انتهى التعليق على الصوره
وهذي صوره لجماهير ألمانيه
عاد تعرفونني أنا رساوي يدلعونني أهلي بولدي
بس مدري ليش كل هالفرحه الألمان
مايستحون يالله باللعنتين فازو على فريق ناقص نص لاعبينه !!
حملة القرزعي للحج والعمره
<< مالي دخل يا عيال الخلــيـــ ...
المهم هذي حملة حج وعمره
ماجبتها عشان تشوفون شلون صابغين السياره
شوفوا شلون متحاشرين
والله أروح على سيكل ولا أركب هنا
كت بقول انتبهي يالشقرا لا تطيحين بس شكلها متزوجه
شف الخاتم بيدها
المهم ماتحسون ان اللي قدام ثقيله شوي
شوفو شلون الباب متعوج تحتها
وبعدين شلون علم تركي مع علم ألماني
لو بالمدرجات معقوله
أما بسياره واحده أتراك وألمان .. صعبه
أحلف لكم وأبصم بالمليون انهم قد اشتغلو بالسعوديه
وين يابو انت واياه
هذولا المتحضرين
تتوقعون فيه أحد بالسعوديه سواها يوم نفوز على اليابان
لك لك لك ..
مو لهالدرجه عاد
أنا والله لو بمكانكم لا أرقص فرح
وصلتوا نصف النهائي
ولعبتوا بألمانيا لعب وانتو ناقصين نص لاعبينكم
ارفع راسك انت تركي
ياناس لا تركزون على اللي قدام
أنا عارف ان فيه أعضاء فقدو الاحساس يوم شافوها
لكن كلامي موجه للي للحين بكامل قواهم العقليه
أنا علقت على الصوره مهب عشان هذولا
ولا عشان معلم الاشاورما أبوشنب
عشان العجوز اللي جنبه
وش جايبها بالله
يالله حسن الخاتمه
بالله ماتشبه للمزيني بطاش ماطاش ( دور رقيه )
يعيش مستقبل الحلاقه بالسعوديه
ماعاش من يزعلك ياحسن
ولا معلمين شاورما
واحد ايراني بالله
لو يدري انه يمسح به كان التفت وسطره
بس شوفو اللي وراهم
داخل جو
صاحت
تعالو قبل تتكلمون
لحد يقول شل الصوره وقلة حيا ومدري ايش
ترا هالصوره تسببت بهداية الكثير من متتبعي صور البنات
هالشينه
يستاهلون أجل
يابن الحلال استحو على وجيهكم
رجال هذا كبرك تصيح عشان جلد منفوخ
لكن الصدق
شعرك حلو
أجل تبغون هذولي ينهزمن لعيون الشينه اللي فوق
خلها تنهزم بالطقاق بس مايزعلون هذولا
لا امزح بالطقاق فيهم كلهم
طلعت ايطاليا خلاص الباقين بحريقه
شوفو بس الاخلاق
مع انها فايزه رافعه علم تركيا << ويلوموننا
وي بس على المشجعين
تستاهلون الفوز لو عشان هالبزران
أولك شوفوا هالخجلانه اللي لابسه أحمر
أحس انها تحب اللي يمينها
هالمارجه
ملح البطوله والله
وتلومونني بعد
والله تستاهلون البطوله
شوفو التركي مبسوط قبل المباراة
يحق لكم
نصف النهائي ببطولة أوروبا
ياناس أقول التركي وش فيكم
هيه وين تشوف انت واياه أقول التركي أنا
ههههههههههه
الله لا يبلانا
شفتو ان الحر نعمه
تعودنا عليه خلاص مايضرنا
لو زادت درجة الحراره مانطب بأنهارنا (
) مصاليخ مثل هالمهابيل
بس ياشباب لاتحسبونهم طابين عشان الحر
جانب الهياط له دور بالموضوع
الحين هنا تنهبلون اذا شفتو الصور
شلون لو شايف وحده على الطبيعه
والله نص شباب الخليج ان يطبون وهم مغمضين
والله مدري وش سالفتهم
لكن جبتها كذا بس جازت لي الحركه
هالاتراك
كل المنتخبات مايصبغون وجيههم الا خطوط جنب بعض
أما هالاتراك
لازم يزبرقون
اللي حاط نجمه واللي مشخبط شخابيط لخبط لخابيط ... الخ
لا صدق الأتراك لازم يتفننون بالرسم والصبغ
اللي يمين
مكان النجمه حلو
لكن اللي يسار
نص وجهه شنب
ياخوي كان صبغت شنبك وش بقى من وجهك
نص وجهك شنب اذا ماصبغته خربت الصبغه
(ترا الشنب تركيب لا تصدقونه )
وش مسوي انت واياه باجسامكم
والله لو تشوفني امي مسوي بنفسي كذا يمكن تتبرا مني
هذا جاه الزار واستنزل بالملعب
والله انت اللي كذا أنت واللي جنبك
الصدز جازت لي الحركتات
خاصه أبو شوشه هو والنظارات اللي لابسهن راكبه عليه
صورت الموسم
الصدز الكاميره عارفه وش تركز عليه
وه بس يالدلع أم الكلنكس
الصدز اني خلاص شجعت ألمانيا يوم شفتكن
الظاهر انكن مضيعات
تبغون أمم أفريقيا وطبيتوا هنا بالغلط
هياط ألماني
لكن أموت وأعرف اللي تحت ماسك الماصوره
خايف تطيح ولا وش يبي بالضبط
هذي عاد صوره جماعيه
والله مشوار أعلق عليهم واحد واحد
المهم هذي كانت آخر الصور الملتقطه << حلوه ملتقطه حسيت اني انا اللي مصورهن
وآسف اني تأخرت بتنزيل الموضوع المفروض أني منزله بعد المباراة
لكن والله أنا بالرياض ماني بالرس
ورحت قبل الفجر أبمشي ( على بالي رياضي
)
تعرفون الجو حلو بالرياض
المهم مامعي لا جوالي ولا مفاتيح البيت
والشباب بالبيت نامو وصكو الباب
عاد خويكم أكل تبن
جلست أقطع بصل عند الباب
ولعلي رحت وصليت الفجر مع الجماعه
عموما توني قايم من النوم ونزلت الموضوع
<< قل كذا من أول ولا تزعجنا
وياشباب ويابنات
لا تاخذون فكره سيئة عني
ترا أنا أعلق على الصور وخاصه اللي فيها بنات
من باب الهستره بس
يعني اذا مدحت بنت أو قلت يالبيه أو من هالقبيل << حلوه من هالقبيل
يعني موقصدي يالبيه صدز لا والله تخسي وتعقب
بس من باب الفكاهه يعني
وطبعا زي باقي مواضيعي
المعد رساوي برساوي
والمقدم هو نفسه رساوي
والمصور رساوي
واللي حط الموضوع بارضه رساوي
واللي جالس يكلمكم رساوي
واللي خلص موضوعه رساوي
ومع السلامه
<< من كثر الفيسات اللي شريتهن للموضوع عطاني المشرف 3 فيسات مجانيه
الوضع العادي
