بسم الله الرحمن الرحيم ...

بااااااااااااااااااك <<<< راعي شات ... خبرة 9 سنوات !!!

اول شي مساكم/ صبحكم الله بالخير ..

ارحب بكل الاعضاء اللي نورونا بردود اقلامهم صفحاتنا ...

وترحي خاص لصديقنا طارح الموضوع اللي لفت انتباهي تواجده <<< بعد طول غيبة ...
ومن طول الغيبات جاب الخير <<< هلالي لكن ...

اول شي يالربع <<< أخلاقه قافلة اليوم !!
في عندي بعض التعليقات على مجمل الطرح والكلام هنا لجميع الاعضاء والزوار لشبكتنا الغالية !!

بالنسبة لموضوعاتي وطرحي في هذا الصرح ليس دليل على اني فاضي ولا عندي اشغال ...
فلا يفهم من طرحي او حتى مواقفي اننا مجرد شباب غايتهم السياحة و وازعاج خلق الله ورسم صورة سيئة عن المملكة

فكلنا سفير لبلده ... وكلنا آمل برفع هامة هذا الوطن بكل تصرف نقوم به ...

اولا احب الفت عنايتكم انه رغم كل الجريات اللي نسويها ... والله العظيم نراجع الف مرة صاحب الشأن لكي لا يصبح مزحنا مجرد احقاد دفينة بين بعضنا البعض !!

وهنا احب ان اعلق على اسلوب اخي الغالي هلالي ولكن ... << بخصوص موضوع الزبالة !! (وانتم بكرامة )
انا في احاديثي اظهر الجانب المضحك دون اغفال حق الغير ...
طبعن عقب اللي صار فهمنا الشباب الموضوع وبالعكس ازيدكم تقبلوا الموضوع بكل صدر رحب !!
حتى اني اذكر ان شخص من جماعتهم اسمه قصي قال في مجال نلعب معكم !!!

اي ان الهدف ليس قلة احترام ولا مبالاة ...
مع كامل شكري لكل متفهم لطرحي ...

فأنا وأعوذ بالله من كلمة أنا أعي وادرك تماما اي تصرف اقوم به ..

صحيح اننا شباب يحب سعة الصدر والفلة عنوان ...
لكن كما قلت سابقا بحدود ..

في الغربة ...
تلقى الصالح والطالح من ابناء جلدتنا وحتى من ابناء دياتنا ... هذا لا يعكس ان مجرد الانتماء لهم اننا مثلهم ..
تلقالك مسلم <<< والله الاسلام منه براء ... يسكر ويعربد ويزني ... والله يستر ..
هذه لا تسمى فلة وتغيير جو ...
هذا خروج صريح عن مسار عقيدتنا اللتي اعتزينا ونعتز وسنعتز بها ما دمنا أحياء ...


فنحن قوما اعزنا الله بالاسلام متى ابتغينا العزة بدونه اذلنا الله ... والعياذ بالله ..


لكن هذا لايعني اني اذا صليت صلواتي الخمس وقمت بما آمر به رب العالمين من أمور ...
انه يجب ان ابقى متزمت .. ولا اناظر احد ... واذا شفت واحد مسوي شي غلط لعنت سابع يومه !!

يعني على طاري هالسالفة ويمكن قد سمعتوها ...
انه في احد المساجد وقت صلاة العصر جا واحدن من الشيوخ متآخر جا والامام ساجد ...
وخوينا شامي ساجد وملابسه الداخلية واضحة !!
بعد الصلاة يوم خلص الشيخ ... قام قدام العالم وقال للشامي استحي على وجهك واستر نفسك ووو ...

يآخي في شي اسمه اسلوب !!!

صحيح انا احب ادعي اي واحد من غير المسلمين الى الاسلام ضمن استطاعاتي وبدون تزمت ومن دون افكار ما انزل الله بها من سلطان ...

خلاصة القول ...
أتمنى ان لايكون هناك انطباع لديكم ان اي واحد يطلع برا هو ناوي دشرة وجايب العيد ... <<< سربته !!
ولا تنسون ان كل واحد يعكس مدى تربيته وبيئته ...

وفي نهاية المطاف استأذنكم لخروجي عن النص وتغيير الجو ...
انا اعرف ان في شباب يستانسون على القصص والمواقف ... وانا عند وعدي ...

السموحة على بعثر الافكار ... واتمنى بجد ان تكون جميع ملاحظاتي ضمن الاطار السليم لاي شاب يخرج ممثلا للوطنه وقبلها لدينه ...

... روحوا القلوب ساعة بعد ساعة فان القلب اذا اكره عمي ...

ومثل ما علمتكم الفلة شي حلو والبسط والفلة شي جميل <<< يمدحونه ..
على كلن يالربع عما قريب سأطرح قصة الجنس الناعم في احدى المواقف اللي صارت معي ...

واستميحكم عذرا ... <<< مزاجي قافل الله لايبلاكم ...
صار لي موقف سوف اقوم ذكره في وقته ...

والله لايبلى احد فيكم ...

والسلام عليكم ورحمة الله وبركاته ...
اخوكم / lover_zidane

بسم الله الرحمن الرحيم ...

ارحب غلا واهلين بكل الربع والربعات >>> فآآآلها

مساء الورد والجوري والعنود ..

كمنتليفو ؟ >>> بالفرنسي كيف الحال !!!

اخباركم يالربع ... كيف العلوم والرياضيات والجغرافيا والاحـ .... >>> اخلص ترى العالم تحتري السواليف

ابدى بالسالفة اللي وعدتكم بها >>> عند كلمته


في إحدى الليالي الهادئة واللتي غلب على رونق جمالها سترا من الرومانسية >>> ياشين الفلسفة !!

نجي للموضوع ..

في السنة الثالة لي بالجامعة ... >>> مقدمة
كان عندنا قطع في كليتنا ... والمعروف في الجامعة اللي انا بها ان اجمل بنات ذيك الديرة موجودين في الجامعة ..
واللي يدقق زيادة يعرف وش اقول لدرجة ان تم فتح قسم على اليوتيوب بخصوص ذا الشي

المهم حنا الاربعة السعوديين معروفين على مستوى الجامعة ...
تكون مار لك على كلية موب كليتك اللي يقول كيفك يا فلان ؟ >>> متى المعرفة !!!
واللي تضحك وتقولك هاي يا ... <<< الا والله هلا والله ...

مافي احد سلم من شرورنا وجرياتنا >>> يحسب نفسه بديرته !!!

المهم ... كان عندنا صبية كتير بتعئد >>> ولد بدا يتعلم
من جد البنت قطعة ... !!! ما شاء الله ... عاد تخيل بنت شامية ابوها لبناني وامها امريكية !!!! >> جايب خبرها
مزيج رائع !!

المشكلة البنت لو تانظر لها الين الصبح >>> مافي امل تعطيك نظرة ... نظرة موب وجه !!

وتصدف ان في احد الكورسات تنزل معنا ( انا وباقي السلنتح اللي معي ) محاضرة ...
المحاضرة كان وقتها الساعة 8 صباحا ... انا والربع من الساعة ست الا ربع مسنترين عن بوابة الجامعة الين تفتح !!

مداخلة بسيطة ///
لايفوتكم كيف نروح الجامعة ... اللي يلبس لك بدلة >>> ناصر الله يستر عليك
واللي يلبس لك جينز ضيق وقميص ... >>> سلامات
انا من يوم يومي ما اطلع الا بالثوب والشماغ وان خربتها بالغترة >>> سعودي اصل


فاصل اعلاني ...
الآن شامبو لادموع بعد اليوم !!! متوفر بالعبوة العائلية 225 مل ... وبنفس السعر !!!


باااااااااااااااااك ...
المهم مشى الفصل ... وجنا مافي امل نكتب مع الدكتور !! >>> على اساس ان القمر موجود !!
والله قبل امتحان الفيرست ... الان حنا نبي المادة نصورها ...
عاد لايفوتكم كيف تكتب ... العنوان بالبرتقالي ... النقطة المهمة باللون الزهري ... التنبيه باللون السماوي !!
من جد تقول فاتحة كراسة رسم موب محاضرة !!!

الان انا والسلنتح نفكر من ذا الجريء اللي بيروح يكلمها ...
اكيد كل ما توهقنا في موضوع زي كذا ....

الحل سهل ... ورقة حجر مقص !!!
طلعت علي !!! >>> يالفضيحة !!

قلت الله اكبر ... اروح
المهم .. شف التوقيت السيء ... وسط الكلية وعلى مرئى من اللي رايح واللي جاي !!!
رحت وقربت ... وقربت ... وقربت ... وقربت ...

اول ما وصلت !!! ... اللي يشوفني يقول يبي يعرض مشكلة مساكن الفقراء في افريقيا !!
اول ما وصلت عندها وصارت المسافة اقل من 3 امتار >>> وهي مسافة الامان !!!

ماتعرف يمكن تتهور وتضربني بقلمها
اول ما قربت قلت هاي !!! ( يؤيؤيؤيؤيؤيؤيؤيؤيؤيؤيؤيؤيؤيؤيؤيؤيؤ ) >>> ما ادري كيف طلعت !!!

ناظرت فيني زي كذا ... ولا ردت !!!
قلت اختي انت تآخذين معي المحاضرة الفلانية .... >>> ولا كانها سمعت شي !!
قلت اختي بغيت دفترك اصوره ... وبرجعه لك >>> ولا كانها سمعت شي !!

انا في ذا الموقف ... ناظرت ناحية السلنتح !!! ما تشوف الا قوة فلاش ... >>> يصورون !!!
قلت شكلي انفضحت ...

قلت حرام بالله لا افضحها ... شف اسلوب عيال الجرادية في التشبيك !!!
قلت هييي انتي صمخة ماتسمعين يا مال البلا ... ترى ما اطرك ... اصلا اكبر غلط اني اكلم وحدة مثلك !!



وذيك اللي تلف 780 درجة وتناظر في وتقول عفوا ... بتحكي معي !!
قلت ايه ..
قالت شو بدك قلت هونت ما ابي شي ... مع نفسك !!
لفت وجهها وتمتمت ... قالت بدوي !!
انا سمعت الكلمة سريع ... قلت البدوي هو اللي عايشة على خيره يا عمو !!!
اللي يقهرك في الموضوع ان هالعالم اللي له دخل واللي ولا هو حولنا قام يناظر ... >>> تقول نلعب كريكت !!



ودويرت بسرعة ... ورجعت للسلنتح ...
المهم انا حطيتها براسي ... يعني اذا هي تعرف تنكس انا اختصاص !!
والله صورت المادة من واحد من الشباب << دافور ...
وجا يوم الامتحان ... >>> عاد انا قبلها جبت لي دكتور سنع فهمت ام المادة صح !!
امتحنا ... وثاني يوم الدكتور يقول انا بدي اشكر الطالب بندر على اهتمامو بالمادة ومع هيك هو الاول على الشعبة !!

انا شف انواع التفهية ...
قال وينو بندر ؟ >>> سريع نزلت من المدرج ... وتسمع اربع شباب يصفقون بس! >>> اكيد السلنتح !!!
والله خذيت ورقتي ... واناظر في ميريام >>> هذا اسم البنت !!
ناظرت في وضحكت !!! ...


بعد المحاضرة ... وقفت قدام باب المدرج .. انا والربع اللي يدخن واللي يناظر في خلق الله ... واللي يذب على فلان وعلان .. شف وش لابس ذا ... شف ذي كيف شعرها ... شف ذي حاطة سفن اب على شعرها ...

انا واقف لا لي ولا علي ... جت وحدة ما اعرفها ولا تعرفني ...
قالت ميريام بدها اياك بموضوع ... وانا شايفها من بعيد ... قلت قوليلها مشغول عندي مذاكرة موب فاضي

وحدة بوحدة >>> ماينسى
مشى الموضوع طول الفصل عادي ... ما اعطيها وجه ... بس اراقب تحركاتها واي شي يقهرها اسويه !!
وهي نفس القضية ... لدرجة ان مرة كلمت خوينا ناصر ... !!!


وانا بارد من جد !!

يوم من الايام مسكت غلط انا والربع نطلع اطلق مطعم في ذيك الديرة ... بعشيهم على حسابي !!!
المطعم مشهور جدا ما يدخله الا الناس اللي فووووووق ... >>> مسوي كآش

والله حجزنا وجلسنا ...
شوي الا واحد من الربع قال اسمعوا في تحدي !! >>> ما يملون تحديات !!
قلت وش عندك بعد ...
قال بندر اذا انت رجال تشبك البنت اللي لون شعرها اصفر ...
انا قلت وش لي مقابل ذا الفيلم !!
قال العشا على حسابي ... >>> ما طلبت شي وصلت عندي !!
برمت برمة واناظر من اللي على الطاولة ..... يؤيؤيؤيؤ ... ميريام وقروبها !!!

قلت طيب ...
قمت ورحت عندهم ... وقلت مساء الخير ... قالوا مساء الخير ... ميريام تناظر فيني تقول وش يبي ذا !!
قلت تراكم انتي ( اللي جنب ميريام ) معزومين انتي والقروب على العشا على طاولتنا >>> نذل !!

والله ماصدقوا خبر وقاموا ...
الشباب اللي معي فهوا ... وخوينا اللي قال العشا على حسابي بغى ينحاش !!!
والله تعشينا وسواليف ... وضحك ومزح ...
عقب ما خلصنا عشا ... ناديت على الوايترلس ... وقلت نزلوا لنا الحلويات !!! >>> نذل من جد !!!

المهم خلصنا العشا والحلويات ... ودفع خوينا الدراهم وبغى يصيح !!
انا قلت خلني اكسب المرحلة وقلت لخويتها ... في مجال اوصلك البيبت !!!
يعني هي والقروب قدام وانا وراهم ... قالت خلينا اسأل اخوي ..... يؤيؤيؤيؤيؤ ... اخوكي !!!
قالها عادي زي ما بدك !! >>> امحق اخلاق

قالت لا مابدي غير يوم ... كل ذا وميريام تناظر !!!
المهم طلعنا ... جيت بركب موتري ... الا وميريام وراي قالت بندر انتا ما بتحس !!!
ههههههههه ... >>> سلامات متى المعرفة ....
قلت ليش قالت لا ولا اشي خلص ...
المهم كلمة منا على كلمة منا ... ركبت معي وسحبت على العيال >>> امحق خوي !!
خذيت رقم جوالها ... ورقمتها >>> سلاماااااااااات ...

وصلت السكن اللي واحد يرن ويفصل !!! سلامات اناظر في الرقم ميريام !!
انا دقيت عليها .. قلت اجل اشتقتي لي >>> واثق !!
قالت لا !! >>> تحطيم ...
قالت يا بندر انا بحبك !!! انا والله اني توهقت قلت ... كيف ؟
وخذلك انواع العشق والهيام ... مسوية جوليييت ...

والله يالربع مالكم يمين الين آخر الفصل ... والله مثل اللوز ... اي شي تطلبه اعطيها اياه بسرعة <<< مسوي حاتم الطائي ...

يوم الامتحانات انواع الشرح على الجوال ... والله يوم امتحنا وخلصنا ... الا البنت تقولي بندر مابدي اشوفك ابدا !!
انا قلت ليه سلامات ... قالت هيك ... وراحت !!

الساعة 10 مساءا جتني رسالة والله يالربع كذا محتواها ...
بندر ... واحد / صفر !!

من اللي جرني !!! ... وادق على الرقم مغلق ... ادرق على رقم ميريام مغلق !!!
جتني رسالة من جوال ثاني ... مكتوب فيها ..

اذا مهتم بالموضوع تعا عماكدونالد المنطقة الفلانية !!!
وانا اللي البس واروح ...

يوم رحت شفت كل الربع ميريام وناصر وسلطان وفيصل وقصي .... كل العالم !!
قلت وش السالفة !!

قام ناصر وقال تذكر يوم ترقم بالفيصلية وتمسكنا الهيئة وتقول هذا اللي كان يرقم !!
قلت ايه قال هذا الجواب ... قالت ميريام آه صح ... وناصر دفع لي يا خروف !!!

يؤيؤيؤيؤيؤيؤ ...

وكروها ضحك علي ...
انا ضحكت وقلت لناصر وتدري اني انا دافع لميريام انها تكلمك في الجامعة وتوهمك بالحب وتجمعكم يا خروف ....

انواع الفهاوة من الشباب .. سكتوا دقيقة ولا احد تكلم !!

بصوت واحد كريناها على نفسنا ضحك ..

و انواع الضحك بعدها .. .

مسكين حقد علي وعليها .... بس طيبنا خاطره بكلمتين ...

وللقصة بقية في الجزء الثاني من الموضوع ... هذا فقط المقدمة ...

والسموحة على القصور والفلل والبيوت

السموحة على الاطالة ... والجاي اكثر امتاع ... دمتم بود ..

سم الله الرحمن الرحيم ...

مسهم / صبحهم بالخير كلن حسب توقيته ...

بآآآآآآآآآآآآآآآآك >>> توه ماعقل من سواليف الشات !!!

المهم ...

اخوي الغالي ابوعبد الرحمن ... عساك على القوة ...

>>> سؤال !! ... وش قصدك ذا اللي فالح فيه !!!
اخوي ابو عبد الرحمن ... اعيد واكرر ... او اقرا ردي اللي قبل الطرح اللي فوق وتعرف قصدي !!!

بعدين يا عزيزي شكرا على مرورك ...

في ملاحظتين عندي على الشباب !! >>> الله يستر
الى هذه اللحظة عدد اللي شافوا الموضوع اكثر 1450 زائر !!!

ما رد الا 10 او 20 !!! >>> والباقين ... متفرجين !!!

يا شباب حتى كرة القدم ... ما يتشجع بها الفريق الا من خلال الدعم بالافكار والاقتراحات من قبل الجمهور !!

وفي نفس السياق اشوف ان غالبية الشباب اللي يدخلون يقرون الموضوع والقصص ...
ويستانسون ويسعون صدورهم ويضحكون ... >>> ويسرون !!!

ما ابغى اعيد واكرر ان الشخص لازم يترك تعليق او تعقيب او حتى ملاحظة ... ياخي نصيحة !!!
اترك لك بصمة ... ابتسامة ...

والله الواحد اذا طرح له موضوع او في مساقنا هاذا قصة وشاف تفاعل ... يجيه تشجيع وروح معنوية

صح في شباب مشكورين يقرالك قصة جلس كاتبها ساعتين او حتى ثلاث واربع ...
ويجيك خفيف الظل وما يرد على الموضوع ... او يكتب شكرا !!

والله ياشباب كلمة شكرا لا تسمن ولا تغني من جوع ...
رد على الموضوع بانتقاد بناء ... بتصحيح فكرة ... بذكر قصة مشابهة ... بتعليق مرح على الموضوع ...

يعني منيب اتفلسف عليكم ... لكن كلكم خبرة ومثال راقي للتواصل مع بعضنا البعض >>> يكسر ويجبر ..
أتمنى من الجميع المشاركة بقصة او موقف سواء اكان طريف او حتى عادي ...

يعني نوع من التشجيع لي ولباقي الاعضاء ... >>> ومنكم نستفيد ...

الملاحظة الثانية ...

وهاذي خص نص لخوينا اللي طرح الموضوع ... هلالي ولكن ...
المشكلة هو اللي طرح الموضوع ... وسحب علينا !!!

والله احس اني انا اللي اكتب لحالي ...
من جد مالها داعي ... والله ما اقول ذا الكلام الا لاني احبك واحبكم في الله ومن باب الحرص على خلق روح من التقارب فيما بيننا ياسلوب مرح ... يزيل عقبات الغربة وبلاها ...

اتمنى من الجميع لا يزعلون علي ... بس من جد احس ان الشباب يدخلون يقرون ... وانواع النحشات !!!
يعني اعطونا بادرة امل نكمل باقي الجريات اللي عندنا ...

هذا ما لدي والله اعلم ...

واعذروني على بعثرة الافكار ...
والسموحة على التقصير بحقكم ...

اتمنى التفاعل بجد في هذا الحقل >>> سلامات خاش بستان

والسلام عليكم ورحمة الله وبركاته ...

اخوكم lover_zidane

ههههههههههههههههههههههههههههههههههههههههههههههههههه
سوالفك خطيره
مشكور

بسم الله الرحمن الرحيم .. .

اسعد الله اوقاتكم بكل الخير وبوافر الصحة والسعادة

اود في بداية الموضوع ...

اشكر كل من رد او علق على الموضوع ...

بداية اخونا الغالي روين هود ... واخونا الغالي كاتب الموضوع هلالي ولكن ...

وهنا اخص بالشكر اخونا الغالي المغيري 1412 ...


بالنسبة لاخونا الغالي ... هلالي ولكن ...
كل السلامات ... ويا جعلها دوم ايامك فرح ...
بس لاتبطي علانا >>> فضيحة
وبعدين في ملاحظة ... صحيح ان الموضوع للجميع ... لكن انت صاحب القصص والمؤثرات السينمائية !!
على كلن اخي الغالي يعجبني طرحك .... >>> وينك عن الـ Box Office ؟ ...

واخونا الغالي المغيري 1412 ...
تحية شكر وتقدير على تفاعلك معنا في الموضوع ...
مع ذلك ... لا بد من طرح جرياتك على نطاق واسع ... >>> مافي احد يسلم من الجريات والمقالب
وترى عادي اذا كل المقالب والجريات عليك ... >>> خلنا نغير جو


وبالنسبة للاعلان ابشر ... القصة اللي تحت والاعلان اللي بها برعاية اخونا الغالي المغيري 1412 >>>

الان انا بقولكم احدث قصة صارت لي وللربع .. طازجة جدا وتمت بتاريخ 23/07/2008 يعني امس يوم الاربعاء


.... بعد يوم شاق من تلقي العلم ومناقشته في الجامعة >>> نصاب ما حضر ولا محاضرة راحت عليه نومة

المهم ( لاتنسوا تعدوا كم مرة اذكر كلمة المهم ) ...

وبما اني مثل ما فضحت نفسي راحت علي نومة انا والسلنتح اللي معي ...
بس خلني اتطرق للموضوع ... ( ياحبه للخوض بالتفاصيل )

يوم الثلاثاء وهو اليوم اللي يسبق هذه الجرية ...
نمت انا والربع الساعة 4 فجرا >>> لاتخافو صلينا ثم نمنا

وتدرون على وش صاحايين !!! >>> والله ازعجنا خلق الله !!
كنا نلعب Playstation ومافي الاقوة Wining Eleven واهم شي النسخة رقم 10 بحكم ان زيزو موجود
المهم جلسنا نلعب من الساعة 12 الين اذن الفجر

عندنا واحد اسمه سلطان <<< فضيحة من جد
مسكين صكيته بخمسة >>> مسوي ماعمره انصك مسوي مايذكر فشيلة السبعة صفر

انا العب بسعة صدر يعني عادي انهزم او اهزم >>> البلا ماشفتونس اذا عصبت
غيرنا نظام اللعب كامل اللي يبي يلعب >>> كل واحد يجيب اليد اللي يبي يلعب بها معه !!!

ولله الحمد 6 أيادي Play Station اصلية طبعتها بالجدار مع كامل حقوقية الملكية ...
المهم ... خوينا سلطان انا صكيته بخمسة صفر ... الكلام الساعة 2 صباحا وهو مافي الاقوة مهايطة ...
احس لو انه معه تكميلة كان لبسها وطب يلعب مع فريقه !!!


قام يصارخ ويسب وانواع الكلام الهندي >>> اذا تورطت بسبة قام يسب بالهندي ...
وحنا جالسين >>> مسويين دوري ...

الاتسمع ... ولكو بدنا انام !!! ... بعدها بـ 5 دقائق تسمع هدوء ثم ... طق طق طق ... ترررررررررررررن !!!
يالله من يفتح الباب ...

يالله سلطان روح !!! >>> لا والله ما اروح ... ناصر قم افتح الباب >>> معصي !!! ( يؤيؤيؤ )

يالله الشكوى لله بسرعة ... ورقة / حجر / مقص !!! >>> اهم شي !!
طلعت على سلطان !!! >>> مسكين تفشل !!!

قام فتح الباب ... شفت واحد بالع العافية ...
سلطان : هلا ..
المنزعج : ياخي انتو بتستحو على وجهكو ؟
سلطان : عسى ما شر يا ابو الشباب ؟
المنزعج : صوتكو لعنا واصل ؟ بصيرش هاظا الحكي ؟
سلطان : والله آسفين ... وحقك علينا ...

شوي تسمع واحد من داخل الشقة حقتنا ... ناصر قال بصوت عالي ... سلطان والله عيب عليك ازعجت العالم !!!
ياخي كل الناس ينهزمون وانت جالس تصارخ ... وتصحي العالم ... والله عيب ...

(يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ يؤ ) ...

المنزعج : والله عيب عليك يا عمو !!!
سلطان : انواع الالوان بوجهه ... قال آسف ...
المنزعج : قال بصوت شوي عالي ... الله يعينكو عليه >>> سلامات مسوي يحرش !!!

رجع سلطان ... او ما دخل الغرفة قال ناصر ... مسوي توهقني ؟
ناصر : موب انا بندر ... هو اللي قال لي ؟؟

راح سلطان الين المطبخ >>> يعني في حرب الليلة !!!
حنا كل واحد >>> النحشة يا ولد !!!

انواع الحرب بالمراكي والموية وبيالات الشاي ... >>> ناصر جته عليه مناديل بوجهه !!
موب هنا المشهد ... يوم رمى سلطان على ناصر المناديل ... فقعت بوجهه ... وتشوف انواع المناديل على الارض !!

يمكن ما اقدر اوصف المشهد ... بس لو انت مكاني كان غصيتوا من الضحك >>> امحق عبارة

قضيناها لعب وحرب وانواع المهايطة ...
انتهى الموضوع باتفاقي انا وسلطان >>> قليل خاتمة

اتفقت انا وسلطان ان نحبس ناصر بالخزانة الين الصبح ... بس شلون نسويها !!!
>>> ما عليك واصل عندي ....

قلت ناصر ... لاهنت بالله اوراق الجامعة حقت الفصل ...
ناصر مسكين قال وينها فيه ... قلت بالخزانة !!! >>> لازم الاسلوب ...
والله مسكين وهو بالغرفة قال الورقة حقت اي فصل ...

وانا وسلطان انواع الغدر من الخلف ... وندخله بالخزانة ونصك عليه ... بالمفتاح >> طقتين
واسمعوا انواع التهديد ...
اذكر انه قال ... والله ان ما خليتكم تمشون وانتم واقفين مايكون اسمي ناصر >>> ماعرف يذب

المهم خليناه 00:30 دقيقة >>> يعني نص ساعة ...
ثم سوينا حرب مرة ثانية ... استخدمت فيها المياه والمراكي ... والجديد ... الاشمغة !!! >>> انواع اللسع ..

ثم خلاص تعبنا >>> امحق تعب
اذن الفجر صلينا ثم قلنا خلنا ننام كانت الساعة 05:09 صباحا ...
قلنا خلنا نريح ساعة ثم ننزل على الجامعة >>> هذا وجهي

لازم ننزل على الجامعة الساعة 07:00 صباحا ...
ربطنا الجوالات ... والساعات المنبهة >>> فاتحين محل ساعات

والله انا الساعة سبعة رن جوالي ... >>> مافي الاقوة صامت ...
رن جوال سلطان ... >>> ما ادري كيف ينام على الازعاج مستحيل يطفيه ...
قام اخوكم الين عنده وطفيت جواله ... ورجعت نمت >>> قمت وحركت نفسي ورجعت نمت !!!

ناصر مريح نفسه ... راكن علينا نصحيه ...
مريت على غرفته ... كا يتكلم وهو نايم >>> الله لايبلانا ...

وانا اللي ارجع وادب الفرشة صح ... يوم رجعت على الغرفة ... تناظر في الفرشة ...
احس انها تقولي بلا جامعة بلاخرابيط ... ثم احس انها تقولي ابطى النوم ...

وانا اللي اقول ابشري ماطلبتي شي .... >>> النوم سلطان ( موب سلطان خوينا ) ...
وراحت الجامعة على ثلاثتنا ...

انا والله ودي اكمل سالفة يوم الاربعاء اللي هي موضوع طرحي ... لكن احس اني تفلت شوي بالتفاصيل ...

اعذروني معي مكالمة من الربع يحتروني بالمطعم ... اقلطوا معنا يالغاليين ...
على كلن لي رجعة ان شاء الله ... عقب الغدا ...

فاصل اعلاني ...
الآن ... تمتع بتجربة قيادة كابريس لومينا وابيكا ... في شوارع الرياض ... واحصل على سيدي Driver مجانا ..
فقط من شركة العيسى او الجميح ... يشترط شراء احد الموديلات لتجربتها ...

هذا الاعلان برعاية المغيري 1412 ... بالتنسيق مع شركة عبد اللطيف جميل لقيادة الطائرات ...
وبدعم من lover_zidane ....

يالله يالربع ترى العيال بيموتوا >>> مسوي موب جيعان ....

السموحة ولي رجعة ان شاء الله ...

في امان الله ...

بسم الله الرحمن الرحيم ...


مساء الفل والورد والياسمين ... للجميع >>> هجد عقب ما عرف ان في مشرف موجود !!!

اخونا الغالي ... المبدع ... حياك الله ... معنا ... نورت صفحتنا يالغالي >>> يتمصلح !
والله الساعة المباركة ...

المهم ( اعيد واكرر عدوا كم مة تم ذكر كلمة المهم ) ...
اخونا المبدع ... وبما انك مشرف هالمنتدى المختص بالشباب المغتربين ... مطلوب منك طلب ... >>> يالله صباح الله خير

الله اكبر !!! ... طلب بسيط
لزوم تقلنا وحدة من جرياتك انت والربع ...

واخونا كاكا العرب حياك الله ... ومشكور على مرورك ... >>> نفس القضية ... الرجاء طرح جرياتـ.... إلخ

اول شي لزوم اعتذر على اللي صار امس !!!
يعني تغدينا وخلصنا ... بس صار لي ظرف ولا امداني اكتب لكم ...
هذا الظرف شوي خاص >>> نصاب مافي خاص ولا شي جالسين يتابعون فيلم في محطة مصر !!!


والله ياهو فيلم ... كل التحيات لابطال الفيلم ...
شباب اللي تابع الفيلم ... >>> ممتاز

واللي يبي يموت من الضحك ... يتابعه ... يا ويلي ويلاه ...

هذا قصة الفيلم كالآتي .... >>> سلامات ... لاتصرف وين موضوع امس !!!

ايه صح ...
وصلنا الين ... صحيت انا والربع تقريبا الساعة 10:00 او 10:30 يعني حولها ...
جبنا فطور وافطرنا ... وعينا خير ...

بعد الفطور كل واحد ابعد عن السفرة ... وجلسوا على المجلس العربي ...
وخذلك ضيافة عربية شاهي وقهوة ... وبيبسي !!! >>> ترى ذي جديدة العادة وتراها بعد عند البدو دخيلة

المهم ... كل واحد يناظر في الثاني ...
قلت يالربع .... براسكم سباحة !!! >>> والله حر !!
قام سلطان وناظر في ناصر قال يا بندر مع نفسك ... >>>

قلت والله انكم زلايب ... انا الان ادق على الرجال ...
قالوا بالله بدق عليهم ... عشان تروحون مسبح !!!

مسبح !!!!!!!!!!!!!!!!!!!

قلت لا يادلوخ .... ماسكة معي غلط نسبح .... بـ ـا الـــ ــبــ ــحـــــــر ....
الا الثنين ينطون علي ويبطحوني ... واللي تسمعه يقول والله جابها ذا الدلخ
واللي يقول والله موب عاقل ذا ..... >>> سبة جامدة ... كلام غير مصرح له بالظهور


يالله يافلان ... يالله يافلان قالوا قدام >>> مايهونوا ابد !!! ....
الان حنا ثلاثة ... والطلعة عشان تصير فلة .... وتكثر بها الجريات ... >>> لازم يكون العدد كبير !!

والله دقينا على الربع ...
اسمعوا جزء من المكالمة مع واحد اسمه عبد العزيز >>> عزوز

انا : سلام علاهم ..
عزوز : >>> بصوت واحد توه صاحي من النوم بس يبغى يوهم اللي متصل عليه انه صاحي
قال هلا وغلا بالربع ... وينكم فيه ... >>> على اساس ان هو بالجامعه توه !!!
انا : والله ياعزوز ما رحنا الجامعة اليوم ... راحت علانا نومة
عزوزو : والله انتم ماش ... الله يعينكم ...
انا : >>> شف انواع الاحراج اللي بحرجه ... قلت وانت وينك فيه الان ؟
عزوز : توني راجع من الجامعة
انا : بس ياخي في عليك محاضرة الساعة 12:00 ...
عزوز : >>> توهق !! ... قال لا الدكتور معتذر !!!
انا : >>> تبليت عليه قلت عاد سلطان حضر ويقول امتحانكم يوم الاثنين !!
عزوز : هاه !!!
انا : وش ؟
عزوز : الزبدة راحت علي انا بعد نومة !!! >>> الطيور على اشكالها تقع !!!!
قلت اسمع براسك نفلها ... >>> هو توه صاحي من النوم ...
قال بندر اللي يعطيك عقل قل آمين ...
انا : امين ...
عزوز : وش عندكم ؟
انا : براسنا بحر !!
عزوز : >>> تحس انه صاحي من امس قال قداااااااااااااااام ... ربع ساعة وانا عندكم !!!
>>> وش ذا اللي ما صدق خبر !!!

قال كم انتم ؟
انا : ثلاثة ...
عزوز : انا اجيب لكم باقي الربع !!

الان نجي لموضوعنا ...
جمعنا الشباب ... ورتبنا الامور ... ووزعنا المهم !! >>> الشاي والزوليات والموية والفحم والدجاج ...

كنا تقريبا حول 20 شاب وشاب !!
طلعنا اربع سيارات ...

كانت النية البحر الميت !!! >>> هو صحيح بعيد بس فلة من جد !!!
بعد البحر اليمت كانت النية التوجه الى المياه الحارة ... هي عبارة عن مياه حارة جدا وغنية بالعناصر المعدنية ..

صلينا العصر ... وحركنا ...
انواع الاستهبال في الطريق !! >>> لابد من الجريات !!!

انا معي الكامري 2005 >>> بدوي !! .... عاقل ...
جالسن اسوق على الخط ... الا خوينا عزوز معه كراون فكتوريا استلم التنطيل >>> يحسب نفسه بالشارع الاصفر !
بعدها خوينا متعب معه كامري 2002 ... هذاك بس خلي واحد يهوي له ... سريع ... تنطيل ...
والاخير سلطان ... ذا عاقل ... ذا شيخ الربع >>> موب خوينا ناصر

شوي الاتشوف راعي الكراون صفط على جنب وبعده راعي الكامري 2002 ... >>> صادتهم الشرطة !!!
المهم ... خالفوهم ومشى الموضوع

وصلنا الين البحر الميت ... وانا في الحقيقة كان ودي انزل الصور للشباب ... لكنهم عيوا علي ... وانا ماغصب احد !!

المهم هذه كانت صورة البحر الميت وقت العصر ...




الان في معنا شباب اول مرة يطبو البحر الميت !!! >>> وهذا يعني جريات على كيف كيفك ...

الان المعروف عن البحر الميت ... انه اكثر البحار ملوحة على وجه الارض
>>> هذا خروج عن النص !!!

المعلومة الاولى :
اذا تبي تعرف وش كثر هذه المويه ( البحر الميت ) مالحة ... خذ هذه التجربة !!!
اول ماتوصل عند الشاطئ ... قم بتبليل احد اصابعك بالماء ... ثم انفض اصبعك الين تتاكد ان هو نشف !!
ثم حط اصبعك على طرف لسانك ( كأنك تبي تتذوقه ) ؟ ...

وانت بتشوف النتيجة ... انصحك خل موية شرب صحية معك ... لا تغص !!!

المعلومة الثانية : اذا دخلت قطرة من موية البحر لاسمح الله في عيونك بتعرف وش هو العذاب !!!
مايجيك شي !! بس بتحس بحرقان شديد ...

المعلومة الثالثة : اذا دخلت قطرة من الموية في خشمك ... عز الله ان بيصير خشمك كانك مهرج !!!
بيصير لون خشمك احمر وكبير

المعلومة الرابعة : اي واحد ما يعرف يسبح ولا عمره طب بحر .... يروح البحر الميت !!
لانه مايحتاج اي جهد ...
انت بس انزل الين يغطي البحر رجولك ... ثم اعطي البحر ظهرك ... وتسطح على البحر ...
هو يرفعك ... انت ما تسوي شي ... البحر يرفعك ... تحس انك نايم على فرشة ... >>> كل الكلام من جد !!!

المعلومة الخامسة : اي جرح او الم في اي منطقة من جسمك ... بيطهره لك - بعد مشيئة الله -
المعلومة السادسة : طين البحر الميت موجود بكثرة على الشاطئ ...
وهذا اللي يآخذونه الاوربيين والاوربيات للحفاظ على مدى جمال بشرتهم ...

تحط الطين على جسمك ... من ساسك الين راسك ... ثم تسطح على الشاطئ الين ينشف الطين ثم رح غسل بموية حلوة ... ( موية شرب ) ... بتحصل ان لونك تفتح وصار جلدك ناعم ...

كل مرة ننزل للبحر الميت تلقالك الاوربيين ... يآخذون منه باكياس غريبة !!! >>> نصابين ..
بقي ان المعلومة الاخيرة يستحسن بعد خروجك من مياه البحر الميت غسل جسمك بماء حلو / عذب ...

>>> بالنسبة للسعوديين ... في منتجعات واجدة ...
بس اطلق منتجع سياحي بالبحر الميت ... هو شاطئ عمان السياحي >>> يسوي دعاية !!
لا بس ما يدخلون الاعوائل ... او السياح ولازم توريهم جوتز سفرك المزركش بالسيفين والنخلة
وقبل هذا لاتنسى ان الدخول موب ببلاش .... والسعر بيني وبينكم ... مرتفع شوي !!

المهم خلصنا الخروج عن النص ...
طبعا ياشباب البحر الميت ... لا احد يمزح مع خويه .... لان المزح هنا بالذات خطير ...
وهنا ضر المزح اكثر فائدته ... >>> مسوي عاقل !!!

انا هنا بذكر مشهد صار امامي ...
طبعا هذا المنتجه مخصص بالفئة الاولى للسياح ... يعني تشوف انواع القروبات اللي تدخل ذا المنتجع ...
حنا اول ما وصلنا الين المنتجع ...
دخلنا وسبحنا ... وسولفنا ثم دهنا نفسنا بذا الطين حقهم وتمدننا على الشاطئ ...

شوي الاجاك قروب من اسبانيا ... >>> وش ذا الخير !!!
رجالهم زلايب وحريمهم شيون >>> نصاب الا والله كل واحد فيهم فاغر فاه

جتك وحدة بيضة من جد >>> من دون الخوض في تفاصيلها ...
شكلها اول مرة تطب البحر الميت ...

وذيك اللي تجي مقلعة من معرش التجهيزات ( مكان يحطون عفشهم فيه ) ...
ماشية الف وقاطعة سبع اشارا وتنط راس ...

خشت الموية في عيونا وآذانها وفمها ...
يوم طلعت بعد غصت الراس ... قسم بالله تقول وحدة على وشك مفارقة الحياة ...
والله لولا الخوف على نفسي الا اقوم وافزعلها ... >>> لكن الله لايثناها ...

قام كل القروب اللي معاها ويشلونها ويصبون عليها موية عذبة ( موية شرب ) ...
وهي جالسه تصيح وترافس وصوت صراخ وخويها قام يصيح ... وقروبهم نادى على المنقذين ...
وقامو يغسلونا بموية عذبة وصابون ... يمكن والله جلسوا على هالحالة قرابة النصف ساعة ...
بعدها صارت تصيح وهم يهدوا فيها وخويها جالس يصيح ويحطون عليها مناشف ...

الحمد لله على نعمة الاسلام ... شف الحياة عندهم كيف غالية ؟

المشهد الثاني صار معي انا ...
لكن قبل لا اقول المشهد ...
البحر الميت هو الفاصل الوحيد بين الاردن والعدو الصهيوني ( اسرائيل ) ...
وبناء على هذه الحدود فان اي اختراق للجانب الاسرائيلي ... يمكن اسرائيل من حق اطلاق الرصاص على المعتدي !!
عشان كذا مستحيل تخش البحر الميت الابجواز سفر ... انت بس شف الجيش اللي هناك وتعرف ربك حق !!

مسكت غلطت انا واربعة من الشباب انا ندخل جوا ...
والله شبكنا ايادينا >>> مسويين حبيبييين

والله دخلنا جوا ... مددين على ظهورنا الين صرنا نشوف الشاطئ بعيد ... وانواع السواليف انا والربع ...
الا في واحد على الشاطى من المنقذين ... ماتشوفه الا جالس يأشر لنا ... وقام يصفر بصافرة الانقاذ ..

ويأشر لنا تعالو ... والله حنا اللي نقلب على بطوننا >>> وذا اصعب شي في البحر الميت ...
ما تقدر تسبح على بطنك لان البحر يقلبك ...
الين وصلنا الشاطئ واسمع انواع البهذلة ... قال انت كنتم على مسافة 20 ياردة وبعده تقوم اسرائيل باطلاق النار عليكم ....

( يؤيؤيؤيؤيؤيؤيؤيؤيؤيؤيؤ ) ... تحمدو ربكم يالربع ...
كل واحد قام يسوي نفسه فاندام ... والله يخسون ومدري ايش ... ويبطون >>> لايكثر

خلصنا من البحر والطين ... وطلعنا نلق

رحنا تعشينا ... وعينا خير ...
طلعنا من المنتجع نبي نروح الين المياه الحارة ... >>> ماشاء الله شي بطل !!!
هذه المياه الحارة او العيون الحارة عبارة عن شلال من الموية الحارة >>> يازينه وقت الثلج ( نآآآيس )

المهم رحنا وتروشنا بالموية الحارة ... تحس انه مساج رباني كل آلام الظهر تحسها تروح ...
والله بعدها تحس فيك نشاط شي غير طبيعي ...
يعني لو يقولون لي تمسك خط الرياض مشي اقول سلامات !!!

المه الان جا دور العشا
طبعا اكيد بعد ذا الجهد في السباحة لازم نستعيد قوتنا ببعض من المشاوي على يد طباخنا الغالي فهد ...
وزعنا المهام ...
اللي يسوي عشا واللي يفرش الزوليات ... واللي يشبك الـ Playstation كل رحلة لازم يكون في بلايستيشن ...
واللي يولع الحطب ... واللي يظبط شيشة >>> آه يا ابوهيثم اللي في مخرج 5 !!!
واللي يمدد الانارة ...

يعني كل واحد له مهام ...
والله يالربع وحنا جالسين نتعشا ...
الا ذاك الشاص الابه جنود وبه من فوق رشاش >>> تقول دبابة موب سيارة !!!
وقال يالله شيلوا عفشكو ... المكان هاظو محظور التواجد فيه ...

طيب خلنا نكمل عشا !!!

والله هاذا اللي صار كملنا العشا في مكدونالد !!! >>> الله يستر على اللي كان السبب ...

* مواقف من الرحلة ...

1- في احدى وقفاتنا في احدى المحطات نعبي بنزين ونشتري حاجيات للرحلة ...
دخل واحد من الشباب وانتم بكرامة دورة المياه ... المهم كانت فكرتي اننا نسحب عليه ...
وفعلا سحبنا عليه بشرط انا اللي ارجع اجيبه
والله مشينا تقريبا 80 كيلو ... وهي المسافة بين المحطة الثانية ... قلت انتم تكوا هنا ...
وانا برجع اجيبه ... >>> المشكلة انه ما دق على احد ...

يوم وصلت المحطة .. مافي احد
شوي الا واحد طالع من دورة المياه وانتم بكرامة ... >>> توه طالع !!!
قال وين الشباب ؟
قلت اقول اركب ولايكثر يالتفخة ... ساعة وربع وانت بالحمام !!!!! >>> الله لايبلانا ...
قال ماتدري وش صار ... قلت وش ؟
قال القفل مصدي ... ويم جيت اطلع ... ماعرفت الا انقز من فوق الباب !!!
واخاف اذا طلعت من فوق الباب اشوف واحد في الباب اللي جنبي ...
جلست الين تأكدت ان مافي احد ... نقزت

2- وحنا داخل المنتجع ... في قروب هندي ... شف انواع الفضايح >>> ناصر اختصاص كلام هندي !!!
لايفوتك اشكالهم ... الله لايبلانا ...
انواع الذب عليهم ... اذكر ان فهد قال لواحد منهم وين كفيلك انت ؟ رد عليه الهندي وقال في مـ ....
( ههههههههههه ) ...

3- وحنا الله يكرمكم بدورة المياه جالسين نغير ... لفت انتباهنا ان اثنين اوربييين شاب وصبية كانوا يتبادلون الادوار في عملية التغيير لبعضهم ...
واول ماشفنا ذا الشي ... اناحش معظم الشباب مستهجنين هذا التصرف الارعن
قال واحد >>> وجه قوي قال انا بكلمهم ...
قال : What you doing here ?
رد ذاك : Excusme ? what you doibg here ?
خوينا : I want to change my wear !
الاوروبي : Oh ! you change your wear here in Female Path !!
خوينا : تورطت قال بالعربي ترا عيب عليكم ... خلك رجال ...
الاوروبي : Oh ! Arab ... ha ha ha get out og my face !!
انا جالس اسمع المحادثة ومافي الاقوة الضحك ...
اول شي دورة المياه للنساء ذي !!! ... ثاني شي ان طول عمر ذيل الكلب اعوج !!!
يعني بالعربي هم كذا ...

وللمعلومية لا توجد كلمة عيب في اللغة الانجليزية ... لانهم مايعرفون العيب ولم تترجم لهم

4- وحنا بشلالات المياه الساخنة زلق واحد من الشباب والله ستر ...
المشكلة انه زلق على ولد الظاهر انه فرنسي ... ابيض بياض الثلج
طاح عليه ... >>> خبزه ( هو الله يصلحه من الحجم العائلي !! )
قام ابوه وقال كلام ما ادري بس هو مية بالمية سب ...
فهمنا انه اخر شي توقع ان خوينا شاذ جنسيا !!!!
قمنا تكلمن بالانجليزي معه ان ذا الرجال زلق وهو مايقصد ...
يوم ناظر فينا وقال بالبناني : كلياتكم هيك !!! (يؤيؤيؤيؤيؤ ... ) وش ذا اللي يتبرى من اصله

5- لفت انتباهنا تواجد الاوروبييين بكثرة فب تلك المناطق بغرض الاهتمام ببشرتهم ... والاغرب من ذلك تعجبهم من العرب ...
وحنا ماشيين ماتشوف الا قوة تصوير ...
تحس نفسك انك مشهور ... بس رغم خبثهم ... خلني اسمع كلمة كذا والا كذا ...
هم يضحكون علينا .... مايدرون ان حنا نتحمد ربي عليهم ونزيدهم


اختم بمشهد اخير >>> والله تعبت والكيبورد قام يشتكي ...
واحد من الشبا الله يستر عليه >>> يوم نط في المياه المعدنية تفاجئ بأن سرواله صار جنبه
وخذلك الوربيين انواع التصوير ... الرجال صور لون وجه بالالوان ...
نزل واحد من الشباب وعطاه منشفة يستر بها نفسه ...
الغريب في المشهد ان جته صبيه اوروبية خوف الله عمرها 17 او 18 ...
وقالت له Can i take photo with you !!!

خوينا فها وذيك اللي تحط يدها على كتفه وتخلي واحد شايب يصورها ...

وهذ مالدي من افلام حتى هذه اللحظة ...

وذي المرة ادبت الكيبورد ... لدرجة ان خوينا سلطان قال ياخي ارحم الكيبورد

وان شاء الله اوافيكم بالجديد مع مطلع الاسبوع الجديد ...
كان معكم محدثكم lover_zidane من ارض الحدث ... تقبلوا مني كل الود وفائق الاحترام ...

والسموحة على الاطالة ...
واتمنى لكم قراءة ممتعة .... وضحكة دائمة على محياكم ...
دمت بحفظ الرحمن ...

والسلام عليكم ورحمة الله وبركاته ...