الله يعطيكم العافية حبايبي واسف انشغلت عنكم الفترة الماضية لظروف خاصة ...

بالنسبة لسؤالك يالغالي سامي عن الافضل في البلدين ..
بصراحة ياغلاي المدة اللي واضعها انت قليلة مرره يعني شهرين ثلاثه ماراح تسوي لك شي الا اذا كنت ممتاز في اللغة وحاب تمارس فقط ..
فأنصحى بصراحة اذا حاب تدرس لغة أقل شي تفكر فيه ست شهور وبخصوص الافضل من البلدين والله يالغالي تعتمد على الشخص نفسه يعني مثلا عندك في كندا ثمان شهور تقريبا ثلووج ماتشوف الخضار ابد واللي لابس عشرين فانيلة داخلية <<<< مبالغة لووول ،، واللي لابس ثلاث صراويل وفوقها كوت يعني دووخه وحووسه شوي ترد البيت تشوف البراد الابيض كيف يطلع من ملابسك ههههه كأنك طالع من ثلاجة دجاج .... يعني بأختصار فيه ناس تكررهـ البرد فهذولي ماراح يعيشون في كندا وفيه ناس تحب البرد فهذولي بيستانسون فيها ...

وبعدين يالغالي عندك في نيوزيلندا ديرة جديدة وصغيرة نوعا ماء يعني مثلا تجلس في اوكلاند اربع شهور او بالكثير ست شهور انك تحفظها حفظ وبيني وبينك ممله شوي يعني المعاهد والاماكن المشهورة تقع على شارع واحد كل يوم ونت على هالشارع رايح فيه راجع فيه يجيك الملل والكائبه ..
اما كندا ياطويل العمرر ديرة كبيرة ومن كبرها يسمونها شبه قارهـ تدخل في تورنتوا مثلا تضيع أعرف لك واحد له خمس سنوات هنا واربع وعشرين ساعة يهجول بسيارته وللحين اذا سالته على شارع يضيع فيه من كبر الديرة . وبعدين اماكن التمشيه فيها كثيررررررره مليت من تورنتو رحت لفانكوفر مليت من فانكوفر رحت لأوتاو مليت رحت نياغرا مليت بعنف رحت لامريكا شريت لك كرتون كت كات ورجعت ههههههه <<<< لاتصدقون ..

فبصراحة مثل ماقلت لك تعتمد على الشخص نفسه وراح تلاقي في بداية موضوعي هذا الكثير من المعلومات اللي راح تفيدك اذا كنت من النوع الملول او المرتبط شوفلك ديرة قريبة مثل بريطانيا او اذا كنت تبي اقل من ست شهور ،،
واما اذا كان سؤالك موجه لي راح اجاوبك عن نفسي .
انا بصراحة ياخوي عجبتني كندا افضل من نيوزيلندا صحيح كل الشعبين حبايب وكلهم تحت ملكة وحدة وكل البلدين متروسين من هالاسيويين وانا انصح اي شخص يبي شغالة يجي كندا او نيوزيلندا راح يلاقي على قفى من يشيل <<<<<< عنصرررررررررررري لوووول .
لا جد ياشباب مترووسه اسيويين كل البلدين لكن عجبتني كندا بكبرها وكثرة الاماكن فيها وكثرة المسلمين فيها ايضا يعني ماشالله تبارك الله ونقول الحمدلله فيها مساجد بكثرة اكثر من نيوزيلندا بكثيررر ولكن اللي مايعجبني فيها الجو لانه ممل شوي في الشتاء الواحد مايقدر يطلع من البيت كثيررر مايقدر يمشي كثيرر ونا من النوع اللي مايحب البرد صراحة ولكن شسوي ... فان شاء الله اكون افدتك شوي واذا مافهمت عيد سؤالك هههههه .

وبالنسبة للمواقف يالاخوان ابذكر لكم هالسالفة
طبعا مشكلة بعض العرب الله يهديهم لمن يروح للخارج يتبرأ من عروبته يعني مثلا يغير الستايل حقه (المظهر والشكل) يمرررط(مدري وش معناها بس اللي فاهمه انه يشيل) الشنب كله <<<< محافظ على السنه ماشالله عليه هههههه ويمرط الدقن بعد ويحط لك هذاك السلسال في صدره وياعيني عليك ياولد ،،، وبعضهم زكرتيه شوي يلبس لك بدله علاقي ابو نص كم هذي ويربط الفانيلة الخارجية على خصرهـ يعني فاندااااااااااام واذا مريت من جنبه نزل راسه ويتلفلف يمين شمال مايبيك تشوف وجهه ههههههههه فالمهم يالاخوان هذاك اليوم فيه خلل في محطة الصب واي اللي ابيه والصب واي يالاخوان للي مايعرف هي مثل سكة قطار توصل العالم من محطة لمحطة فالمهم المحطة اللي كنت ابيها فيها مشكلة ومقفلينها فأضطريت انزل للمحطة اللي قبلها ،،
فنزلت وجلست امشي برجليني ابي اروح للمحطة اللي بعد حقتي واكمل دربي وطريقي فكان ماشي جنبي واحد اسود ويطالع فيني بنص عين ،، فسألته عن طريق هالمحطة هل هو صحيح مارد علي ،، تركته انا ومشيت ،،وكل ماحس اني التفت عليه بلع ريقه وكتم نفسه ورز صدره فووق يعني انا جسم ،، انا اقول في نفسي ياخوك هذي حركات أبو عرب لكن حقرته وماعطيته وجه ووامشي وكل ماحس اني التفت عليه تفل على الارض وانتم بكرامه يعني انا عرربجي وزكرت ياولد قلت ياولد هالحركات مانسويها الا حنا نتفل في الطريق والزبالة وانتم بكرامة جنبنا هههههههه قلت مشيها يارجال ومشيت وصلنا عند شارع وقفت أنا لان اللون ظاهر قدامي احمر يعني ممنوع العبور وخوينا في الله كان سرحان او مسوي زاحف وسكران مدري وش قصته ويمشي في الشارع وتعرف العالم في الصباح اللي مزاجه أووكيه ومصبح على قهوه واللي مزاجه تحت رجلينه وانتم بكرامه ومصبح بفاتورة جوال او فاتورة تلفزيون وكهرب المهم خوينا وهو في نص الشارع يجيك واحد نذل هذا اعتقد مزاجه مو تحت رجلينه هذا اعتقد ان بينه وبين مزاجه مسابقة ههههههههه ويضرررررررب الكلتش عليه بووووووووووووووووووووووووووووووووب وماتشوف الا خوينا يطيررر فوق ثلاث متر وغمضت عيني وفتحت لقيته واقف جنبي ههههههههههههه وصاحب السيارة يسبه ويشتمه ويصارخ وراح وخوينا يهز راسه جنبي ونا للحين اقول هذا عربي او نقاااا بس قلت غريبة لو نقااا كان بيصارخ مثله وتعرفون حركاتهم انتم لكن خوينا ذا قام يهز راسه وبالع العافية المهم ونمشي ونا اضحك في قلبي عليه وشوي يلتفت علي ويقولي بالانجليزي مكسرر أنت فلسطيني أو عربي ،، قلت له انا سعودي ،،، قالي اوووه وماعرف يكمل الجمله وسكت ،،، قلت له انت من وين ،، قالي انت وش تعتقد ،، قلت له بشدة أنا اسالك وترد علي بسؤال ،، قالي انا من السودان ههههههههههه بيني وبينك قفلت الاخلاق معااي شوي اجل كل هالهياط ومطالعني بنص عين ويوم أساله مايرد علي وواضح من وجهي اني عربي فالمهم قلت له حياك الله ... والله يالربع مامداني اقوله حياك الله الا وخوينا في الله ـــ الحكام العرب ع م ل ا ء ــ ههههههههههه ويعطيني من هالكلام تذكرت طاش ما طاش انا والغرب حضارة والغرب ديمقراطية والغرب حقوق انسان وقلت يالله سترك والمهم يستلم في العرب والحكام العرب ويستلم ويستلم ويقولي انا ادرس في الجامعة السنة قبل الاخيرة قلت له ماشالله عليك وحنا ماشين وكل سواليفه عن الحكام العرب والعرب راحوا والعرب رجعوا في الاخير قفلت معاي ووقفت قلت له بصراحة ياخوي يعجبني ذكائك ومعلوماتك الوافرة لكن ممكن تقولي وين ساكن <<<< شرايكم بالتصريفه ههههههههههههههههه
المهم جلس يوصف يوصف وراح الطريق علينا وهو يوصف ونا استعبط واقوله عيد مافهمت فالمهم ركبنا محطة الصب واي فجلس قدامي ونا جلست مقابله شوي الا وتجيك عجوز تجلس جنبه وتسأله ونا اطالع فيه ،، اهي تساله تقوله اذا بغيت اروح المكان الفلاني هل هذا الطريق صحيح او لا ؟ وخوينا متنح ويطالعها تسأله ثاني مره اذا بغيت اروح المكان الفلاني هل هذا الطريق صحيح أو لا ؟؟؟؟ وخوينا يطالعني بنص عين ويطالعها بالنص الثانية هههههههههه انا للحين مستغرب وش سالفته ذا لايكون شايل على الخواجات او شنو ..... المهم العجوز شكت في عمرها ورجعت مثل اللي تقول الظاهر اني خرفت ههههههههههه ... لان هالسوداني لمن تشوفه تقول هذا نابغة في اللغة تقوول هذا اهو مخترع حروف الانجليزي فالمهم قلت له وراك مارديت عليها ،، قالي ريحتها فايحه واللهي ،، قلت له يابن الحلال الظاهر والعلم عند الله انك لقيت من يوصلك لمدرستك هههههههههههههههه وطلع خوينا اهو المتعلق فيني مو انا اللي متعلق فيه ،،، فمثل اللي انحرج شوي ويبي يوريني شطارته ،، فألتفت لم العجوز وقالها أنا من أمريكا من وين انتي ؟؟ <<<< هالسؤال جدي السادس عشر كان يعرفه ،،، فأنا بصراحة استغربت من سؤاله وليه يكذب لان هنا أكررره شي عندهم الكذب أذبحه سوي اللي تبي ولا تكذب عليه ،، فانا تغيرت ملامحي شوي واطالع في العجوز اشوفها مثل اللي عصبت هههههههههههههههههههههههههههههههههه وتقوم من الكرسي وتبي تهفه بالشنطة لانها حقدت عليه من البداية يوم يسفهها ههههههه وتصارخ عليه وتقوله ياكذاب يايا يا يا يا يا ياللي فيك وفيك وخوينا ذاب على الكرسي وتلصق فيه وماشوف الا قطرات من فم العجوز بدون قصد طبعا هههههههههههههه وزين ان القاطرة اللي حنا فيها ماكانت مليانه المهم وبلعها خوينا وجلست العجوز وقالت ـــ العمى في ألبك شو كزاب ومفتري ولك انا سمعاك تتكلم عربي مع هيدا الزنمة او الزلمة ــ ههههههههههههههههههههههههههههههههههه ونا والله فطست ضحك غير طبيعي لأني اكتشفت ان السوداني ضايع ولغته رايحه وطي ولاني اكتشفت ان العجوز لبنانية ومتنكرة لعروبتها هههههههههههههه فسبحان الله مغير الاحوال طاحوا اثنينهم مع بعض ،،، فبعدها تكلمت مع العجوز شوي واللي فهمته منها انها عايشة هنا من فترة طويلة وصدت السوداني واكتشفت ان خوينا في الله ماله ثلاث اسابيع جاي كندا والاسبوع الثالث ماينحسب لانه ماتهنأ فيه كان محبوس في البيت على كلامه ههههههههههههههه فوصلت المحطة حقتي وسحبت عليه ...... واسف على الاطالة يالاخوان لكن حاب اقول كلمتين ،،،،

ــ نحن قوم أعزنا الله بالاسلام فمتى ابتغينا العزه بغيرهـ أذلنا الله ــ وبالتوفيق للجميع

s60ss60ss60ss60ss60ss60ss60ss60ss60ss60ss60ss60ss60ss60ss60ss60ss60ss60s

روووووووووووووعه والله موضوعك يجنن والله انى كل مادخلت

الشبكة على طووول على موضوعك واحيانا ادخل على شانه ...


لاتحرمنا جديدك

يازين ســـــــــــــــــــــــــــــــــــــــــــــــــــــوالفك ياهلالي ولكن والله اعجبتني ابلقبك بالشرهان امريكا هههههههههههه م جد روووووووووووووعه زدنا تكفى من هالسوالف
والله يرجعك لأهلك سالم وغانم

يعطيك الف عافيه<< متابع بصمت!!!!

ووووااااصل ننتظر القادم من سواليفك
س/ كم لك هناك ومتى ترجع لارض الوطن؟؟
والسعودي اللي بالاحتفال وش كاتب ع اللوحه

الله يوفقك في الدارين

هلالي ولاكن وين السوالف وين الفـــــــــــــــــــــــــــــــــــــــــــله تراك طولت الغيبه
تكــــــــــــــــــــــــــــــــــــفى يالله يالله

تسلم يالغالي والله قصصك ممتعه مثل هلالي ولكن الف شكر لك امتعتنا بالقصصك والله كنت اتمنى تعطينا زيادة سوالف الف شكر لك والله يوفقك إن شاء الله

يعطيك العافية على السوالف السنعة ومن جد ( من طلع من داره قل مقداره )

تسلم يالغالي لايف زيدان قصه ممتعه وجميله الف شكر لك والله يجزاك الف خير على فزعتك يالغالي والله يوفقك واتمنى تعطينا قصص زياده لأني استمتع بقراءه هذه القصص شكرا لك مره اخرى

hahahahahahhahahahahahahaha
hlwahhhhhhhhhhhhhhhhhhhhhhh
minkooooooooooooooooooom