ياانتم غلط يانا مافهم كوره
 

ياجماعه الشي المنطقي والمعروف ان الانديه تجيب لاعبين اجانب وتفرح جماهيرها بهالشي لكن حنا نفرح علشان التمياط يبي يحترف في هولندا ويبي يترك الهلال مافكرتم من اللاعب اللي يبي يسد نقص هالاسطوره في الزعيم والا بس فرحنا انه احترف برا
انا راح اعلمكم وش يبي يصير بعد مايحترف راح نتعاقد مع لاعب اجنبي واثنين وثلاثه وبعد مايجيون نقول ماهم بالاعبين اللي يسدون النقص تدرون ليش لانه ماراح يجي لاعب بمواصفات التمياط وينسينى نواف بكم الف دولاررررررررر يعني نبي نقعد نجرب هذا وهذا لين نتعب:sad: :sad: واخرتها نصحي من فرحة احتراف التمياط ونقول ياريت اللي حصل ماكان ياجماعه لاتفرطون في التمياط والله بكره نندم على هالفرحه العوجا ونقول اه يانواف

آآآآآه أنا أشهد انك جبتها يا لفحص الدايم.
تعبت وانا أقول خلو نواف تراه فقيدة ، والله ما نلقى له مثيل.

الا انت ابو الفهم كله يالفحص
وانا معك مادام انه بحترف في هالفريق
لكن
أعتقد انه من الطبيعي اعطائه الفرصة للاحتراف بس في اندية كبيرة تناسب امكانياته

سلالالالالالالالالالالالام
 

مع احترامي وتقديري لوجهات نظركم

نواف قدم له عرض مالي لقاء شراء عقده من الهلال

فهل يستطيع الهلال دفع نفس المبلغ لنواف ؟

اذا كان نعم فلا بد من بقاؤه

اما اذا كان النادي لايستطيع دفع نفس المبلغ فندعوا له بالتوفيق مع ناديه الجديد فهذا هو الاحتراف

علما بأنه سيساهم برفع على بلاده وناديه الأصلي ( الهلال ) خارجيا ، وسيكون خير سفير

فادعوا له بالتوفيق

عداك العيب ياصاحب الفحص
اسمع (( قصدي اقرا )) ولا تزعل انت نظرت من جانب واحد فقط
والمفروض انك تسوي فحص شامل
ياحبيبي نواف قدم للهلال الشي الكثير وعشان كذا الهلا ل لازم يرد الجميل ويعطيه الفرصة (( ويحصل على السمعة __ المـــــــــــــــادة _____ الجمهور ___.....................الخ ))

ومعذره ياصاحب الفحص

يا الفحص الدوري
حاشا لله انك ماتفهم كورة
لو ما تفهم كورة كان ما شجعت الهلال
بس ياخي الواحد يتمنا الخير لغيره مثل ما يتمناه لنفسه
ابو بندر ودة يحترف ..........خلوة
راح يعود عليه بلفايده خصوصا انه راح يقولون انه من الهلال
يعني منبع نجوم......انا قريت قبل كم يوم ان كريمي راح يجي
ممتاز كريمي لاعب ممتاز صحيح موب مثل نواف بس
الباقين فيهم الخير و البركه.........واكيد راح يستفيد ايضا
فيصل الصالح لانه ينتظر الفررصه لأنه لاعب مخه نظيف
بس يستنا فرصه

اخواني اشكر لكم تجاوبكم السريع والطرح الراقي في ردوكم وهذا يدل على ان الزعيم ليس متفوق في الرياضه بل في كل المجالات ومنها اسلوب التخاطب حتى لو اختلف المتحاورون فهذا درس ارجوا لجيرانا ان تستوعبوه
نرجع لموضوعنا انا معكم ان نواف لاعب محترف واحنا في عصر الاحتراف وشي من حقه انه يشوف مستقبله طيب ليه الهلال مو قادر يجيب عقد نواف مو صحيح المهم بالموضوع انا اوجه رساله لاخوي وحبيبي نواف لاتستعجل على توقيع العقد ياجماعه النادي الهولندي اللي جاي بكل ثقله للرياض ويبي ينهي هالصفقه عارفين ليه هذولاي الناس تعرف كيف تستثمر اموالها هم جاين يبيون يوقعون العقد بشكل سريع قبل كاس العالم لانهم عارفين ان اسهم نواف راح تزيد وهذا هاجس بالنسبه لهم هذا في مايتعلق بنواف ام الزعيم فلي وقفات معه ومع المتسلقين على الرياضه اللي هم السماسره فاليت نكون حضارين في تعاملنا مع بعض مو عيب انه يطرح اسم لاعب ويتم التصويت عليه من قبل جمهوركم ويكون التخاطب بين ادراة النادي وبين مدير اعمال اللاعب نفسه بدل مايدخل فيهاهالسماسره اللي جابوا لنا المرض ولانه كذا صح حتى تكون المسؤليه مشتركه
وتقبلوا فائق احترامي وتقديري

يا شباب خمسه و عشرين مليون دولار عند الهلال شيء قليل؟؟؟؟؟


يعني بالفلوس يجي مثله