|
دعوا المجاملة وتكلموا بعقل بسم الله الرحمن الرحيم بداية احب اقول لكم ان هذا اول موضوع لي في هالمنتدى وان شاء الله يكون موضوع هادف ويحقق المراداول شي انتم قريتم وسمعتم عن الحمله اللي مسوينها جمهور الهلال ضد الاي ار تي والإتصالات وكان اكثر كلام الناس (( يا ناس قاطعوا ، ياناس قاطعوا )) طيب لو اخذناها بالعقل وتركنا عنا المجاملات الي اقدر عنها انها من (( حملة معهم معهم ، عليهم عليهم )) يعني مع الخيل ياشقرا ووالله اقدر احلف ان اكثر من قال قاطعوهم واللي قال انا ما ني مجدد ولا انا ماني مشترك في الإتصالات واللي يقول بانقل خطي لموبايلي انهم مشتركين في الاي ار تي وشرائحهم تحصلها يا عام ياسوا . نبتعد الحين عن الاي ار تي لأن المشكلة الحين مو معهم المشكلة مع الإتصالات وخاصة بعد اعلانها التوقيع مع النصر والأهلي والإتحاد وبعد ظهور مدير الشركة اللي يقول بنقدم شكوى على نادي الهلال . طلعوا لنا ناس وقالوا يا اخوان موبايلي احسن من الإتصالات وخدماتها احلى و... و.. طيب انا الحين ابي اسأل هذا اللي يقول حولوا وابيه يجاو بني بصراحه (( طبعا كلامي هذا مو تقليل من شركة موبايلي ولكن لندع عاطفة ان الشركة هي راعية فريقي المفضل يعني باشترك واسوي وافعل )) موبايلي ماذا عملت علشان نسوي كل هالصجة . كل اللي عملوه باقة الموج الموج الأزرق واللي يقولون فيها انها ارخص تسعيرة مكالمات في المملكة وفيها دقايق مجانية اذا فاز الهلال وفيها وفيها . وهذا كله كلام فاضي وضحك على الدقون الهدف منه الضحك على الناس ونزف اموالهم . بالله قولوا لي وش رايكم في فاتورة اصدرت ب300 ريال في شهر والفاتورة مسجل فيها 220 مجموع المكالمات والرسايل والخدمات كلها طيب وين راحت الثمانين ريال . قالو ا (( هذي فاتورتك ولازم تسدد )) طيب حقي (( قالوا هذا اللي مسجل في الجهاز )) هذا وحتى الفاتورة ماتنزل الا على الايميل اجل لو واحد من الشعب ماعنده ايميل كم بيقولوا الفاتورة ؟ انا الهدف من كتابتي القصة اللي حصلت معي والكلام اللي فوقها اني ابين لاتباع مع الخيل يا شقرا انهم لاينجرون ورى كلام الناس وان مادام هذي الشركة هي رااعية فريقي المفضل اني بادعمها واسوي وافعل . طيب قول لي وين موبايلي من صفقات الاعبين ، وين موبايلي عن قناة الهلال الفضائية ، وين موبايلي يوم قالوا الهلال بيستضيف بطولة آسيا لكرة الطائرة ، وين موبايلي عن ترميم مقر نادي الهلال ، وين موبايلي عن ملعب نادي الهلال /ووين ووين ..... طبعا بيجيني واحد ويقول كلامك كله كذب وكلامك مو صحيح وان موبايلي فيها وفيها . انا ما انكر ان موبايلي ما قصرت وادت ( ما قول كل الي عليها ) ولكن جزء من الألف مما يجب عليها ان تفعل ولكن يبقى جمهور الهلال جمهور لا يرضى بان يكون غيره في مرتبة اعلى منه لاننا ( جمهور الهلال ) جمهور لانرضى بان نرى من بالأعلى ولكن يرضينا ان نرى من بالأ[سفل . اتمنى ان تكون مشاركتي من باب التذكير والتوضيح لمن غلبته عاطفة ( التبعيه ) وان يكون كلام الواحد منا حسب مارآه وشاهده لاما رآه وشاهده غيره. ودمتم بألف خير وسلامة والسلام عليكم ورحمة الله وبركاته اسمحوا لي في بعض التعابير لاني كما قلت لكم بان هذه اول مشاركة لي في المنتدى |
يعطيك العافيه اخوي وانا واكثر من عضو شبق وكتبنا عن هالموضوع مشكووووووور |
إقتباس:
إقتباس:
إقتباس:
|
إقتباس:
|
إقتباس:
أول مشاركة لك و كانت رائعة و كلام عين العقل " أنا معك أننا لم نستفد إلى الآن من موبايلي خاصة نادي الهلال أما جماهيره حصلت على باقات و تخفيضات وكلام فاضي عشان يستغلون جمهور الهلال لنزف أموالهم من باب أنهم مع الهلال " و مع الجمهور الهلال في مقاطعة الار تي لأسباب المعروفه للجميع تقبل تحياتي :smilie47: كلامك راااااااااااائع ومتزن " |
إقتباس:
هل هو موجود و مسجل في العقد؟ إقتباس:
إقتباس:
ستبدي لنا الايام ما سوف تقدمه الاتصالات للانديه التي عاقدت معها |
اقول انا عندي موبايلي والى الحين مثل العسل وش معنى ا نت الي حاقدين عليه شكلك تكلم اربعه وعشرين ساعه وتزعل اذا طلعت الفاتوره ما في شي ببلاش وبعدين موبايلي لو ما فيها خير رجال الزعيم ما بيتركونها كذا |
صدقت ياغالي موبايلي إلى الآن قدمت وعملت من بنود العقد مايفيدها لكنها لم تقدم ولم تعمل مايملي عليها العقد فيمايفيد الهلال سوى القليل |
صح بعضنا ممكن رقمه الان من الاحتيالات او انه لا زال مشترك في العارتي بس الحين بعد التطورات اللي صارت وش تتوقع بيصير لذا الشركتين الجمهور بدا يغضب وانت تدري وش ممكن تسوي المقاطعة في اي كيان اقتصادي مهما كان حجمه والدليل/ "مع اختلاف المضمون شوي" الدنمارك بعد ما سبوا النبي عليه الصلاة والسلام ابيك ترجع لموقع سفارتهم والمواقع الاقتصادية لهم على الانترنت وبتلاحظ وش سوت المقاطعة مع اني متأكد ان شريحة كبيرة لم تساهم في المقاطعة ولكن مجرد الاعلان فقط ادى لخسائر فادحة بغض النظر عن المقاطعة الفعلية وعدد المقاطعين ارجو اني بينت لك الصورة تقبل مروري |
إقتباس:
مشكور على الرد اخوي وانا معاك في ان المقصد استنزاف اموال اكبر قاعدة جماهيرية في المملكة والا ليه الى الحين ماسوو شئ يفرح الجمهور الهلالي على مستوى النادي والا هم موبايلي الأول تحقيق الربحية بعدين يضربوا الباب . اتمنى من المسؤولين ان يعيدوا النظر في العقد لأننا لانريد احداً يستفيد ولا يعمل بل نريده يعمل ويستفيد . وتقبل تحياتي |
إقتباس:
لاتقول باقة الموج الأزرق (( حتى البنقالي بإمكانه ياخذ شريحه )):d |
إقتباس:
|
إقتباس:
احنا نبغى ناس قول وفعل مو قول وبس . مشكور على الرد |
المسأله ياعزيزي ليست مسأله اتصالات او موبايلي المسأله أنك اذا اشتركت في موبايلي فإنك ستدعم نادي الهلال فجزء من اموال موبايلي الهلال تذهب لخزينه النادي والمقصد دعم نادي الهلال وانا صراحه احاول ادعم ناديي المفضل وعشقي الأول بأي طريقه اقدر عليها اتمنى اني بينت لك الصوره يعطيك العافيه :) |
إقتباس:
كلامك في الصميم اخوي ولكن هل استفاد نادي الهلال من هذه الأموال ؟ |
| الوقت المعتمد في المنتدى بتوقيت جرينتش +3.
الوقت الان » 07:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd