ليش : تهاوشيني الرجال بابا - نادي الهلال السعودي - شبكة الزعيم

ابو طـــــلال · #11 25/06/2008, 02:56 AM

إقتباس

الرسالة الأصلية كتبت بواسطة سيد الملوك


	مرحبا بأبو طــــلال يالله حية والله مقتطفاتك الحلوة تذكرني ببرنامج كان يجي في القناة الاولى اكيد تعرفة اللي اسمه (حياكم) مره يجيبون موضوع عن طلاب ومرة موظفين ومرة سواليف ومرة عنالتراث ومرة سوالف الشرهان يعني منوع . نخش في موضوعك الجميل كجمال حظورك على طاري المحلات والامور هذي انا اليوم يعني قبل ساعة تقريبا صار معي نفس اللي صارلك بالظبط او اختلاف بسيط شوي كان عندي جهاز خربان ورحت اصلحة ولا لقيت له قطعة مع دوران يومين المهم وجاني اخينا فلله صاحب المحل تزهل بكل شي قال خلاص خل جهازك عندي وتعال بكره قلت ابشر بس والله اظاهر انك بتلحق اللي قبلك قال لا انا معروف ومن هالبربرة المهم يوم جا اليوم الصبح وقمت الا وأمرة ولا حصلتة المهم حصلت هندي قال انا ماحصلت القطعة قلتلة طيب وين صاحب المحل اللي امس قال بيجيك بعد شوي المهم واروح لجاره المحل اللي حوله والقالي ذاك الشايب واقعد ابربر معه واسأله عن القطعه مع اني ضامن اني مانيب لاقيها الزبده والله وطلع نفس جهازي وقال تبي القطعه افكها لك قلت كفو ماقصرت والله المهم وخذا الجهاز للمحل اللي واعدني امس وجا المهم وكيف حالك ووش اخبارك هاه بشر لقيت القطعه مع ان الهندي معلمني انه مالقاها بس قلت خلني بسأله وقال والله ماحصلتها قلت مايكون الا خير المهم وقال وقاله الهندي ترا فيه جهاز زي حقه وخذ قطعته قال الرجال لا موجود الجهاز قلت طيب انت تقول مافيه ماحصلت قال ايه ماحصلت قطعه وجبت جهاز كامل قلت من وين جبته قال من التشليح عندنا اجهزه كثيرة وقلت ياكبرها عند الله >>> قفلت معي الحين جارك تشليح يوم قال ايه انا جايبة قلت يابن الحلال انت توك مداوم وماتدري وش الطبخة قال اسمع تبي القطعه بـ100 ريال طبعا اذا ماخذيت القطعه مايزين الجهاز ابد قال تبيها ولا اشتر جهاز جديد على 500 واكثر قلت له من القهر اشتري جهاز ولا اعطيك 100 يانصاب وتهاوشت انا وياه وذب حتسي ومشيت ولقيت جاره الشايب وخذيت القطعه منه وهذا مثل سالفة الغش وطقتها بس ذكرت السالفه على طاري سالفتك مع ان السالفه طازه قبل كم ساعة اما بالنسبة للحظ : أنا لا أؤمن بهذا الكلا اطلاقا لان الحظ او الارزاق من عند الله يقسمها ويمكن اليوم مايجي ماكتب لي الله شي ولا بعده ويجي في وقت حرج صح ان الحظ يزعج كثيرا لاكن الحمدلله على كل حال لاشفت الحظ قام عاد البخت مال * والوقت عيا لايغير خطاها اما بالنسبة للاولاد والكلام هذا شي وارد وطبيعي والمشكلة اذا لقطله كلمة شينه يالبا قلبه طلول والله يخليه لك ويحفظة من كل شر أما بخصوص ذا اللي يهايط على الموظف خير ماسويت والله وياليتني عندك اشوف وجهه اما بخصوص الطلاب مانقول الا الله يوفقهم لان حنا عدينا وخلاصنا وربظنا في بيتنا ابو طلال قلم كثير ما اتابع له ولما يخط قلمة يعطيك العافية يالغلا وتقبل مروري لك وسلامي سيد الملوك **

يامرحبا باخيي الغالي سيد الملوك

برنامج حياكم بعد هو اللى فيه شخصية ( أبا طلال )؟؟؟ قل احد قالي حاجه زي كذا

لن اعلق على تعليقك .. وردك هو إضافة للموضوع ( تشكر عليها )

يسعدك ربي .. ويحفظك .. ومشكور على كل كلمة قلتها

ولاتحرمني حضورك ومرورك الجميل