11/04/2002, 08:16 PM
|
زعيــم جديــد | | تاريخ التسجيل: 04/01/2002 المكان: الشرقيه
مشاركات: 6
| |
يابو فهد لاتنجرف و تخرب علينا فرحتنا .. اسمع لنا تحيه مميزه لشخص مميز ... تحيه لبو فهـــد ... أنا ومعي مجموعه نمن محبيك نبي نقول لك كلمتين تكفى يابو فهد .. اسمعنا ..
من فتره وبعض الناس يحاول يستفزك ويجرك الى المستنقعات اللي ينعق منها ولانها مهيب البيئه اللي تربيت عليها .. عارفين ومتأكيدن انك بتغرق .. وتغرق معك اجمل ذكريات يحملها كل هلالي من جيلي .. اللي فتحوا عيونهم على الملاعب وانت قائد لفريقهم .
يابو فهد .. هذا الناعق وغيره من الحاقدين ما يبون اثبات لحقدهم على الهلال .. ولاتتوقع ان الناس تصدق كل ما يقولون .. الناس والله تضحك وتتسلى .. لاتكون ماده لهم يابو فهد ..
هذا مثل القذافي ملهي شعبه في الحكي وهو موديهم في داهيه .. ومنى عينه ان عاقل يرد عليه .. ولو ما يرد عليه احد شتم نفسه ..
هالايام ماله سيره الا انت والدليل اذا صرحت صرح وراك ثاني يوم ما يخلي .. لانه ورطان في المربع عنده تلميخات لين يقول بس بياخذونه سرا الين يوصل النهائي .. ولازم يسلي جمهوره وهذي اخر بطوله ما عنده حتى سداسيات يواعد جمهوره فيها .. امله الوحيد بعد الخروج انه موضوع النعيمه يكون في قمة الاشتعال عشان يطفي نار جمهوره قبل ناره .. يابو فهد خل ناره نارين ..
الكل هالايام يقرا تصاريحه .. عن :
- سامي الجابر .. ( هو رئيس النادي الوحيد اللي ادلى بدلوه )
- مباراة الانصار وتعرف القصد من ورا هالحكي التشكيك بالبطوله قبل نهايتها
- مباراة الطائي ومطالبته بتحقيق ( وش دخله ؟؟؟؟؟)
- الظهور بمناسبه وبدون في اي قناة تتصل ولو بالغلط
كل هذا يابوفهد ما اقنعك تترفع عن الرد خله يطنطن ولا تتوقع انك اذا سكت الناس بيصدقونه اصلا من كبر الكذبه فاضحه نفسها .
ابو فهد .. نناشدك انك ماترد عليه .. الين يطب الطبه اللي تجيب العيد قدام الناس كلهم .. لانه يسأل فلان مارد علي .. طيب انا اوريه اخليه يرد .. هذا اسلوبه .
انا كتبت الكلام هذا في منتدى الزعيم عشان الكل يقرا ويعرف اننا نناشدك الابتعاد عن هالمنكود .
لاتردنا ياو فهد .. وخلنا نستمتع بالايام اللي كلها خير جو ربيع وفوز ورا فوز
وتدوم لمحبينك يابو فهد
ياشباب اللي يأيدني الرجاء يكتب ولو حرف ومبروك الدوري مقدما
- |