|
أحم ،، أحم نصائح أيام الإمتحانات "جربتها وضاعت علومي " :) \ / ذي الأيام يعيش اخواننا التلاميذ أحرج أوقات سنتهم العصيبة >> يا عيني على البلاغة يا شيخ وعلى هالأساس راح نخصص هالموضوع وندردش فيه عن الاختبارات وكل واحد يفضفض ويهك ويفقش ويسوي اللي يبي المهم أنه يطيّح اللي في راسه من الاختبارات قبل ما أعطيكم قصصي مع الاختبارات هاك الحين >>>وش عنده التمساح بأقولكم مزاجي للمذاكرة وكيف كنت أحب أذاكر ، طبعاً كنت كأي طالب متنّح ومن جنبها ما أفتح المذكرة الا قبل الاختبار بست أو أربع ساعات (أنواع الثقة ) لأني اخذتها درسأوّل كنت أجلس ثلاث اربع أيام أكفر كفر في المقرر وآخر شي تجي الأسئلة شرق وغرب مرة ناديت المراقب وقلت له أني غلطت ودخلت قاعة مادة ثانية !!!!! عقب تكرار هالمواقف قلت ما بدهاش، يقلع أبوها اختبارات... 5/5 ما نبيها راح نرضى بـ4.9 وبكذا صارت أيام الاختبارات عندي من أمتع أيام السنة..... كييييييييييييييف؟؟ أقولكم كييييف (كييييف يعني شلون مهوب عاصمة أوكرانيا الولد مهوب مثقف ولا شي ) . . . . إذا جت أيام الاختبارات أروح كل يوم بعد الاختبار للرفقان اللين في عنيكش وأضف لي فيلمين ثلاث أرجع للبيت وأصفق أبوها نومه ألين الساعة العاشرة ليلاً (وعلى سكان خارج جده مراعاة فوارق التوقيت يا سمجك أنت ونطلاتك بعض الأحيااان ) هذا إذا كان الاختبار الساعة 8 أو10 وأن كان بعد الظهر ما أقوم ألا الساعة3 الفجر أقوم والوجه يكون مستطيل على مربع ومنتفخ تقل محطوط لي هوا في فمي أصحصح وأنفض جسمي زي الخيل وأغسل وجهي وأشوف لي لقمة جاهزة (والله يالبيك له طعم ثاااني أيام الاختبارات ) ثم يبدأ جدولي الصدقي أضبط لي ترمس شاهي من النوع الخاااثر اللي ما ينشرب ألا في كاس كرافت ثم أحط الفيلم في الفيديو وأخليه يقلع المسألة كانت نفسية أكثر من أنها سعة صدر >>>بدا يتكلم زي اللين يطلعون في التلفزيون كنت أهيئ جوي ونفسيتي للمذاكرة لأنه ما كان عندي استعداد أني أنرفز أو يضيق خلقي عشان الدراسة لا خلاااااص أخذتها درس وكانت الأمور ماشيه عال العال بعد ما ينتهي الفيلم أروح للمطبخ والبيت يكون كله هجده ألا أنا كأني جني لحالي وأبدا في تضبيط كوب راااائق من النسكافة المخلوطة بحليب البوني (حليب بوني اللي عليه رسمة أم خدودالشينه ) طبعاً أنا أنسان فلته ونظرتي ثاقب الحليب ما أحطه مع النسكافه عبث...... لا لأنه لو ما حطيت حليب مركز راح تخليني القهوة مسنتر ألين بكره المغرب وبكذا ينعفس جدولي كله لأن جزيئات الحليب تتصارع بشراسه مع أيونات الكافيين الموجود في النسكافه بشكل يشغلها عن تحفيز الجهاز العصبي المسؤول عن تنظيم عملية النوم (قسم بالله أنكم منتب كفو هالمعلومات لكن لازم نقولها من باب تبرئة الذمة وتزكية العلم ) وين وصلت؟؟؟؟ أيه أقول بعد ما أضبط القهوة وأحطها في ذاك الكاس الكبير اللي كنه محفره أرجع لغرفتي وأولع لمبة المكتب الصفرا اللي شمعتها 100...أخاف أحد يسأل في الردود عشان كذا أقولها من هالحين بعضكم فيه لقافه غريبة (هذا وش قصة أهله طايح تهزيء في الجميع ) بعد كذا أبدأ في المذاكرة اللي يحتاج فهم أفهمه اللي يحتاج قرايه أقراه واللي يحتاج حفظ أبرشمه كذا على بلاطه لأن الذاكرة عندي شخاميط والحمد لله أني ولا مرة سقطت مهوب شطاره أو فهلوه.... لكن الله الساتر سبحانه ستر علي وأعمى المراقبين عني أحياناً تكون بعض المواد محتاجه أنك تذاكرها مع مجموعة (نقعد نسمّع لبعض..... خخخخخخخخ ) وإذا كانت المادة كذا أرتب أموري أننا نتجمع مبكر لأن السواليف ما تحلى ألا وقت المذاكرة حنا ندري عن كذا وعشان كذا نلهي أنفسنا بالفقش والنصب والتهليس والحش ألين تجي الساعة ثنتين أو ثلاث ثم نبدأ نراجع جميع بعد ما أطلع من الاختبار كان من الموبقات بين مجموعتنا أننا نتكلم عن الاختبار أو نراجع الإجابات زي بعض الدوافير السخيفين اللين يحسبون أنهم إذا راجعو الإجابات بقدرة قادر راح تتغير في أوراقهم (الولد مهوب حاقد عليهم ولا شي ) ثم ينعاد الجدول نفسه....كل ليله عشان كذا إذا جت الإجازة ما أحس بطعمها زي المثابرين والمثابرات اللين كانوا ينثبرون في بيوتهم ويذاكرون الصراحة مدري الاختبارات بكره أو السبت اللي بعده لكن من هالحين أبدو فضفضو ولا تخلون الاختبارات تسيطر عليكم (يبي يخربهم هالحشرة) \ / فضفضة وكنت أحابب أشارك إحساس الإختبارات وبالتوفيق للجميع وتقبلوا فائق إحترامي وتقديري دمتم بعبير الجوري \ / ورده |
هلا و غلا و هذا وقت الموضوع أول شي بالتوفيق للإخواننا الطلاب بالنسبة لأفضل وقت كنت أذاكر فيه من بعد الساعه 11 حتى وقت الإختبار قبلها نوم و أطلع أغير جووووووو و بالأخير دجه ههههههههههه تحياتي .... |
لا يا حبيبي انا ومعي اثنين نتكي في المجلس الساعه 11 في الليل (طبعا بعد نومه عميقه من بعد الاختبار ) ونبدا نذاكر>>>>ايه هين نفتح صفحه بعدين كم سالفه وبعدين صفحه وبعدها بلاي ستيشن وهذي حالتنا الى لفجر ونروح الاختبار وبعدين تجيك النتيجه رايحه فيها |
الحمد لله ماني زيكم ما تخافون والله من يوم أجي من المدرسة على الكتب الى الساعة 10 حولها وأرقد الى الساعة 3,30 الفجر وأقوم أذاكر الى أذان الفجر وبعد الصلاة أذاكر المنهج كاااامل اللي ذاكرته في يوم (والله مجربة ومفيدة) حتى أحيانا أذاكر الفيزياء يوم كامل أجي بعد الفجر وأنهي اللي أنهيته في يوم والله مفييييدة بشكل غير طبيعي أسألوني الدافووور << انتبه بس.. شكرا على موضوعك الحلو جداً يا حلو .. تحياتي ::zezo الهلالي.. |
تحت السوااااااااااااهي دواااااااااااااااهي :naughty::naughty: متوقعتك دفره :stoned: وآخرتك ولاشيء :d:d لاتخرب طلاب المدراس على هالنصاااااااااااااااائح:d ويجيبون الأعيااااااااااااااااد:stoned::d بس صرااااحه أحس وقت المذاكره طويل :stoned::stoned::d بالمره وتتعب :d قلل عدد الساعااااااااااااات :d أهم شيء راحتك النفسيه:d والسيكولوجيه:d والفسيولوجيه :d أنا إذ جيت من الكليه أقعد إلى ما يأذن الظهر وأنام و أصحى أربعه العصر:yes: وأبدأ إلى الساعه ثنين ثلاث أربع الليل :yes::yes: على حسب طول المنهج :yes: بس أهم شيء أناااااااااام أقلها لو ساعه ونص أريح رأسي :yes: ونصائحي لكم إلي رااااااااااح يختبرون لا لا للمواصله :yes::yes::yes: وأسأل مجرب وتوكلو على الله :yes: وإذ ما تذكرتم معلومه أثناء الأختبار قولو " اللهم يا جامع الناس ليوم لا ريب فيه اجمع عليه ضآلتي " تحياااااااااااااااااااااتي وموفقين يا ربي والله لايخسر لي ولكم تعب :yes: وتذكرو لكل مجتهد نصيب وأنتا قلل عدد ساعتك :d:d:d :yes: |
ماشاء الله كـــذا النصايح ولا بلآآآآآآآش:d توقعت بعد كل عمايات التهيئه النفسيه بتقول اذاكر ثلاث ايام متواصله:d إقتباس:
ههههههههه حرام عليك ليه سخفين:upset: عادي من باب التأكد من صجة المعلومه :razz: انا مو منهم:stoned: المهم ..بالنسبه لجدولي ارجع انام اذا قمت اذآكر بذمه وضمير:d تحيتي ورده |
اما وش نصايح انا اجي من الاختبار الساعه 11.30 انام لساعه 4.15 (موقت) اقعد العب كووره للمغرب اذاكر والي ميدخل مخي اشخل الكمبيوتر و الطابعه والسكنر وتعرف عاد الباقي وادخل الاختبار ادخل القاعه برجلي اليمنئ وادعي عشان الله يوفقني وهاذا والله الموفق |
راكان _20_ \ / اللى افهمه من كلامك انك مخلص من شئ اسمه امتحانات عموما بما انك اكبر سن منا فيا جدي الموقر >>> من الحره اللى فيه أدعى لنا بالتوفيق جميعا وخصوصا انا باقى امتحان واحد وأخلص من الجماعة وأترقى لمرتبة " جد " مثلك وألف شكر على روعة تواجدك وأعجبني تخطيطك للمذاكرة ما أنت بسهل يجئ منك وتقبل فائق إحترامي وتقديري دمت بعبير الجوري \ / ورده |
اخوي ساحر عقول ... نتمنى لك وللجميع كل التوفيق موضوع جميل يتناسب مع المادة الأخيرة المتبقية والله يسهل أمرك ،،، طالما الموضوع عن الأمتحانات لدي المفاهيم التالية التي دائما ما كنت اتشبث بها وكانت ذات فائدة كبيرة لي : 1 - افضل وقت للمذاكرة هي بعد صلاة العصر وبعد الفجر 2 - حذاري من الدراسة الجماعية 3 - لا تذهب الى المدرسة او الجامعة وانت حامل المادة التي سوف تمتحنها 4 - يجب ان تنام بالليل 5 - عند تسليمك ورقة الأمتحان فقد انتهت المادة لا تفكر فيها ولا تراجعها وابدأ بالتفكير للاستعداد للمادة الجديدة ،،، بالتوفيق اخي العزيز ونسأل الله للجميع التوفيق والنجاح ،،، |
ساحر ..:upset: لو ادري مادخلت موضوعك :upset: ياخي موضوعك فسااد شكلي بجيب العيد بالاسبوع اللي جاااي .. السلام عليكم ..s77s تسمي روحك تدرس اوب دراسه ذي وناااسه :d ابقولك عن نظااامي بس اذكر الله >> موسوسه :naughty: انا يادويل العمر أصحى اربع ونص او خمس العصر وابدى ادرس الى ادخل قاعه الاختبار ومافيه فواصل الا صلاة ووجبة وحده بس :upset:s77s اني اووعاني اووعااني وانام عشر الصبااح الى العصر يعني نومتي اربع او خمس ساعات والباقي ادرس :upset: وش الفروق الفرديه ذي :bigeek: نعم نحو العنصريه:clap: لا ومع كذا انتم تتوظفون وحنا نتفرج بالبيت :bigeek:s66s ما احبكم وع :stoned: حنا نسهر الليالي وانتم تتوظفون :nono: سحقاً للعلم:d مااااش شكلي خربت وبخرب اختباراتي اللي بااقي :upset::ranting:انت السبب يالساحر ياويلك لو أحمل ماده بعلم عليك اوووومي :baby: يلاه الله يوفقنا اجمعين وكلن ينجح بطريقته ..:d اللي يبرشم واللي ياكل المذكره من الدراسه والله تجيه رب رمية من غير رامي :d اهم شئ النجااااااح فمان الله |
امحق نصايح ... ذي لا احد يسمع كلامه ... وخرو عن الموضوع خير شر تراه بيخربكم ... ::: تووووووووووووحفه الماضوع ... يا حليلكم انتو بعدكم ... احنا الناس قامت اتسافر وتحجز وانتو بعدكم في امتحاناتكم >>> وي وي ويك ... :D تحياتي |
اهلااا سااحر آيااا الدشااره :naughty: أثرررك مخرب ومفسد ومطيح أجياااال والله وطلعت على وجهك الاصلي هذاك اللي من دوون تظليله :d:razz: من ناحية الاختبااراات والله ماادراك ما الاختباارات :clap: وناااسه فلللله :clap: كذاا تحس انك مهممم:clap:عندنا شئ لازم ينحفظ <<وش تحسين بووه انتي :upset: الموههييمااات... أنه الحين معتزله الفن :surprised:قصدي الدرااسه الى اشعار آخر:clapping: ولا ابي اتذكر شئ يحووم تسبدي وانغث من طاريه :upset: وبالله ترآ درراسك ذي تقل ترووح للحكير آجل ياويلي مقطع روحك وكاارفن مرسووله بالدرآآسه:d خخخخخخخخخخخخخخخـ لاتعوره ارفق بس ارفق على نفيسك منه :d // // ..الله يوفقكم جميعاا كلكم جماعة وفردآآ نفرآ نفرآ فيس فيس خشه خشه <<مطووله بالله طسي :d .. بس خلصنااا..سلاميشن |
ايييييييييييييييييه يالاختبارات الحمد لله ما بقى إلا يومين وأخلص:clapping: بس أذكر مرة مسكت معي أشوف برنامج المملكة هذا الصباح أيام الاختبارات:stoned: ادري تقولون إنه محد يشوف هالبرنامج:d بس وش أسوي كل شي غير المذاكرة بوقت الاختبارات يصير حلو:d المهم وأنا اشوف البرنامج جايبين واحد يقاله مختص ويقول من نصايحه عن الاختبارات : ( يجب على الطالب أول ما يستلم الورقة إنه يقرأ كامل الأسئلة حتى يكون عنده تصور شامل :)) وقلت أبجرب هالحركة بكرا يوم جربتها جبت العيد:upset: قريت لي كم سؤال ما عرفت اجوبتهن وضاق صدري ونسيت الأسئلة اللي أعرف اجوبتهن:d والله من النكبة يالقناة الأولى لا برامج صح ولا مختصين فاهمين:upset::d بالنسبة لأيام الاختبارات أنا مريح لأني تقريبا أصير فاهم كل المواد مع الدكتورs60s وكل واحد له جو معين بالإختبارات بعض الطلاب ما يفهم إلا إذا صار معه قلم ويكتب اللي يحفظه وبعضهم لو تعطيه قلم حول الدفتر للوحات فنية:d نظامي الحالي بالاختبارات اقوم العصر اذاكر الى المغرب المغرب اتقهوى مع أهلي بعد العشاء أشوف لي مباراة باليورو:smilie47: وبعدين أراجع شوي وأنام حول الساعة 12 وأقوم لصلاة الفجر ولا يجيني نوم وأنطق إلى الإختبار الساعة 10 :( طبعا 6 ساعات تكون غالبيتها للنت وبعضها للمذاكرة وعلى حسب المادة يتم تحديد النسبة المحددة لكل جزء:stoned: |
ساحر عقول يبدو أنك من فئة الدوافير .. الدببة .. الي يلبسون نظارات .. ودمهم ثقيل :d.. // ولكن .. تحآول أن تموّهـ مشآن مآ نعطيك Eye هع .. \\ الاختبارات لها جو ثاني الصرآحة .. خاصة الصبحية .. يوم تروح وتشوف الدوافير الي يشبهون اخونا ساحر عقول .. كل واحد منهم ماسك زاوية وبيده كتابه .. وكل شوي يرفع نظارته باصبعه السبابة << كنايةً للتركيز :d.. // عن نفسي .. المذآكرة سوآليف .. يعني خل الكتاب صديقك .. وفضفض له ويفضفض لك .. ولآ تحآول تحفظ كلآمه .. لان الصديق سوآلفه كثيرة .. وبعدين مالها داعي تحفظ كلام خويك .. ومن بكرة تروح وتعلم البشرية وش قال لك :d .. \\ |
هذي النصآايح ولابلآش :d استفدت كثيــر :d تمنيآتي لجميع الطلآاب بالتوفيق دمت بخيــر تحيآتي ..ورده.. |
| الوقت المعتمد في المنتدى بتوقيت جرينتش +3.
الوقت الان » 06:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd