اولا
وش مرجعك للبيت متاخر

هذا وانت شاري وسادة
اجل لو تشتري من عندهم sultan hasselback
شكلك تبي تروح لبعيد

اهم شي يا جدي انت لك وحشة والله
يا صديقي
ماجد بن مقبل بن ثنيان التيماوي

" بعض الناس تبي تضيق صدورهم "
بيقلون وين رقم 9

على العموم
انا عندي سؤال ؟؟
بس قبل السؤال فيه شرط عندي لك
الاجابة ما ابي تحتوي على طاري هذا

هلا وغلا بابومقبل

حياك الله يا بعدي ..

أبومقبل أثرك من اللي يدلعون أنفسهم مخدات من إيكيا وحركات
ما نلقى عندهم مخده محشوه بريش ديك مشهوده له بدقة الأذان وقت الصلوات

إقتباس وبدأت أفكر كيف هذا الإنسان يبذل قصار جهده للحضور للمسجد رغم إعاقته !! بينما نحن نتكاسل عن الصلاة رغم ما نتمتع به من صحة وعافية.. وكيف هذا الإنسان ( المعاق ) يصلي بخشوع وطمائنينة ونحن (المتعافين كما ندعي ) ننقر الصلاة كنقر الديك .. بلا خشوع ولا طمأنينة !!

قلوبنا مريضة وأنا أخوك..

المشكلة أن بعضنا لا يكتفي بالتهاون في أداء الصلاة مع الجماعة بل ويتمادى إلى القول بجواز صلاة المرء منفرداً على كل حال!

عسى الله يصلح حالنا ويهدينا ويحسن خاتمتنا..

الله يجزاك خير يا ماجد أتمنى وكما تأثرت نفسك الطيبة بما وقعت عينك عليه وأخرجت لنا كلمات من القلب، أن يصل تذكيرك إلى قلوبنا ونتعظ به.

مساء الظهر برب بروح اصلي >> تتعلمك انها تصلي >> من كبر الفقشه مدري وش صلاته الساعه 11

إقتباس ذات يوم عدت للبيت في وقت متأخر وكنت احمل معي (مخدة نوم ) جديدة اشتريتها تلك الليلة من (إيكيا)

لا تصير المخده الحمراء حقت ايكيا والله ياااهي خق
بس تعال .. وشوووووله انت هالحركات ومخدات حدكم يالضباان مرتبه سياره>> تتصفق

إقتباس وسوس لي الشيطان بأن أنام ولو دقائق معدودة لأجرب تلك المخدة

ياخي هذا الشيطان بالذات دايم مسنتر فوق رااسي لول هدايتي وقوة حجتي وبرهااني << طسي اقول كان ماقد صليت
خصوصا لا صرت فارشه سجداتي جنب السرير بس استنى المؤذن يفتح افمه انط اصلي بس هالشيطان المريد يتقعد لي الين انعس وانعس وانعس واخرتها اصحى والدنيا ليييييييييييييل والسجداه على ماهي عليه واصحى وانا اقول هااه أذن ولا باقي ؟

إقتباس و في خضم هذه الوساوس الشيطانية قررت أن اذهب إلى المسجد وأتوضأ هناك حتى لا ادع أي ورقة يلعب بها علي شيطاني المريد

مشـ مشـ مشاء الله
والله شيطانك شكله صيني قدرت تغلبه بلاك من اللي عندي ياباني اصلي

إقتباس وهنيئاً لمن حافظ على صلاته واتصاله بربه وعلى لسان حاله قول المصطفى عليه أفضل الصلاة وأتم التسليم : " أرحنا بها يا بلال " فأصبحت الصلاة لجسده راحة .. ولقلبه سكينة .. ولحياته نور وضياء .. ليحمد الله على هذا الفضل الذي ناله وحُرم منه غيره .. وهذا الأجر الذي أدركه .. والفوز الذي ناله ,,,

صدقت والله ياخوي ياماجد .. الصلاة سبحان الله ترتاح نفسياً ..
دايم افكر مدري كيف الناس اللي مايصلوون يقدروون يغمضون عيونهم مرتااحين ..
والله الصلاة بالمسجد تحسدون عليها يامعشر الرجال أجرها مره كبير الله يرزقنا ويااكم ..
لما أروح اصلي التراويح في رمضاان والله ياهي راحه ووناسه مره بالمسجد ..
تحس انك من جد تصلي وخصوصا التهجد المسجد يعطيك جو روحااني
بس للأسف اللحين المسجد صار قليل الصلاة فيه من قبل الشباب وخصوصا الفجر ماتلاقي فيه الا كم شايب وعاملين وبسه( قطو )
اشياء كثير ممكن نتهااون فيها بس الا الصلاة شئ مستحيل ننقص منها ..
بقولك سر ..
انا لما كنت صغيره يمتكن عمري 8سنوات كنت ما اصلي الا العشاء بس
لاني اذا جيت اناام اخاف اموت وانا ماصليت ياخي شفت اكثر من كذا براءه

الموهيم ..

يارب تصلح الاحوال وترجع المساجد مثل أول وأكثر الخير في شبابنا ..
والله يوفق عيال المسلمين ويهدي من غفل منهم الى الطريق الصحيح ..
وربي المساجد نعمة .. لا تهجرونها ..
انا إذا تزوجت ياويليه يصلي بالبيت اجل وش الفرق بيني وبينه

إقتباس جعلنا الله وإياكم من المحافظين على الصلوات ..وجعلنا من المؤمنين الفالحين الذين هم في صلاتهم خاشعون ,,,

اللهم آمين ..
الله يثبتك ياخوي ..وجزاك الله خير ..

إقتباس (( دعوة من القلب )) لأجل أعزاءنا الأعضاء من الطلاب والطالبات الذين يخوضون غمار الامتحانات هذه الأيام نرفع أكف الضراعة للمولى القدير داعين لهم بالتوفيق والنجاح وان يسهل الله عليهم امتحاناتهم ويوفقهم في حياتهم ا لعلمية والعملية,,,

ياارب آمين ..

يعطيك الف عافيه ..
وجزاك ربي كل خير ..

فااصلة ..

اخر كلام النبي يا احمد وصاة الصلاه
يعني هي اعظم شي وصى عليه النبي


,
,



بقايا ..

ماجد مقبل
أثريت الموضوع , وأثّرت فيمن قراه لأسلوبك الرائع , ولطريقة طرحك له فبارك الله فيكـ وجعل ماقلته في ميزان حسناتك ,,

,,,

لم يتبقى لي ماأضيفه سوى :

كان والدي ( شفاه الله وعافاه وختم له بالصالح من الأعمال ) يوصيني بالصلاة والمحافظة عليها ,, أذكر من نصائحه لي عن الصلاة يقول : ترى من نشأ على شيء شبَّ عليه ومن شبّ عليه شاب ومات عليه , فلاتقل أنا صغير وتوي شباب وإذا كبرت سوف ألزم المسجد وأداوم على الصلاة , ويذكر لي قصص وأحداث حصلت له يثبت فيها حرصه على الصلاة وعلى قيام الليل مع ماكان في وقتهم من جوعِ وخوف وضروفٍ قاسية , وماشاء الله من عرفته ووعيت على الدنيا لم أذكر أني دخلت البيت الساعة 12 ليلاً أو قريب منها إلا وهو يصلي , ولم يسبق للمؤذن أن أذن ووالدي في البيت , ولم نراه وقت المغرب أبداً يجلس حتى صلاة العشاء , وبعد الفجر يجلس إلى طلوع الشمس طبعاً هذا كله في نشاطه وفي قوته , أما الآن وبعد المرض فهو مقعد بالبيت وينسى كل ماحوله وكل أبنائه إلا إذا سمع المؤذن فإنه يكبر ويصلي , ومرّ عليه أوقات أسأل الله أن لايُعيدها يزيد عليه المرض فيغيب عن الوعي فيهب إلى الصلاة ويكبر ,,
وهذا كله مصداقاً لقوله (( من شبّ على شيءٍ شاب عليه ))


ياترى على ماذا سنشيب وعلى ماذا سنموت وهذا شبابنا لعبٌ ولهوٌ وتقصير في أداء الواجبات والأركان فما بالكـ بالسنن والنوافل ؟!!

أسأل الله الكريم وبمنه العضيم أن يجعل خير أعمالنا خواتمها وخير أيامنا وأسعدها يوم لقاكـ , وأن يهدينا وشباب المسلمين


0000

ماجد مقبل
جزاكـ الله الجنة وغفر لكـ ولوالديكـ


00000

\\

\\



اهلاً بك اخي ماجد

الصلاه اخر وصايا خير البريه لامته , الصلاه
عماد الدين واول ما يُسئل عنه العبد , الصلاه
الركن الذي لا يقوم اسلام امرء الا بوجوده ,
كثيره هي العبارات والجمل والاكثر هي الدروس
والمواعظ التي تتحدث عن الصلاه وفضلها واهميتها
وخطوره تركها وهجرها , وفي المقابل نجد من يصم
اذنه عن نداء الحق ولا يلبي اذان الرب , ولو كان
النداء لشهوه يبتغيها او دنيا يريدها لاسرع في الحال ولم
يعيقه عن مبتغاه اي حال ..

وبما اننا نعيش هذه الايام اجواء
الاختبارات فالادهى والامر ان ترى المساجد
مكتضه بالزوار وبعد الاختبارات ( ماتشووف غير غبارهم ) ..
سطرت حروف من ذهب ..
وكان حضورك هنا كالعبق الذي انتشر ..
شاكره لك من الاعماق على هذا الطرح
بقدر قطرات الندى وعدد رمل الصحاري
والمطر ..

جزاك الله كل خير وجعل حروفك في
ميزان حسناتك ..

دمت بتميز : )

اختك شمس الحقيقة