|
مودم واشتراك ADSL من الاتصالات السعوديه !!!!!!! كله كوم والريحه كوم انتبهوا يا إخوان من أن تشتركوا مع الاتصالات في خدمة DSL شامل الكامل و التي تشمل المودم الخاص بالاتصالات، صراحه تراها نصبه كبييييييييييره و توني متوهق معاهم توني مشترك مع الاتصالات في خدمة شامل لمنزلي الجديد (كنت في السابق مشترك مع DSL شامل قبل الانتقال للمنزل الجديد)، لما كلمت على 907 و طلبت الخدمه سألني قال بما انك مشترك بسرعه عاليه ترى عندنا خدمه شامل الكامل الآن و التي تشمل المودم الخاص بالاتصالات و تركيبه مقابل 240 ريال. قلت في نفسي مودم خاص بالاتصالات و ب 240 ريال مع التركيب، اكيد المودم بكون نوع جيد من احد الشركات المعروفه ، سألته قلت له طيب هل يعمل المودم مع شركات الانترنت الاخرى مثل اول نت و نسمى قال ايييييه طبعا ، قلت زين نتوكل على الله!!!!! المهم جاني بعد كم يوم مسؤل التركيب مع المودم(مودم صيني تحس انه رخيص و من شركه تعبانه لما تمسكه و من غبر اسم شركه عالميه، مكتوب عليه الاتصالات السعودية) قلت يالله ركبه (همانا شريناه خلاص) ، قعد يحوس عندي ساعتين و بعدين قال في مشكله عندك ارجع لك بعدين، رجع بعد يومين ثمن قال اسلاك البيت عندك فيها مشكله، المهم عرفت ان ماعنده ماعند جدتي وقلت له شكرا خلاص انا اسويها ، جبت فني من الحراج و ظبطها لي في ربع ساعه!!!! المشكلة موب هنا، المشكله ان زوجتي بغت تطردني انا و المودم من البيت بعد ما اشتغل ، البيت عندنا صارت ريحته مخيييييييسه!!!! المودم لما تشبكه في الكهرب لانه من النوع الصيني التعبان تطلع منه ريحة بلاستك محترق قويييييييييه، كلمت الاتصالات قلت اخاف انه محترق، قالو لي لا عادي هو كذا ( شوي ويقول :البس كمامه وما حتشم شي، أي خدمه اخرى ؟ شكرا لاتصالك بالاتصالات السعودية). المهم حطيت المودم في غرفه منعزله عشان الريحه، قبل كم يوم خرب علي ال ADSL شامل كلمت الاتصالات قالو في مشكله حاليا و بنصلحها انشاء الله خلال يومين ، قلت زين ابجيب اشتراك اخر من مكتبة جرير لين مايصلحون الانترنت عندهم، جبت اشتراك اول نت وجيت ابرمجه في المودم!!!!! ما يتبرمج الاشتراك (الجهاز ما يقبل أي اشتراك اخر غير DSL شامل من الاتصالات)، كلمت الاتصالات وسألتهم قالو لي لا المودم مايشتغل الا مع DSL شامل!!!!!!!!!!! قلت بس انا سائلكم قبل ما اشتريه!!!!!!! قلتو يشتغل ،قال لا يمكن الي قالك ماكان يعرف!!!!!!! طيب يا اخي انا ما اخذته ببلاش، انا شاريه ب 240 ريال!!!! المفروض يشتغل ، لو اني داري كان شريت مودم من السوق افضل و بدون ريحه و من شركه معروفه و افضل في التغطيه الاسلكيه و..... و ........ و ....... !!!!!!!! و الله حرام صدق انهم غشوني اغروني بمودم ارخص بـ 20 – 30 ريال (فرق ما يستاهل ابد) من السوق عشان تاخذ منهم مودم مايشتغل الامعهم و تتورط وياهم!!!!! على الاقل المفرض اذا بسون له اغلاق على خدمتهم المفروض يكون مجاني، او يكون مفتوح لجميع الاشتراكات الاخرى. بس هي شركه متعوده على الاحتكار و تبحث دائما عن الاحتكار. و كل ما قلت لهم شي قالو ترى حنا حاطين برنامج الفاحص مجاني!!!! احلفوا!! على فكرة هذا البرنامج مثله موجود في معظم اجهزة المودم و احسن منه بعد، انا شايفه في ال نيتجير و السبيدتتش، تبون تبيعونه بعد!!! و على فكرة ما منه فايده اظاهر لو بشغله بقول حول 15 ريال للاتصالات اول المهم يا اخوان احذروا ان تقعوا في غلطتي وتاخذو المودم من الاتصالات، يبيعونه عليك و يظمنون انك لاتستطيع ان تشترك مع شركه اخرى، انا ارفض الاحتكار و ارفض الخداع. شي يفشل صدق شركه بحجم الاتصالات و تضع اسمها على مودم بهذا الشكل!! و اليوم اشوف الاتصالات قامت تعلن عن هذه الخدمه لجميع السرعات في الشوارع فكان علي التنبيه (طبعا لعبوا علينا الشهر الماضي و ما انباع عندهم – تورطو فيه- قالو يلا الحين نلعب على المشتركين في جميع السرعات الشهر هذا!!!! كود نورطهم فيه منقول |
انا اصلاً مقاطع الاتصلات الى الابد .. ولو القى بديل في خط التلفون كان حولت معهم .. ياخي خدمات سيئة الى ابعد درجه اللي يرد عليك في الـ 907 كنك تطلبه فلوس .. والله بدون مبالغه اني قبل فتره جيت بسوي اب قريد لاشتراكي وادق عليهم ويطعوني انتظار 18 دقيقه وبعدها فصل الخط وادق مره ثانيه ونفس المشكله قلت ما يخالف يمكن عندهم ضغط دق عليهم بعد وحده بالليل والله نفس المشكله .. عاد ما قدرت القطهم الا الساعه 7 الصبح وانا رايح للكليه .. ويبونا نشترك معم بعد .. خل تفتح الشركات الجديده وانا اول المحولين لها .. تقبل مروري اخي الكريم ..,, |
المشكله حتى حنا ورطنا وك يوم يقولون نجيكم بكره والظاهر والله ان الوالد يمكن ما يركبه كل يوم يدق عيهم ومشكور على التنبيه |
أخوي GoLdEn 11 BoY شكرا على مرورك أخوي هلالي مرة العفو |
اخوي انصحك انت والاخوان جميعا اي شي من الا تصالات السعودية لا تاخذونه شركة فيها استغلال عظيم للمشترك في اي خدمة وباي شكل ياليت بس تطلع شركة ثانية للثابت والله لاشطب على الاتصالات نهائيا |
الله يعوظك ان شاء الله يسلمووووووووووووووووووووووووووووو |
واللي طالب الدي اس ال له سنتين ولابعد وصله وش يسوي؟ متى تجي بس الشركات الثانية ونفتك منهم هم وخدماتهم الغبيه |
انا اصلاً مقاطع الاتصلات الى الابد .. ولو القى بديل في خط التلفون كان حولت معهم .. ياخي خدمات سيئة الى ابعد درجه اللي يرد عليك في الـ 907 كنك تطلبه فلوس .. من جد |
انا اصلا شامل مهضمته كل شوي يفصل عليك النت ازين شئ اشتراك عادي ولا تعور راسك كل شوي ينصك عليك المودم مشكور على النقل والي كاتبها جزاه الله خير |
موبايلي وبس يكفي انها تدعم الهلال وهم من وين يجيبون الفلوس يجوبونه من المشتركين يعني موباايلي وبس |
مشكور على الموضوع وكل اناس تعاني من شركة الاتصالات ويكفيك كلام الامير عبد الله بن مساعد عندما قال ان عندما اسافر ارتاح من عنا خدمة نت في السعودية ... وانها ابطاء خدمة في شرق الوسط واناشاك في ذالك اظاهر في العالم كله |
خخخخخخخخخخخخخخخخخخخ هذ1 الله يسلمك مودم أبو ريحة .. |
أكبر شركة نصب وإحتيالات موبايلي كنكت وبس |
حبيبي أنا صار لهـ سنهـ احتريهم يركبون الـDSL .. واذا كلمت 907 يقولون " الحي اللي انت ساكن فيهـ adksjadfjdf مايسمح ..!! ) adksjadfjdf * = خرابيييييييييييط ......!!!!!! متى بس موبايلي يسوون خطوط أرضية ..؟؟ تحياتي .. |
موبايلي وبس يكفي انها تدعم الهلال وهم من وين يجيبون الفلوس يجوبونه من المشتركين يعني موباايلي وبس |
| الوقت المعتمد في المنتدى بتوقيت جرينتش +3.
الوقت الان » 03:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd