|
وش ذنبي لاصرت شينه بسم الله الرحمن الرحيم السلامووو عليكم ورحمة الله وبركاته كيفكووون ياهلاليوووون بئلوكوا إيه .. في يومن من الأيام الي موب أشين من فيسي .. كنت اشوف التلفاز العزيز .. (الغصبات المجدات :d الجزيرة :d العربية ) دخل علي ابوي .. وقال شيلي عفشتس وحطي على قناة الجزيرة وحطي الغداء .. الين أجي .. وفعلا سويت كل شي .. بس عشان تدرون أني سنعة بعد ماتغدى ابوي .. غسل وقال لي : مزنوووه تعالي همزي سيقاني المحترمات .. وبعدين ورى وجهتس اليوم كنه فقمة مستديره ؟ أنا وبكل علامات التعجب إلي على وجهي : ليه !!!! فيه فقمة متوازية أضلاع يوم أنك تقول مستديرة ؟ : المسألة مسألة مبدأ يا اختي الفاضلة .. وبعدين كنت بجس النبض .. ....... وش رايتس فيني وانا مثقف ؟؟ .. أنا : زي وجهي .. الله يخلف بس ابوي : يؤيؤ .. قويييييية .. تضلمين ثقافتي وتقارنينها بوجهتس العبوس .. تحطمت وقلت : لا لا لا السالفة ماينسكت عليها وقمت وركضت لغرفتي وخشمي يتقاطر حزنا وقهرا وانشقلت على الدرج وقمت وركضت.. ودخلت غرفتي ونسدحت على السرير وجلست اصيح <<<مشكلة المسلسلات قلت لازم ألقى حل أنا ما اقول ليه انا شينه ؟؟ هذا المكتوب وقضاء الله وقدره .. لكن ليه كل ما اروح مكان العالم يعلقون الناس على وجهي .. === مره رحت لحديقة الحيوان .. أنا وصقيقاتي .. .. مرو من عندي بزارين وش زينهم يهبلون .. معهم امهم .. قامت الصغيره تصارخ وتصيح .. وكل ما اقرب منها بشوف وش فيها ؟؟ مير تبعد عني وتصارخ وتصيح أنا قلت وش قصتها ذي .. لايكون مسحورة ولا فيها شي لا سمح الله لأن صياحها اوب طبيعي وجت امها لها تركض تقول : وش فيك من الي ضربك .. قالت : محد ضربني بس الوحش طلع من القفص <<< تقصدني مير لو امها ضحكت كان يمكن خليتها على مزحة وضحكت وتناسيت السالفة و نسيتها لكن البلا ان أمها جت عندي وقالت : آسفين تعرفين بزارين ماعليهم شرهه لاتواخذينهم حسيت ان وجهي شبهه ومرتن من المرات رحت للبقالة أنا وبنات عموو ابي اشتري لأخواني الصغار فسحة للمطرصة (الصباح) وماكان بوه احد يروح عني من العيال .. كلهم نايمين .. جاني حجنجزي .. وقال لي : يؤ يؤ .. أذكر القمر يختفي لما يجي الصباح إيش اللي طلعو دحين ؟؟ .. أنا بغيت ابتسي .. مرت سنين جرد ماحد غازلن .. واخيرا رجع لي نسبة 1% أمل أني اصير مزيونة والتفت عليه عشان اخذ رقمة واحبه واموت فيه .. هماه اول انسان رجع لي الأمل بحياتي ؟ مير لو مارقمن ابي اصيح عشان اخذ رقمة يوم التفتت قال : اعوذ بالله .. استغفر الله .. الله يرزقك يا خالة مامعي إلا ريالين وبشتري فيهم موية .. <<يحسبن طرارة قالن بنات عمي : يوه طيرتي الرجال <<هذا الي هامهن ولا احاسيسي ومشاعيري بالقُمامة (شرايكم بالقُمامة؟) مرة أنا واختي الصغير الي بخامس ابتدائي كنا نتناقش حول وجهي الجميل قلت لها : وش اسوي عملية تجميل عشان اصير مزيونه ؟ قالت : شيلي خشمتس وحطيه خشم اليسا وشيلي عيونتس وحطي عيون اليسا وشيلي براطمتس وحطي براطم اليسا وشيلي خدودتس وحطي خدود اليسا وشيلي اسنانتس وحطي اسنان اليسا وشيلي أذانتس وحطي أذان اليسا وشيلي رموشتس وحطي رموش اليسا وشيلي حواجبتس وحطي حواجب اليسا وشيلي جبهتتس وحطي جبهة أليسا همن شيلي وجهتس كله وحطي وجه اليسا .. وتطلعين مزيونه قلت الله يلعن ابليستس وورى ما قلتي من البداية شيلي وجهتس وحطي وجه اليسا بدال هالمشاوير .. عمتي لاجت بتوكل البزارين .. وهم معيين ياكلون .. تقول : الي موب ماكل بيصير مثل وجه مزنه .. يركضون يهجمون على الأكل تسنهم نمل مرة قال لي عمي .. أن فيه مستوصف .. مايوضفون بالصنطرال الا مزيونات <<يعني لو طبقت السماء على الأرض ما تتوضفين عندهم .. ومرة قالت لي عمتي أن الرجال هالأيام مايفكرون بالأخلاق أو الدين .. يفكرون بالجمال <<يعني لو تحبين كوعتس الأسود ما تتزوجين .. ومرة قالت صقيقتي أن اخوي يغازل بالأسواق المزيونات .. <<يعني تحلمين يغازلتس اخوها .. ومرة قال ابوي أن التلفزيون مايجيبون إلا مذيعات مزيونات <<<يعني لو تفطسين ماحطوتس مذيعة .. ومرة وحدة من صقيقاتي الشينه مثلي .. قالت .. ماتلاحظين يامزنه أن البنات المزيونات مايصادقن الا مزيونات والشينات مايصادقن إلا شينات ؟؟ قلت : وانا اشوووووووووووف وسأل وافكر ليه تصادقيني ؟؟ اثره عشاننا مزيونات ؟؟ قالت : إلأ والله من الشين وانا صقيقتتس <<<يعني مافيه امل نصادق مزيونات مايستفاد من المأساة .. 1- ادعولي اني ازين .. 2- انا ما اقول ليش انا شينه أنا اقول وش ذنبي لاصرت شينة يعاملوني الناس تسذا .. وتضيع علي فرص الدنيا لذلك لازم نشتري كراش9 <<جديد 3- صحيح اني اشبة نانسي عجرم .. وهيفا وهبي واليسا وباسكال .. لكن الناس يقولون انتي وعه .. ليش ؟؟ مدري .. بس تراها للمعلومية .. <<تعقبين .. 4- دوروا لي واحدن اعرس علية .. ترى صادزه ابي اعرس ما امزح 5- لقد ماهو انني طفشانه ؟ لقد هو من الجوع ولا وشو ؟ >>>> <<<< موب تكتبون لي نصايح الحين ؟؟ وتقلبونها حزن .. كله استهبال وجعووة بس ترى صدز انا شينه مير جانن هواش موب صاحي لأن مواضيعي كلها وصخه.. ماعمري كتبت ماضوع نظيف .. عشان تسذا قررت اني ازين هرجي معكم << يقالتس هذا نظيف الحين ؟ الي بيجي .. اقل شي يقول يارب انتس تزينين .. موب يدخل ويطلع ولا كني كاتبة هالماضوع |
إقتباس:
بخصوص موضوعك الجميل وأسلوبك الأجمل <<< سبحان الله يطلع من هالشيون أساليب ومواضيع حلوة :naughty::d أبشري يا وخيتي بالحل الأكيد لمشكلتك :yes: الانترنت والمنتديات :yes: نعم نعم .. في المنتديات سجلي بيوزر حلو ولوّني ردودك تلقين معشر الخرفان فاقة خشتها وسعابيلها تقوطر من الخققان :d يا كثر الشينات اللي عندنا دايم يقولن في ردودهن : أنا حلوة أنا قمر << ضامنات محد بيشوفهن ويكشف الحقيقة :naughty::d وأحياناً إذا البنت الشينة حبّت تتميلح بطريقة غير مباشرة .. تجي تقول بالمنتدى : أنا أخوي حلو .. أو أبوي وسيم s45s تبي توضح لنا أنها حلوة ما دام أخوها حلو :razz: << بعضهن أبحلف أن أسامة المولد يسفط بأخوها تحت اباطه :d الظاهر أني قطّعت في بنات المنتدى شوي :d آخر كلامي أختي مزنة : مو مهم جمال الوجه .. الأهم جمال الروح s45s << مقولتي دائماً s60s << شين :d ( أي واحدة ترد علي .. معناها أنها شينة واستفزها كلامي ) :naughty: |
هلا مزنه :d كم مره قلتي كلمة ( ومره بموضوعك ) ؟ :d الا أنتي من أي منتدى جايه :razz: ..قمت أشك بـGender بتاعك :d:razz: ... ان شاء الله اذا كبرتي تزينين .. بس تراها صعبه الله يعوضك بعيالك >>تحطيم :d |
لا انشاء الله ربي يرزقك بعريس ياااااااااااااااااااااارب |
إقتباس:
انا بكل المنتديااااااااااااااااااااااااااات حتى الاجنبيه خخخخخخخخخخخخخخ بالاهي عليك مريت عليك في منتدى |
إقتباس:
جاين تعايرني ورني خشتك عاد يملا العافيه ناوي تفقع سبدي ترا المساله ضحك وفرفشه خخخخخخخخخخ |
إقتباس:
:d:razz::d كني لامحتك في منتدى الأقـل :d ومنتدى ( مراصيع ) :dبس مااظن انتي لم شعر :surprised::d >>حرام تحطمينها زود على شينها .. انتي يامزون رهيبه .. اليوم اللي سحبت ..تفضلتي علينا بموضوعين من افضل المواضيع بالنسبه لي .. صدقيني انتي مكسب كبير للشبكه :d |
إقتباس:
والله اني حبيتس وشكلي برقمس بعدين لين اطلع جوال الحين معي بيجر <<<<خخخخخخخ |
أنتي يا مزنة .. بما أنك جديدة انتبهي من ريري بتخرب موضوعك وتجيب الشلة هنا ويشتشتوون :D احقريها ولا تعطينها وجه .. تراها شينة .. :D مشكلة عاد كلكم شيون .. ما لي دخل بينكم :( ترى عدلت ردي يالشينة .. وتراي والله منب بعيد منك في مسألة الجمال :D بس أنا ولد ومو مهم الجمال قد ما هو مهم عندكم :D |
باااتس ريروو صبحه بالخير :wub:<<تسني جايه من بعيد :ds90s مزنه اتضح لي من الموضووع بس من الموضوع انه انتي تقوليين للعنز وخر واقعد مكااني >>اتسذب لاتعصبييين مززززح بس وقسم بالله :d قدآآآآآآآآآآآآآآآآآآآآآآآآآآم:clap:<<قدام يعني نشووف حل لمشكلتك يامزنه نيتي شريفه وقسم :stoned: |
إقتباس:
|
إقتباس:
هناك بموضوعك الاول هامور الليفه :razz: .. وهنا المشاغب الشوده :razz: يحاولون على قدم وساق عشان يشوهون موضوعك لكن اوقفي لهم بالمرصاد ترى المشاغب شوي حساس ..فأنتي جاء موضوعك على الوتر خلاص قولي له انت حلو وجميل :d >> عطيه جوه >>> يخخخخخخخخخخخ مشكله الشيون لاجو بالمواضيع :d |
هلا مزنه:clap: الله يرزقك الزوج الي يكون مفتح العين عمى القلب,, ولا تخافين ترى الزين يجي مع الوقت ,,, وأهم شي حب الله ورسوله والوطن وحب الزعيم :naughty::naughty::naughty: <<< يحاول يلطف الجو....:d :d:d:d يالله عاد المره الثانيه إن شاء الله تكتبين لنا موضوع تتشكين أن الناس تسببلك أحراجات كل من شافك قال " شيلي القمر وأجلسي بديله " :razz::razz: <<<<< عنده طمووح :d:d:d سيو طالع ولي رجعه :naughty::naughty::naughty: |
انا بسألك انت من جدك ولا استهبــــــــــــــــــــــــــال؟؟؟؟؟؟؟؟؟؟؟ |
إقتباس:
تعالي ابيس وراب باب غرفتي اليوم متعلمه كارتيه..ودي اجربهامعس تكفين ههههههههههه امزح |
| الوقت المعتمد في المنتدى بتوقيت جرينتش +3.
الوقت الان » 01:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd