حضور قليل لاستاد الملك فهد والاسباب كثيره
 

السلام عليكم

كثيرا ما نشاهد مباريات منتخبنا الوطني على قنوات التلفاز ولا نذهب لمؤازرته في الملعب مثل اغلب الدول وخاصه الاوربيه التي دائما ما تشاهد الملعب مليء بالجمهور حتى ولو كانت المباراه وديه

طبعا هناك اسباب وسأجعل استاد الملك فهد كمثال :

1- الملعب بعيد جدا جدا وخارج الرياض ( يعني لازم تقرأ دعاء السفر قبل تروح له )

2- لا يوجد مواقف للسيارات منظمه ( لازم توقف بعيد وفي التراب واحتمال تتعرض سياراتك للسرقه او كسر الزجاج او اي شيء يعني الاحتمالات مفتوحه)

3- بيع التذاكر عشوائي وليس للتذاكر ارقام محدده للمقعد الذي تجلس عليه ( يعني دور لك على كرسي الله لا يهينك حتى لو تدفع للدرجه الممتازه احتمال تجلس في الدرجه الثانيه وبرضه بين الشوطين اذا بغيت دورة المياه او تشرب لك شيء لازم تقول لاحد يحجز الكراسي والا راحت عليك )

4- تصميم الملعب بتاع كله يعني وجود مضمار للجري هذا غلط لانه يبعد الجمهور عن اللاعبين ولا يستطيعون تمييز اللاعبين ( ولنا في الملاعب الاوربيه خير مثال وللمعلوميه انا دخلت ملعب تشيلسي وذهلت لانك لو جلست في اي موقع ستستمتع بالمشاهده حتى ولو خلف المرمى )


5- الاجواء الحاره والكتمه داخل المدرجات تجعلك تتضايق بشكل كبير

قد يكون هناك اسباب اخرى ايضا


ولكن هناك حلول بديله ممكن يكون لها تأثير ايجابي

1- الملعب بعيد ولا يمكن طبعا نقله :d عشان كذا لو يتم توفير باصات لاماكن متفرقه في الرياض يبيع التذاكر وتاخذ توصيله مجانيه ذهابا وعوده بالباص والوقت طبعا محدد للتحرك والعوده

2- تجهيز مواقف للملعب ولتكن مواقف ذات عدة طوابق ملاصقه للملعب واذا لم يمكن ذلك فلننظم مواقف يجانب الملعب ونضع سياارت نقل للملعب مثل المطارات العالميه وكذلك مثل ما تفعله دبي

3- تنظيم عملية بيع التذاكر وتكون محدده بالمقعد ( كانك داخل سينما ) ولا تشيل هم المقعد بين الشوطين ولا تشيل هم وتجي قبل المباراه ب 4 ساعات عشان تختار مكان مناسب


4- مستقبلا ان شاء الله نتمنى ان تكون الملاعب مخصصه لكره القدم فقط يعني بدون مضمار للجري

5- وضع مراوح كبيره وملطف جو بالرذاذ في اماكن متفرقه حتى لا نتضجر من حرارة الجو والكتمه



دمتم بخير

هل من اضافه للاسباب او الحلول المقترحه


ننتظر ارائكم

كما ان اسباب عدم حضور الاعضاء لمشاركتي هو بعد المسافه وعدم وجود مواقف والاجواء الحاره

اسمحلي موضوعك فاشل بمعنى تعنيه الكلمه فالمنتخب اهم بالنسبه لي من النادي وهذي الاعذار ما نشوفها بمباريات الديربي او مباريات الهلال القويه بالعربي حنا عندنا النادي قبل المنتخب وهذا ما جعلنا نتراجع الى الوراء اتمنا ان نترك هذه الأعذار الوهميه ونكسر الحواجز اخوي حتا اسبابك الي ذكرتها غير مقنعه بعد المسافه يا اخي ممكن تكون عندك بعيده وارجو منك عدم التعميم وجود ميدان ركض اخوي اغلب ملاعب الخليج والعالم فيها ميدان ركض وشفنا كيف يقتض الجمهور
وبالنسبه للمراوح والأشياء هذي فا وش رايك نجيبلك مخده وفراش عشان تستانس صح اخوي بالعربي اذا ما تبي تحضر خلك ساكت مو تشجع الاخرين على ان لا يحضرو اتمنا حذف مواضيع مثل هذه المواضيع لأنها بالنهايه لا تخدم المنتخب واسمحلي اخوي اعذارك هذي كلها غير مقنعه عشان كذا موضوعك لم يلقا ردا وانا ماكنت ناوي ارد لاكن اطرائك غير مقنع لأي رياضي سعودي





تقبل مروري............

لامووضوعك بمحله

نبي ملاعب زي النااس

مو اجي الملعب وتدخين هالعالم

ليش اصيب بآمراض والسبب مبآرآه؟

من حقك ان تقول رأيك ولكن بادب :upset:
وانا ما قلت لا احد يحضر الله يصلحك بس
وللمعلوميه انا كتبت الحلول الممكنه وهذا دليل على صفاء نيتي
وبالنسبه للمخده والفراش هذي انت اللي تدورها :naughty: بس لازم نهيأ الجو المناسب بكل الامكانات الممكنه وهي موجوده لكن اصحاب القرار ما يجلسون في المكان اللي نجلس فيه
s60s

هووووووه يا سعوووووووودي
:clap::clap::clap:

هذا رد انسان فاهم وطموح

يسلمووووو:smilie47:

تلايـــــــــــــــــــــــــــــــــــــــــــــــــــــــــــــــــــــــــــــــــــــــــص

والله لو مافيه حضور للديربي كان نقول ممكن الاسباب

مقنعه بس ياخوي مباراة الهلال والنصر ماتلقى كرسي فاضي ...................