|
عندك شهادة تسوى ... ما عندك شهادة ما تسوى http://www./up/uploads/69f36961c6.gif في هالزمن ما يملى عين الحسود الا التراب لا تقولولي اشدخلها :d دخلها ونص ... http://www.arabcastle.net/vb/uploaded/WELCOME5.GIF بمناسبة قرب انتهاء السنة الدراسية >>>خلصتو وله بعدكم :stoned: احنا خلصنا من زمان و طلاب يابو الشهاده :naughty: اللي نجح نجح واللي رسب هالاسبوع دور ثاني :yes: تبون الصراحه انا من زمان في خاطري اكتب موضوع عن الشهاده أي شهادة الثانوية وله الجامعية وله حتى شهادة الماجستير والدكتوراه أو حتى الروضة :razz: والله في هالزمن ما ينفعك الا شهادتك ...عندك شهادة تسوى في هالدنيا ... ما عندك شهادة ما تسوى شي >>>عفوا يعني ... الحين الكل فرحان عنده شهادة ثانوية عامة لكن في الزمن او السنوات اللي بتي شهادة الثانوية بتكون مثل شهادة الابتدائية ...يعني لا تودي ولا تييب .. تقريبا كل الدول الحين مركزين ع التعليم ... وع ثقافة الشعب ... الحين اذا عندك شهادة الجامعيه ما تسوى شي ... يعني يقولولك ما عندنا وظايف وأول شروطهم اذا كنت جامعي ... عندك شهادة انجليزي و ICDL بدونهم ما تتوظف ... فكيف الايام اللي بتي ...؟؟؟ الله يستر الصراحه اظن انه الخليج او العالم كله بتكون مشكلته هذي ... ويوم عن يوم اتزيد نسبة البطالة في كل مكان بالخليج ... :surprised: وزمن الواسطة ولى ...>>> هذا عندنا في الامارات كلن يشتغل بشهادته المهم ... حبيت اقول في النهايه ... انه لازم الفرد نفسه يسعى عشان الحكومات تسعى معاه s60s وله الايد الوحده ما تصفق مهما كان ... ((( ترى هالموضوع كان في خاطري وكتبته لكم ))) :: :: :: وكل الشكر لمن قام بزيارة موضوعي او الرد عليه تحياتي : دلوووعة الامارات |
هلا و غلا دلع و منور المنتدى بموضوعك و من زمان عن مواضيعك و الله يبارك فيك لكن للأسف إلى الحين ما خلصوا الطلاب يعني خلال الإسبوعين راح ينتهون و الله يوفقهم يا رب بالنسبة للزمن هذا الواسطة قبل الشهادة و الله لو دكتوراة أوكي الشهادة مطلوبة لكن لو معك واسطة قوية و الله لو ما تعرف تكتب توظفت و في أحسن الوظائف فيه بنك سعودي يقولك ما راح يوظف إلا من جامعة الملك فهد للبترول و المعادن طيب وش دخلها بالبنوك وواحد من موظيفها و مدير فرع أقسم بالله أنه أمي مجرد أنه من الأسرة اللي تملك البنك تحياتي لك على الموضوع دمتم بود ... |
والله هذا زمن الواسطه بدون شهادة والله انا معي شهادة كلية ومعي خبرات لاكن مامعي واسطه ولي اكثر من سنتين عاطل تخيلي اني مره لقيت دوام من الساعه سبع الصباح الى 5 المساء براتب 1500 ريال طبعا بشهادتي الموقرة ووين الدوام فيه في عماره بلاه هذا طموح شاب جامعي انا معك الواحد يرضى بالقليل وكلمة طموح معناها في كلامي التخصص يعني الحين تدرس تخصص ويوضفونك في مكان عكس تخصصك هذا اذا توظفت وكثير جدا جدا ناس اعرفهم جامعيين نفس الشي يعني في الاخير وش فايدة تخصصي اللي ادرسه وفيه تخلف بعض المسؤولين عن التوظيف وقصة أخوي راكان خير دليل .......... وبعدين الحين والله العظيم اني اذا دخلت بعض الدوائر الحكومية القى شيبان مدري كيف وصلو لدوام من كبر العمر والله العظيم حتى ما يعطي العمل المطلوب اذكر على طاري الموضوع كان اخوي مراجع لاحد الدوائر الحكومية ولقى شايب موظف قال ابي اسم كذا وكذا وكذا المهم الشايب فتح الدفتر وقعد يدور ولا يعرف يدور يقول احسبه نام يقول قلت له عمي اتركني ادور يقول وماقعدت دقيقه الا وانا مخلص الموضوع بنفسي يعني وش فايدة الشياب ياخي عطو الشباب فرصة لا واذا تقاعدوا زعلو قالو ليه يقاعدونا وحنا أصحاب خبرة اي خبره واللي يرحم والديك هذي مو خبره هذي خبله اتمنى التوفيق للجميع واعذريني دلع الامارات على الاطاله بس الموضوع حركني شوي |
فعـــــــلا الواسطهـ تلعب دووووور كبيــــــر وهي الاسـاس اصلا لا وحتى لوكانت عندك مؤهلات من شهادات وغيره يعجزونك بالخبره ياعمي لو عندي خبره لييش اجي عندك يكفي قبل الوظيفه معاناه الطلاب الي يقدمون عالجامعه اذا كان عندك واسطه تدخل حتى لوكانت نسبته منخفضة جدااا على العكس تماما طالب نسبه عاليه جداا 95% بس ماعنده واسطه مايحلم بالجامعهـ يعطيك العافيهـ عالموضوووع الي اعتبر طريقه مسدود ومالهـ حل .. |
شي طبيعي صارت الشهاده مطلب أساسي لأن الدنيا تطورت والأعمال صارت تعتمد بشكل كبير على أجهزه الكمبيوتر ولازم الشخص يكون عنده مهارات في الحاسب ويكون عنده لغه لذلك صارت الدورات وشهادات الأنجليزي والـ ICDL هي الأنسب انا من وجهت نظري المتواضعه أن كثره أعداد المتخرجين سببو زحمه وصارت الشركات تطلب الأفضل لأنهم راح يلقون اللي يبونه الدنيا صارت صعبه .. مو مثل أول الواحد بشهاده الثانويه يصير ضابط لازم نتأقلم ونتعود على هالوضع .. والعلم نور للأنسان بغض النظر عن الشهاده أنصح كل شخص في فتره الصيف سواء كان يدرس في الجامعه أو الثانويه انصحه يأخذ دوره انجليزي حتى لو انه يفهم لازم يكون عنده شهاده وأثبات + دورة ICDL خصوصا ان هالدوره معتمده دوليا ومعتمده من التعليم الفني والتدريب المهني وهذي الشهاده قويه الفتره هذي |
ما شاء الله !! أمداك طلعتي من الأربعين :D الله يحفظ ذريتك و يصلحها !! أما عن الموضوع : الشهادة شيء لابد منهفي هذا الزمن و لكن فيه ناس مشت و عاشت و بالواسطة !! لكن ما راح نقول إلا حسبي الله و نعم الوكيل |
أم وصايف كاتبة موضوع وهي بالأربعين ؟!! بالنفاس ولها خلق تكتب موضوع عن الشهادة .. روحوا غيري لبنيتك .. ولاتعودين تخلين كل شي على الشغاله .. ( يتطمن على مرت ولدة ) :naughty: صحيح الشهادة مهمه .. بس هالمثل يكون أجمل واصح في ( معاك قرش تسوى قرش .. مامعاك قرش ماتسوى ) أو معاك بيزة تسوى بيزة .. مامعك بيزه .. ماتسوى أول الشهادة ترز راعيها .. الحين ناس تسمع كلامهم ماتصدق انهم طلعوا من الإبتدائي !! مع إحترامي لجميع المراحل الدراسيه ياما نشوف معلمات ومعهم شهادات .. وهم اوقح ماخلق الله .. ولسانهم قبيح .. بعضهم اصحاب الشهادات البسيطة بالنسبة للشهادات العليا .. يعتبرون البكالوريس شهادة :razz:.. وتصير معلمة :yes:.. وهي أكثر من يحتاج للتعليم :naughty:.. خصوصا الأدب .. يمكن الأدب الأنجليزي مو كافي .. الأدب البيتي اهم واظمن للتربية والتعليمs60s شطحت .. صح ؟ دلوعة .. عليك بال( حلب ) وال( الرشاد ) وال ( حلتيته ) طيلة هالأربعين يوم :d ولاتعتمدين على الشغاله .. نبي البنت سليمة وأخبار العروسه ؟ ماودك تدفين لنا صورة ثانيه جديدة وتخلينها توقيع .. خلاص غيري توقيعك والحي ابقى من الميت :yes: تقبلي مرور اخوك الصغير ابو طلال s13s |
الخبرة هي اهم من الشهادة في كل الاعمال والدليل على اكبر شركات الولايات المتحدة الان تعتمد على الخبرة وبالنسبة لي انا في مكان عملي مديري يحمل الشهاده الابتدائية وافضل بكثير من جامعي اضطر انه يستقيل الامارات السعودية الكويت وباقي دول الخليج تعتمد على الخبرة + الواسطة = وظيفة في مكان مرموق |
مرحبا .. دلع:smilie47: .. كيفك وكيف الكتكوته :smilie47:.. من ناحية الشهادات .. هي أمر ضروري ومهم .. فنحن نتعلم لأنفسنا , لنرتقي بعقولنا وفكرنا لا لنحصل على وظائف فقط ,, أي نعم هذا حق مشروع ولكنه يبقى سبب من أسباب تعلمينا .. بما أني معلمة , مشكلتي مع طالباتي دائماً , أنهن لا يكترثن للتعليم معللين ذلك بقولهم ((مافيه وظايف وشوله ندرس , آخرتها بنتزوج وبنقعد بالبيت:surprised:)) لا والأدهى والأمر عندما تقول الطالبه ذلك على لسان والديها :bigeek:!! فبدلاً من أن يشجعانها , أجدهما يقتلان الأمل فيها بهذه الكلمات التي لا يجب أن تنطق على لسان أشخاص عقلاء ذو فكر وعلم ودراية بالأمور .. فحتى وأن تأخر التعيين من الدولة(في مجال التعليم) لا بد من ممارسة العمل في أماكن أخرى لنيل الخبره, التي من شأنها أن تجعل الشخص مستحق للوظيفة أكثر من غيره .. ختاماً علينا أن ننمي حب التعلم والمعرفه في مجتمعنا للوصول لأقصى درجات النجاح ونيل الشهادات .. ولنتذكر .. ومها طال الزمن أو قصر بنا , سنصل لمبتغانا و سنحصل على الوظائف التي نستحقها .. واجبـــــــــنا الإلحاح بالدعاء فالواهب والرازق في السماء .. كل الأماني لك يا غاليه بحياة معطرة بأجمل احاسيس ليز .. |
وعليكم السلام ورحمـة الله وبركاته اهلين اختي :smilie47: dal3_uae :smilie47: طلعتي من الاربعين ولا باقي :d حمد لله على سلامتك :razz: كيفك وكيف البنووتــة :smilie47::smilie47::smilie47::smilie47: المهم ندخل في موضوعك بصراحه الي عنده شهادة او لا .. سيم سيم :d:d اهم حاجه يكون عندك واسطـة :yes: وراح تتعينين وتلقين لك وظيفــة اعرف مديرات بنوك اذا كثروا خذوا شهادات جامعية :surprised: مو شرط الشهادة .. dal3_uae الله يعطيك العافية وتحضرين حفل تخرج وصايف :smilie47: :d |
إقتباس:
منور بوجودك ... صدقني يا راكان ... صح الواسطه تغلب ع الشهاده ... لكن في الايام اللي بتي الشهاده بتكون اهم والله يوفقك يا راكان تحياتي لك لا تحرمنا من طلتك إقتباس:
مسموح يا سيد الملوك ... ومرحبا الساع فيك بموضوع ولا تحرمنا من طلتك .. للأسف انه اللي عنده واسطة مسيطرين ع الوضع ... لكن الايام اللي بتي كفيله انها تغير شي ... وانا ما ادري عنكم ... لكن عندنا في الامارات ... والله لو درو شيوخنا عن الواسطات بيشلون ... الموظف ويا اللي وظف الريال ... وبيفنشونه ... حتى لو كان وزير ... وشكرا ع مرورك |
إقتباس:
الله يعافيك ... الموضوع ما بينحل صح ... لكن الواحد يحث البقية على انهم ياخذون شهادات ... لانه الزمن بيتغير ... والناس بعد بتتغير ... انا وانته مب مثل بعض ... باجر بييك واحد بيقولك ... عندك شهاده وله لا ... عندك خبرات وله لا ... فالواحد يسعى من الحين .. وكل شي له حل ان شاء الله ... همسه لك : لا تقل يا رب عندي هم كبير ... بل قل يا هم عندي رب كبير :) شكرا لك إقتباس:
مرحبا الساع ... يا سكاي حياك الله ... منور صح كلامك ... الواحد لازم من الحين ياخذ شهادات عشان المستقبل شكرا |
هالحين انتي جايه تخربين على طلابنا جو المذاكره :d ترا باقي ما اختبروا :D وهاده بنتج وياييه عندنا شحقه :D ************** يا معك شهادة كبيره .. او دور لك مهنه او شغله افضل لك <<=====@ قاعدتي في الحياه :D الا تعالي .. وش صار على زواج بنتج .. تراي للحين مستعد اشهد :D يعطيكِ العافيه ورده |
إقتباس:
البنوته راقده وكتبت لكم :d ويحفظك يا رب ويخليك لأهلك .. :) الزمن زمن واسطات ... لكن صدقني بعدين ما شي واسطه ... عندنا كل واحد يشتغل بشهادته شكرا لك وع مرورك ... تحياتي لك ... لا تحرمنا من طلتك ... إقتباس:
البنت نايمه ... وريلي ما يخليني اعطي بنتي حق البشكارة ... كله عندي ... واذا ما اباها ... اتصل لأمي تي البيت ... وتشوفها ... تعرف اول الايام بس يوم شفت سرت بنتي ... ما قدرت البسها خفت ... اتصلت بامي ... ويت لبستها ...:d والبنت كانت نايمه وانا يالسه اكتب الموضوع ...:naughty: عادي ... الامثال تتغير ع الكلام .. وصح كلامي ... انا ما غلطت ... عندك شهاده تسوى ما عندك شهاده ما تسوى شي ... واتذكر هالمثل اللي انا مخترعتنه ... وبييك اليوم اللي بتتذكره ... :yes: ع ايام عيالنا الله يستر ... ما ادري شو بيشتغلون ... :stoned: بس قول حق ولدك يشتغل ويامن نفسه من الحين ... عشان ما يتورط بعدين ... :nono: الزمن الياي ما تعرف شو بيصير .. :smilie47: :smilie47: :smilie47: :smilie47: :smilie47: صورة البنت ... في القريب العاجل ... مب الحين ... قرعتها ع الصفر ... عشان جيه ما ابى احط صورتها فديتها الحين ... خل يطلعلها شعر وخلاف بحط صورتها في التوقيع ... :smilie47: :smilie47: :smilie47: :smilie47: :smilie47: شكرا لك يا بوطلال ع المرور ... و ولدك ما شاء الله صار مشهور ... طلال إلا الكيمرات تلحقه هااااا ...!!!!!!!!!! تحياتي لك .. |
تصدقون > الشهادهـ ما تنفع أبد هاليومين . . ! < رفيقكم متخرج من الجامعه بتقدير ممتاز مع مرتبة الشرف الأولى وجالس لا شغل ولا مشغله . ! لأنه ما عندهـ واسطه بالعربي :d الله يرزق الجميع يا رب . . شكراً على الموضوع . . |
| الوقت المعتمد في المنتدى بتوقيت جرينتش +3.
الوقت الان » 12:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd