ارجوا المشاركه مبارة للزعيم بكيتوا فيها اما فرح اوقهر
 

ارجوا من جميع الاعضاء المشاركه وتذكر مباريات سالت دموعهم لاجل الزعيم .
أبدأ بنفسي لاني صاحب الموضوع اذكر عدة مباريات اذكر المبارة الافرواسيويه بين الهلال والافريقي في الذهاب وكالعاده حرم سامي من ركلة جزاء اوضح من الشمس في رابعة النهار وسجل هدف جميل جدا ولكن الافريقي وكان بطل قارة افريقيا كسب المبارة وبحضور خمسين الف متفرج كان يضج بهم الملعب في تونس وفي الاياب وكانت المبارة في العصر وكان الملعب شبه ممتلئ الاستاد طبعا شن الهلال هجوم كاسح منذ البدايه واستطاع تسجيل الهدف الاول ومن ثم تعادل الافريقي وفي الدقايق الاخير ه يسجل مدافع الهلال السابق حسن النمشان هدف ويحتسب الحكم الاماراتي سيئ الذكر علي بوجسيم وقت بدل ضايع حوالي خمس دقايق مدري على ايش وفي الوقت بدل الضايع يسجل الافريقي الهدف الثاني وعندها بكيت بحرقه انا واخي الاكبر والله جلست في البيت حوالي 3 ايام كعزا لا اطلع ولا اكل الا اليسير .
المباره الثانيه مع النصر في نصف نهائي كأس الاتحاد السعودي الهلال يفتقد لحوالي 9 لاعبين مع المنتخب كالعاده الوحيد المشهور كان الغشيان الهلال سيطر سيطره شبه كامله اذكر الحارس تركي العواد لم يشاهد الا مره واحده وهي عندما تسبب في ركلة الجزاء التي سجل منها النصر هدفه اليتيم وبعدها شف انواع التضييع للوقت واللعب بخطة 11 _ 0 _ 0 ووالله يالغشيان سوا العمايل ولقا له انواع التكسير امام مراى الحكم ولاحياة لمن تنادي وبعد اطلاق الحكم صافرة النهايه دخلت في نوبه هستيريه من البكاء ليس لاجل البطوله فالبطوله لاتستحق ولكن ان يلعب الهلال على باب واحد من البدايه الى النهايه ومن ثم يخرج من المولد بلا حمص هذا اللي قاهرني واللي قاهرني اكثر ابوي الله يطول في عمره نصراوي صميم وجالس يضحك علي من قلب ويقول خلاص بكره لاتروح المدرسه لاجل ضروفك النفسيه .
المبارة الاخيره طبعا المبارة التي ابكت الملايين من الشعب الهلالي اكيد عرفتوها مباراة سامي والشباب النهائي الاشهر في الملاعب العربيه نهائي القرن مباراة جميع اللاعبين من الفريقين دوليين الا حوالي 3 لعيبه سامي يصول ويجول يسدد الكره من منتصف الملعب( والله وانا جالس اكتب الحين انه كاش جلدي ) من هذيك القنبله المرسوله من القلب كما قال البكر من لم يبكي من الهلاليين بعد الهدف ماعنده سالفه وسلامتكم .

مشكوووووووووووووووووووووور اخوي بيض الله وجهك على عرض الهدف وحياك اتمنى اني كنت استطيع عرضه لكن كفيت ووفيت وم منا لايذكر هذ الهدف حتى ابومتعب ملكنا الله يحفظه لوسألته لذكرك به

مشكوررررررررررررررررررررر يعطيك العافية ما قصرت يالغلاااااااااااااااااااااااااااااا

بكيت فرح بطولة الدوري هذي السنة لانها جت بدق خشوم

وبكيت حزن امام الوحدة الاماراتي

أنا بكيت من مباراة الهلال والنصر 4-4 وأنا كنت في أول جامعة وكنت مستانس وخذ لك من أنواع الحش والضحك على زملائي النصراويين ولكن عندما انتهت المباراة بالتعادل والله أني لقيت كل أنواع الاستهزاء وليتني ما علقت عليهم يوم كنا فايزين وجلست أكثر من شهر وكل من قابلني يبدأ يحش ويضحك ,,

السلام عليكم ورحمة الله وبركاتة
المباراة اللي انقهرت منها هي مباراة الهلال والنصر في كأس الأمير فيصل
أما المباراة اللي يمكن ما أنساها هي مباراة الهلال والإتحاد في الدوري هذي السنة اللي رد فيها
الزعيم الدين وبعدها فرحت فرح عارم
تقبل تحياتي أخوك: مجنون الموسيقار

نهائي كأس خادم الحرمين الشريفين الهلال والإتحاد ( الدوري حاليا ) العام يوم خسر الهلال هذا بكيت قهر


نهائي الدوري السنة هذي طبعا بكيت فرحا والله بكيت لأني تذكرت العام يوم النهائي خذوها آخر الددقايق



وزعلت طبعا بعض الاحيان ولكن هذه فعلا التي بكيت من قلب


........................................................................................

اخوي مرسى الاحزان شكرا على الاطراء الذي لا استحقه وعلى فكره انا ماحبيت اطول عليكم ولا كان ذكرت لكم عدة مباريات بكيت فيها فرحا وغبنا ولكن لم اكن احب الاطاله

بكيت فرحا في الدوري الموسم هذا لاننا دقينا خشومهم وكانت بطولة غالية جدا ..

والله شف يالغالي

انا مغترب وادرس ثانوي المهم كان وقت مباراة الهلال ووالحده الاماراتي

طبعا عندنا كان نهار ودوام وقروشه والوضع

ومدرستي اتعب وانا اقوول شديدهـ

المهم سويت فلم هندي وبل يالله فقعت لـ عيوون الزعيم ورجعت البيت وطبعاً دقو على الشايب الي لعن جدفي خخخخ

الزبده ماهمني ابوي اهم شي المباراهـ :razz:

وطالعت المباراه بعد عناَء طويل وكانت مباراهـ ترررفع الضغط الصراحه

بس لاَحظ الدمعه نزلت مب بعد نهاية المباراهـ ولا يوم سجل الوحده الهدف

الصراَحه نزلت يووم سجل التاَيب الهدف

صراَحه كان شعوور ممتزج بالحماس ومع حماس المدرجات والاعبين

بس للأسف راحت وللحين والله منب مصدق :( !!

اَاَاَاَاَاَهــ ياَشيخ :(:(

الزبده حسيت اني قلطت بالموضوع :D

الف شكررا واَسف على الاَطاله

والله انا مبارتين بكيت فيها
الهلال والنصر في كاس فيصل
الهلال والاتحاد السنه اللي راحت

واللي فرحت فيها وجننتني
الهلال والاتحاد الدوري اللي خذيناها

بدق خشوم على قولتكم

الحمدلله ماوصلت لاني ابكي عشان كورة

انقهر شوي وبالكثير 4-6 ساعات وتنتهي المشكلة

الحمدلله حب الهلال متعة في كل احواله حتى عند الخسارة ,

لكن انقهرت اكثر شي من الاتحاد السعودي , اللي كان يصدر قرارات

لعرقلة الهلال في المسابقات الاسيوية , ورئيس النادي ورجالاته قاعدين يتفرجون ....

ذكرتنا بالذي مضى ....الصراحه المباراة اللي انقهرت فيها ...نهائي الدوري....الهلال والنصر اللي خسرها الهلال ....(الله لايعيدها )....والمباراة اللي بكيت من الفرحه....اكيد نهائي الدوري....الهلال والشباب ....مباراة لاتنسى .....