|
عطونا ياناس سعره مع الصناعه ياباني ولا اوربي ولا امريكي وسعته والمحل وينه مع الوصف |
وش الافضل 40 جيجا او 60 وما هو افضل نظام الاوربي او الياباني او ايش بالضبط نبي توضيح لو سمحتو |
انا سمعت انه بــ 1970 ريااال ونظام اوروبي .. ويدين مع 5 اشرطه اختياريه |
^^^^^^^^ لا يابوي لا تصدق انا فريت نص محلات الرياض ما لقيت عرض اقل من 2000 اخر شي اشتريته من محل عالم سوني اليوم اللي في طريق المدينه ب 2149 مع يدين وشريطين وضمان سنه ونظامه اوروبي |
^^ اخيرا لقينا احد من العالميه :D s45s .. الله لا يهينك تكفى وصف المحل بالتفصيل ولو شوي على اساس بجي الرياض الخميس.. وودي اطقه من الرياض وبالنسبه لنظام اوروبي ونظام ياباني و..و .. الخ هل فيه فرق ؟ وهل الجهاز معاك مضبوط .. وهل عليه ضمان ؟ تسوي خير لو ترد لي قبل الخميس .. مشكور مقدماً .. |
انا إنشاء الله بشتريه بعد الإختبارات والله العرض رووووووووووعه واصلا الشريط الواحد بي 200 وشوي أو أقل هاذا غلي اعرفو لانو صديقي إشتراه وقلي غنو الشريط الواحد 200 وشوي وبعد مده بيقل بسو تقليدي |
طيب الاحظ محد يذكر سعة الجهاز لان الدفعة الاخيرة من سوني اللي هي ٤٠ قيقا ارخص بكثير من ٦٠ و ٨٠ وسعره رسميا ١٨٦٠ ريال حسب علمي اذا ما تغير |
فيه تنبيه بالنسبة للريجن لافلام الديفيدي والبلوراي.. الالعاب تعتبر فري ريجن يعني اي لعبة بلاي ستيشن ٣ من اي مكان بالعالم راح تشتغل على جهازك طبعا.. اما افلام الديفيدي اللي تباع في الشرق الاوسط فهي ريجن ٢ وافلام البلوراي تعتبر ريجن بي B والجهاز الثاني الوحيد اللي يتفق مع مواصفات الشرق الاوسط هو الاوروبي.. هذا بس توضيح للاخوان اللي يفكرون يشترون الجهاز من الخارج انه ينتبه للريجن اذا كان ناوي يتفرج على افلام بلوراي لانه ثلث قيمة الجهاز على قارئ البلوراي يعني حرام يكون الريجن مختلف وتنحرم من افلام البلوراي في السعودية |
طبعا لقيت عرض مغري صراحة امس في احد المحلات .... ثلاث اشرطه ( جي تي + شريطين من اختيارك + يدين ) كل هذا بـ 2400 ريال صراحة هذا افضل عرض شفته الى الان يرحم والديك وين ذا المحل بروح اشتريه تكفى طلبتك |
وانا معك انشاء الله بطقلي بواحد ومشكور على الاسعــار |
هلا والله بكاريك سوري نسيتك لاكن توني ادخل على الموضوع المحل على طريق المدينه محل عالم سوني وانت جاي من الدايري داخل على طريق المدينه بعد ثاني اشارة سيد قدام شوي تعدا محلات الكمبيوتر و يجيك على اليمين بجنب سيتي ماكس الجهاز معي زي الحلاوة ما فيه شي الاون لاين بعد زي اللوز وعليه ضمان لمدة سنة واللي شجعني اخذه عشانه من من نفس الشركة يعني وقت الضمان ما يجحدونك اما بالنسبه على صناعته ياباني ولا غيره فاللي اعرفه ان الاوروبي الافضل تسألني ليه اقولك ما ادري لأني مع الخيل يا شقرا |
مشكور اخوي بصراحة افضل عرض قد سمعة به.... |
ياشباب انا سألت كذا محل ببريدة اليوم يقولون ب 2100 مع يدين اصليات وشريطين مع الجهاز يعني مو من اختيارك .... وسألت اكسترا ب 1799 معه شريطين مع الجهاز بس ماني متأكد هو يدين ولا يد وحدة .... ياشباب وشرايكم افكر اشتريه من الامارات يقولون ارخص ياليت اللي عنده خلفية عنهن هناك يعلمنا ويدلنا على المحل .... |
ياشباب انا بشتري ان شاء الله السوني بعد الاختبارات........................... ياليت واحد يقولي كل شي عن السوني ................وانا ان شاء الله بشتريه من عالم سوني .......وش العروض اللي تجي معه..........وهل الأشرطه اللي تجي معه باختياري ولا مع السوني وآسف على الإطالة وتقبلوا تحياتي |
الله يعطيك العافيه على التنويه بــــــــــس انا اقول ماعقب ps2 |
| الوقت المعتمد في المنتدى بتوقيت جرينتش +3.
الوقت الان » 06:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd