السلام عليكم



سمعنا انه في مفاوضات هلاليه جاده لجلب اللاعب العالمي الأرجنتيني بابلو ايمار

طبعاّ هذه اللاعب غني عن التعريف

والأمير عبد الرحمن بن مساعد ماقصر يبغى يفرح الجمهور بلاعب عالمي

لكن أولاّ على حسب ماسمعت انه ايمار عنده اصابه في الظهر

ثانياّ يقول المثل لو فيه الخير ما رماه الطير يعني لاعب انتهى فنياّ لأنه لو كان عنده فائده فنيه

كانت الأنديه الأوروبيه أخذته.

ثالثاّ وهو الأهم

اللاعبون العالميون الي يحضرون للسعوديه اثبتوا فشلهم في كثير من المناسبات

على سبيل المثال

دونادوني لعب للإتحاد ولم يقدم لهم شيء يذكر

بيبتو لعب للإتحاد ولم يقدم لهم شيء يذكر

دنيلسون لعب مع النصر ولم يقدم لهم شيء

تظل الحاله الإستثنائيه ريفالينو وطبعاّ هذه الكلام قديماّ يختلف عن الوضع الحالي بإختلاف الأزمان

ايمار كذلك سينضم للقائمه الي فوق

اضف الى ذلك انه اللاعب لن يقدم مجهود لأنه سيلعب بسمعته فقط وشهرته تفوق الهلال مئات المرات


وعموماّ أي لاعب عالمي يأتي للسعوديه تكون مراحله كالتالي:



1-أول مايجي للسعوديه يقول السعوديه بلد جميل وشاهدتهم بكأس العالم وأذكر مشاركتي ضد الهلال

مع فالنسيا في اعتزال يوسف الثنيان ووكيف ابهرتني الجماهير الزرقاء<<والله من الفقش :d

2-لما يلعب اول مبارياته مع الهلال يقول الدوري السعودي صعب وليس كما تووقعته واحتاج وقت حتى أتأقلم.

3-اجازاته كثيره وسط الدوري كحال دينليسون مع النصر.

4-الهلال لم يستفد فنياّ من ايمار فيقرر الغاء عقده وتحمل العقد الجزائي الكبير.

5- اللاعب يغادر السعوديه ويهاجم الهلال والسعوديه في أشهر الصحف الأرجنتينيه

6-بعد شهرين من الغاء عقده تقرأ في الأخبار ان اللاعب ايمار رافع شكوى للفيفا على اداره الهلال

بسبب الرواتب أو اي شيء آخر.

7-طبعاّ اللاعب عشانه عالمي وسمعته معروفه سيكسب القضيه والهلال يدفع التعويضات.

8-انتهت قصه اللاعب ايمار بعد ما الهلال أخذ درس انه مستحيل في المستقبل يجلبون لاعب عالمي.

9-طبعاّ هذه المراحل ماقلتها من باب التكهن او من هذه القبيل لكن قلتها بسبب تجارب مماثله سابقه للاعبين عالميين.



طيب ليييييييييييييه كل وجع هالرأس من اللاعب العالمي

أنا في رأيي ندور لاعبين مضمون مستواهم ويكون لهم طموح ان يحترفوا من بوابه الهلال كما حصل

مع تفاريس جبناه بالآف الدولارات والآن يسوى بالملايين

أما نجيب لاعب عالمي ماله طموح فهذه راح تضر الهلال أكثر من أن تفيده

لذلك أرجوا من الأمير عبد الرحمن بن مساعد

أن يعدل عن فكره احضار لاعب عالمي لأنه لن يفيد الهلال واللاعب سيلعب بسمعته فقط الي تفوق الهلال والدوري السعودي

ونشكر الأمير عبد الرحمن بن مساعد ان يريد ان يفرح الجماهير بمثل هذه التعاقدات

لكن لوفكرنا فيها بهدوء وعقلانيه سنجد أن وجود اللاعب العالمي في السعوديه لن يجدي نفعاّ

والشواهد كثيره وآخرها دنيلسون.

مو ايمار في مطار الملك خالد ينتظر اشاره




خذها بالعقل ناس ماقدرو يجددو مع تفاريس


بيجبون ايمار

بالله ياخوي انت مصدق ؟؟؟:upset::upset::upset:


ياخي هذا ايمار بالله تبيه يجي للهلال ؟؟؟ هذا لعب في كوبا امريكا 2007 وتبيه يجي للهلال ؟؟؟


هذا يبي اندية كبيرة يعني اندية اوروبية مو اندية سعودية


على العموم مشكور

ايمار لاعب كبير وما يختلف عليه احد بس ما نبغى نجيب لاعب سمعته اكبر من النادي ..

وبالاخير النادي لو يجيب فيها لاعبين محليين بسعر راتب ايمار و عقده نجيب لنا 5 لاعبين مثل مالك وعبده عطيف وحسن معاذ و محترف اجنبي زي العالم والناس ..

وبالاخير شكرا على طرحك الموضوع ..

الوافي001

ياشباب هي من ناحيه صعبه فهي ليست صعبه

كل شيء يجي بالفلوس

ولا من كان يصدق أن دنيلسون احد اللاعبين الي فازوا بكأس العالم يلعب مع النصر.

والله ما يصلح مو شرط يكون الاعب اللي نجيبه مشهور او لاعب عالمي
اهم شيء يكون لاعب بمعنى الكلمة ولنا في تفاريس عبرة

في مثل شعبي يقول :

( كسر شداده وارنبة في الهشيمه )

انت خله يجي هالحين وبعدين انتقده ... والتفائل زين .

انا اقول نجيب ادريان موتو افضل منه

شكرا على الطرح

ايمار لاعب اصاباته كثيرة

والصراحة اتمنى نتعاقد مع لاعب آخر يفيد الفريق اكثر

نبي لاعب يلعب مهاجم ووسط

يا شباب مين قال إن إيمار راح يأتي للهلال


الآن بعد ما هبط فريقه إلى الدرجة الثانية , كثير من الأندية
الأوربية ( لن أقول الكبرى ) بل الأندية المتوسطه
تريده هو و مواطنه ميلتو .

و أخر الأخبار تشير أن إيمار سيوقع عقد مع نادي لاتسيو الإيطالي .