|
كبسة مكرونه بالدجاج سهله جدااا اول شي بسم الله الرحمن الرحيم ثاني شي كيف الحال ان شالله تكونون كلكم باتم صحه وعافيه وكل شي كوويس :) المهم ندخل بالطبخه وماطوول عليكم .. انا فكرت باحساس المغتربين .. ومشاعرهم .. وجوعهم .. وانهم ملو من اكل المطاعم .. وانهم بعيد عن اهلهم.. :cry: وقلت اعلمكم طبخه ماااااااااره سهله تجمع عبق الماضي والكبسه والباستا ملاحظه ترا انا بوصف الطبخه بالوصف المممل لانو في ناس مايدبرون شي بالمطبخ وعشان كذا انا مقدره ظروفهم واوصف لهم بكل دقه.. اول شي تجيبون الباستا القصيره الي اسمها ELBO MACARONI وتسلقونها بمويه لمده تترواح بين 7 الى 10 دقايق تلاقون مكتوب على الكرتونه كم دقيقه بالظبط بس انتبهو لازم تسخنون المويه اول قبل تحطون المكرونه وتحطون مع المويه ملعقه زيت وملح عشان ماتتلزق المكرونه ولما يخلص الوقت تبون تصفون المويه منها حطو مويه بارد شووي عشان لا يتلزقو ببعض وخلوها على جنب نجي للدجاج جيبوه BONELESS BREASTS اسهل بالاستخدام بكثير لانه بدون جلد ولا عظم تجيبونه وتقطوون الدجاج مره صغير . وبعدين جيبو بصله وفلفل اخضر وجزر البصله قطعوها صغير., واذا مالكم خلق تقطعون ولا تبون دموع وخرابيط جيبو فرامة بصل بس لا تفرمونه مره افرموه شوي بس . والفلفل الاخضر قطعوها حسب الرغبه بس الافضل نوعا ما يكون صغير والجزر قطعوه طويل او على كيفكم . الحين جيبو قدر وحطو زيت شووي ولما يحمى حطو البصل اول شي بعدين لما يبدا يتغير لونه حطوو الدجاج وحركوهم سواا وحطو بهار على الدجاج وحركوه, الدجاج ماراح ياخذ وقت للطبخ كل ماصغر حجمه قل وقت الطبخ . وبعدين حطو الفلفل الاخضر وبعدين الجزر وحركووهم سوااا بعدين حطو ملعقة صلصة طماطم ومويه لا تكثرون مويه مو تغرقونها حطو شووي وحركووهم سواا وبعدين حطو ملح لا تنسونه( عاد انتم ذوقو وشوفو يبيله بهار زود ولا ملح وكذا ) وغطووه شووي يعني 10 دقايق مو كثيرر الين تحسون ان الدجاج استوا وان الصلصه سمكت وبعدين حطو المكرونه فوقهم وحركوهم سووا . وبالهناء والشفاااء.. ترا الطبخه سهله و انا اول مره اكتب بمنتدى بهدف خدمة البشريه.. .. الخ فعطوني خلاصة تجاربكم عشان اعرف اكمل بالمهمه ولا اعتزل احسن ولا تنسون دعاء الاكل سبحانك اللهم وبحمدك عدد خلقك ورضا نفسك وزنة عرشك ومداد كلماتك |
مشكوره اختي وانا ان شاءالله أجربها بس اتقضى اول :) لأني فعلا ما افهم بالطبخ اي شي |
ههههههههههههههههههههههههه بس اما كبسة مكروونه اول مره اسمع فيها :D بس يلا انتي تعرفين بالطبخ اكثر مني ههههههههه انا حدي حلى :) :) :) |
يعطيك العافيه اختي انا والله توني واصل نيوزيلاندا لي شهرين تقريبا ومااااااااااعرف اطبخ ابداااااا حتى الشاهي توني اعرفه اصلحه . الوضع مزري للغايه بس ياليت اذا تعرفين طبخه حلوه واسهل من هذي لاني امتلى بطني من المطاعم وبيض وجبن حتى البيض يحترق بعض الايام شكرا على الموضوع |
العفوو SA IN AU جربها وحتاكل صوابعك وراها... :) دلووعه.. هذي سر المهنه :wink2: ان نجمع تراث الماضي وعبق الحاضر ومواكبت التطور والي يحب النبي يسئف:clap: ودي احط كلمة عبق وبسس جازت لي . tha best =15 حمد الله على سلامتك وان شالله تكون اقامتك هناك حلوه وتتكيف بسرعه مع الوضع هناك واذا احتجت اي استفسار او خدمه انا حاضره وجرب هذي تراهاسهله واذا تبي نبسطها اكثررر خليها على مكرونه بسس ولا تحط دجاج كذا صارت مره سهله او ممكن ماتحط خضار كمان >وش بقى< خليها قررعه بس عاد البصل احس لازم وبس |
اووخس والله http://tnsem.net/vb/images/smilies/tnsem-s/33.gif كفوو والله يابنت الاَجواد !! تراث اجدادنا + الاكل الايطالي = اطلق شي بالعالم :d فكيتي ازمه اَلصراَحه http://tnsem.net/vb/images/smilies/tnsem-s/33.gif وشكرراً |
سبحانك اللهم وبحمدك عدد خلقك ورضا نفسك وزنة عرشك ومداد كلماتك |
يعطيك العافيه من جد محتاجين زي هذي الطبخات في ظل الجهل التام بالطبخ |
الله يجزااك الف خير اختي والله لا يحرمك الاجر ان شاءالله والله يخليك لهلك |
ههههههههههههههههههههههههههههههههههههههه عليييييييييييييييييييييييييك يازينك |
الله يعطيك الف عافيه وجاري التجربه بس لو فيه صوور يكون افضل .. من العجز قريت الموضوع على ثلاث اجزاء كل يوم جزء :)احولت عيوني وياليت الكبسه بالدجاج المحمر مع الكشنه << الكنشه هذي لحالها :) الله لايهيينكم |
إقتباس:
بس انا كان قصدي اجيبها بالتفصيل المممل للي مايدبرون شي بالطبخ . وبجرب المره الجايه تكون بالصور |
إقتباس:
اثلجت صدري بهذا الدعااء ولك مثله يارب |
ههههههههههههههههههههههههههه انا جايه اتعلم معهم للاسف مااعرف شيء يسلمووووو حبيبتي ع الطبخه |
اختي انا عندي اضافه على المكرونه الي هي نفس الشي لاكن حطي الدجاج مع البصل و الفلفل البارد طبعا يفضل تحطين حبه ماجي و تغنيك عن الملح و اذا شفتي الدجاج استوى حطي عليه ملعقتين صلصه طماط و ملعقتين صلصه بيضا تلقينها في السوبرمارك عند الصلصله العاديه و حطي عليهم المكرونه و حركي زين لين تشوفين انها اختلطت و تشيلينها من النار على طول بعدها تجيبين الموزاريلا المبشوره على قد مسكه يدك وتحطينها على المكرونه تخلطين لين تختفي الجبنه هذي ابتكارات المبتعثين اهم شي زي ما قلتي صدور الدجاج الي بدون عظم و جلد و بالهنا و الشفا |
| الوقت المعتمد في المنتدى بتوقيت جرينتش +3.
الوقت الان » 01:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd