انا من الوالد متعصب هلالي وجدي نصراوي

مدري وشلون طلعت بس الحمدلله اني طلعت على ابوي

من طلعت عالدنيا وابوي هلالي معتدل ومحب للهلال ...

كان ياخذني لنهائيات الهلال بالرياض نسافر علشان الهلال من القصيم ...

وشجعت الهلال كان اول نهائي الي جابه ابو يعقوب الله يسعد في البطولة العربية في استاد الملك فهد

وكذلك (( سامي الجابر)) حبيبي .... والله هو اللاعب الي حببني ايضا بالهلال

كنت اروح المدرسة وانا لابس فانيلة رقم 9 واقول لهم انا سامي (( بالإبتدائي ))

وكنت لعيييييييب ومهاجم ... واقلد حركات سامي ....

الله يجزي ابوي ... والاسطورة الآسيويـــة سامي الجابر كل خير ...

والله يعزالهلال(( نادي الاخلاق والابداع )) نادي مافيه لاغل ولاحقد ولاوصاخة

ااه بس والله النية الطيبة مطية وسبب من اسباب انتصاراتنا وزعامتنا

رجولــــــــــــــــــــــــــة .. النعيمــــــــة
ومثاليــــــــــــــــــــــــة.. المصيبيح
ومهــــــــــــــــــــــارة .. الثنيان
نهائيــــــــــــــــــــــــات.. ســــــــــــــــــــامي
والأن .. ياسر ويعيني على ياسر

/****************************************/

من اسمي تعرف الجواب

/****************************************/

انا الحمد لله العائلة الكريم كلهم هلالين

والله اعلم كيف كان عشق للأزرق من الطفولة من يوم انا وعيت الدنيا وانا ما اعرف الى الهلال

تصدقون حتى انا كيف شجعت الهلال وليه انجذبت له واتخيل نفسي لو اني مشجع نادي ثاني

كيف يكون تفكير الله اعلم امكن اتحلم بالبطولات اللي ماتتحقق

لا الحمد لله هذه من فضل الله ثم جهود اعضاء شرف الهلالين اللي يحبون يسعدون الجماهير

ولله أنامن عرفت نفسي وناأشجع الهلال والفضل يعودلله ثم والدي الله يطول عمره
طبعن والدي كان حارس في نادي الهلال لمده قصيره أربع شهوروترك الهلال وتوضف في العسكريه

على الفطره بسم الله علي :D


-------------------------

مــا أدري كيــف ..!

من يــوم إني طلعت على الدنيــا وقلبي متعلق مع هل النــادي

والله قــاعد أدور السبب ماني عــارف شنو هـو..

بس نــادي مثل الهلال من يوم تطلع على الدنيــا وهو يحقق بطولات
أكيــد راح تتعلق فيه ..


مـو مثــل النــادي الجـار الله لا يبلانــا ...

بصراحه ماكنت أتابع الهلال كثر مااتابعه الان
ولا مباراة فاتتني هذا الموسم الا مبارة ( نجران ) + شوط واحد فقط وهو مباراة الحزم الي أنتهت 1 - 0 سجله ليلو ..
وكان احد الاقرباء متوفي ( الله يرحمه ان شاء الله ) .. والحمدلله لحقت على الشوط الثاني ..
وبعدها قعدت وكان بجنبي طاولة ..
تعرف أني جالس أضرب فيها كل ماطلعوها بره الطوالة تنضرب :)
واخر المبارة سجل ليلو .. وبعدها أشوف يدي ( اشوفها في موقف لايحسد عليه ) ..
ومن ثم فرحت بهدف ليلو ... <<< وش تبي انت :d

..


كنت أول باليل انا بالبيت واناصغير يمكن عمري 8 سنوات ..
ااناظر الهلال والمعلق ناصر الاحمد ياحبي له ( قديماً ) لكن الان لا ..
وبصراحه شفت أهداف روعه لـ نواف مثل النهائي الي على الاهلي ..
العقل السليم في تشجيع الزعيم أما أنا فقول العقل السليم في هدف لاعب الزعيم :naughty:
واكثر سبب خلاني هلالي <<< مدري والله بضبط هذا الي أتذكره:stoned:






عوافي أوخوي على الموضوع




:)

صدقوني من يوم انا صغير قبل ازمة الخليج...... من حبي لهلال كنت اشجع منتخب الكويت على منتخب السعودية لانه لونه ازرق
الله ايام يوم كنا نصلح اعلام الهلال بالسطح.....
يوم بالسيكل انا وخوي رحنا نشتري شريط يوسف الثنيان
اعتقد انا هناك جينات في الجسم جينات تحب الزعامه

والله السالفه وراثيه نوعاً ما ....

الوالد الله يحفظه (( هــــــــلالي حد الجنون )) :)

ومن طلعت على الدنيا وهو ماغير الهلال والهلال ... وشجعته معه
والحين كل العايله والأهل هلااااااااااااااااليين حد الجنون
وبعد عشان ولد عمي نواف << يستاهل الغلا أبن أخي

مشكووووووور اخوي على موضوعك

اسرتنا الكبيرة كلها هلاليين
وهم عشقوا الهلال بالفطرة السليمة
مثل ما تحب الخير والقيم والمثل وكل الطيبات اللي في الدنيا تحب ايضا الهلال
وحنا اسرتنا عاشت ولا تزال على الفطرة السليمة وتعشق الهلال !!
هذه كل الحكاية !!

أنا من عائلة هلالية متعصبة جداً جداً فغصب عني احب الهلال
واول مباراة حضرتها للهلال مع ابوي الله يطول عمره مباراة الرائد اللي انتهت 8
واللهم لك الحمد اني اخترت الهلال فهو مشرفني دائماً
عوافي اخوي على الموضوع الممتع

يا حبي للهلال الهلال ياخي فاك لي ازمات كل شئ يمكن يقفل بوجهك الا الهلال الله يديم عليه ان شاء الله