الجزيرة الرياضية ][ كل ما يخص القناة .. تجديد - اشتراك - ارقام الموزعين - شكل البطاقة ][ كل ما يخص الجزيرة هنا ][ فقدان الإشارة رد 67 - صفحة رقم 17 - نادي الهلال السعودي - شبكة الزعيم

(911) · #241 04/06/2008, 07:52 PM

الحمد لله على كل حال...

اتصلت اليوم على فرع لينقو العلي أسأل عن بطاقات جديدة قالوا ...

يوجد بطاقات جديدة

قلت أكيد !!!!!!

قال نعم لكن إلحق عليها تراها شويه

ويوم وصلت لهم لقيت قدامي طابور من 20 شخص

واسمع مدير الفرع يقول :

ماعندي إلا 100 بطاقة

يا ابن الحلال مايصير 100 بطاقة وش تسوي ... حي واحد من أحياء الرياض يحتاج 100 بطاقة

قال : أنا طلبت 1000 ( ألف ) بطاقة وما جاني إلا 100

عموما هذا اللي صار معي

شريت وحدة الحمد لله

واللي يبي رقم الفرع يستلم 012169150

لكن مدير الفرع يقول أنه خلال أسبوع بتجي بطاقات جديدة

تحليل : قناة الجزيرة تعاني من مشكلة قلة عدد البطاقات الجديدة مقارنة

بعدد البطاقات التي قطعت الإشارة وهذا ما سبب هذه الاشكالية

تحياتي

TV هلالي · #242 04/06/2008, 09:21 PM

اكبر حرامية لونقووو
القائمين على الشركة حضارمة
وتركوا الحبل على الغارب
الكل يعلب بذيله
وحنا مساكين صار الاجنبي هو يمسك قرارنا حتى في ابسط الاشياء
هل من المعقول ان يتضاعف سعر البطاقة الى الضعفين
لا يمكن
لكن ما نقول الا حسبي الله عليهم
الان موزع لشركة لونقو معتمد وموجود اسمه ضمن القائمة التي اعلنت الجزيرة
عنه وتجده يبيع البطاقة بـ 300 ريال
اين الصدق والامانة والمحاسبة

ابوعلي(955) · #243 04/06/2008, 09:21 PM

ياليت تساعدوني انا عندي اشتراك قناة الجزيره ومشترك فيها قبل 4 شهور تقريبا وجايبها من الوكيل المعتمد من قطر الغريبه انها انقطعت ومدري وش السبب ومليت وانا ادق عليهم ومافيه فايده
اللي يعرف كيفية تحديث الاشاره ياليت يعلمنا وشلون؟؟

A.R.33 · #244 05/06/2008, 11:33 AM

الموضوع باين من العنوان

الله لا يهينكم ابي رقم موزعين الجزيرة بالرياض

الحقوا على حبيبكم ابو عبد الله ترى ما بقى شي

A.R.33 · #245 05/06/2008, 11:37 AM

هوو يالله وينكم ولا واحد رد

...........................
............
...

A.R.33 · #246 05/06/2008, 11:41 AM

انا جالس انتظركم

.........................
................
.....

ابوجوري الهلالي · #247 05/06/2008, 11:42 AM

الآن بإمكان التجديد لجميع عملاء الجزيرة الرياضية داخل المملكة العربية السعودية عن طريق جميع معارض لينقو أو عن طريق الإتصال بالرقم الموحد 920000444
علما بأن سعر التجديد 95 ريال سعودي.
جميع البطاقات التي تبدأ ب 4016 أو 4017 هي بطاقات منتهية و قابلة للتجديد.
أما بالنسبة للبطاقات التي تبدأ ب 4020 أو 4021 فجزء منها منتهي و الجزء الآخر ما زال فعال.

في الرياض في المرسلات شارع الاتصالات وسط محلات الجوالات في فرع لينقو

والفرع الثاني شارع العليا العام بعد المملكه

وفي فرع في العزيزيه مول عند الخطوط السعوديه على طريق الملك فهد شمال

وتحياتي واتمنى اكون ساعدتك

قرقاص · #248 05/06/2008, 01:03 PM

اليوم الخميس رحت لينقو العليا لقيتهم مسكرين الباب وحاطين لوحة خلصت الأشتراكات

على ايش وكيل مدري

وبعدها رحت لشارع ابليس

لقيت ابو بنغلا مالي الدنيا واول ماتنزل من السيارة يقولك تبي بطاقة الجزيرة ب310 ريال والثاني يقول ب 350 ريال نصب عيني عينك

قلت خلها لك وزي ماشفت كاس العالم كاملة 2006 وقهرت صالح كامل لما فكيت التشفير راح ان شاء الله اشوف يورو 2008 بنفس الطريقة

ميلانيلو 2099 · #249 05/06/2008, 03:05 PM

بسم الله الرحمن الرحيم

المشكله يا زعماء هي ان الجزيره بلس قبل خمس ايام تقطع يعني إذا حطيته ما تشتغل

وارجع للمفتوحه واحط بلس3 واقعد دقيقتين بعدين تشتغل

اما يوم الثلاثاء ما اشتغلت مره

هل انتهاء الاشتراك ام ماذا مع العلم انه ما اتصلوا زي الإرتي؟

والسؤال الثاني :

انا ساكن في الشرقيه وين احصل البطايق حقت الجزيره رحت لكل المحلات قالو خلصت

ارجوا الايفاده

وشكرا

الهايم 10 · #250 05/06/2008, 03:10 PM

الاستفسار الاول : انا مثلك شكل الاشتراك يبي يخلص مع اني السنه ماخلصت انا مشترك سنه ...

الاستفسار الثاني : والله ماني من الشرقيه يالغالي ...

** اذا ممكن تفيدني يالغالي ( ودي ازين توقيع وما أعرف

)

(مـلـك الـشـوت) · #251 05/06/2008, 03:36 PM

اخوي قرقاص اسمحلي بقولك شغله
وش يضرك لو دفعت زيادة 50 ريال وخذتها من شارع ابليس

احس من كل شوي رح للوكيل اتصل عليهم وكلام طويل عريض وراح وقتك وجهدك
في اتصالات ومشاوير على الفاضي طيب وبعدين ماحصلت شيء
وكيل زي الزفت ونصابين ماعندهم ولا عند جدتي

بينما اخذتها من شارع ابليس بس قبل 14 يوم بالضبط وب 200 ريال
فرقت 50 ريال يعني استغرب من البعض الاعضاء يروح جهده علشان 50 ريال
بينما هو صرف 50 ريال في بنزين واتصالات

وطبعا الان لعبتهم مابقى الا كم يوم ووصلوا سعرها 350 ريال

بس مانقول الا الله يخلف علينا احنا دايم حقنا ضايع بين ايدي الاجانب

king_alhilal · #252 05/06/2008, 03:39 PM

إقتباس

الرسالة الأصلية كتبت بواسطة الهايم 10


	الاستفسار الاول : انا مثلك شكل الاشتراك يبي يخلص مع اني السنه ماخلصت انا مشترك سنه ... الاستفسار الثاني : والله ماني من الشرقيه يالغالي ... ** اذا ممكن تفيدني يالغالي ( ودي ازين توقيع وما أعرف )

يا حبي لك كل ما شفت أسمك دريت أنك تبي توقيع

و الله لو أعرف كان أسوي لكـ

و يا راعي الشكوى

رح أي مكتب وكيل كان يبيع الجزيره قله يرجع أشارهـ

هلالي شمر · #253 05/06/2008, 04:30 PM

إقتباس


	انا ساكن في الشرقيه وين احصل البطايق حقت الجزيره رحت لكل المحلات قالو خلصت

والله انا عندي الجزيرة وتشتغل مع زي العسل!!

رح للخبر شارع الملك فهد (الجولات) هناااك فيه محلاات باطيق بس مدري فيه ولا لا

وعندك بالرااكه في اكثر من 3 محلات عل الشاارع التجااري

بس انتبه اذا شريت البطااااقه لازم يبدأ الرقم من اليمين بـ 41 لايلخمونك البنقاااليه

عوااااافي يالغااالي

Ro7 Madrid · #254 05/06/2008, 04:40 PM

والله كلنا بالهواء سوا

............................

مالديني and كاكا · #255 05/06/2008, 04:47 PM

السؤال الاول يالغالي ان كان رقم بطاقتكيبدأ بـ(40) من (اليسار) فهذه البطاقة غير معترف فيها وسوف تقفل اما ان كانه ( 41 ) هذي هي الرسمية ارجو ان اكون قد افدتك.