|
تكفون ياجمهور الهلال دلوني على صالة الدرعية جمهور اكبر نادي في آسيا السلام عليكم ورحمة الله وبركاتة تكفون أنا ماني من الرياض بس جاي زيارة للمزاحمية وودي احظر مباراة الهلال والاهلي دلوني على الصالة ولكم تحياتي |
معروف انها بالدرعيه لكن ننتظر الوصف الدقيق من الاعضاء للرفع |
ياطويل العمر امسك طريق خريص بيجيك كبري الخليج وبيجيك اشياء كثيره بس انت امسك خريص لا تلف يمين ولا يسار لين تجيك لوحه تقول القصيم يمين ( بيوديك لطريق الملك فهد ) يعني لين يجيك طريق الملك فهد انت لا تروح يمين من عند طريق الملك فهد لا رح من فوق يسار بعدين ادخل الخدمه على طوووووول بتجيك اشاره و فيه لوحه تقول مركز الملك فهد الثقافي يمين انت ادخل مع هالإشاره يمين وبعدين امسسسسسسسسسسسسسسسسسسسسسسسسسسسسسسسك الخط لين تجيك الصاله على يسارك و بالطريق هذ1 بيجيك نفق ادخل معه وبتجيك اشارات . . انت لا تلف ولا تسوي اي شي امسك هالخط لين تجيك الصاله على يسارك . . طبعا ً مافيه دوار اذا شفت الصاله على يسارك . . فيه دوار بس مسكر .. انت امش شوي بيجيك دوار ( حرف تي ) ديور وتصير الصاله على يمينك ادخل مع البوابه اللي مكتوب عليها ( الصاله الرياضيه ) ومبروك عليك وصلت والحمد لله على السلامه اذا مافهمت شي معيّن قلي عشان ارد عليك بأسرع وقت ولا ارسل لي رساله خاصه اعطيك رقمي و اوصف لك مضبوط |
| الوقت المعتمد في المنتدى بتوقيت جرينتش +3.
الوقت الان » 11:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd