إقتباس الرسالة الأصلية كتبت بواسطة algohmani اعرف ان الخاطرة التي تأتي عن تجربه شخصية تكون اكثر صدقا وأكثر ملامسه للإحساس وحتى وإن لم يكن بهذه الخاطرة عاطفه صادقه لكن يكفي أنها كتبت لعضو عزيز جدا يشرفني ويسعدني ان الامس احساسه متمنيا ان يلتقي بصديقه وأن تزول اسباب الفراق على يد خاطرتي هذه وان حققت ذلك فهي ستكون في عيني كبيرة ...

ياجعل يسلم راسك .. والله لو اشكرك راح اكون مقصر لأن حروف الدنيا ماتكفي لشكرك
تسلم لي والله يابوعبدالله والله ان غلاك مايعلم به الا الله حتى انت بنفسك ماتدري وش كثر اعزك
ويكفيني فخر ان هالخاطره من صنع يدينك لو انها خاليه من العواطف وانا كنت متأكد قبل أقراها انها خاطره مميزه وفيها من الأحساس والعاطفه الشئ الكثير
الله يوفقك دنيا وآخره ويزقك اللي في بالك وياليت تعيينك يصير في الرياض

إقتباس الرسالة الأصلية كتبت بواسطة algohmani احساسك احساسي طلبت مني صورة الجني ولكعته بفلاش جوالي البارح قايله ابيها بسطح المكتب خخخخخخخخخ وش رايك فيه حلو تراه طيب مع اني داري ان البنات اللي يخشون الموضوع لو شافو هالصوره بيسحبون بريكات من الخوف ولاعاد بتطب وحده هنا ههههههههههههه

سكنهم مساكنهم وش هالزين ؟؟ اول مره اشوف جني مملوح وباين بصراحه من عيونه انه شاعر
شوف النظره الرومنسيه اللي تقوطر أحاسيس ومشاعر
وترانا رجاال مانخاف من الجن < احد قال لك شي طيب ؟ هههههههه

إقتباس الرسالة الأصلية كتبت بواسطة algohmani ( 1 ) خاطره على كيف ( SKY ) ( ياحبيبي )

مشاء الله تبارك الله .. صدق اللي قال ان الشعر والخواطر موهبه
قمه في الروعه والجماااال ما اقدر أوصف لك مدى سعادتي

والله لو اني ذابح ابوه ثم ارسلت له هالخاطره ليرجع وهو مايشوف الدرب

تسلم والله يابوعبدالله .. والله ونعم الرجل .. والله يقدرني على رد جمايلك مو بس عشان هالخاطره لكن جمايلك كثيره

ما شالله عليك يالقحماني .. متميز بمنتدى الجمهور وبالمجلس ..
كان عندي طلب بس لقيته بأحد ردودك اللي هي فاجأتني ..

برايفت ..

خل مشعل يقول لك سالفتها ..

إقتباس الرسالة الأصلية كتبت بواسطة عبـدالمحسـن ما شالله عليك يالقحماني .. متميز بمنتدى الجمهور وبالمجلس .. كان عندي طلب بس لقيته بأحد ردودك اللي هي فاجأتني .. برايفت .. خل مشعل يقول لك سالفتها ..

والله ياواحد صكني بعين بالجمهور ويبقالي اجيبه هنا وامحطبه بجدارن المجلس العام

ياخي كل ماكتب موضوع جديد بورقتي واجي ابي انزله اقراه يطلع بايخ وماله داعي

لا ... لا لازم اشوفلي شيخ


فآجأتني داري انها بجوالك خخخخخخخخخخخخخ الجني علمني انها بجوالك

كيف عرف مابصدق <<<<<<<<<<<< وش عندها مقدمة مجلة روتانا


بالنسبة للبرايفت عرفت السالفه وانت لازم تتزوج رضيت ولا مارضيت وان كانك متزوج لازم تتزوج وحده ثانيه واذا متزوج ثنتين لازم الثالثه واذا عندك ثلاث خذ الرابعه واذا عندك رابعه سوي قرعه وطلق وحده .

هههههههههههه تراني امزح ترا مشعل لو بيدخل تحت الأرض يعلمني

عبدالمحسن وش اللي سالفتها شكل عندك حاجه كبيرة وماتبي تقول

خواطر رائعه وتسلم يدك يالقحماني ...............................

إقتباس الرسالة الأصلية كتبت بواسطة ازرق+ابيض=عشق الهلال اقسم بالله اقف تحيه لقلمك<<<اخص وربي موضوع ممتع ياابو عبدالله قلمك لغه فاقت الجمال وربي يوفقك وتتعين

شكرا ياقلبي على الدعوه واشكرك على الإطراء وهلابك من الواحيد للمليون وعساها عاجبتك الخاطره وكانت مناسبه

إقتباس الرسالة الأصلية كتبت بواسطة الـمـشـاغـب ^ ^ هيييه يا أنت .. ترى أتكلم جد أنت ووجهك يا أخي أبي خاطرة في متضادات .. أشتاق لها وبنفس الوقت كرامتي تكون أعز عندي .. مرة أقول أنها غلطانة .. وبعدين أقول معذورة .. مرة أكرهها ومرة أحس أني أموت فيها .. ومرة أنساها ومرة يصدع راسي من كثر التفكير فيها .. فهمت قصدي الحين ؟ والا شكلك تصرف وجاحد بعدين أنا الحين اكتشفت وش سر هالقلوب اللي تسدحها دايم لي؟ أثرك فاهم أني لسه صغير يالتعبان لا أبشرك راحت عليك أنا بالجامعة وكبير ما يمديك

خخخخخخخخخخخ اكتب هذا الرد وانا بالظلمه اليوم جانا مطر قوي وضربت اسلاك الكهرباء بالمنطقه وماحصلو الا هالوقت يطفون الكعرباء

بس تصدق فرصة الجني بيجي مع الظلمه وربي لا وريك لو يجي جني حقيقي ترا بديت اخاف

وبعدين بالجامعه ها يعني ماعندك محاضره صياحيه

ابشر طلبك تم رفعه للجني وباقرب فرصه راح يوصلك واعذرني على سوء الفهم خخخخخخخخخ كذاب يبي عذر عشان يسحب بس انت نشبتله

( 8 )

خاطره على كيفي

( هذا غلاي )



وانت معي ..
تطرب بصوتك مسمعي
وانت معي ..
ياشوقي وقف مدمعي
بدلت كل شيء بحياتي
ياحياتي ..
ياغلاي ومطمعي
وانت معي
نسهر بليل الشوق
ونذوب ونقول بحنان
للشمس ... لا .. لاتطلعي
خلي المحبه دائمه
واهل المحبه هايمه
وانتي ابد .. لاتطلعي
خليكي مره نائمه
الليله غير
الليله محبوبي معاي
وإحساسي غير
وغير ياشمسي هواي
الليله انا مابي الصباح
ولا أبي همس الطيور
ما أبي وجه الرياح
ولا أبي طيب الزهور
ابي حبيبي لو يصير
الكون بعيوني ظلام
ابي حبيبي لو يسود
الكون بغيابه سلام
ابي شعور بالوطن
واحساسي بالحب والزمان
ابي مكان بهالوطن
ولا أبي غيره مكان
وهذا حبيبي يانهار
يطرب بصوته مسمعي
يوقف بشوفه مدمعي
هذا غلاي .. ومطمعي

إقتباس الرسالة الأصلية كتبت بواسطة الهاديو احبكـ يابعد روحي أحبكـ ياعبير الورد تعال ضمد جروحي محتاج شوية برد غيابكـ هدلي روحي ليه كل هذا البعد خواطر رائعة أبوعبدالله (داخل جو) إلا ليه تأخذ الجني حقي وتنشره في المجلس ،، موب قايلكـ حصري لي ،، إهداء للجني: اللي يفرقوا قلبين منهم ماعلينا شكراً الغالي ابوعبدالله وإن كنت عتبان عليكـ شوي على الجني ،، تسمح نأخذها ونحطها في الجوال لاتصدق نفسكـ أقسم رووووووووووووووووووووووووووووووووووعة تركي!!

تركي ترا من امس بغيت اعلمك ترا الجني حقك مايستحي

الجني حقي هرب متأثر بهروب الخدامات وانا رجال اشك بالجني حقك

فيا انك تجبلي جني بدال الجني حقي ياني رجال بشتكي بجنيك لمحكمة العدل الدوليه بالخرطوم هههههههههههه داري انها في لاهاي .

بعدين شوف لو بشحت كان يمديها جات ياخي وين المرثيه نزلها بالمجلس العام ياخي والله والله عاجبتني واذا انك ماتبي تنزلها عطني على الخاص او امحطبها هنا

بس يانصبه بتجيك لو ترسلها على الخاص بنزلها بإسمي


ههههههههههههههههه الجني حقي مو حقك اللي نشرته تراهم نفس الشكل بس حقك يتميلح شوي

على طاري الصوره يوم نزلتها كنت فاتح الشبكة وعلى صورة الجني طفيت الكهرباء عندنا يمكن ربع ساعه بالليل وانا لحالي بالبيت وفاتح هالموضوع على صورة الجني

قسم بالله بغيت ................ في السروال خخخخخخخخخخخخخخ

ماصدقت على الله شغلوه لا واذكر كان معاي المشاغب بالموضوع تقل بينفعني لو طلع علي جني حقيقي






شكلي بقلبها دردشه نتقابل عالماسن الساعه 12 ومنها حول اذا ماعندك اختبار

إقتباس القحماني .. وين خاطرتي؟ أكرهك أنا مررررررررة أكرهك ( فيس دلوع ) << مستعجل على الخاطرة يبي يورثك المهم .. ترى خواطرك ما شاء الله عليك كلها جميلة ورده ننتظرك .. تراك قلت أن الخاطرة جاهزة بموضوع مدري مين ... يا ويلك لو ما خليتها فاحشة

الرائع القحماني ورده

لست هنا للاشادة بقلمك

فقلمك لا يحتاج الا اشادة

بل للتطفل على موضوعك قليلا

فقد استفزني طلب المشاغب ورده وأحببت الرد عليه بهذه المحاولة

أرجو أن تكون وصلت المعنى وأن تلقى القبول لدى الجميع

أبو عبدالله

شخصيا أنا ما أحب الخواطر.. ولكني أحب مرحلة متقدمة من الخواطر وهي (القصيدة المنثورة)
واللي ماشاءالله من قراءتي لبعض خواطرك في هذا الموضوع اكتشفت أنك مبدع في نسجها بطريقة فنية هادئة

ولذلك أنا ما بأطلب خاطرة.. بأطلب قصيدة منثورة
تحكي عن محبوب القلوب أبو يعقوب اللي عجز قلمي يكتب عنه من سنين وبقي عشقه عقبة كبرى أمام قلمي


ورينا شطارتك

إقتباس الرسالة الأصلية كتبت بواسطة هلالي ثنياني أبو عبدالله شخصيا أنا ما أحب الخواطر.. ولكني أحب مرحلة متقدمة من الخواطر وهي (القصيدة المنثورة) واللي ماشاءالله من قراءتي لبعض خواطرك في هذا الموضوع اكتشفت أنك مبدع في نسجها بطريقة فنية هادئة ولذلك أنا ما بأطلب خاطرة.. بأطلب قصيدة منثورة تحكي عن محبوب القلوب أبو يعقوب اللي عجز قلمي يكتب عنه من سنين وبقي عشقه عقبة كبرى أمام قلمي ورينا شطارتك

الله الله الله ويش جابك هنا

ياقلبي انت

وربي بغيت ارسلك كسرة للثنيان من يومين بس الرصيد خذلني لكن أو عدك وعد ان قدرت اكتب قصيده منثوره في حبيب الملايين ونجمنا الأول يوسف الثنيان اني احطها هنا وانت تامرنا أمر ياخالد

يوسف الثنيان ليس بأي لاعب ولهذا لن يكتب عن يوسف أي شخص لهذا فإن قدرت اكتبها وكانت بمستوى مقبول فأنا ماني بسهل

أصلا لو اكتب خاطره بالثنيان ياشيخ لا أنزلها بكل أقسام المنتدى احتفاء بها حتى بالمجلس العام والسعوديه والعالميه والجمهور والإسلامي والسيارات وبالذات حقين العالميه اللي يتفرجو بالأمم وليت فيها لاعب واحد مثل زيدان أو الثنيان ..


شكرا خالد على التواجد وهلابك لا تدري كم هي سعادتي بوجودك أستاذي

هذي الخاطره كتبت فجر اليوم وهي آخر ماكتبت


( 9 )


خاطرة على كيفي


( راحل )



راحل
إلى عالمي المجهول
راحل ..
بإختياري
وأنا المسئول
باخذ معي وردتك
وصورتك ..
وذكرى حب
ماتركها الحظ تبقى ..
ولا حتى أعز الناس
وأغلى الناس
راحل ..
لاتناديني تعال ..
لاتسأليني وين راحل
لاتقوليلي تحمل
أو مع قلبي تجمل
إنسي إني في حياتك
كنت عاشق
كنت اشيل الهم لجلك
كنت اتحمل جروح
بعضها للحين باقي
مانسيته وهو عيا يروح
عارف أني كنت ذاتك
وإن حبك لي كبير
بس ماتكفي المشاعر
وانت وحدك ..
في وجه تيار حاقد
وش أسوي
غير أني ابتعد
وأعلن الفرقا وأسافر
اعرف اني بجرحك
ماهو ضعف ولاهو مني انحناء
بس حظي للأسف وياك كافر
برحل لدنيا جديدة
أوعدك ..
اعيشها وحدي
بقتل الحب بفؤادي
وأوعدك ماحب غيرك
وإنتي الله يسعدك
حبي غيري
واتركيني بغربتي
مابين ليل ٍ أسهره
وصرخه تعانق دمعتي