|
ادعوا معي...يالله ياكريم يفوز الاتحاد!!! السلام عليكم ورحمة الله وبركاته... اول شي مبروك الفوز والروح والمستوى واقوى دفاع والهداف ووصيف الهداف.. ثاني شي نبغى من الاعضاء والمشجعين الكرام الدعاء للاتحاد لكي يفوز في مباراته ضد الاهلي.. اما لماذا فاليكم السبب: لانه اذا فاز الاتحاد فان الهلاليين سيتحمسون لمباراة الطائي ويضعون نصب اعينهم الفوز باكبر قدر من الاهداف لتحقيق الصداره كما حصل مع الانصار.. اما اذا تعادل الانحاد!!! فلسان حال اللاعبين في مباراة الطائي يقول: (ايه يكفينا هدف ونتصدر) وهذا مالا نريده لان التقدم بهدف غير مضمون في عالم كرة القدم (هذا اذا جاء الهدف!) اما في حالة خسارة الاتحاد فلسان حال اللاعبين يقول: (لو نتعادل تصدرنا واللي ضدنا الطائي موب صعب نتعادل معه) وايضا التعادل ليس مضمون في عالم كرة القدم (يجي هدف علينا آخر الدقايق ونروح فيها) ختاما لايسعني الا ان اقول: الله الله بالدعاء.. والسلام عليكم ورحمة الله وبركاته.. |
الله لايقوله وراح نفوز باذن الله الفريق أصبح خبير ومتمرس يعرف من أين تؤكل الكتف بس ياليتهم يخلون لاعبينا |
رح نفوز انشاء الله وباكبر نتيجه ممكنه بس قول آمين |
يفوز الاتحاد ولا ينهزم ...... نقاط مباراتنا مع الطائي انشاء الله بالمخبا طبعا مع درزن اقوال الا قول عشان نحطم رقم الاتي ونتصدر انشاء الله. |
العاشق يبدو انك ماتعرف لاعبين الهلال زين يجتهدون وقت الاجتهاد . |
ندعو ان يفوز الهلال باكبر عدد من الاهداف وبس |
... اخوي ان شاء الله بيفوز الاهلي .. ... واحنا بعد بنفوز على الطائي ونرد الهيبة وثأر كاس ولي العهد ان شاء الله . |
هلا فيك اخوي متورط.. مادام فريقنا متمرس ويعرف من وين تؤكل الكتف موب ضاره اذا فاز الاتهاد;) عزيزي هلالي حتى النهايه: آمين يارب العالمين وانشاالله نرجع ذكرى الاربعه والخمسه مع الطائي.. اخوي ازرق & ابيض: انشاالله.. اخوي ابو عبـــــــــدالله: انا اللي يعرفهم وانشاالله يبيضون الوجه بس هذي احتمالات وتحليل لما قد يحدث يمكن تصيب ويمكن تخيب.. اخوي THE FUGITIVE: نقول انشاالله.. اخوي المفتون: اذا فزنا على الطائي بعدد كبير من الاهداف بصرهم انشالله يتعادلون (عشان محد منهم يفرح ;) ) |
الاتحاد راح ينهزم من الاهلي والهلال بيفوز على الطائي بهدفين باذن الله |
اقسم بالله يالعاشق 15 ان كل مواضيعك مشبوهه وانا اركز على مقالاتك .... وصدقني ترى مقالاتك معروفه .... وانا عارف ما ترمي له .... بس ابي اقول لك ان علاقة الهلال مع الأنديه الأخرى متينه ولا تهزها مثل هالمقال .... وترى جميع الجمهور الهلالي يدعي للأهلي بالفوز .... والطائي فريق محترم .... ولما فاز علينا في كأس ولي العهد باركنا لهم على ان الفوز كان لأسباب تحكيميه وظروف قاهره للهلال مثل النقص الذي كان حاصل .... وعلى فكره دعائك بعكس دعاء جميع الجماهير الهلاليه .... والجماهير الهلاليه ماهي ساذجه الى درجة انك تخليهم يدعون للأتحاد بالفوز على الأهلي .... وعموما في كلتا الحالتين ياشاطر الهلال بيفوز باذن الله ..... |
يارب ينصك الاتحاد بـ 5 وحتى لو خسرنا بواحد ما يضر بس احنا بنفوز بـ 6 او 7 |
الاخ الفارس الازرق... وشلون مواضيعي مشبوهه وان اصلا ماكتبت الا 3 الى 4 مواضيع؟!! وباقي مشاركاتي ردود؟!!!! الرجاء تزويدي بمعنى (مقالاتك مشبوهه) وبالنسبه الى انك تعرف وش ارمي اليه على قولتك الرجاء ارسال رساله خاصه وتعلمني وش ارمي اليه او بامكانك تعلمني وش ارمي اليه عبر هذا الموضوع.. ثاني شي: علاقة الهلال مع الانديه الاخرى متينه... انا عارف انها متينه بس وش المناسبه اللي خلتك تتكلم عن علاقة الهلال بالانديه الاخرى؟!!!!!!!! ثالث شي: انا عارف ان جماهير الهلال ماهي ساذجه لاني واحد منهم.... وماكتبت هالموضوع الا عشاني عارف ان الجماهير تدعي للاهلي بالفوز لكن هذي تحليلات لما قد يحدث... وانشاالله على قولتك في كل الحالتين بيفوز الهلال يا شاطر... هلا اخوي الرهيب: بدل كل هذا قل انشاالله يتصدر الهلال وبس... شاكر لك اخوي الرهيب.. |
من جد ... موضوع ما لأمه داعي .... والصراحه تحسفت اني ضيعت وقتي وقريته |
الله لا يقوله ... يوم أنك بتدعي أدعي للفووووز وبتستجاب الدعوة ... وش ذا المخ ... ضاق صدري أحفروا |
المحارب الازرق: ماحد ضربك على يدك وقالك اقر الموضوع... وموضوعي في غنى عنك... وبعدين هذا موضوع مالامه داعي بالنسبه لك..هذا اذا كان مالامه داعي.. اما اذا كان مالامه داعي فعلا ليش ترد؟ وتقول انك متحسف انك ضيعت وقتك وقريته.. ليش تضيع وقت اكثر وترد؟!!! وياليت اذا بغيت تكتب تحسن الفاظك ok? وسلم لي على خويك... الاخ بن عاقور: وش فيه مخي مااعجبك؟!! ياليت تحسن ملافظك.. وبعدين انت تقول انكانك بتدعي ادع للفوز وبتستجاب.. وش اللي خلاك متأكد ان الدعوه بتستجاب؟!!! |
لا انشاالله الزعيم بيفوز و باكبر قدر ممكن من الاهداف ليمتع جمهوره اولا ثم يتصدر و يتزعم كل العاده :) |
اقوووول حبايبي خلوا عنكم هالكلام ترى ماله داعي وبعدين ليه تدعون للاتحاد ولا للاهلي ادعواا للزعيم يفوز وباكبر نتيجه وماعلينا من غيرنا فاز ولا خسر00 |
فازوا التكرن ولى مافازوا الصدارة لنا يعني لنا |
ماهمنا من يفوز انشالله الهلال متصدر واتمنى تعادل او فوز الاهلي يارب |
فاز الاتحاد او انهزم الهلال بيتصدر الدوري ان شاء الله |
هلا باخوي (احبك يا سامي): الهلال موب بحاجه لهالكلام.. الهلال بحاجتك انت والثاني والثالث والرابع... همتك يابطل احضر المباراة واسحب معك كم واحد من الشباب:) هلا اخوي مجد الوطن هلال: صدر مني شي غلط؟!! قل هالكلام لغيري.. ويااااااااااااارب يفوز الهلال باكبر عدد من الهداف.. ولاتنسى اذا بغيت تجي للملعب تجيب معك كم واحد.. اخوي أبو مسامح المجهول: انت احضر بس والباقي يهون... الاخوان magic-15 & الهلالي 11: الكلام ينطبق عليكم احضروا المباراة وخلوا الباقي على نجوم الهلال.. |
ما أدري ليش ما حنا واقعيين ...كلام العا15شق منطقي وجاي من منطلق معرفتنا بلاعبينا... قبل شوي انتهت المباراة و فاز الاتهاد (طبعا الحكم العقيلي) اتصور ، و العلم عند الله، ان هذا بيخلي نجومنا يخلونها مهرجان اهداف في الطائي...انشاء الله يا جماعة الخير...مانبي ندخل بالنيات و نكيل التهم كل ما واحد خالفنا بالرأي... |
أولا: السلام عليكم كافة،، ثانياً: غريب ما رأيته في الردود السابقة من قبل الأخوان الفارس الأزرق والمحارب الأزرق و بن عاقور ،، الموضوع عادي بل طرحه ممتاز في هذا الوقت بالذات وحجة العا15شق في طرحه للموضوع حجة ممتازة وواقعية ،،وهي أن لاعبي الهلال يتردون إذا كان الخصم اللي قدامهم سهل ويتردون إذا كان مايبي لهم أهداف كثيرة،،، صحيح أننا كنا نتمنى فوز الأهلي لكن الآن وكما رأينا فاز الأتحاد بأربعة ،،وأنا متأكد أن الهلال ((بيدّهرون)) إذا حسوا ان الموقف صعب،،، وبيبحثون عن الفوز بأكثر من 3أهداف إذا كانوا يبون الصدارة،،، الأخ/الفارس الأزرق الصراحة ردك غريب جداً فأنت تقول: إقتباس:
كما أنك تقول: إقتباس:
وللمعلومية أنا أعرف العا15شق معرفة شخصية،،وهو هلالي بحت هلالي صميم هلالي حتى الموت... يعني بالعربي: ردك يالفارس الأزرق هو المشبوه ،، وأنت اللي شكل وراك شيء من خلال ردك الغريب اللي يبين أنك تخفي العديد من الأمور الخفية التي تدعو للشك.. أما بالنسبة للأخ/المحارب الأزرق،،، فأقول " منتب سهل يا أحمد المصيبيح جاي تنقد وتعدل،،، وهالوقت اللي ضيعته عسى ما طار عليك صفقة والا شيء يالوليد" وبعدين محد ضرب على يدك وقال ادخل الموضوع بالعكس لك الشرف تدخل الموضوع،،، أما الأخ/بن عاقور ،، فعندك نقطة جميلة يجب أنك تقضي عليها وهي أن ألفاظك سيئة لحد ما،،، فيجب عليك أنك تستحي على وجهك وترد زي الناس والا أقول لك لا ترد أبد،،أقر المواضيع وبس،،، عموماً،، شكراً لك أخوي العا15شق على طرحك لهذا الموضوع الجميل واستمر في كتاباتك الرائعة ولا تلتفت إلى بعض الأقلام النشاز التي لا ندري من أين خرجت... ===== خيّال،،،، |
الغالي القاضي (ركبت سجع): انشاالله يخلونها الابطال مهرجان اهداف بس احضر ومشكور على كلامك الرائع:) هلا والله ومسهلا بالغالي خيال: شكرا على دفاعك وكلامك اللي ينقط عسل اللي ماستغربه من شخص بمثل اخلاقك.. للاسف الهجوم تحول لهجوم شخصي (ايه يالمصيبيح؟!).. شاكر ومقد لكم وهمتكم ياابطال الله الله بالحضور... |
فاز الاتحاد أو الاهلي مايهمنا الي يهمنا فريقنا ويتصدر بإذن الله والحسابات الثانيه نخليها لهم ماهي للزعيم |
السلام عليكم ورحمه الله وبركاته ..... والصلاه والسلام على اشرف الانبياء والمرسلين نبينا محمد عليه افضل الصلاه والتسليم..... ما شاهدته من بعض الردود من بعض الاعضاء (بدون ذكر اسماء) هداهم الله بدأو بالتهجم والسب والشتم والاستفزاز ,,, ؟؟؟؟؟؟؟؟ امر مستغرب لقد شوهت صوره شبكه الزعيم بسبب الردود الغير لائقه بصراحه ... نعم من حق اي عضو الانتقاد او الرد على الموضوع سواء اعجبه ام لا ولكن للكلام حدود (لسانك حصانك ان صنته صانك) فكيف ترموه ببعض المفردات الغير حضاريه ,,, والبعض قام بالالستهزاء (اذا كان الكلام من فضه فالسكوت من ذهب) اخرج من الموضوع واذهب لغيره (تعبت وانا اقراه) الكتاب يبين من عنوانه انت قرات الموضوع هل تتوقع ان يكون الموضوع الدعاء لنادي الاهلي بالفوز (العنوان) هو المضمون كتب ادعوا انشالله يفوز الاتحاد ,, اذا هذا هم الموضوع فاارجوا انني لم اطيل عليكم كلامي ولا تاخذوا بالخاطر فهذا الكلام خرج من عاطفه صادقه لاستمرار نجاح شبكتنا الغاليه .... وانشالله الفوز للهلال اما الطائي وفوز كبير والى الاخ العا15شق اخوانك الاعضاء قد كانوا شديدي اللهجه في كلامهم لكن لاتحزن فكل هذا يصب في مصلحه زعيم اسيا وتقبلوا تحياتي abu3ziz |
هلا بالاخ ابوروان: الاتحاد وفاز باقي الهلال اللي يحتاج لوقفة جمهوره اللي انت اولهم;) هلا ومسهلا بالغالي abu3ziz: شكرا لتعقيبك على الموضوع وشكرا لكلامك الراقي البعيد عن (التجريح)و(السب) كما يفعل (البعض) من الاعضاء هداهم الله.. وللاسف بعض الاعضاء اول مايشوف العنوان على طول يروح لـ(اضافة رد) بدون مايقرا الموضوع.... واتمنى من البعض مراعاة الالفاظ اللتي تخرج منهم لانه مهما كان نحن اخوه في الدين.. |
لاتستغربوا انا ياجماعه لي امنيه غريبه وهي ان الهلال يحرز المركز الثاني 00000تدرون ليش عشان يطرح الله النثثثثر(النصر)في طريق الزعيم مع هالمستوى اللي يعتبر نصف مانعرفه عن الزعيم |
راح نفوز انشالله بس نبي حضور متميز من الجمهور و لا تبون فوز و انتم قاعدين في البيت القدس لنا رغم كيد صهيون |
وشلووون تفكر أنت أخوي... أنت تقووول أنك بتدعي للاتحاااااد يفووووز ... علشان يتحمسوووون ويفوووزون على الطائي... وأنا رديت عليك وقلت لك إذا في دعوة أدع للهلال... وبعدين مهوب لازم أكتب إن شاء الله علشان تفهم... اقوووول أخوي استجاب الله دعوتك وفاااااز الاتحااااد وبنتيجة كبيرة بعد... وش يضمن لك بعد إن الهلال بيفووووز على الطائي.... وبعدين ملافظي اعتقد انها كوييييسه .... بالنسبة لواحد مثلك يدعي لفريق مهوب من صملحة فريقه المفضل... أقوووول تشكراااااات أفندم بس.. |
ياجماعة الخير الموضوع مايستاهل كل اللي قاعد يصير في النهاية نبقى اخوان ونحترم ونقدر بعض ونحترم منتدانا وكل الموجودين من اعضاء او متصفحين او مشرفين وانشاء الله مانشوف شي يكدر علينا او يسبب اي ازعاج لاي شخص . الله يوفقك ياهلال اللهم انصر اخواننا في فلسطين |
| الوقت المعتمد في المنتدى بتوقيت جرينتش +3.
الوقت الان » 06:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd