|
قصــتي قبل ذهابي. لنهائي موسكوٍ..+ قصتي مع صديقة كرستيانوٍ..:) الســلام عليكم ورحمه الله وبركااته.., صارت لي مشكله قبل احضر مباراه مانشستر.. والله ياطفشت طفــش.. اسمعو سالفتي كلـها. ولحد يقااطعنــي.. في يوم الثلاثاء.. الجميل.. يومن مشمس.. كنت جالس في الحوش انا وامي.. متكين وحاطين التلفزيون. فوق المراكي.. ونعاين في مسلسل. يجي العصر.. مسلسل. كوري. " امي مسويه تفهم.. لغه كورياا." المهم. وانا ودي افااتح امي بموضوع اني بسافر لموسكو.. يوم وبرجع.ولا ادري من وين ابدا.. واحاول افتح الموضوع ومدري كيــف.. المهم.. وانا عارف انها موب موافقــه.. قلت يمــه..< وانا صوتي. يتراعد.. قالت هلا.. قلت موسكو.. حلوٍه؟<( مدري من وين ابدآ). قالت موسكو وشهي.. هي اكلـه ولا وشوِ.. قلت لا اللي في روسيا..< اللي قد راح لها الوالد.. " الله يرحمه" قالت ماراح ابوك لموسكوٍ.. راح لموزبيق..< اوف. بس.. وين موزبيق. ذي.. قلت اهاا. قلت طيب انا بروح لموسكٍوٍ..< مدري وش اقول من الغشامه قلتها. كيذآ.. قالت وش تبي هناك..< وانا اختبص. وتضيع علومي.. وانا انقز واحب راسها.. يازقنك زقنااه يا يمه.. انتي طيبه وعلومتس.. قالت انت سكران.. قلت مدرري..قالت انا اعلمك الحين خل مدرري.. وهي تلخــني با الفنجال. بين العيوٍن.. اح.. " وانا ابلعها واسكـت.. واخذنا شوي وحنا ساكتين.. قلت يازين موسكوٍ.. وهي تصكني با الدله كلــه.. لانها فاقعتن وجــهي..:clap: ..وابلعها وأسكت.. واخذ شوي . وتطري علي فكرره. قلت يمه. قالت هلا. قلت فيه تقديم على جامعات قالت وين.. قلت جامعه الاماام محمد بن سعوٍد.. فيه فرع في موسكو. قالت با الله صدق. قلت ايه ايه..< (لقيت لي مخرج).. وهي تسكت.واطمر واتربص في الطوفريه..واكسر الكاسات كلها.. <( ابك , ابك.وش.ذا.الحظ).. قالت اقعد الله لايبارتس فيك.. انت وش بلاك. قلت مدري بس التسجيل تراه بكـره. قالت مسرع. قلت مدري جاي امر. انهم يحاولون يسررعون في التسجيل.. قالت ومع من تتروح.. قلت بروح على رجليني.. قالت اجل هي قريب.< الله يسلمها.تحسب.موسكو..جنبنا)., قلت ايه حذفه عصـآ. قالت وفقك.. الله وانتبه لاتسـررع..:clapping: قـلت اوتســي.. وانا اطمر لغرفتي على طول.. واحذف الثوب.. بسرعه فائقه.. واحاول.. ادور لي بنطلون وبدله. مافيه ولا شي. ياليل. اروح لموسكو. بثوب.." ياشينها.". واقعد افتح دولابي. واحذف ملابسي . وادور تحت السرير.. خابرن بدلتي القديمه حطيتها تحت السرير ذال امي تشوفها.. والقى البدله. لانها معبسه.ومغبره. قلت مهيب مشكله. بس انا حصلـت.. البدله..صفرآء. والبنطلون اخضر.. قلت مافي اي مشكله.. بس حمدلله لقيت لي بدلـه.. وانقز للمغسله.واحذف البدله. ونص ساعه لانها جاهزٍه.. واطلـع للطيارره.. وياليتني ماطلـعت.. لقيت المصآيــب.. الجزء الثاني وانا في الطيارٍه..ُ اول ماركبت الطياره.. وجسمي يترااعد.و بطني وحالتي حاله. واجلس.. في اول كرسي.. مادريت الا العسكري مدري وشو.. ماسكن برقبتي.. قلت الليل اسود. من بدايتها هوشه.. وانا اطلع عجرا. حاطها في الشنطه معي ابي اصفق العسكري على الرقبه. قال يابن الناس اركد وش فيك. قلت انت اللي وش فيك.. قال ياخي هذا مو مكاانك. قلت الله يعز الحكومه. حاجزين لي مكانٍ..:d قال رح ارجع ورى مكانك ذآآك.. قلت ايوٍه. زين زين..واررجع انا وبدلتي اللي تقول صومالي.. يحاول يتحضرى.. واجلس. واحصل جنبي.. بنييه يازينها زينااه.." شقرآء اللوني.." واجلس واطالع فيها. للعيون اللي تسحر والوجه اللي يفتح النفس.. ومدري وش اقول.. واسكت شوِي.. قلت هــــــآي.. <( مسوي حضري) وتطالع فيني بنص عين وتطالع قداام... وووجهي يطييح. واسكت شوِي وتجي المضيفه. اشوى انها سعوديه.وانا امسكها.. باذنها قلت وشهي ذي.. قالت ذي برتغاليه.. قلت الليل.. ذي من ربع كرستيانو..وتضحك السعوديه... وهي تمشي السعوديه..واسكت شوي انا.. وانا اكلم البرتغاليه.. قلت.. كرستيانوٍ.. فريند.. ماي. شكرآ. ثانكيوٍ.. قالت او. نو. كرستيانوٍ.. قلت حمدلله. شكلها عرفت اني صديق كرستيانوٍ,.. قلت ييس.. فرندي ترااه.. قالت يس. ماي. نيم.. زوجة كرستيانوٍ.< لاتعليـق..:d قالت يوٍر. انت الي سويت. موضوع في شبكه الزعيم.< يالبى قلبها تحتسي عربي مكسر. قلت.. يس. يور. انا.. قالت.. اوٍ.. انا شوِفتا.. موضوعك. مرره جميـل. وانا اتكررفس من فوق الكررسي.. ويغمى علــي. ويقعدون يرشون علي. ساعه . وانا احاول.أستيقض:d .. ومن حظي الاقشر. ماصحيت الا قد نزلنا في موٍسكوٍ.. " العن ابوه حظ صدق.. خلاص حبيت البرتغاليه . مابي المباراهً.. والله ياخفق لها قلــبي.. واشوِأقي. واحساسي الجميــل..! أحس اني طوٍلت المره ذي.. المره الجايه.. اقوٍل. قصتي وانا ادورها في شوارع موٍسكـوً.. عاد الحين. بروٍح.أرقـــد.. ســي.. يوٍ..مرتن اخرى.. |
إقتباس:
ما شفت صديقة تفيز عندك بالمطار هههههههههههه ضحكني:d وانا مواصل وعندي اختبار الساعه بالجامعة 2.30 ظهراً << جاب قصة حياته هههههه:razz: يلبا قلبك يا صقر:smilie47: تقبل المرور اخوك ..,, al-maseeke |
ههههههههههههههههههههههههههههههههههههههههههههه الله واعلم يـ ولد عفيف صاحبة الشاهــي الخفيــــــــــــــــف :surprised: ][ الحبــه ][:surprised: شكلها فكت على سواليف اليوم هههههههههههههههههههههههههههههههههه اجل جامعة موسكــــــــــــو خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ الوالده الله يخليها لك تحسبك تقصد كلية التقنيه االلي بدوااادمـــي خخخخخخخخخخخخخخخخخخخخ لـ الهسرته عنوووووووووانـ ][ صقـر عفييييييييف والشاهي خفيـــف ][ اشهد انك وسعت صدري الله يوسع صدرك بـ الطاعه:smilie47: بربـ كليـه :stoned: |
ما شاء الله تبارك الله :d منت عاقل والله ... لو عارف ان الوالده بتسمحلك كان خليتك تاخذني معك :stoned: الحين موسكو بجده :naughty: صباح الخير يا ولد عفيف ... وش هالمغامرات :d هذا وانت باقي ما شفت خويات وزوجات بعض الاعبين الثانين :yes: لو تشوفهن كان روميت خوية كريستيانو من دريشة الطيارة <=== :bigeek: تحياتي لك يا غالي ... وكانك مانشستراوي مبروك الفوز :smilie47: بس بصراحة ... ذوقك بالوان البدلة غبي :razz: |
عسى ماشر يالغالي ؟ .................................................................................................... |
صقر عفيـــــــــق وش أخباار العشا ... ترى ما نسينااه ؟؟ ألا زوجة كرستيانو وش لونها من زمااان عنها ^ ^ |
هههههههههههههههه الله يرجك ياولد موسكو.......مو ولد عفيف... اقول لاتصرف تلعب علينا بفرند يور ووايف كرستيانو.... تبينى نخق مع البنيه لاتنسى العشى تراي من اسبوع ونا جوعان.... تراي هالايام ادور على قبول اغدين اخاويك نقدم.... لاتنسى تقولنا سالفتك مع مرة كرستيانو يوم انكم بالكافي الي بالزاويه تخبر ...يوم تنكب القهوه على بنطلونك الاخضر....لاتنسى والله ضحكتن وانا ماودي اضحك تقبل مروري يالغالي |
فللللللللللللللللللللللللللللللللللة وسعة صدرررررررررررررررررررررررررررررررررررررررررررررررر الله يوسع صدرك |
ههههه تدري أنك منسم بس هنا السؤال المحرج :d قصتك صدقية ! ! يعني انا قربت أغسل يدي يوم أنت و أمك تاكين في الحوش و الــTV فوق الكنب يعني لا تعليق أنتظر ردك ورده |
هههههههههههههههههههههههـ .. الله يرج عدوّكـ .. لا تحرمنا من هالابداعات .. :) .. |
ههههههههههههههههههههههههههههههههههههههههههههه الله يهديك ليش ماكتبت انها تسذبه :D |
صدزز رحت موسكو بس اقلك رحت بالسياره ولا بالقارب ؟ |
إقتباس:
أرحــب والله.. :clap:. اجل صديقة تيفيزٍ. حلــوُه..؟ اكيـد بيصير لها موٍآقــف.معــي. انا بعزم مانشستــر يوناايتد. عندنا بعفيف. بسوي لهم مهرجاان.< قسم مانشستراوي.. للنخـآع :smilie47: شكرآ’. ياقلبي ع المـروٍر. الجمــيلُ |
إقتباس:
فكت على أشياء وااجد ههههههههههه الواالدة مادرت ان فيه جامعه بتجي عندنا بعـفيف. ههههه :clap: شكرآ ع المرور. النيرٍ.< وش رايك في النير بس..:d |
قسم إنك منسم + مهستر خخخخخخخخخخخخخخخخخخ تشكرات فندم سي يا |
| الوقت المعتمد في المنتدى بتوقيت جرينتش +3.
الوقت الان » 08:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd