" سـوالـف الـمـشـاغـب اليـومـيـة " - نادي الهلال السعودي - شبكة الزعيم

المـشـاكـس · #1 27/05/2008, 05:23 AM

هلا ولله سلطان ورده ..
لو ما الخمسين حرف .. كان كتبت حجز ويكفي

..

اصلا انا جالس اكتب الرد .. بس ما ادري ليش حجزت

..
هلا سلطان مرة ثانية ..
سالفة حلوة .. واحلى منها لو اني صليت وراك هذا اليوم

..
كان علي الحرام ان تكون صلاة ما تنساها بحياتك

..

والله ياخوك سوالف الناس اللي يجيبون العيد في الصلاة وااااااجد ..
لكن ابقول الللي في بالي هالحين ..

هذا يا طويل العمر ..
كان فيه شايب يصلي بمجموعة شياب ..
المهم انه قرأ بعد الفاتحة سورة " الكافرون " ..
والرجال مضيع و ابطأ وهو يكرر في هالاايتين " لا اعبد ما تعبدون .. ولا انتم عابدون ما اعبد " ..
والامام يقرأ هالاية مرة .. مرتين .. ثلاث .. اربع ..
الا و واحد من الشياب اللي وراه يقول : " يا لوح .. تراها مغير ثنتين .. وحدة فينا ووحدة فيهم .. اركع وخلنا نخلص "

والله السوالف واجد ..
بس عندي ريبورت لازم اسلمه بكرة .. وانا والله باقي ما طقيت فيه بطقة

..
بس يالله عونك يارب ..

ما حبيت يفوتني الرد ..ما دامني مريت

..
وترى يا سلطان الواحد ماهو مجبور انه يبرر تصرفاته للناس .. ما دام انه هو ماشي صح ..
يترك الناس تفكر زي ما تبي ..
يمكن انا كلامي هذا ماله معنى .. بس كلمتين تقرقع بصدرك

.. وقلتها

..

تحياتي للي فقع مرارتي

..

ابو خليلوفيتش · #2 27/05/2008, 05:59 AM

سلطان إنت ما ينحجز في موضوعك ينكتب الرد على طول

.

ما أخفيك إني ما قريت ولا سطر بالموضوع لأنك قلت لي الموضوع كله

.

وإنت تذكر إني سبق وعلقت على العيد الي جبته في الصلاه في منتدى تخبره زين

.

بس بروح لنقطة إنك تبرر الي قلته

.

أولا/ما يحتاج توضح معزتك ولا حبك لي أو العكس فأنت الأخ الذي لم تلده أمي صح الي شرواك واجد بس إنت غير

.

ثانيا /من جهة موضوعي الي تقفل

وإلى الآن مدري ليش تقفل بس المشرفين يمونون

.

تخبر كان بين إتصال حميمي فجر ذلك اليوم وكنا نتبادل السوالف وسألتك عن توقيعك ففسرت لي التوقيع فحمستني على كتابة الموضوع ربما خانني التعبير أو اللفظ ولكن أنت ممن لهم رأي حتى في حياتي الخاصة وأفتخر بإسمك في كل مجلس ما بالك في عالم الإنترنت

.

حبيبي ماله أي داعي تبرر تصرفك لأي أحد وإنت أدرى الناس ليه كتبت الموضوع وإذا حاب توضح لبعض الناس ليه فكل شيء فداك يبو مساعد

.

ياجماعة لا تلوموني يمكن ردي غزلي في سلطان بس يستاهل أكثر