|
موضوع ساخن بيقلب امنتدى فوق تحت قبل ما ابدى موضوعي ارجومن الادارة عدم الحذف واتاحة الفرصة لتعبير الراي ما دام ان الموضوع ما يمس شخص بعينة والحرية عن تعبير الراي....... موضوع من يتولى ادارة الهلال...ان مفهوم كلمة ادارة هو عظيم المعنى والشان ...يا اخوان نادي الهلال يفتقد الادراي الناجح بمعنى ان الادارة تدرس بالجامعات وهي تخصص علمي يمتلك الملاين من الكتب والمؤلفات ....ولكن ياتي فلان بس لانة معه فلوس ويصبح رئيس وهذى مصيبة كبيرة .... وانا اتمنى الامير الوليد بن طلال انه يمسك الرئاسة مع انى عارف انة بيرقض....تدرون ليش بيرفض ...لانة ناجح في عملة وانسان مشغول .....في الفترة الاخيره لم ننجح في الحفا ظ على اغلب المحترفين الممتازين يجيك المحترف ويثبت وجوده ويثبت انة ممتاز يجي يطلب زياده يقولون لة مع السلامه!!!!!ليش يا اخي ......تفاريس مثل للرياضى الواعي المحترف الي يدور على مصلحتة وهذا هو السليم ....الدوخي قامت الدنيا وقعدت لما رح الاتحاد والناس قالت انة خاين ...ابي اعرف ليش ؟؟؟؟الدوخي دور ورا مصلحتة وهذا مو عيب ولا حرام ....انت يالموظف لو لقيت عمل باعلى سعر بتترك عملك الحالى....هل انت خائن؟؟؟الكره هي عمل للاعيبة......ولو نجح المدرب مع الفريق وطالب بزياده قالو لة مع السلامة ليش ....نظرية الرئاسة بالهلال تقول بدل .....على سبيل المثل....ما ادفع 10 مليون على تفاريس انا اجيب 3 لاعيبة من افريقيا ب 5 مليون ....بالة عليكم وش ذا الكلام.......يا اخوان الادارة فن وعلم ....بالله عليكم شوفو انديةالعالم الممتازة مين يديرة ؟؟؟؟؟كلهم رجال اعمال لهم باع طويل وكبير في فن الادارة يا اخوان والله الهلال ضيع لاعيبة اوفى مع الهلال مثل الدوخي...تفاريس....كماتشو...ولا نسيتو كماتشو.... انا عارف ان الكل بيقوم علي لكن نحن هنا نؤمن بحربة التعبير ....والكل بقول وبيرد علي بالعاطفة وعدم المعرفه ...بس انا ما راح ارد على اي احد....انا اشاهد المنتدى من اول ما انشى لكن مشاراكات جدا قليلة يمكن 2 هو 3 والسبب اني اعلم ان بعض الاراء هنا تمثل مبدى راي انا وبس ..... في النهاية اسف ان جرحت احد ... ارجو الرد بعقلانية ودراية لتعكس مدى ثقافة المنتدى,,,,وانا عرف انو في ناس بترد على كلامي بكلام مو منطقي وانا ما راح ارد على احد |
انا معك في البند الاول ان المدير او الرئيس يكون فاهم ولو جاء امير ومعه استشاري فاهم يعني افضل تقبل مروري |
وانت مايهمك الا اللاعبين طيب شف البطولات الي حققها الهلال بعد اعتزال الثنيان و الجابر وخروج العويران والدوخي الهلال مايقف على لاعب واحد ياحبيبي |
مشكووووور أخوي لكن فيه تناقض بكلامك فأنت تقول إنه كل ماجاء أمير خلوه رئيس للنادي بعدين تقول أتمنى يكون الوليد بن طلال رئيس النادي رئيس النادي لازم يكون يفهم بالكوره وبأحوال الفريق ويتفرغ به لكن الوليد بن طلال من أكبر تجار العالم فما أظن إنه يقدر يتفرغ للنادي وللمعلوميه إنه بأوروبا يكون فيه مالك للنادي وهو ألي يدعم وبعضهم مايفهم شي بالكوره ويكون فيه رئيس للنادي وهو لازم يتابع الفريق ويعرف أحواله وكل شي عن النادي |
الصراحه مافهمت شي على العموم مشكووور وبا التوفيق للزعييم ........... |
** الدوخي ضيعه الهلآل ؟؟؟ مو هو اللي ترك الهلآل ورآآح للإتهآآد ** معآآكـ حق في ان رئيس الهلآل يجب أن يكون عندهـ خبرهـ كرويهـ ** وسبب عدمـ وجود رئيس من العآآمهـ يعني مو أمير فأنآ أفضل الأمير لأنهـ بيقدر يطلع النآآدي من مشآآكلهـ المآآديهـ فيمآآ لو حصلت مشآآكل أمآ رئيس من العآآمهـ من وين بيجيب يآآ حسرهـ |
سؤال يعني وش اللي بيقلب المنتدي بالضبط ؟؟؟! بنسبه لرئيس النادي أنت تعرف شهادة محمد بن فيصل ؟ عبد الله بن مساعد ؟ سعود بن تركى ؟ ما أتوقع لأنك لو كنت عارف ما طرحت طرحك اول الموضوع ! موضوع تيفا يترك رئاسة النادي لأن الهلال لو يبي يجدد له أكيد جدد ومن زمان عموماً بيبان كل شي؟! أما موضوع فلان خاين وفلان لا ؟! ما اتوقع الكلمه تنفهم باللى أنت فهمته لأن سامي بن عبد الله الجابر كان يوقع على بياض وهذا الهلال واللى يلعب له يلعب له من قلب قبل لا تكون ماده ... العروض الللى جت عزيز وقبله الغامدي وقبله الدعيع والشلهوب ما خلتهم يروحون واذا تتكلم عن مقدم عقد ودراهم وفلوس تصدق بالله مجموع مكافآت الفوز هالموسم 800.000 لكل لاعب ؟! وعموماً إحتراف وكلمة خاين تطلق على من خان عشقه الزعيم .واللا اللاعب الله يستر عليه وباذكرك بشي تيفا راح ووقع ولا احد قال خاين هذا اللى اسمه احتراف مو أنك تعجز النادي عشان البلوي يحس انه سوى شي وتصير له طبل ؟! |
دكتور جامعي وهذا كلامك .. العلم مايسوى شي اذا لم يطبّق في حياة الإنسان .. بس ترا ما ألومك ديار الغربة تغيّر ,, |
كل الكلام اللي قلته غلط في غلط للمعلومية الهلال تعرض لأكبررالخسائر في ادارة الأمير عبدالله بن مساعد (الله يمسيه بالخير ) مع العلم أنه كان أكثر شخص فاهم في الادارة بس شتان بين ادارة نادي وادرة شركة وبعدين تقول معضم اندية العالم رؤسائها رجال اعمال هذا كلام صحيح لكن عندنا الرئيس يختلف عن رؤساء العالم هو اللي يتعاقد وهو اللي يدفع وهو اللي يقود الفريق في المعسكرات ووو...... على العموم افكارك للاسف تأثرت بالغرب كثيراً |
معاك في كل كلمه قلتها ومشكوووووووور ............... |
مشكور اخوي وبـــالـــتـــوفـــيـــق للـــزعـــيـــم مــــع تـــحـــيـــاتـــي عـــاشـــق لـــيـــو مـــيـــســـي للتـــواصـــل [email protected] |
انا من شفت هذا الكم من الاخطاء الاملائية وان عارف انك أكوس عضو بالعالم.. تقول لافض فوك : (حببيي انا في ولاية انت والي زيك ما يقدرون يدخلونة يا بطل ليش ما ترد بعقلانية بدل ما تستهزء) والله انك بطل.. ماراح اخوض معك في وعاء التجادل لصغر سنك الواضح في اسلوبك.. يابطل انا اخذت كورسات في هولندا والمانيا ورومانيا يابطل انا اتحدث الانجليزية والفرنسية بطلاقة يابطل والاهم من هذا كله انا حافظ القرآن الكريم منذ الثانية عشر من عمري يابطل انصحك ان تتغطى جيدا قبل ان تنام لأنهم يقولون ان الجو عندكم في (امريكا) برد يابطل تحياتي |
اخوي انا اتفق معك في كثير مما ذكرته واهنيك على جرأتك في الكتابة يمكن تكون الثقافة لها دور تبي الصراحة تعجبنيs60s |
ليش يا ادارة المنتدى تحذفون بعض الردود .......يا اخي احذف الموضوع بالكامل مو انك تخلي الي يعجبك وتحذف الي ما يعجبك هذا ضد حرية التعبير |
اخوي انا اتفق معك في كثير مما ذكرته واهنيك على جرأتك في الكتابة يمكن تكون الثقافة لها دور تبي الصراحة تعجبنيs60s |
| الوقت المعتمد في المنتدى بتوقيت جرينتش +3.
الوقت الان » 05:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd