انا مشترك في جوال جريدة الرياض منذ مبطي <<حوالي سنة ونصف
وبصراحة الخدمة ممتازة بالحيل وتنقل لك جميع الأخبار الرياضية المحلية والعالمية
ومواعيد المباريات والقنوات الناقلة وأضف على ذلك اشتراك في قناة عاجل مجاناً
ومواعيد الرسائل معروفة الساعة 12 الظهر تجيك مواعيد المباريات و6 المغرب
موجزعالمي و10 موجز محلي على جميع الأنديه هذي يومياً ثابته
غير الرسائل الثانيه من نتائج وترتيب لجميع الفرق والهدافين من كل دوري
ولاتجيك رسائل بعد 12 بالليل عشان مايزعجونك
والله الخدمة اعطيها 15 من 15
وطلع جوال الجزيره قبل كم شهر وقلت خل نشترك فيه ونسوي مقارنة
واشتركنا بصراحة ندمت على الاشتراك
الرسائل تجيك ورا بعض 7 ولا 8 ازعاج وكل خبر حاطينه في رسالة
عشان كذا الرسائل كثيره ولا تعطيك مواعيد المباريات والقنوات الناقلة
مثلاً بكرة مباراة للهلال مباراة تجيك رسالة تقول غداً مباراة الهلال مع ...
يقولون ان بكره فيه مبارة بس ماتدري
الساعة كم؟ القنوات الناقلة ؟؟ مافيه اي معلومة
ولا فيه تنسيق للرسائل ولا في كتابتها
ويجبون لك اخبار اندية ولا دوري محد يتابعه
مثل دوري الإماراتي ولا الكويتي وش ابي فيها
اعطيها 6 من 15
___________________________
اقول اشترك في جريدة الرياض وريح بالك
ولا من يومين بدو يعطونك أخبار ومعلومات عن يورو 2008
3 رسائل في اليوم وكل رسالة كذا صفحة شغل صح