|
إنهزم مانشستر ومن ثم الريال .. هل الغرض تأدية واجب ؟ السلام عليكم .. في البدايه مبروك لكل مدريدي الفوز بالليغا .. راح افتح موضوع هنا واتمنى اتمنى اتمنى أن يكون النقاش أكثر جمال وأن لا ينحني منحنى آخر وتتحكم الطفولية في الرد من بعض الأطفال .. الليله انهزم الريال من فريق التجميع أو منتخب الجاليات أو سمه ما شئت .. وقبل هذه الليله فاز الهلال على مانشستر ولا ننسى فوز الاهلي المصري على الريال سابقاً .. وبوجود فيغو وزيدان ورونالدو وبقية الأحجار الكريمه .. هل الانديه الأوروبيه تأتي الى هنا لـ تأدية واجب أو تؤدي مبارايات وتستحق الهزيمه بكل أمانه ؟ وهل الفرق الأوروبيه يشعرون برغبة في الفوز ويبحثون عنه في كل مباراه تكريميه ؟ إذا الجوب لا .. لماذا نحضرهم إذاً ؟ اترك النقاش للجميع |
أتشرف بأن اكون اول من رد.... . بس طبيعي انهم يبون بس يخلصون المباراة زي ماشفنا اليوم الريال.... ومانشستر اول يعني الي يشوف تضيعة بلنتي المان يجزم انهم يرودون اانننا نمبسط........ |
وش ظنك بعد ؟ تبيهم يجون ويتحمسون عشان يظهرون مظهر مشرف أمام عمالقة كرة .. يجون عشان الفلوس يا عزيزي .. بيني وبينكم تلك الرياضة التي نشاهدها في الدوري السعودي ... لا تسمى كرة قدم .. ورده |
من ضمن الاتفاق اعتقد ان الفريق اللي يجي يأخذ كم مليون ولازم ينهزم وراح تشوف هزيمة البارسا امام الاتحاد 000 وكلها اتفاقات |
الفرق هاذي ماتبي تخرب سمعتها بهاذي الطريقه ومو مستعدة تدخل المباراه علشان تخسر اكيد ... اعتبر النصر نادي اسباني وعلى ارضه وبحضور 70 الف متفرج وفاز على ريال مدريد زي مايصير في الدوري وبحضور جماهيري اقل . وياما الريال انهزم من فرق صغيره بدوري بـ 6 و بـ 4 ....... يعني شي طبيعي ... |
على قولتك .. تأدية واجب.. ولا كل شي بمقابل !! |
نعم هذا الكلام كل شي بمقابل مادي مافي شي بلووشي ...... |
يعني تتوقع الريال ولا المان بحاجه المليون أو المليونين !! نوادي كبار أوروبا تضحى بسمعتها علشان كم مليون مو معقوله !! أي فريق مايحب ينهزم فـ مابالك بـ 4 ومن مين.. عوافي |
الأهلي المصري جاب برشلونة .. وأكلها أربعة صفر :D هذي هي الأندية وإلا بلاش .. تحافظ على تاريخها .. ولا تنصاع للمبالغ المالية التي تقدم لها من أجل التخاذل في المباراة .. لكم في برشلونة مثال .. وبنوري الإتحاد شغله كمان :D عاش برشلونة عاش |
ما اتوقع انه يبيلها كلام في العقد الموقع مذكور اننا نفوووز باي طريقة والله اعلم |
وعليكم السلام أنا بتكلم عن المباراتين الأخيرة .. مانشستر والريال .. الفرق ( تسرقنا ) ولاتقدم أي أداء يذكر .. أتكلم عن هـ الفريقين بالتحديد .. أداء مانشستر كان عادي جدا .. وكان العذر إنهم في نص الموسم .. أداء باهت من الريال .. والعذر بطولة أمم أوروبا الي يشوف وصول الريال بالتحديد للمملكة يدري إن الدعوة ( خذني جيتك ) .. الساعة 11 وصلت الطيارة .. نزلوا وع صالة الضيافة .. نقول الساعة 1 في الفندق .. الساعة 2 نقدر نقول ناموا اللعيبة (( إذا ماكان فيه حفل عشا مثل ماقالت الجرايد )) اليوم الصبح الساعة 11 مؤتمر صحفي .. راؤول وشوستر وكاسياس .. معناها اللعيبة بالكاد ناموا 8 ساعات متواصلة .. وبعدين يلعبون مباراة على أرضية ملعب مامشوا عليها قبل كذا .. ولا تكيفوا عليها .. أي استهتار هذا ؟! قبل المباراة ينزل يشوف الأرضية بجزمة رسمية .. ولحظة البداية ينزل بالبوت الرياضي .. حتى الكور ماجربوها ( دايم نقرا عن مشاكل اختلاف الكور بين نادي ونادي في دوري الأبطال مثلا ) في النهاية .. فريق يؤدي مستوى سيء وباهت .. ولعيبة يلعبون بدون نفس والمحصلة جمهور ساخط .. ولو ان النتيجة فرّحت جماهير النصر .. لكن كمشجع مدريدي .. أو كمحايد .. أكيد اني انقهرت اني ضيعت وقتي ع مباراة مافيها ( كورة حقيقية ) !! ملاحظة // مافيه أي شي في بنود العقد ينص على ان المباراة تنتهي بهزيمة الضيف اطلاقا .. وأتحدى على كلامي هذا .. |
مـوضوع منطقي ، والكثير يتسائل لـماذا تنهزم هذه الأندية العملاقة .. يعني نحللهـا ببساطه : - فريق جـاي بفلوسك ، وجـاي بحفل تكريمي ، وأيضا ً لقي ترحـيب واحتفاء كبير من الجميع ، واستقبل بعاصفة من التصفيق أثناء نزول الملعب ، والجميع يحيـيهم ويعجب بهم أين ماحلوا ... هل نـظن أنه سيلعـب بجدية ؟! لا أقول ان الأندية التي أتـت تتعـمد الخسارة ، ولكـن بمعادلة بسيطة (( أتى للمملكة هذا الموسم ناديان من عمالقة اوروبا - مانشستر & الريال - وخسروا مباراتيهـما أمـام نادييـن سعودييـن .. في المقابل هذا الموسم كان هناك نادي اسباني مغمور - خيتافي - خرج من كأس الاتحاد الاوروبي بصعوبة بالغة وأحرج العملاق البافاري - بايرن ميونيخ - )) حـل هذه المعادلة ببساطة [[ لو لعبت الفرق التي أتت إلى هنـا بمستوياتها الحقيقه لما تمـكن أي لاعب من الفريق المقابل من لمس الكرة فضلا ً عن التهديف فضلا ً عن الفوز :d !! ]] |
لا يجوز ان تقول عن بعض لاعبيى ريال مدريد الذى انهزم من الاهلي المصرى الاحجار الكريمة وبالنسبة الفوز والخسارة واردة فى كورة القدم ريال او مان خسرو من اندية فى بلدهم ضعيفة جدا والكورة تعطى من يعطيها والعرب افضل مهارات مثل ياسر وابو تريكة واوربا تكتيك افضل |
لا اعتقد ذلك ... والا كيف برشلونة فاز ب4 على الاهلي المصري ؟؟؟؟ انا اعتقد بأن ربعنا فاهمين الدعوى ... والي اتضحت بشكل واضح اليوم أمام الريال ... الشوط الأول بالاساسييين ... والثاني الاحتياطين من الريال ... بس النصر استمر بالاساسي ودخل ناس جاهزة الشوط الثاني وتلعب بالمنتخب امام صغار وناشيء مدريد ... بينما الهلال .... كان احسن من النصر ... لان الكديش طبوا الشوط الثاني ولعبوا زين مثل البرقان والمفرج ونامي والعنقري ... يعني احتياط المان اقوى ... واعتقد بان الهلال كلها بيمينه والنصر كلها بيمين اللاعبين الضيوف وبكرا بنشوف الاتي وش بيسوي بعد ... " مباراة برشلونة امام الاهلي المصري لعبوا الشوط الاول بالاحتياط والثاني بالاساسي ولعبها صح ريكارد .. " مشكور اخوي عالموضوع وتحيتي لك .............................. |
السلام عليكم باختصار ما اظن هالكلام , لان مباراة الريال والاهلي , صرح بعدها زيدان وقال لو نعيد المباراة 100 مرة ماراح يفوزون لان الريال تراخى شوي في المباراة وهذا شي طبيعي لان المباراة وديه فواجب علي اي فريق يحافظ على اللياقة ويبعد عن الاصابات ولاننسى ان ميلان هزم الاتحاد في جده 3-1 لاننسى ان فيه عوامل كثيره لهزيمة الريال ومانشستر وفالنسيا : ارض وملعب غريب عليهم بلد غريب عليهم كليا لعيبتنا بيطلعون كل اللي عندهم لانها ما تتكرر الا مرة بالعمر ..... الخ ورده |
اعتقد غياب الروح والدافع عند المدريديين ومن سبقهم هو السبب !! وغالبا يكون التقدم بالشوط الثاني بعد خروج الاساسيين حتى في مباراة اليوم بعد الهدف شفنا كم محاوله لمدريد لكن الدفاع والحارس وقفوا ضدهم وزد عليها ان الفريق يلعب غالبا وهو منهكـ قدام فريق عنده استعداد يقدم كل مايملكـ من اجل هدف واحد اما ان يكون فوز الفريق المضيف من شرروط العقد اعتقد صعبه وبالذات ان عندنا مثال حي برشلونه و الاهلي المصري و الميلان والاتحاد فرق عربيه ومهزومه وعلى ارضها !! |
أسمج مباراة في تاريخ كرة القدم أمس !! يا ناس مباراة تكريمية .. الريال حاضر .. نبي نستمتع .. وتروح يا ناصر الجوهر تلعب بخمسة دفاع و أربعة محاور !! خييير والله لو انك تلعب نهائي كاس العالم .. اللي قاهرني ان ناصر هو اللي اكلنا العيد قدام المانيا .. وكلكم تذكرون التغيير اللي طلع فيه عبدالله سليمان ولعب الجمعان والنتيجة كانت 4 - 0 .. الرجال كان ناوي يتعادل :D النصر حرمنا المتعة في هذه المباراة .. الريال مستواهم ما الومهم فيه أبدا ً .. وشلون تبي تمتع الحاضرين والملايين وما عندك مساحات عموما ً أمس اللي فاز منتخبنا السعودي مهوب النصر :D اعتزال اقسم بالله انه فضيحة :( هذا بالنسبة للإعتزال بالنسبة للي يقول سواءا ً في المنتدى او برى ان الفرق تجي وتتعمد الخسارة .. مستحيل هالشيء يصير .. البعض يقول انها موجودة في العقد .. هو شوفوا الوضع الطبيعي ان الهلال ينهزم قدام المان والريال يفوز على النصر .. لكن اللي حاصل ان هالفرق تجي وتلعب معنا مباراة استعراضية .. المان كواهم الهلال بهدف وما درينا الا كريس فك له سبرنت ملعون والدين :D وقلب النتيجة هذا يدل ان هالفرق اذا اشتهت تلعب قدامنا والله مانشم هدف .. عاد كيف الفوز .. لكن اتوقع ان اخر شي يفكرون فيه النتيجة .. جايين يستمتعون .. يتمشون .. ياخذون دراهم ويمشون ورده ورده شكرا ً على الموضوع ورده ورده |
ياخوي ياملكي خلاص خذيتو الاربعه وخلاص هههه ياخي حنا امرنا غريب اذا انهزمنا نزعل واذا فزنا مايعجبنا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
المسألة ما يبيلها نقاش لاعبيننا يقدمون أحسن مستوياتهم لأنه يقابلون فرق أوربية كبيرة وبالمقابل لاعبين الأندية الأوربية يعتبرونها مباراة ودية وما يقدمون مستواهم الحقيقي لكن ما أتوقع النادي الأوربي يجي وهو ناوي يخسر لأننا شفنا مانشستر والريال يوم تأخروا بالنتيجة كانوا يحاولون يرجعون للمباراة بأي طريقة |
من جديد ... لأعتقد بأن هزيمة الريال أو المانيو رخيصة أوووووي أوووووي للدرجة هذي ... |
هلا بك وانت عندك شك 1% يابعدي ان هالانديه جايه من اجل سواد عيونا والا علشان تاريخنا العريق يجون علشان الدولار يابعدي علشان الدولار وزيادة الانتشار والشعبيه فقط , يعني كم شخص عرف ريال مدريد امس ومانشستر قبله وبرشلونه , مثلا خالي ماله في الكوره نهائيا ولاهو راعي كورة امس كلمني وقت المباره يقول انت تشوف ريال مدريد ؟ اذكر العام الماضي كنت اتكلم مع وكيل اماراتي وذاك الوقت علشان يجي ميلان للرياض في احتفالية الخمسينيه وكانت مبارده مني على انه اذا صار فيها شئ نعرضها على النادي ومعي احد الشباب المهم قال لنا بكل بساطه مليون و500 الف دولار ويجي ميلان على الرياض بكل بساطه وبكل نجومه و مليون دولار ويجي الانتر بكل نجومه طبعا مع ان السكن وباقي الترتيبات الاخرى عليك انت بس هذا مبلغ صافي لهم والانتر جاء للبحرين بمليون دولار لان علاقتهم بالشيخ فواز قويه حسب ماعرفت والانديه هذي تلتزم معاك بانها تشرك لاعبينها في المباراه ان شاء الله لو 10 دقائق ويطلعون وماتلتزم معاك بانها تقدم كل ماعندها وتفوز اهم شئ ياخذون فلوسنا وبس |
مثل ما قالوا بعض الشباب الفريق يجي عشان الفلوس بعدين ما اعتقد ان راح يكون فيه بند يقول تعال العب معنا ولازم تقدم مستوى ممتاز او مستوى نايم او من هالكلام |
إقتباس:
يا حبيبي اللعيبة وراهم يورو بعد اسبوعين وبعدين لو تلاحظ الربع عندنا يلعبون 100% من مستواهم عكس الفرق الاوروبية المستهترة ما تقدم ولا حتى 5% حتى الاحتفال بالاهداف بارد. بالمناسبة الريال سبق ان خسر قبل ذلك من الاهلي المصري سنة 2001 على ما اظن ورجع السنة الي بعدها وحقق ابطال اوروبا. |
نعم جاين ياخذوا كم مليون ويرجعون مثل الي يحصدوا الثمار |
ماعليش ياشباب مافي فريق يبغى ينهزم والمباراه امس حرقها الجوهر لا عب 4 محاور مسوي نهائي ثاني شي امس الجو حار راؤول عشر دقايق وجهه حمر من الحر وكاسياس زهق الشوط الأول ولا كوره |
لآ يا شباب مو معقولة فريق يخسر عشان مليون بايرن وصلت ارباحه هالسنة للمليار يمكن وهو ما يلعب بدوري الابطال اجل وشلون اغنى نادي بالعالم مانشستر صعبة يجي عشان يخسر ميلان جاء قبل فترة ورقع الاتحاد 3 والبرازيل جات للامارات وفازت 8 لكن تقدر تقول استهزاء داخلين ويلعبون مع هاويين وبيني وبينكم سمعتنا بعد كأس العالم في اليابان ضاعت ولكن امس الريال كان بيخلص المبارة وبيمشي بس أكيد استفدنا منها كثير اتمنى المنتخب يلعب مع منتخبات كبيرة وبنشوف الفرق ×عوافي× |
عزيزي لا يوجد هناك فريق العالم بأتي كي يهزم و يرجع فكرامة الفرق الاوروبية فوق أي كرامة الحقيقة الريال أمس إستهتر بالفريق المقابل لأنهم توقعوا أنه الفريق الأساسي هو الذي شارك معه في الشوط الأول و لكن بعد دخول عطيف و مالك معاذ و خرووج أساطير الريال و دخول كديشهم << المشكله إن هذولا الكديش الواحد فيهم مكبر راسه و مسوي نفسه روبينهو و إلا راؤول . . الصراحة سحبة عطيف حقت الهدف الثاني بالمباراة كلها <<< يقولون سلجادو لفت رقبته مرتيين أمس ما رأيته إستهتار و فووز دون مستوى . . . ولكن مباراه الهلال و مانشستر كان الفرق شاسع بين الشوط الأول و بقية الأشواط الباقية أحسست إن التنافس وصل ذروته بين الفريقين على الرغم أن الفرق الإنجليزية لا ترضى بالهزيمة أبدا قد يضحك الجميع و لكن نملك لاعبين على مستوى عالي جدا و لكن نريد مثل هذه المباريات حتى نشييل الخووف و الرهبه من قلوب لعبيتنا و خاصة جمهورنا الكريم إلي يشوفون الاعب الأوروبي لاعب نازل من السماء و أنا أجزم لو كان هناك توجيه من البداية و أحترف يوسف << أبو يعقووب كان شفنا كرة سعودية مختلفة بعد ما شفت حفل إعتزال البيشي أمام بورتو البرتغالي و شارك فيه أبو يعقووب وجدت أن الفرق بين يوسف و نجووم بورتو شاااسع جدا على الرغم أن بورتو هو حامل كأس الأبطال هذاك العام . . لا نبخس نجومنا حقهم . . فنحن نملك نجووم و لكن الرهبه هي من قتلتنا و علينا أن نستشهد بمنتخب 94 ، الحقيقة منتخب من جنبها لا يوسف و لا سامي و ماجد مصاب و كان الاعبين الموجودين أقل من عاديين إلا أنهم كانوا لا يعرفون من هو منتخب هولندا و من هو منتخب بلجيكا على الرغم من تواجد أساطير بحجم سيفو و برودهومي و برغ كامب و ريكارد و غيرهم من أساطير لاكنهم كانوا يأدون المباراه ليفوزو فقط لا أكثر و لم يعرفوا من هم الفرق الأخرى .. . و بعد ما رفعنا في أوروبا و صاروو في السماء وصراروا في حياتنا اليومية حتى في البلايستيشن ؟؟ و صاروا لعيبتنا و لا شي في عيونا . . و هذا أنعكس على الاعب الي صار إذا شاف رونالدو عالطبيعه قعد يتلمس فيه ؟؟ و يقوول هذا صدق ؟؟ 8 ألمانيا قضت علينا و السبب أن لاعبينا المحترفين تفرغوا للتفرج على المنتخب الألماني الفرق شاسع . . و الفرق في قلوب لعيبتنا و جمهورنا . . أجل منتخب ليبيا ؟؟ يتعادل مع الأرجنتين ؟؟ و الجزائر تنهزم من الأرجنتين 4-3 ؟؟؟؟ والمشكله الجزائر هازمينه أخر مباراة 4-0 ؟؟ شي غرييب ؟؟؟ منتخب ترينداد و توباقوا البحرين سوا به شوارع و لعب فيه لعب و أنهزم البحرين بتخاذل لاعبيهم << لأنهم خايفين من يورك االشايب . . ويوم تأهل ترينداد و توباقوا جننو العالم و كادو يخرجون المنتخب الإنجليزي لكن جيرارد و بيكهام رفضوا . . فأنا أتكلم عن مواهب و عن رهبه يجب أن تزال من أذهاننا صحيح إنهم طبقوا الإحتراف و أفضل منا و لكن نملك مواهب برازيلية من الصعب توفرها سؤووال : ليش نادرا ينجح عندنا لاعب محترف ؟؟ و ليش يكون الاعب السعودي أفضل من الأجانب ؟؟ هذا السؤوال جوابه إن لاعبينا صعب إننا نجيب أحسن منهم إلا في مستوى إبرا و رونالدينهو و إبتو و كريستيانو يعني لاعبين خارقين مع التحية للجميع وجهة نظر و كتبتها و أنا ماغط و أسفين على سوء الترتييب لكن مستعجل |
الله يعطيكم العافيه على نقاشكم الجميل جداً .. وفعلا من خلال الردود تبين أن هنااك اكثر من قول وأكثر من وجهة نظر .. وهذا ما نريد أن نستفيده هنا من خلال طرح مثل هذه المواضيع مع ان هنااك ردود قليله جداً عبرت عن عقلية صاحبها للأسف .. جميعاً .. اشكركم على هذا النقااش |
يعني مانشستر لو لعبو مع الهلال مثل نهائي الابطال كان الهلال ماشاف الباب اصلا |
والله ان خشووووووووووووووووومهم اندقت مافي احد يحب الهزيمه مشكور |
سجل ياتاريخ باعتقادي مجرد تعالى على الكرة السعودية وعندما يشاهدون انهم في وضع مخزي يحاولون تدركون الوضع لكن بعد فوات الاوان |
| الوقت المعتمد في المنتدى بتوقيت جرينتش +3.
الوقت الان » 07:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd