إقتباس الرسالة الأصلية كتبت بواسطة الـمـشـاغـب طيب ما فيه فتوى عن الهياط والتعصب القبلي؟ أظنك فاهمني زين ورده عموماً .. بما أني رديت على هذا الموضوع ( المنقول ) .. فلازم أعلق عليه أنا ما قريت الموضوع كامل .. مجرد أول خمس أسطر يمكن .. لأن لكل واحد عقل يحكم به ..!! كل واحد يعرف وش هو عليه بالضبط .. ويعرف نفسه زين .. إذا الكلام في المنتدى أو الشات أو الماسنجر كلام محترم ما فيه أي تمادي فأنا بالنسبة لي شخصياَ ما أشوف فيه شي .. غيري ما علي منهم وشلون يفكرون << طبعاً ما أقصد الفتاوي أنا أتكلم عن تفكير الناس ..!! أبوي شخص عاقل وملتزم .. ويعرف أني مسجل في المنتديات وأحياناً يطلب مني أوريه بعض مشاركاتي .. صحيح أحياناً أتورط وأحتار وش أوريه بس لا شافها وشاف بعض التجاوزات يضحك لأنه يعرف أني عاقل << وربي أنه مخدوع فيني خخخخـ وبمناسبة الحديث عن البابا .. أحب أقول أنه مشرف في أحد المنتديات وعارف الوضع بالضبط عشان كذا هو فاهم << أنا الشبل من ذاك الأسد الشي الوحيد اللي أبوي يرفضه هو أني أضيف بنت في الماسنجر أما الخاص فما يتشدد بهالأمور .. مع أني أحب الماسنجر وأكره الخاص بس ما نبي نزعل الوالد السؤال هنا .. ليش أنا ضربت المثال بعلاقتي مع أبوي؟ عشان مثلاً أعلمكم أن أبوي مشرف؟ طبعاً لا .. أنا قلت كذا .. لأن باباي عاقل جداً ولأنه يعرف بالضبط واقع المنتديات ولو أنه ما يعرف أنا متأكد أنه ما كان سمح لي أدخل النت .. وبسبب هالتربية الحمد لله ما انحرفت إلا بعد ما راحت فترة المراهقة زبدة كلامي كله .. أن الولد أو البنت المحترم بيعرف بنفسه هل الخاص يأثر عليه أو لا؟ وهل الماسنجر أو الشات يأثر عليه أو لا؟ إذا شاف أن هالشي بيأثر عليه فهو بيتركه من نفسه من دون وصاية من أحد أما إذا ما كان يأثر عليه شي وبيظل محترم نفسه وكلامه فهو واثق من الشي اللي بيسويه تصدق يا بريداوي أني متحسف على هالرد الطويل أنه في موضوعك؟ يالله فالك ( صيد النت )

المشكلة لو كان الموضوع جميل وممتاز ويناقش موضوع خطير للغاية وينط على هالموضوع صغار في السن عز الله الموضع يفقد جماله مثل أخونا اللي حاطلكم اقتباس لرده


لاحول ولا قوة إلا بالله


مشكور أخوي بريداوي أصيل وجزاك الله خير على هالموضوع وسر إلى الأمام ولا تلتفت للأطفال