إقتباس الرسالة الأصلية كتبت بواسطة بندر السليمان الخمشي السلام عليكم ورحمة الله وبركاته إهداء إلى سمو الأمير محمد بن فيصل وأعضاء شرف وإدارة ولاعبي وجماهير نادي الهلال السعودي وإعذرونا على القصور ياجماعة الخير لايضيق الصدر وتشين الطبـاع .. كل شخص يقدّم اللـي يستطيـع والّلعيبـه قدّمـوا مايُستـطـاع .. لكـن التوفيـق بيديـن السميـع والكبار كبـار والباقـي جيـاع .. يحترون الموج يرمي بالرجيـع السفينـه خانهـا ذاك الشـراع .. شي واضح شافه اليوم الجميـع والصغير اللـي يكبّـر بالمتـاع .. ينفطـم لابـد هـذاك الرضيـع عندهم اسلوب في لوي الـذراع .. لكن الازرق لهـم سـدّن منيـع ومايضر القافله بعض الرعـاع .. ذا كديش وذا غثيث وذا صديـع يامحمد يابن فيصل ( الـوداع ) .. قدركم دايم على الراس الرفيـع الوداع لذلـك الشهـم الشجـاع .. قاد الازرق من صنيعن في صنيع ياتفاريـس الشدايـد يالـدفـاع .. قبل تمشي خلّك ( لربّك مطيع ) اختصار القول والعالـم جيـاع .. يحترون الموج يرمي بالرجيـع وسلامتكم ,, مع احترامي وتقديري للجميع أخوكم ومحبّكم : بندر السليمان الخمشـي , الزلفـي

صح لسانك لاهنت ولا هان غاليك بارك الله فيك
اكثر من راااائع ربي يسعد كل من ساهم في نجاح هالعمل الجميل تسلم مشكور ونتمنى المزيد ربي يسعدك