لايضيق الصدر وتشين الطبـاع .. كل شخص يقدّم اللـي يستطيـع
والّلعيبـه قدّمـوا مايُستـطـاع .. لكـن التوفيـق بيديـن السميـع
والكبار كبـار والباقـي جيـاع .. يحترون الموج يرمي بالرجيـع
السفينـه خانهـا ذاك الشـراع .. شي واضح شافه اليوم الجميـع
والصغير اللـي يكبّـر بالمتـاع .. ينفطـم لابـد هـذاك الرضيـع
عندهم اسلوب في لوي الـذراع .. لكن الازرق لهـم سـدّن منيـع
ومايضر القافله بعض الرعـاع .. ذا كديش وذا غثيث وذا صديـع
يامحمد يابن فيصل ( الـوداع ) .. قدركم دايم على الراس الرفيـع
الوداع لذلـك الشهـم الشجـاع .. قاد الازرق من صنيعن في صنيع
ياتفاريـس الشدايـد يالـدفـاع .. قبل تمشي خلّك ( لربّك مطيع )
اختصار القول والعالـم جيـاع .. يحترون الموج يرمي بالرجيـع
مشاء الله قصيده على الصميم يابلدياتي
وانا لو اعصر مخي ما جبت ولا شطر مثل هالاببيات واخر شي يطلع لي حاول مره اخرى
اخوي بندر الى الامام يا شاعر الهلال القادم
شكرا