المشكلة في ناس تتهجم على ياسر
ياسر يمكن ما جاته الا فرصة وحدة في المبارتين وتحديدا بالمباراة الاولى هجمة لعبها بالراس وضيعها
ولكن الصراحة المدرب متخلف وجبان لاقصى درجة
ليش يلعب ياسر لوحده
طول الموسم وهو كارف اللاعب كرف يلعب لوحده ضد اربعة مدافعين واثنين محاوره بالله وش يسوي
والمدرب المتخلف لازم يفوز ب3 اهداف على الاقل يدخل المباراة بمهاجم واحد هذه عمري ما شفتها والمضحك الهدف جاء فينا اول دقيقة والاخ يتفرج الى الدقيقة 60 وبعد كذا بدل وياريته ما بدل اخرج المتحركين الفريدي والتمياط والمبدع في تلك المباراة المفرج والمفترض ان يسحب الشلهوب والزوري والغامدي او العنقري ويرجع الغامدي مكانه
ولكن الجبان طول عمره جبان لما تهور فتح الملعب في مباراة ذهاب ولما جاء وقت الهجوم وفتح اللعب قفل وانهزم في المبارتين
صحيح من سماه داهية على فريقه الصدق
سلموا لي على كالديرون انا اشهد انه مدرب

إقتباس الرسالة الأصلية كتبت بواسطة shady_only1 48 مشاركة ومسجل قبل كم شهر ********************** *********************

وما يشجع الهلال الا الي مسجل بالمنتدى ..؟
شيء غريب فعلا
عموما من موضوعك يُعرف هدفك
الفريق ما قصر
مافيه احد بالدنيا يفوز طول عمره
برشلونه اخذ 4 بالرأفة من العدو اللدود
وفريقهم كان متهالك
ولا فيه احد يحاربهم مثل ما حاربوا فريقنا اطراف اخرى
ولا شفنا احد يتكلم مثل ( بعض الجماهير )
الرياضه فوز وخساره
الرياضه يوم لك ويوم عليك
لا تتوقع انك تبدع في كل الحالات
وتفوز في كل المباريات
حتى وان كنت الافضل

والله انكم غريبين .. الحين انمتم لو مكانهم وش تبوون تسوون تلعب مع نادي في ارضه وبين جمهوره ,, ذهاب واياب ..

هذي نقطه .. الثانيه نسينا ان المدرب صنع فريق قوووي..ودمج مع الخبره الشباب ,, قلنا ان المدرب شين ..

يا اخي يمكن التمياط فيه شي .. او تعب .. الاعبين اليوم ما قصرو ادو اللي عليهم .. يكفي انهم مضغوطين من اول الموسم ,, هم بشر .,.

واللي يقول ما نبي محمد بن فيصل ..
والله مع احترامي ان هذا ينكر الجميل .. يا اخي محمد من توليه الرئاسه وجاب تقريبا 8 بطولات .. ومن اقوى البطولات .. وكنا ننافس على النهائي كل موسم .. وش تبي اكثر من كذا يسويه ..