11/05/2008, 03:23 AM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم
يا عيني على الموضوع الروعه
اختيار ممتاز لفكرة حلوه جدا 
اهنيك عليـــها
اسمح لي تراني ما احب ارد رد خفيف ولازم اقرق :
جورج بيست
هاللاعب اكيد مالحقت عليه , لكن شفت له مقاطع كثيره , ميزته المراوغة ويسحب الواحد في بياله !!
وزي ما قريت عنه انه اعتزل بدري مرة لانه ادمن الكحول ادمان غير طبيعي الله لا يبلاانا
اريك كانتونا
هذا هو الاسطورة الغريبة , ماله تاريخ مع منتخب فرنسا لكن تاريخه يشكي مع مانشيتستر يونايتد ! الكل استغرب تعاقد السير معه لكن الايام اثبتت بعد نظر السير
كانتونتا لاعب مبدع من فئة العباقرة لكن عيبه النرفزة الزايده واسألو ذاك المشجع اللي طب عليه كانتونا ودعس على بطنه 
لكن يفرق كانتونا عن كل اللي ذكرتهم في موضوعك بشي واحد : انه كابتن قوي شخصية جدا
لاني رحت وزرت ملعب مانشستر ( الاولدترافولد ) وكان الدليل السياحي حق الملعب يعطينا نبذة عن كل حاجة , المهم انه ورانا غرفة كبيره داخل الملعب جنب غرفة تبديل ملابس اللعيبة وقال لنا " ان هذي غرفة طلبها كانتونا يوم كان كابتن علشان يسخنون فيها الفريق بدون ما يخشون الملعب , والادارة لبت طلبه لانه قوي شخصية لكن يوم اعتزل قفلو الغرفة ولاعاد احد استخدمها .
ديفيد بيكهام
هذا انا لحقت على بداياته <== شايب
اذكر وانا بزر وقاعد اقرا اخبار الرياضة العالمية بجريدة ما اذكر وشهي , المهم فيه خبر ان مانشستر فاز واللي جاب الهدف بيكهام , انا على طول جا ببالي بركجامب حق الارسنال وقلت ما امداه مسجل الاسبوع اللي راح وهو بارسنال والحين نقل لمانشستر وبعدين اكتشفت انه لاعب انجليزي جديد .
وقبل امس تفرجت على قناة مانشستر وجابو ملخص عن بيكهام , والله يا عليه فاولات مجنونة وكثيييره
لكن انتقل للريال وتدهور في الفاولات ولسبب يمكن يخفى على الكثيرين : بيكهام استدعوه شركة اديداس مع كذا لاعب علشان يجربون كورة كاس العالم 2002 الجديده , المهم ان بيكهام طلع بعد التجربة وقال ان الكورة دمار ولا قدر يركب فيها فاولات وفعلا بعدها ماعاد يقدر يركب زي اول ( من اول زي اللوز الحين يالله يجيبها )
كريستيانو رونالدو
ما يحتاج اتكلم عنه فنان ما مثله
لكن بدت تسبدي تحوم منه بسبب ان اي سالفة في الكورة الحين لازم يدخل فيها رونالدو , حتى المبزرة يجيبون طاريه
ما قصرت على الموضوع الرائع عن الفريق الاقرب للقلب بالدوري الانجليزي
موضوع مميز 
اسف على الاطالة ورده |
الوضع العادي
